A Lei 12/1993, de fomento de investigación e desenvolvemento tecnolóxico de Galicia, no seu artigo 1º, establece como obxectivo xeral, o fomento da investigación científica e a innovación tecnolóxica para promover o desenvolvemento económico, social e produtivo de Galicia. Como unha ferramenta encamiñada ao logro deste obxectivo, a citada lei, no seu capítulo II, crea o Plan Galego de Investigación e Desenvolvemento Tecnolóxico. O Consello da Xunta de Galicia, na súa reunión do 14 de marzo de 2002, aprobou o Plan Galego de Investigación, Desenvolvemento e Innovación Tecnolóxica (2002-2005), prorrogado polo Consello da Xunta de Galicia na súa reunión do 1 de decembro de 2005.

O plan está integrado por programas xerais, sectoriais e horizontais. Dentro dos programas horizontais figura o programa de Recursos Humanos, que ten entre outros obxectivos, o de incrementar os recursos humanos dedicados a actividades de I+D+I, tanto en número como en especialización, nas áreas de maior interese, así como incrementar o número de doutores e tecnólogos incorporados ao sistema público de I+D+I.

Nesta orde procédese á convocatoria de diversas accións formativas do programa de Recursos Humanos do antedito PGIDIT, como son:

1. Programa María Barbeito de axudas a contratos predoutorais de formación de doutores para a súa incorporación en organismos públicos e privados de investigación da Comunidade Autónoma de Galicia.

2. Programa Isidro Parga Pondal de axudas para a contratación de doutores en organismos públicos e privados de investigación da Comunidade Autónoma de Galicia.

3. As prórrogas de axudas concedidas para a contratación de doutores en organismos públicos de investigación da Comunidade Autónoma de Galicia (Programa Isidro Parga Pondal) no ano 2004.

4. As bolsas de estadías fóra da comunidade autónoma que, polas súas características, se encadran ademais de no programa de Recursos Humanos, no programa de Promoción Xeral da Investigación.

5. Axudas para a transformación en contratos predoutorais de formación de doutores en organismos públicos de investigación da Comunidade Autónoma de Galicia das bolsas predoutorais (1ª prórroga) correspondentes á convocatoria do ano 2005.

6. Axudas para a transformación en contratos predoutorais de formación de doutores en organismos públicos de investigación da Comunidade Autónoma de Galicia das bolsas predoutorais (2ª prórroga) correspondentes á convocatoria do ano 2004.

Esta é a derradeira convocatoria correspondente ás diversas accións do programa de Recursos Humanos do PGIDIT (2002-2005), estando en trámite a aprobación do novo Plan con vixencia ata 2010, dotado dun novo marco conceptual xa presentado á sociedade. Nestas circunstancias nesta convocatoria hai unha graduada incorporación de novos criterios, na lóxica do novo plan, e necesariamente dálle un carácter transitorio.

A Dirección Xeral de Investigación, Desenvolvemento e Innovación ten encomendada a xestión e o financiamento de ambos programas.

Polo que antecede, esta consellería,

DISPÓN:

Artigo 1º.-Modalidade das axudas.

Convócanse en réxime de publicidade, obxectividade e concorrencia competitiva, as axudas que a continuación se indican e que constitúen accións formativas de investigadores, encadradas no programa de Recursos Humanos, que se rexerán polas seguintes bases xerais así como por aquelas específicas que se inclúen como anexos a esta orde:

1. Programa María Barbeito de axudas a contratos predoutorais de formación de doutores para a súa incorporación en organismos públicos e privados de investigación da Comunidade Autónoma de Galicia (anexo I).

2. Programa Isidro Parga Pondal de axudas para a contratación de doutores en organismos públicos e privados de investigación da Comunidade Autónoma de Galicia (anexo II).

3. Prórrogas de axudas concedidas para a contratación de doutores en organismos públicos de investigación da Comunidade Autónoma de Galicia (Programa Isidro Parga Pondal) no ano 2004 (anexo III).

4. Bolsas para estadías no estranxeiro e en centros españois situados fóra da comunidade autónoma (anexo IV).

5. Axudas para a transformación en contratos predoutorais de formación de doutores en organismos públicos de investigación da Comunidade Autónoma de Galicia das bolsas predoutorais (1ª prórroga) correspondentes á convocatoria do ano 2005 (anexo V).

6. Axudas para a transformación en contratos predoutorais de formación de doutores en organismos públicos de investigación da Comunidade Autónoma de Galicia das bolsas predoutorais (2ª prórroga) correspondentes á convocatoria do ano 2004 (anexo VI).

Artigo 2º.-Requisitos dos beneficiarios e presentación de solicitudes.

1. Os beneficiarios das axudas convocadas nesta orde deberán reunir as condicións exixidas no artigo 13 da Lei 38/2003, do 17 de novembro, xeral de subvencións, así como os requisitos que se establezan para cada tipo de axuda no anexo correspondente.

2. As solicitudes, dirixidas ao director xeral de Investigación, Desenvolvemento e Innovación, presentaranse no rexistro xeral da Dirección Xeral de Investigación, Desenvolvemento e Innovación ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, no prazo dun mes a partir do día seguinte ao da publicación desta orde no Diario Oficial de Galicia.

Os modelos oficiais de solicitudes RHU-13, RHU-10, RHU-12, RHU-04 e RHU-03 dos que as caras externas se publican como anexos IX, X, XI, XII e XIII desta orde, estarán á disposición dos interesados de forma íntegra na internet nos enderezos http://www.dxid.org e http://www.conselleriaiei.org/

3. Xunto co modelo oficial de solicitude acompañarase ademais daquela específica que para cada tipo de axuda se estableza no anexo correspondente, a seguinte documentación:

a) Declaración responsable de non estar incurso en ningunha das prohibicións para a obtención da axuda recollidas no artigo 13 da Lei 38/2003, do 17 de novembro, xeral de subvencións.

b) Certificación de estar ao día no cumprimento das obrigas estatais, coa Comunidade Autónoma de Galicia e a Seguridade Social.

c) Declaración do solicitante, de todas as solicitudes efectuadas e concedidas para o mesmo fin, das distintas administracións públicas competentes ou polos seus organismos ou sociedades.

4. O prazo de presentación de solicitudes será dun mes contado a partir do día seguinte ao da publicación da orde no Diario Oficial de Galicia.

5. Segundo o artigo 43 da Lei 7/2005, do 29 de decembro, de orzamentos xerais da Comunidade Autónoma de Galicia para o ano 2006, a presentación da solicitude da concesión das axudas e subvencións polo/a interesado/a comportará a autorización ao órgano xestor para solicitar as certificacións que deba emitir a Axencia Estatal da Administración Tributaria, a Tesouraría Xeral da Seguridade Social e a Consellería de Economía e Facenda da Xunta de Galicia.

Artigo 3º.-Instrución do procedemento e tramitación.

1. A instrución do procedemento da concesión das axudas correspóndelle á Dirección Xeral de Investigación, Desenvolvemento e Innovación.

2. Os servizos da dita dirección xeral comprobarán que todas as solicitudes reúnen os requisitos establecidos nesta orde e pola súa parte a comisión de selección e avaliación de solicitudes, analizará a xustificación da adecuación dos candidatos a cada unha das prazas solicitadas; como consecuencia elaborarase a lista de solicitudes admitidas e excluídas na que figurarán as prazas ás que se considera que pode concorrer cada solicitante e, de ser o caso, as causas de exclusión. A lista exporase nos taboleiros da Dirección Xeral de Investigación, Desenvolvemento e Innovación, e na internet nos enderezos http://www.dxid.org e http://www.conselleriaiei.org/ e os interesados poderán formular reclamacións para emendar erros e falta de documentos, perante a Dirección Xeral de Investigación, Desenvolvemento e Innovación, achegando, de ser o caso, a documentación necesaria no prazo de 10 días naturais. Transcorrido este prazo sen que se corrixan as causas de exclusión, procederase consonte o

establecido no artigo 71 da Lei 30/1992, modificada pola Lei 4/1999.

Artigo 4º.-Avaliación e selección das solicitudes.

