Dentro das actividades programadas para o ano 2006, en colaboración coa Deputación Provincial de Pontevedra, en virtude do convenio de formación asinado entre a Consellería de Presidencia, Administracións Públicas e Xustiza e a Deputación Provincial de Pontevedra, anúnciase a celebración dun curso sobre xestión do mantemento físico individual, que deberá desenvolverse conforme as seguintes bases:
Obxectivos.
-Implicar os membros dos corpos de seguridade na necesidade de manterse fisicamente no mellor estado que permita unha prestación do servizo e unha imaxe persoal axeitadas.
-Establecer determinadas pautas ou rutinas de entreno físico, que axuden na adquisición de hábitos e comportamentos favorables para a melloría tanto física como mental.
Publicación.
Esta actividade formativa, e tamén todas aquelas que se desenvolvan en colaboración coa Deputación Provincial de Pontevedra, será obxecto de publicación no Diario Oficial de Galicia e no BOP de Pontevedra.
Destinatarios.
O curso vai dirixido aos membros dos corpos de policía local da provincia de Pontevedra.
Inscrición.
A inscrición dos participantes será totalmente gratuíta.
Prazas.
30 prazas.
Solicitudes.
1. O persoal que desexe participar neste curso deberán presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 21 de setembro de 2006, ás 14.00 horas.
3. As instancias deberán enviarse á Deputación Provincial de Pontevedra-Área de Recursos Humanos e Formación (fax: 986 80 41 41: avenida Montero
Ríos, s/n, 36001 Pontevedra; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso realizarase durante os días 25 e 26 de setembro, 30 de outubro e 13 e 14 de decembro.
O horario será das 16.00 ás 20.00 horas, cunha duración de 20 horas lectivas.
Contido.
Módulo I: presentación e establecemento das condicións necesarias para a melloría e o mantemento físico individual.
Módulo II: continuación: control de actividades e introdución á segunda parte.
Módulo III: control e resumo final.
Relación de admitidos.
A relación de admitidos farase publica o día 22 de setembro a partir das 14.00 horas, tanto pola Deputación Provincial de Pontevedra como polo Centro de Estudos Xudiciais e Seguridade Pública de Galicia, os interesados poden coñecer e confirmar a súa asistencia chamando aos teléfonos 986 59 02 42/43/44 (Cexesga) e na páxina web http://cexesga.xunta.es, ou 986 80 41 00, ext. 306/307 (Área de Recursos Humanos e Formación da Deputación Provincial de Pontevedra).
Lugar.
O curso desenvolverase no concello de Nigrán, quedando por concretar o seu lugar de celebración, que comunicará xunto coa lista de admitidos.
Certificado de asistencia.
Ao remate do curso entregaráselle un certificado de asistencia a aquelas persoas que acrediten a súa participación continuada a el.
Modificacións.
Tanto o Centro de Estudos Xudiciais e Seguridade Pública de Galicia como a Deputación Provincial de Pontevedra, se é o caso, poderán modificar o desenvolvemento normal do curso para adaptalo ás necesidades da Administración e ás continxencias que poidan xurdir.
A Estrada, 1 de setembro de 2006.
Carlos Suárez-Mira Rodríguez
Director xeral do Centro de Estudos Xudiciais e
Seguridade Pública de Galicia
