Dentro das actividades programadas para o ano 2006 e conforme as funcións atribuídas pola Lei 1/2005, do 4 de xaneiro, de creación do Centro de Estudos Xudiciais e Seguridade Pública de Galicia, anúnciase a realización dun curso sobre documentación de condutores e vehículos estranxeiros, que deberá desenvolverse conforme as seguintes bases:
Obxectivos.
-Dotar os membros das forzas e corpos de seguridade dos coñecementos fundamentais en materia documental (formatos, medidas de seguridade, validez, etc.), profundizando nos relacionados coa condución e circulación de vehículos a motor e como complemento ás actividades relacionadas coa vixilancia do tráfico e o control policial.
Destinatarios.
O curso vai dirixido aos membros das forzas e corpos de seguridade.
Inscrición.
A inscrición dos participantes será totalmente gratuíta.
Prazas.
30 prazas.
Solicitudes.
1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 3 de outubro de 2006, ás 14.00 horas.
3. As instancias deberán enviárselle ao Centro de Estudos Xudiciais e Seguridade Pública de Galicia, sito na avenida da Cultura, s/n, 36680 A Estrada; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso realizarase os días 9, 10 e 11 de outubro en horario das 9.30 ás 14.00 e das 15.30 ás 19.00 horas, excepto o día 11 que será das 9.30 ás13.30 horas.
Contido.
-Documentos.
-Permisos nacionais e internacionais de condución.
-Documentos de circulación. Propiedade de vehículos.
-Elementos de identificación de vehículos.
-Falsificacións. Cotexos documentos dubitados e indubitados.
Relación de admitidos.
A relación de admitidos farase pública o día 5 de outubro a partir das 14.00 horas, no taboleiro de anuncios do Centro de Estudos Xudiciais e Seguridade Pública de Galicia, ou ben poden coñecer e confirmar a súa asistencia chamando aos teléfonos 986 59 02 41/59 02 43/59 02 44 e na páxina web http://cexesga.xunta.es.
Lugar.
O curso desenvolverase no Centro de Estudos Xudiciais e Seguridade Pública de Galicia, sito na avenida da Cultura, s/n, no concello da Estrada.
Certificado de asistencia.
Ao remate do curso entregaráselle un certificado de asistencia a aquelas persoas que acrediten a súa participación continuada nel.
Modificacións.
O Centro de Estudos Xudiciais e Seguridade Pública de Galicia poderá modificar o desenvolvemento normal do curso para adaptalo ás necesidades da Administración e ás continxencias que poidan xurdir.
A Estrada, 12 de setembro de 2006.
Carlos Suárez-Mira Rodríguez
Director xeral do Centro de Estudos Xudiciais e
Seguridade Pública de Galicia