1. Os principios xerais aplicados na avaliación e selección das solicitudes de todas as convocatorias desta orde serán os de obxectividade, independencia e calidade das avaliacións. Os criterios e mecanismos de avaliación e selección para cada unha das accións especificaranse no anexo correspondente.

2. A selección das solicitudes correspóndelle a unha comisión de selección nomeada para tal efecto, composta polos seguintes membros (todos eles con voz e voto):

-Presidente: o/a subdirector/a xeral de Xestión do PGIDIT ou persoa en quen delegue.

-Secretario: un funcionario ou funcionaria da Dirección Xeral de I+D+I.

-Vogais: 6 vogais dos que un/unha será o/a subdirector/a xeral de Innovación Empresarial ou persoa en quen delegue. Os 5 restantes serán designados polo director xeral de I+D+I entre expertos dos distintos ámbitos de coñecemento (como mínimo, un por ámbito).

-Así mesmo, será membro da comisión o/a xestor/a do programa

3. A comisión de selección poderá contar co asesoramento de órganos avaliadores ou expertos externos. A comisión levantará acta das súas deliberacións e elevará a súa proposta de resolución ao conselleiro de Innovación e Industria a través do director xeral de Investigación, Desenvolvemento e Innovación.

4. A comisión de selección poderá elaborar unha lista de reserva entre os solicitantes que non resultasen beneficiarios co fin de determinar posibles substitucións.

5. A lista de seleccionados publicarase nos taboleiros de anuncios da Dirección Xeral de Investigación, Desenvolvemento e Innovación e na internet nos enderezos http://www.dxid.org e http://www.conselleriaiei.org/, sen prexuízo da comunicación persoal aos solicitantes que resultasen adxudicatarios.

Artigo 5º.-Resolución.

1. A competencia para resolver estas axudas correspóndelle ao conselleiro de Innovación e Industria sen prexuízo da súa posible delegación noutros órganos da Consellería de Innovación e Industria. Esta resolución publicarase no Diario Oficial de Galicia.

2. O prazo máximo para resolver as solicitudes presentadas ao abeiro desta convocatoria será de 6 meses, contados desde a apertura do prazo anual de presentación de solicitudes, mediante a publicación da correspondente resolución no DOG. De non mediar resolución expresa no dito prazo, as solicitudes deberán entenderse desestimadas.

3. Contra as resolucións expresas ou presuntas que se deriven desta convocatoria, que poñen fin á vía administrativa, poderán os interesados interpoñer potestativamente recurso de reposición ante o mesmo órgano, no prazo dun mes contado a partir do día seguinte ao da recepción da correspondente notificación, no caso de resolucións expresas. No caso de que a resolución se entenda desestimada por silencio administrativo, o prazo será de tres meses, contados a partir do día seguinte ao que se produza o acto presunto.

De non estimar a presentación deste recurso, os interesados poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día seguinte ao de recepción da correspondente notificación, se a resolución é expresa. No caso de que a resolución se entenda desestimada por silencio administrativo, o prazo será de seis meses contados a partir do día seguinte, ao que se produza o acto presunto.

Artigo 6º.-Obrigas.

Os beneficiarios das axudas concedidas ao abeiro do disposto nesta orde, quedan obrigados a facilitar toda información que lles sexa requirida pola Dirección Xeral de Investigación, Desenvolvemento e

Innovación así como pola Intervención Xeral da Comunidade Autónoma, o Consello de Contas e o Tribunal de Contas, no exercicio das súas funcións de fiscalización e control.

Artigo 7º.-Reintegro.

Os beneficiarios das axudas concedidas ao abeiro desta orde, deberán proceder ao reintegro total ou parcial da subvención ou axuda pública percibida e aos xuros de mora correspondentes desde o momento do seu pagamento ata a data que se acorde a procedencia do reintegro nos supostos recollidos no artigo 78 do Decreto lexislativo 1/1999, do 7 de outubro, polo que se aproba o texto refundido da Lei de réxime orzamentario de Galicia (en adiante TRLRFOG) na súa redacción dada pola Lei 14/2004, do 29 de decembro, de medidas tributarias e de réxime administrativo.

Artigo 8º.-Modificacións.

As resolucións de concesión de axudas ditadas ao abeiro desta orde, poderán modificarse no caso de alteración das condicións que se tiveron en conta para a súa concesión e, en todo caso, a obtención concorrente de subvencións ou axudas outorgadas por outras administracións públicas ou entes públicos ou privados, nacionais ou internacionais, poderá dar lugar á modificación da resolución de concesión.

Artigo 9º.-Comprobación das axudas concedidas.

O órgano concedente poderá comprobar a axeitada xustificación da axuda, así como a realización da actividade e cumprimento da finalidade que determinen a concesión e aproveitamento da axuda.

Artigo 10º.-Vixencia.

As bases recollidas nesta orde, entrarán en vigor o día seguinte ao da súa publicación no Diario Oficial de Galicia e terán vixencia, ata a finalización do Plan Galego de Investigación, Desenvolvemento e Innovación Tecnolóxica 2002-2005, prorrogado polo Consello da Xunta de Galicia na súa reunión do 1 de decembro de 2005 ata que sexa aprobado o novo PGIDIT (2006-2010).

Artigo 11º.-Créditos e contías das axudas.

1. Para a concesión das axudas convocadas nesta orde, destinaranse os créditos que a seguir se indican, para cada acción, dos orzamentos xerais da Comunidade Autónoma de Galicia de acordo coas seguintes anualidades:

		Crédito
		Aplicación	Anualidades
Anexo	Tipo de axuda	orzamentaria	Ano 2006	Ano 2007	Ano 2008	Total

I	Programa María Barbeito (novas adxudicacións). Anexo I	*10.02.432B.442.0	408.800,00 A	1.635.200,00 A	1.226.400,00 A	3.270.400,00 A
II	Programa Isidro Parga Pondal (novas adxudicacións 2006). Anexo II	10.02.432A.442.0	23.250,00 A	93.000,00 A	69.750,00 A	186.000,00 A
		10.02.432A.430.2	38.750,00 A	155.000,00 A	116.250,00 A	310.000,00 A
		10.02.432A.480.0	62.000,00 A	248.000,00 A	186.000,00 A	496.000,00 A
		*10.02.432B.442.0	276.521,00 A	1.426.000,00 A	1.069.500,00 A	2.772.021,00 A
		10.02.432B.442.0	79.979,00 A	0,00 A	0,00 A	79.979,00 A
		Total	480.500,00 A	1.922.000,00 A	1.441.500,00 A	3.844.000,00 A

		Crédito
		Aplicación	Anualidades
Anexo	Tipo de axuda	orzamentaria	Ano 2006	Ano 2007	Ano 2008	Total

III	Programa Isidro Parga Pondal (prórrogas convocatoria 2004). Anexo III	10.02.432B.740.0	341.000,00 A	1.364.000,00 A	1.023.000,00 A	2.728.000,00 A
		10.02.432A.740.0	7.750,00 A	31.000,00 A	23.250,00 A	62.000,00 A
		Total	348.750,00 A	1.395.000,00 A	1.046.250,00 A	2.790.000,00 A
IV	Bolsas estadías fóra de Galicia. Anexo IV	*10.02.432B.480.0	400.000,00 A	600.000,00 A	0,00 A	1.000.000,00 A
V	Transformación das bolsas predoutorais-1ª prórroga. Anexo V	*10.02.432B.480.0	408.800,00 A	1.226.400,00 A	0,00 A	1.635.200,00 A
VI	Transformación das bolsas predoutorais-2ª prórroga. Anexo VI	*10.02.432B.480.0	309.527,00 A	352.590,00 A	0,00 A	662.117,00 A
		10.02.432B.480.0	43.063,00 A	0,00 A	0,00 A	43.063,00 A
		Total	352.590,00 A	352.590,00 A	0,00 A	705.180,00 A

Nota: as aplicacións orzamentarias sinaladas cun * son cofinanciadas nun 75% con FSE

Todas as cantidades antes citadas poderanse incrementar en función das peticións presentadas e de acordo coas dispoñibilidades de créditos.

