O Decreto 191/2004, do 29 de xullo, de establecementos de turismo rural supuxo a actualización da normativa turística dos establecementos de turismo rural.
Tal e como se manifesta na exposición de motivos da dita norma, o crecemento progresivo do turismo rural na nosa comunidade autónoma consolidou a oferta de aloxamento no medio rural, creándose un novo escenario turístico moi diferente ao existente no ano 1995, cando se aprobou a anterior normativa reguladora dos establecementos de turismo rural.
Nesta liña, o Decreto 191/2004 introduciu numerosas e importantes novidades entre as que se atopa o requisito de que os establecementos de turismo rural deben exhibir na parte exterior da entrada principal unha placa identificativa.
Aínda que o anexo I do dito decreto recolle os modelos de placas distintivas, as características destas non se atopan totalmente definidas. Por iso, agora, mediante esta modificación, se concretan tanto o tipo de cerámica coma as cores que hai que utilizar.
Con esta puntualización vese tamén satisfeita a demanda realizada polo sector, que ultimamente viña instando a Administración a definir con maior exactitude as características das placas identificativas dos seus establecementos.
Na súa virtude, por proposta do conselleiro de Innovación e Industria, e no uso das atribucións que me confire a Lei 1/1983, do 22 de febreiro, reguladora da Xunta e do seu presidente, e logo de deliberación do Consello da Xunta de Galicia na súa reunión do vinte e sete de xullo de dous mil seis
DISPOÑO:
Artigo único.-O anexo I do Decreto 191/2004, do 29 de xullo, de establecementos de turismo rural queda configurado da seguinte maneira:
ANEXO I
Modelos de placas distintivas ás que fai
referencia o artigo 12 deste decreto
Porcelana vitrificada a 1435º C (cono Seger 15) en atmosfera redutora
Letras brancas sobre fondo verde Pantone nº 3305 C
Logotipo Turismo Rural Galicia en marrón Pantone nº 139 U
Disposición derradeira
Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela, vinte e sete de xullo de dous mil seis.
Emilio Pérez Touriño
Presidente
Fernando X. Blanco Álvarez
Conselleiro de Innovación e Industria