2. O concepto, contías e forma de pagamento de cada tipo de axuda establécense no anexo correspondente.

Disposición adicional

En todo o non recollido nesta orde aplicarase o disposto para esta materia nos artigos 78 e 79 do TRLRFOG, no Decreto 287/2000, do 21 de novembro, polo que se desenvolve o réxime de axudas a subvencións públicas da Comunidade Autónoma de Galicia, e demais normativa que resulte de aplicación.

As bases que rexen a concesión das axudas e todos cantos actos administrativos se deriven da súa aplicación, poderán ser impugnados polos interesados nos casos e na forma establecidos na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Disposicións derradeiras

Primeira.-Facúltase o director xeral de Investigación, Desenvolvemento e Innovación para ditar cantas disposicións sexan necesarias para o desenvolvemento desta orde.

Segunda.-Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 31 de xullo de 2006.

Fernando Xavier Blanco Álvarez

Conselleiro de Innovación e Industria

ANEXO I

Programa María Barbeito de axudas para contratos predoutorais de formación de doutores en organismos públicos e privados de investigación da Comunidade Autónoma de Galicia (nova adxudicación)

1. Obxectivo e finalidade.

O obxectivo do Programa María Barbeito é o de outorgar axudas ás entidades que desenvolvan actividades de investigación ou innovación tecnolóxica, radicadas na Comunidade Autónoma de Galicia, para proxectos de investigación, desenvolvemento e inno

vación tecnolóxica que fomenten a contratación de titulados superiores predoutorais co obxectivo de formar doutores/as, tanto no ámbito público como no privado.

A finalidade principal destas axudas é o apoio á formación en investigación básica e aplicada daqueles titulados superiores universitarios, que desexen realizar a súa tese de doutoramento nun centro de investigación, radicado na Comunidade Autónoma de Galicia.

1.1. As actividades que constitúen o obxecto desta convocatoria son as axudas a universidades do sistema universitario de Galicia (en adiante SUG), institucións non universitarias sen ánimo de lucro e organismos das administracións públicas, ou as súas entidades dependentes que desenvolvan actividades de investigación ou innovación, radicadas na Comunidade Autónoma de Galicia, que fomenten a contratación de titulados superiores universitarios que desexen realizar a súa tese de doutoramento.

1.2. O número máximo de axudas que poderán outorgarse é de 80 axudas.

2. Beneficiarios e requisitos.

Poderán ser beneficiarios das axudas correspondentes ao Programa María Barbeito, as universidades do SUG, as institucións non universitarias sen ánimo de lucro e os organismos das administracións públicas, ou as súas entidades dependentes, que desenvolvan actividades de investigación ou innovación, radicadas na Comunidade Autónoma de Galicia, sempre e cando os resultados do proxecto, obxecto desta convocatoria, se poñan a disposición de forma non discriminatoria da industria comunitaria.

As entidades beneficiarias deberán contratar, a través de contratos, aos candidatos seleccionados que cumpran os seguintes requisitos:

a) Posuír calquera nacionalidade.

b) Estar en posesión dun título universitario superior.

1. A data de fin de estudos debe ser posterior ao 1 de xaneiro do ano 2002, agás para os licenciados en medicina, farmacia, bioloxía, química ou psicoloxía que na data de peche do prazo de presentación de solicitudes, estean en posesión do título oficial de especialidade médica (MIR) ou farmacéutica (FIR)

ou conten co certificado oficial de especialidade en bioloxía (BIR), química (QUIR) ou psicoloxía (PIR), que, se é o caso, a data de fin de estudos deberá ser posterior ao 1 de xaneiro de 1998.

2. Tamén poderán presentar a súa solicitude aqueles titulados dos que a data de fin de estudos sexa posterior ao 1 de xaneiro de 1998 e acrediten que entre esta data e o 1 de xaneiro de 2002 teñan a cargo menores de 6 anos, persoas con discapacidade física, psíquica ou sensorial, ou persoas maiores de 65 anos que dependan do beneficiario e requiran unha dedicación especial.

3. Os títulos obtidos no estranxeiro ou en centros universitarios privados españois deberán estar recoñecidos oficialmente. Para os efectos de solicitar unha axuda do Programa María Barbeito, considérase que o título está recoñecido cando o solicitante acredite ter sido admitido nun programa de doutoramento dunha universidade española mediante certificación da universidade correspondente.

c) Posuír unha media de expediente académico de licenciatura (ou equivalente) igual ou superior a 1,50 excepto, para os estudos técnicos superiores, que será de 1,00.

d) Estar oficialmente matriculado nun programa de doutoramento e non ter transcorrido máis de dous anos desde a data de finalización dos cursos académicos do programa de doutoramento ao que estea adscrito o/a solicitante, ou ben tres anos se se xustifica, durante ese período, baixa maternal, que se teña a cargo menores de seis anos, persoas con discapacidade física, psíquica ou sensorial, ou persoas maiores de 65 anos que dependan do beneficiario e requiran unha dedicación especial.

e) Posuír o certificado de estudos avanzados ou estar en disposición de obter este, antes da data de inicio da axuda (1 de outubro).

f) Realizar a tese de doutoramento, nun centro de investigación, con sede na Comunidade Autónoma de Galicia.

g) O proxecto de tese, segundo o artigo 7 do Real decreto 778/1998, do 30 de abril, polo que se regula o terceiro ciclo de estudos universitarios, a obtención e expedición do título de doutor e outros estudos de postgrao, deberá ter sido aprobado polo consello de departamento, antes do 1 de outubro de 2006.

h) Non ter sido beneficiario destas axudas ou outras homologadas (bolsas predoutorais) en anteriores convocatorias, durante un período de 12 meses ou superior.

3. Dotación, número e duración dos contratos.

As axudas só poderán ir destinadas á financiación dos contratos dos candidatos seleccionados.

A axuda máxima concedida para cada contrato será de 20.440 euros por ano de contrato, incluíndo neste importe a retribución bruta anual do contrato e o pagamento dos custos sociais.

O número máximo de contratos que poderán financiarse é de 80, que serán financiados con cargo á aplicación orzamentaria 10.02.432B.442.0 dos orzamentos xerais da comunidade autónoma para os anos 2006, 2007 e 2008, de acordo coa seguinte distribución:

CRÉDITO
APLICACIÓN	ANUALIDADES
ORZAMENTARIA	Ano 2006	Ano 2007	Ano 2008	TOTAL

*10.02.432B.442.0

408.800,00 A

1.635.200,00 A

1.226.400,00 A

3.270.400,00 A

* Aplicación cofinanciada nun 75% con FSE

As entidades beneficiarias serán as encargadas do pagamento dos correspondentes contratos.

A duración dos contratos será de dous anos (a desenvolver entre o 1 de outubro de 2006 e o 30 de setembro de 2008).

4. Formalización das solicitudes.

As solicitudes deberán presentarse no modelo normalizado RHU-13 do que a caraula externa se publica como anexo IX a esta orde, no prazo e forma sinalada, xunto coa seguinte documentación:

1. Fotocopia do documento nacional de identidade ou do documento equivalente no caso de nacionais doutros países.

2. Certificación académica detallada na que conste a data na que se finalizaron os estudos e constancia expresa de que as materias relacionadas constitúen o programa completo da titulación correspondente, as cualificacións obtidas, as súas datas de obtención e o número exacto de convocatorias investidas en cada materia (orixinal ou fotocopia compulsada).

Non serán válidas as certificacións extractadas do expediente académico do solicitante.

2.1. No caso de estudos validados deberá presentarse así mesmo certificación académica, de idénticas características, para os estudos de orixe.

2.2. Os que acceden ao 2º ciclo dunha licenciatura a través do curso de adaptación correspondente, por estar en posesión dun título de diplomado ou por ter realizado o 1º ciclo dalgunha titulación que permita o acceso, para os efectos de determinar a media do expediente académico, deberán achegar, ademais da certificación correspondente ao curso de adaptación, 4º e 5º, a referente á diplomatura ou aos estudos de 1º ciclo realizados.

2.3. Os solicitantes que cursasen os seus estudos no estranxeiro e posúan certificación académica expedida en idioma distinto do español deberán acompañala da correspondente tradución oficial. En tales casos ademais dos detalles xerais indicados no punto 2, a certificación indicará cales son as cualificacións máxima e mínima dentro do sistema de avaliación correspondente e cal é a cualificación mínima para aprobar.

2.4. Os títulos obtidos no estranxeiro ou en centros non estatais, deberán estar validados na data de remate do prazo de presentación das solicitudes.

3. As persoas que se acollan ao suposto recollido na alínea 2 do punto b do parágrafo 2 deste anexo I, deberán acreditalo documentalmente.

4. Proxecto do traballo de investigación que se vai realizar para a obtención do grao de doutor, avalado polo director/es do mesmo (orixinal ou copia compulsada). No proxecto farase mención específica dos obxectivos, dos contidos básicos do traballo e das estratexias específicas de análise e indagación que se van utilizar.

5. Certificación, segundo o modelo incluído no impreso de solicitude, expedida polo secretario do correspondente departamento universitario, na que conste: a admisión do proxecto por parte do consello de departamento, o director do proxecto de tese e o nome do titor, no caso de que este non sexa o director da tese. Se o interesado aínda non dispón deste documento presentará o compromiso de entregalo tan pronto como se produza a súa aprobación. En todo caso, o dito documento deberá presentarse antes do 1 de outubro do ano 2006.

6. Certificación académica orixinal ou fotocopia compulsada, na que conste a superación dos cursos académicos correspondentes ao primeiro ano do programa de doutoramento ao que estea adscrito o/a solicitante, coas cualificacións correspondentes e a data de finalización destes.

7. Declaración xurada do solicitante, na que conste que cumpre o requisito establecido de non ter sido beneficiario destas axudas ou outras homologadas (bolsas predoutorais) en anteriores convocatorias, durante un período de doce meses ou superior.

5. Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 3º (instrución do procedemento e tramitación) das bases xerais desta convocatoria.

6. Avaliación e selección de candidatos.

6.1. Comisión de selección:

A selección de candidatos será efectuada pola comisión de selección indicada no artigo 4º (avaliación e selección das solicitudes) desta convocatoria.

6.2. Criterios xerais de selección:

A selección farase en función dos méritos acreditados nos puntos 2 e 6 da alínea 4 deste anexo I.

As solicitudes recibidas, agruparanse en 5 ámbitos de coñecemento:

01 - Humanidades.

02 - Ciencias experimentais.

03 - Ciencias sociais e xurídicas.

04 - Ensinanzas técnicas.

05 - Ciencias da saúde.

A adscrición das diferentes carreiras académicas a estes ámbitos de coñecemento aparece recollida no anexo VII desta orde.

6.3. Baremo de solicitudes:

a) Expediente académico de 1º e 2º ciclo (media licenciatura).

As cualificacións de 1º e 2º ciclo (estudos de licenciatura), valoraranse de acordo co seguinte baremo:

Matrícula de honra: 4 puntos.

Sobresaliente: 3 puntos.

Notable: 2 puntos.

Aprobado: 1 punto.

Suspenso/non presentado: 0 puntos.

b) Estudos de terceiro ciclo (media dos cursos académicos do programa de doutoramento): o número de créditos que se valorarán é de 20, que comprenden o primeiro ano dos ditos estudos, de acordo co Real decreto 778/1998, do 30 de abril, polo que se regula o terceiro ciclo de estudos universitarios, a obtención e expedición do título de doutor e outros estudos de posgrao.

Utilizarase o seguinte baremo:

Sobresaliente: 3 puntos.

Notable: 2 puntos.

Aprobado: 1 punto.

c) A puntuación total de cada solicitante obterase a partir da seguinte fórmula:

MEDIA FINAL = MEDIA LICENCIATURA +B MEDIA CURSOS DOCTORADO) +C

MLMTER

Onde:

B e C son dous coeficientes establecidos pola comisión, con valor comprendido entre 0 e 1.

ML, MTER, representan as medias de licenciatura e de 3º ciclo, respectivamente, de cada unha das cinco áreas indicadas no punto 6.2 obtidas a partir de datos estatísticos.

Os solicitantes de axudas de nova adxudicación correspondentes ao Programa María Barbeito, ordenaranse por orde decrecente de media final e adxudicaranse as axudas, comezando polo candidato de maior puntuación.

A comisión elaborará unha lista de suplentes por orde decrecente de puntuación, na que figurarán os solicitantes que, cumprindo os requisitos, non acadaron puntuación suficiente para ser adxudicatario da axuda.

Os solicitantes que figuren na lista de suplentes só poderán acadar a axuda de producirse renuncias de beneficiarios nos nove primeiros meses de contrato. En ningún caso o período correspondente á substitución poderá rematar máis alá do 30 de setembro de 2008.

7. Resolución.

A comisión de selección elevará a proposta de resolución ao conselleiro de Innovación e Industria para que resolva. Esta resolución publicarase no Diario Oficial de Galicia.

8. Formalización dos contratos

Publicada a resolución no Diario Oficial de Galicia, as institucións e entidades beneficiarias procederán á contratación dos candidatos seleccionados para os seus organismos. O pagamento das axudas pola Consellería de Innovación e Industria e as institucións ou entidades beneficiarias realizarase do modo seguinte:

-Un primeiro pagamento correspondente aos meses de outubro, novembro e decembro de 2006 unha vez que as institucións ou entidades beneficiarias xustifiquen a sinatura dos contratos.

-Os restantes pagamentos, de periodicidade trimestral, realizaranse tras a certificación das institucións ou entidades beneficiarias na que conste que se realizaron os pagamentos correspondentes ao trimestre anterior, quedando pendente o último trimestre ata a xustificación da finalización da acción.

9. Condicións de aproveitamento.

Estas axudas son incompatibles coa realización dun traballo remunerado ou o aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das accións formativas que o solicitante vai realizar segundo o seu proxecto (asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación) así como, cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

No momento en que algún dos beneficiarios destas axudas realice a lectura da súa tese de doutoramento, deberá comunicarllo á Dirección Xeral de Investigación, Desenvolvemento e Innovación; se o escrito vén acompañado dun informe do director da tese, dando conta de que o doutorando participa noutras tarefas de investigación do grupo poderase autorizar, por parte da Dirección Xeral de Investigación, Desenvolvemento e Innovación, a continuación do aproveitamento da axuda, ata o remate do período para o que se lle concedeu, sempre que as disposicións legais e as dispoñibilidades orzamentarias así o permitan.

10. Renuncias e substitucións.

1. A renuncia deberá comunicarse, mediante escrito motivado, dirixido ao director xeral de I+D+I, nun prazo máximo de 15 días naturais, antes de que se teña producido, polo investigador responsable do grupo ou departamento receptor, co visto e prace do vicerreitor de investigación, ou cargo equivalente, no caso das universidades, ou polo director do centro,

no caso das institucións non universitarias, ou polo representante legal no caso dos organismos da administración, beneficiarios.

2. En canto ás substitucións, no caso de que se produza algunha renuncia, o órgano de resolución da convocatoria poderá adxudicar a axuda aos solicitantes da lista de espera, sempre e cando a renuncia se produza durante os primeiros nove meses de contrato. O substituto quedará suxeito ás mesmas condicións e polo tempo restante do aproveitamento da axuda. En ningún caso o período correspondente á substitución poderá rematar máis alá do 30 de setembro de 2008.

11. Interrucións.

O persoal investigador contratado ao abeiro das axudas do Programa María Barbeito estará suxeito ao establecido na lexislación vixente.

12. Dereitos dos beneficiarios das axudas.

Ademais dos dereitos de carácter xeral que se sinalan no artigo 5.1º do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios das axudas correspondentes ao Programa María Barbeito teñen dereito a percibir a axuda económica correspondente e a beneficiarse dos dereitos de carácter laboral, así como os relativos aos da Seguridade Social, que se deriven do contrato que formalicen co organismo, centro ou entidade de adscrición.

13. Obrigas dos beneficiarios das axudas. Seguimento da axuda

Ademais das obrigas de carácter xeral que se sinalan no artigo 6 do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios das axudas correspondentes ao Programa María Barbeito teñen as seguintes obrigas:

a) O persoal investigador en formación con contrato de traballo adscrito á universidade, poderá dedicar ata un máximo de 60 horas durante o curso académico, á colaboración en actividades docentes con fins formativos, limitadas a ensinanzas prácticas ou suplencias non superiores neste caso a 5 horas, logo de conformidade, entre o director do traballo e o departamento implicado. Esta colaboración non suporá, en ningún caso, a asunción polo beneficiario das axudas das responsabilidades que corresponden ao profesorado.

b) O persoal investigador en formación está obrigado a residir na Comunidade Autónoma de Galicia, agás durante os períodos de formación aos que expresamente se lles autorice.

c) O persoal investigador en formación con contrato de traballo está obrigado a notificarlle á Dirección Xeral de Investigación, Desenvolvemento e Innovación, a data de defensa da súa tese e a cualificación obtida. No suposto de que non realice a defensa da tese, deberá notificarllo igualmente á Dirección Xeral de Investigación, Desenvolvemento e Innovación, indicando as causas que motivaron a dita circunstancia.

14. Obrigas dos organismos ou entidades de acollida.

Ao abeiro do establecido no artigo 7 do Real decreto 63/2006, do 27 de xaneiro, polo que se aproba o Estatuto do persoal investigador en formación, son obrigas xerais do organismo, centro ou institución de adscrición do persoal investigador en formación, sen prexuízo das derivadas da relación laboral que se estableza:

a) Proporcionarlle o apoio necesario e facilitarlle a utilización dos medios, instrumentos ou equipos que resultan precisos, para o normal desenvolvemento da súa actividade.

b) Designar un titor, co grao de doutor, para a coordinación e orientación da actividade dos beneficiarios.

c) Velar polo adecuado desenvolvemento do programa de formación do beneficiario, sen que poida exixírselle, a realización de calquera outra actividade que non estea relacionada co desenvolvemento da súa investigación ou da formación específica requirida por esta, durante o seu transcurso. Non obstante, o persoal investigador en formación con contrato de traballo en prácticas que desenvolvan a súa actividade nunha universidade, poderán colaborar en tarefas docentes, dentro dos límites establecidos nestas bases, sen que en ningún caso poida desvirtuarse a finalidade investigadora e formativa das axudas. En todo caso, non se lle poderán atribuír obrigas docentes superiores a 60 horas anuais.

d) Permitir a súa integración nos departamentos, institutos e organismos públicos ou privados nos que leven a cabo a súa investigación. Os centros onde se integren os contratos María Barbeito estarán obrigados a garantirlles os dereitos e prestacións dos que desfruta o persoal do centro de similar categoría co obxecto de que cumpran as súas obrigas.

ANEXO II

Programa Isidro Parga Pondal de axudas á contratación de doutores para a súa incorporación en organismos públicos e privados de investigación da Comunidade Autónoma de Galicia (nova adxudicación)

1. Obxectivo e finalidade.

O obxectivo do programa Isidro Parga Pondal é contribuír a superar o déficit de recursos humanos de que adoece o sistema de I+D en Galicia continuando a acción iniciada no ano 2003 de inserción nas universidades do SUG, institucións non universitarias sen ánimo de lucro e organismos das administracións públicas, ou as súas entidades dependentes, de xoves doutores cunha formación investigadora acreditada en organismos científicos nacionais ou estranxeiros.

Esta convocatoria establece as bases que regulan en réxime de publicidade, obxectividade e concorrencia competitiva, a concesión de axudas para a realización de 62 contratos laborais de duración determinada e destinados á incorporación de investigadores, que teñan acadado o título de doutor, en organismos públicos e privados de investigación da Comunidade Autónoma de Galicia.

1.1. As actividades que constitúen o obxecto desta convocatoria son axudas a universidades do SUG, institucións non universitarias sen ánimo de lucro e organismos das administracións públicas, ou as súas entidades dependentes, que desenvolvan actividades de investigación ou innovación, radicadas na Comunidade Autónoma de Galicia, e que fomenten a contratación de persoal investigador doutor.

1.2. O número máximo de axudas que poderán outorgarse será de 62.

2. Beneficiarios e requisitos.

Poderán ser beneficiarios das axudas correspondentes ao Programa Isidro Parga Pondal as universidades do SUG, institucións non universitarias sen ánimo de lucro e organismos das administracións públicas, ou as súas entidades dependentes, que desenvolvan actividades de investigación ou innovación, radicadas na Comunidade Autónoma de Galicia, e que fomenten a contratación de persoal investigador doutor.

Os candidatos á obtención dalgún dos contratos correspondentes ao Programa Isidro Parga Pondal deberán acreditar o cumprimento dos seguintes requisitos:

a) Posuír calquera nacionalidade.

b) Estar en posesión do grao de doutor. No caso de que o mesmo fose obtido no estranxeiro deberá estar homologado segundo o establecido no Real decreto 309/2005, do 18 de marzo, polo que se modifica o Real decreto 285/2004, do 20 de febreiro, polo que se regulan as condicións de homologación e convalidación de títulos e estudos estranxeiros de educación superior. Admitiranse solicitudes de candidatos que teñan iniciado o trámite de homologación do grao de doutor, pero neste caso a selección do candidato, de producirse, quedará condicionada, para os efectos da obtención da prórroga, a que a dita homologación se conceda antes do 1 de outubro de 2008.

c) Ter realizado estadías en universidades ou en centros de investigación distintos a aquela universidade na que se expediu o seu título de doutor, durante un período mínimo de 6 meses despois de ter acadado o grao de doutor. No caso de OPI requirirase que a estadía se realizase nun centro distinto daquel no que se realizou a tese de doutoramento.

d) Non ter un contrato do Programa Isidro Parga Pondal como consecuencia das convocatorias destas axudas correspondentes aos anos 2003, 2004 e 2005.

3. Dotación, número e duración dos contratos.

As axudas só poderán ir destinadas ao financiamento dos contratos dos candidatos seleccionados. A axuda máxima concedida para cada contrato será de 31.000 euros por ano de contrato, incluíndo neste importe a retribución bruta anual do contrato e o pagamento dos custos sociais.

O número máximo de contratos que poderán financiarse é de 62, que serán financiados con cargo ás aplicacións orzamentarias dos orzamentos xerais da

comunidade autónoma para os anos 2006, 2007 e 2008 que a seguir se indican, e de acordo coa seguinte distribución:

CRÉDITO
APLICACIÓN	ANUALIDADES
ORZAMENTARIA	Ano 2006	Ano 2007	Ano 2008	TOTAL

10.02.432A.442.0	23.250,00 A	93.000,00 A	69.750,00 A	186.000,00 A
10.02.432A.430.2	38.750,00 A	155.000,00 A	116.250,00 A	310.000,00 A
10.02.432A.480.0	62.000,00 A	248.000,00 A	186.000,00 A	496.000,00 A
*10.02.432B.442.0	276.521,00 A	1.426.000,00 A	1.069.500,00 A	2.772.021,00 A
10.02.432B.442.0	79.979,00 A	0,00 A	0,00 A	79.979,00 A
Total	480.500,00 A	1.922.000,00 A	1.441.400,00 A	3.844.000,00 A

* Aplicación cofinanciada nun 75% con FSE

As entidades beneficiarias serán as encargadas do pagamento dos correspondentes contratos.

A duración dos contratos será de dous anos (que se desenvolverán entre o 1 de outubro de 2006 e o 30 de setembro de 2008). Sempre que as disposicións legais e orzamentarias así o permitan, poderán ser obxecto de prórroga tras a publicación no DOG dunha convocatoria na que se recollan os requisitos e características desta.

A primeira anualidade dos contratos comezará a computarse na data que se indique na resolución desta convocatoria e non será anterior ao 1 de outubro de 2006.

4. Formalización de solicitudes e prazo de presentación.

4.1. As solicitudes deberán presentarse no modelo normalizado RHU-10 do que a folla externa se publica como anexo X a esta orde, no prazo e forma establecidos e acompañadas da seguinte documentación:

a) Fotocopia do documento nacional de identidade ou do documento equivalente no caso de nacionais doutros países.

b) Fotocopia compulsada do título de doutor ou doutro documento acreditativo de ter acadado o dito grao e a data da súa obtención. No caso de título de doutor obtido no estranxeiro, fotocopia compulsada da homologación, ou da solicitude de homologación presentada ante o órgano competente.

c) Curriculum vitae do candidato segundo o modelo oficial acompañado dos documentos xustificativos correspondentes, fotocopia simple dos méritos alegados no currículo (publicacións, relatorios, comunicacións, etc.), así como de fotocopia compulsada dos documentos que acrediten a realización de estadías posdoutorais en universidades ou centros de investigación distintos a aquela universidade na que se expediu o seu título de doutor por un mínimo de 6 meses. Non serán obxecto de valoración aqueles méritos alegados que non sexan convenientemente acreditados.

d) Declaración xurada do solicitante na que conste que cumpre o requisito establecido de non ter sido beneficiario dun contrato do Programa Isidro Parga Pondal como consecuencia de anteriores convocatorias.

4.2. Na instancia de solicitude o candidato indicará, por orde de prioridade descendente, o código das prazas ás que opta, entre aquelas que figuran no anexo VIII a esta orde, tendo en conta que como máximo poderá solicitar cinco prazas que non poderán corresponder a máis de dúas áreas temáticas ANEP.

Para cada unha das prazas solicitadas o solicitante deberá argumentar a adecuación da súa formación ao perfil destas utilizando o impreso que para este fin se inclúe no modelo de solicitude.

5. Tramitación.

A instrución do procedemento de concesión destas axudas, correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 3º (instrución do procedemento e tramitación) das bases xerais desta convocatoria.

6. Avaliación e selección das solicitudes.

A comisión de selección indicada no artigo 4º (avaliación e selección das solicitudes) desta convocatoria agrupará as solicitudes recibidas para os efectos da súa avaliación por expertos externos en comités que abranguerán unha ou mais áreas ANEP e distribuirá as 62 prazas convocadas entre os comités tendo en conta o número de prazas ofertadas nas diferentes áreas ANEP que engloba cada comité e a demanda nas ditas áreas; a comisión poderá considerar tamén as áreas ANEP ás que foron adscritos os candidatos seleccionados nas anteriores convocatorias co fin de evitar unha excesiva acumulación de prazas en determinadas áreas.

A avaliación científico-técnica dos méritos dos candidatos será realizada por comités constituídos por expertos externos designados pola Dirección Xeral de Investigación, Desenvolvemento e Innovación, de acordo cos seguintes criterios:

1. Contribución científico-técnica dos candidatos na súa área temática e área de coñecemento: ata 70 puntos. Valoraranse os seguintes aspectos dándolle especial relevancia ás contribucións feitas nos últimos cinco anos:

1.1. Libros ou capítulos de libro (con ISBN): ata 12 puntos.

-Libros publicacións de ámbito internacional: ata 5 puntos.

-Libros publicacións de ámbito nacional: ata 3 puntos.

-Capítulos publicacións de ámbito internacional: ata 2,5 puntos.

-Capítulos publicacións de ámbito nacional: ata 1,5 puntos.

1.2. Publicacións en revistas científicas: ata 20 puntos.

-Tipo A (revistas que aparecen no Sciencie Citation Index, no Social Sciences Citation Index (SSCI) ou no Arts & Humanities Citation Index (AHCI): ata 14 puntos.

-Tipo B (revistas de prestixio non catalogada como tipo A e que empreñan un proceso de revisión de artigos, a través de censores externos): ata 5 puntos.

-Tipo C (revistas de investigación non incluídas en apartados anteriores): ata 1 punto.

1.3. Participación en proxectos e contratos de investigación autonómicos, nacionais e europeos: ata 12 puntos.

-Proxectos europeos: ata 6 puntos.

-Proxectos nacionais: ata 4 puntos.

-Proxectos autonómicos: ata 2 puntos.

1.4. Contratos de investigación: ata 10 puntos.

-Contratos con empresas: ata 5 puntos.

-Contratos coa administración: ata 4 puntos.

-Informes técnicos e outros: ata 1 punto.

1.5. Patentes rexistradas ou en explotación: ata 8 puntos.

-En explotación: ata 5 puntos.

-Rexistradas: ata 3 puntos.

1.6. Relatorios e comunicacións a congresos ou reunións científicas: ata 8 puntos.

-Relatorios en congresos internacionais: ata 3 puntos.

-Relatorios en congresos nacionais: ata 2 puntos.

-Comunicacións en congresos internacionais: ata 2 puntos.

-Comunicacións en congresos nacionais: ata 1 punto.

2. Outros aspectos: valoraranse outros méritos dos candidatos: ata 10 puntos.

No caso de que un solicitante concorra por dúas áreas temáticas ANEP diferentes poderá ser avaliado por dous comités diferentes e polo tanto poderá obter diferentes puntuacións para cada área.

Realizada a avaliación, a selección dos candidatos será efectuada pola comisión de selección consonte o baremo seguinte:

1. Avaliación científico-técnica do candidato realizada polos expertos externos: ata 80 puntos.

2. Estadías en centros de investigación, perfil do candidato e a súa adecuación ás prioridades do Plan Galego de Investigación, Desenvolvemento e Innovación Tecnolóxica: ata 20 puntos.

Os solicitantes de axudas de nova adxudicación correspondentes ao Programa Isidro Parga Pondal, ordenaranse por orde decrecente de media final e adxudicaranse as axudas, comezando polo candidato de maior puntuación.

A comisión, elaborará unha lista de suplentes por orde decrecente de puntuación, na que figurarán os solicitantes que cumprindo os requisitos, non acadaron puntuación suficiente para ser adxudicatario de axuda.

Os solicitantes que figuren na lista de suplentes, só poderán acadar axuda de producirse renuncias de beneficiarios dentro dos nove primeiros meses de contrato.

7. Resolución.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no Diario Oficial de Galicia.

8. Formalización dos contratos.

Publicada a resolución no Diario Oficial de Galicia, as institucións e entidades beneficiarias procederán á contratación dos candidatos seleccionados para os seus organismos. O pagamento das axudas pola Consellería de Innovación e Industria ás institucións ou entidades beneficiarias realizarase do modo seguinte:

-Un primeiro pagamento correspondente aos meses de outubro, novembro e decembro de 2006 unha vez que as institucións ou entidades beneficiarias xustifiquen a sinatura dos contratos.

-Os restantes pagamentos, de periodicidade trimestral, realizaranse tras a certificación das institucións ou entidades beneficiarias na que conste que se realizaron os pagamentos correspondentes ao trimestre anterior, quedando pendente o último trimestre ata a xustificación da finalización da acción.

9. Dereitos dos beneficiarios das axudas.

Ademais dos dereitos de carácter xeral que se sinalan no artigo 5.1º do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios das axudas correspondentes ao Programa Isidro Parga Pondal teñen dereito a percibir a axuda económica correspondente e a beneficiarse dos dereitos de carácter laboral, así como os relativos aos da seguridade social, que se deriven do contrato que formalicen co organismo, centro ou entidade de adscrición.

10. Obrigas dos beneficiarios e seguimento.

Ademais das obrigas de carácter xeral que para o persoal investigador establece o Real decreto 63/2006, do 27 de xaneiro, polo que se aproba o Estatuto do persoal investigador, os beneficiarios das axudas correspondentes ao Programa Isidro Parga Pondal terán as seguintes obrigas:

10.1. Os contratos financiados con cargo a esta convocatoria serán incompatibles coa vixencia de calquera outro contrato laboral por parte do investigador contratado.

10.2. Os investigadores que sexan contratados ao abeiro do disposto nesta orde poderán, por petición propia, prestar colaboracións complementarias tales como tarefas docentes, neste último caso ata un máximo de cento vinte horas anuais, tras o acordo do departamento implicado, que documentará debidamente a dita colaboración para os efectos de concurso e respectando a normativa vixente de incompatibilidades.

11. Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal investigador en formación, sen prexuízo das derivadas da relación laboral que se estableza:

a) Proporcionarlle o apoio necesario e facilitarlle a utilización dos medios, instrumentos ou equipos que resultan precisos, para o normal desenvolvemento da súa actividade.

b) Permitir a súa integración nos departamentos, institutos e organismos públicos ou privados nos que leven a cabo a súa investigación. Os centros onde se integren os contratos Isidro Parga Pondal estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

c) No caso do persoal investigador contratado ao abeiro do disposto nesta orde, que desenvolva a súa actividade nunha universidade, permitirlle prestar, por petición propia, colaboracións complementarias, tales como tarefas docentes, neste último caso ata un máximo de cento vinte horas anuais, tras o acordo do departamento implicado, que documentará debidamente a dita colaboración para os efectos de concurso e respectando a normativa vixente de incompatibilidades.

ANEXO III

Prórrogas de axudas concedidas para a contratación de doutores en organismos públicos de investigación da Comunidade Autónoma de Galicia (Programa Isidro Parga Pondal) no ano 2004

1. Finalidade da convocatoria.

Esta convocatoria establece as bases que regulan a concesión de prórrogas das axudas correspondentes ao Programa Isidro Parga Pondal, adxudicadas por Resolución do 6 de xullo de 2004 (Diario Oficial de Galicia do 13 de xullo).

2. Requisitos dos solicitantes.

Poderán participar nesta convocatoria aqueles beneficiarios dunha axuda do Programa Isidro Parga Pondal da convocatoria do ano 2004 e que na data de peche desta convocatoria se encontren en activo no dito programa.

3. Dotación, número e duración dos contratos.

A axuda máxima concedida para cada contrato laboral será de 31.000 euros por ano de contrato, incluíndo neste importe a retribución bruta anual do contrato e o pagamento de custos sociais. Esta cantidade poderá incrementarse anualmente en función do IPC.

O número máximo de prórrogas que se convocan ascende a 45 que corresponden á totalidade de axudas vixentes na actualidade e que se distribúen do modo seguinte:

-Universidade da Coruña (UDC): 13.

-Universidade de Santiago de Compostela (USC): 17.

-Universidade de Vigo (UVI): 14.

-Consello Superior de Investigacións Científicas (CSIC): 1.

Os 45 contratos serán financiados con cargo ás aplicacións orzamentarias 10.02.432A.740.0 e 10.02.432B.740.0 dos orzamentos xerais da comunidade autónoma para os anos 2006, 2007 e 2008, de acordo coa seguinte distribución:

CRÉDITO
APLICACIÓN	ANUALIDADES
ORZAMENTARIA	Ano 2006	Ano 2007	Ano 2008	TOTAL

10.02.432B.740.0	341.000,00 A	1.364.000,00 A	1.023.000,00 A	2.728.000,00 A
10.02.432A.740.0	7.750,00 A	31.000,00 A	23.250,00 A	62.000,00 A
Total	348.750,00 A	1.395.000,00 A	1.046.250,00 A	2.790.000,00 A

A universidade ou o CSIC, segundo corresponda, serán os encargados do pagamento dos correspondentes contratos laborais; no caso dos centros dependentes da Xunta de Galicia o pagamento corresponderá á Consellería de Innovación e Industria.

A duración dos contratos será de dous anos a partir do 1 de outubro de 2006.

4. Formalización de solicitudes e prazo de presentación.

As solicitudes no modelo oficial RHU-12 do que a folla externa se publica como anexo XI a esta orde, presentaranse no prazo e forma establecidos, acompañadas da seguinte documentación:

1. Memoria realizada polo candidato na que se resuma a súa actividade desde a súa incorporación ao Programa Isidro Parga Pondal (mínimo 2 folios).

2. Plan de traballo das actividades investigadoras que o solicitante propón realizar durante o período de prórroga (mínimo 2 folios).

3. Curriculum vitae actualizado do candidato segundo o modelo oficial.

4. Aqueles candidatos con titulacións de países que non sexan membros da Unión Europea que no momento de incorporarse ao Programa Isidro Parga Pondal non tiñan homologado o seu título de doutor deberán achegar a correspondente homologación.

As solicitudes deberán presentarse co visto e prace do representante legal do organismo correspondente.

5. Tramitación.

A instrución do procedemento de concesión destas axudas, correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 3º (instrución do procedemento e tramitación) das bases xerais desta convocatoria.

6. Avaliación, selección das solicitudes e resolución.

A avaliación das solicitudes presentadas será realizada pola comisión de selección indicada no artigo 4º (avaliación e selección das solicitudes) desta convocatoria, sendo necesario para que o candidato sexa seleccionado a avaliación favorable da actividade rea

lizada así como da actividade proposta e, de ser o caso, a homologación do seu título.

Efectuada a selección, a comisión elevará a proposta de resolución ao conselleiro de Innovación e Industria para que resolva. Esta resolución publicarase no Diario Oficial de Galicia.

Sen prexuízo dos recursos que procedan contra a resolución, para os únicos efectos da optimización da xestión dos fondos dispoñibles, os beneficiarios da axuda deberán aceptala expresamente no prazo de quince días hábiles contados a partir do día seguinte ao da súa notificación, para o que se xuntará modelo de aceptación coa notificación da resolución. En caso contrario, entenderase que concorre á renuncia á axuda concedida e procederase nos termos do artigo 42.1º da Lei 30/1992, de réxime xurídico das administracións públicas e do procedemento administrativo común.

7. Prórroga dos contratos e pagamento.

Publicada a resolución no Diario Oficial de Galicia, a Dirección Xeral de Investigación, Desenvolvemento e Innovación, as universidades e o CSIC iniciarán os trámites para a renovación dos contratos correspondentes. Segundo o establecido na cláusula sexta do convenio de colaboración asinado en Santiago de Compostela, o 19 de abril de 2006, entre a Consellería de Innovación e Industria e a Universidade da Coruña, a Universidade de Santiago de Compostela, a Universidade de Vigo e o Consello Superior de Investigacións Científicas. O pagamento das cantidades da prórroga da convocatoria do ano 2004 (do 1 de outubro de 2006 ao 30 de decembro de 2008) que lle correspondan a cada unha das universidades e o CSIC farase da seguinte forma:

-Un primeiro pagamento correspondente aos meses de outubro, novembro e decembro de 2006 unha vez que as institucións ou entidades beneficiarias xustifiquen que se prorrogaron os contratos.

-Os restantes pagamentos, de periodicidade trimestral, realizaranse tras a certificación das institucións ou entidades beneficiarias na que conste que se realizaron os pagamentos correspondentes ao trimestre anterior, quedando pendente o último trimestre ata a xustificación da finalización da acción.

8. Obrigas dos beneficiarios e seguimento.

Ademais das obrigas de carácter xeral que para o persoal investigador establece o Real decreto 63/2006, do 27 de xaneiro, polo que se aproba o Estatuto do persoal investigador, os beneficiarios da prórroga das axudas correspondentes ao Programa Parga Pondal terán as seguintes obrigas:

8.1. Os contratos financiados con cargo a esta convocatoria serán incompatibles coa vixencia de calquera outro contrato laboral por parte do investigador contratado.

8.2. Os investigadores seleccionados poderán, por petición propia, prestar colaboracións complementarias tales como tarefas docentes, neste último caso ata un máximo de cento vinte horas anuais, tras o

acordo do departamento implicado, que documentará debidamente a dita colaboración para os efectos de concurso e respectando a normativa vixente de incompatibilidades.

9. Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal investigador en formación, sen prexuízo das derivadas da relación laboral que se estableza:

a) Proporcionarlle o apoio necesario e facilitarlle a utilización dos medios, instrumentos ou equipos que resultan precisos, para o normal desenvolvemento da súa actividade.

b) Permitir a súa integración nos departamentos, institutos e organismos públicos ou privados nos que leven a cabo a súa investigación. Os centros onde se integren os contratos Isidro Parga Pondal estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

c) No caso do persoal investigador contratado ao abeiro do disposto nesta orde que desenvolva a súa actividade nunha universidade, permitirlle prestar, por petición propia, colaboracións complementarias, tales como tarefas docentes, neste último caso ata un máximo de cento vinte horas anuais, tras o acordo do departamento implicado, que documentará debidamente a dita colaboración para os efectos de concurso e respectando a normativa vixente de incompatibilidades.

ANEXO IV

Bolsas para estadías no estranxeiro e en centros españois, situados fóra da comunidade autónoma

1. Finalidade.

Estas axudas, teñen como finalidade favorecer a actualización de coñecementos, a adquisición de novas técnicas de investigación así como, completar a formación dos investigadores de Galicia, mediante a súa incorporación temporal a centros de investigación de fóra de Galicia, establecendo ademais, relacións de interese entre ambas partes.

2. Modalidades.

As solicitudes de axuda, refírense a algunha das seguintes modalidades:

Modalidade A:

A.1. Estadías de ata 6 meses de duración para funcionarios e contratados doutores, cunha antigüidade mínima como doutores de 3 anos.

A.2. Estadías de ata 6 meses de duración para funcionarios, contratados doutores cunha antigüidade como doutores inferior a 3 anos e contratados non doutores.

Modalidade B: estadías posdoutorais de ata 12 meses de duración, para doutores recentes dos últimos 3 anos e para o persoal investigador contratado a través dos Programas Isidro Parga Pondal, Ramón y Cajal ou asimilables.

Modalidade C: estadías de ata 3 meses de duración para persoal investigador en formación do Programa María Barbeito ou das antigas bolsas predoutorais das convocatorias da Dirección Xeral de Investigación, Desenvolvemento e Innovación.

3. Requisitos dos solicitantes.

3.1. Requisitos específicos da modalidade A.

-Ser funcionario ou estar contratado de forma permanente para actividades investigadoras nun centro público ou privado de investigación da Comunidade Autónoma de Galicia.

3.2. Requisitos específicos da modalidade B.

-Persoas que acadaron o título de doutor nos tres anos anteriores á data límite de presentación de solicitudes, que sexan funcionarios, que estean contratados para actividades investigadoras nunha universidade ou nun centro público ou privado de investigación da Comunidade Autónoma de Galicia ou que teñan vinculación a un grupo de investigación destes. Os solicitantes non deberán ter aproveitado despois da obtención do título de doutor dunha bolsa para realizar unha estadía no estranxeiro ou en centros de investigación situados fóra da Comunidade Autónoma de Galicia.

-Persoal investigador contratado a través dos Programas Isidro Parga Pondal, Ramón y Cajal ou asimilables, que estean contratados para actividades investigadoras nunha universidade ou nun centro público ou privado de investigación da Comunidade Autónoma de Galicia.

3.3. Requisitos específicos da modalidade C.

-O persoal investigador en formación do Programa María Barbeito e das antigas bolsas predoutorais da Dirección Xeral de I+D+I adscritos a centros públicos ou privados de investigación situados en Galicia, sempre que a axuda da que son beneficiarios non admita na propia convocatoria a posibilidade de dotación adicional para estadías fóra da comunidade autónoma. Non poderán concorrer os estranxeiros que teñan unha axuda que corresponda a un programa de formación de estranxeiros en España.

4. Contía das axudas.

Para a concesión das axudas ás que fai referencia a este anexo, destinaranse créditos con cargo á aplicación orzamentaria 10.02.432B.480.0 dos orzamentos xerais da Comunidade Autónoma de Galicia para o ano 2006 e 2007 que a seguir se indican.

CRÉDITO
APLICACIÓN	ANUALIDADES
ORZAMENTARIA	Ano 2006	Ano 2007	TOTAL

*10.02.432B.480.0

400.000,00 A

600.000,00 A

1.000.000,00 A

* Aplicación cofinanciada nun 75% con FSE

Todas as cantidades antes citadas poderanse incrementar en función das peticións presentadas e de acordo coas dispoñibilidades de créditos.

O importe da axuda comprenderá:

4.1. Unha axuda institucional para gastos de desprazamento e seguro combinado de accidentes, durante o período de aproveitamento cunha asignación de 400 euros para estadías en España e Portugal, 600 euros para estadías no resto de Europa e de 1.000 euros para estadías no resto do mundo.

4.2. Unha asignación mensual bruta de 1.100 euros se a incorporación se produce en España, Portugal ou Andorra, 1.400 euros para o resto de países de Europa ou África, e 1.800 euros para América, Asia e Oceanía.

5. Período de aproveitamento.

A estadía para a que se solicitan as axudas, se é de duración inferior ou igual a 3 meses deberá realizarse integramente no ano 2006. As estadías de duración superior a tres meses, deberán iniciarse como moi tarde o 1 de outubro de 2006.

6. Formalización das solicitudes.

As solicitudes, no modelo oficial RHU-04, do que a folla externa se publica como anexo XII a esta orde, presentaranse no prazo e forma establecidos, acompañadas da seguinte documentación:

6.1. Fotocopia do DNI ou doutro documento, que acredite a nacionalidade do solicitante.

6.2. Documento acreditativo de pertenza a algunha das categorías indicadas no punto 2 destas bases. No caso de persoal contratado, o dito documento deberá estar vixente na data de peche da convocatoria. Naqueles casos nos que a categoría do solicitante non leve implícita a condición de doutor, esta, de ser o caso, deberá acreditarse.

Os solicitantes que concorran ás modalidades A e B entregarán unha relación das 5 publicacións máis salientables dos 3 últimos anos. Documentarase, mediante fotocopia da primeira páxina da publicación ou daquela na que figuren os datos salientables da mesma (autor/es, título, editorial, revista, etc.). No caso de solicitantes que concorran pola modalidade B, que aleguen vinculación a un grupo de investigación, das publicacións achegadas deberá deducirse a súa vinculación co director do grupo de investigación, que expide a certificación á que se refire o punto 6.4.

Os solicitantes que concorran á modalidade C, entregarán especificamente certificación académica da licenciatura e dos estudos de terceiro ciclo.

6.3. Plan de traballo no que se faga constar o calendario e programa das actividades que se van realizar. No caso de bolseiros de investigación presentarase co visto e prace do director, que asume a supervisión da actividade investigadora do solicitante.

6.4. Autorización para realizar a estadía acreditada mediante:

-Certificación expedida polo secretario do departamento, no caso de solicitantes vinculados á universidade (funcionarios, contratados ou bolseiros), facendo referencia ao correspondente acordo do consello de departamento.

-Certificación expedida polo director do centro de investigación, no caso de solicitantes vinculados a outros centros de investigación.

-Certificación expedida polo director do grupo de investigación ao que pertence o solicitante, no caso de doutores con vinculación unicamente a un grupo de investigación.

6.5. Carta de invitación do centro onde se vai desenvolver o traballo.

7. Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 3º (instrución do procedemento e tramitación) das bases xerais da presente convocatoria.

8. Selección de candidatos.

A avaliación das solicitudes farase pola comisión de selección indicada no artigo 4º (avaliación e selección das solicitudes) desta convocatoria, conforme os seguintes criterios xerais de selección:

a) Méritos aos que se refire a alínea 6.2. (para os solicitantes das modalidades A e B).

Valoraranse as cinco publicacións dos últimos tres anos de acordo coa seguinte fórmula:

Ax3+Bx2+Cx1

5

Onde A refírese ao número de publicacións con difusión internacional, B ao número de publicacións con difusión nacional e C ao número de publicacións de difusión local.

b) Plan de traballo e o seu interese, segundo o establecido na alínea 6.3.

c) A comisión poderá darlle prioridade a:

-Estadías fóra de Europa de duración superior a un mes.

-Estadías fóra de España e Portugal de duración superior a 15 días.

-As persoas que non resultaron beneficiarias dunha destas bolsas, nas resolucións dos dous anos anteriores a esta convocatoria.

d) A comisión de selección acordará a puntuación total mínima exixida para cada unha das modalidades descritas no punto 2 para ter dereito á bolsa.

e) A comisión de selección valorará a adecuación do centro de destino ao plan de traballo presentado polos candidatos.

9. Resolución.

A comisión de selección elevará a proposta de resolución ao conselleiro de Innovación e Industria para que resolva e elaborará de ser o caso, unha lista de suplentes para posibles renuncias. Esta resolución publicarase no Diario Oficial de Galicia.

10. Condicións de aproveitamento.

Os beneficiarios das bolsas están obrigados a comunicarlle á Dirección Xeral de Investigación, Desenvolvemento e Innovación a data de incorporación ao centro de destino e unha vez incorporados deberán atoparse, en todo momento, en condicións de xustificar o seu labor asiduo no devandito centro. Calquera interrución ou aprazamento do período de aproveitamento, dentro do prazo sinalado no punto 5 destas bases, deberá ser previamente autorizado pola Dirección Xeral de Investigación, Desenvolvemento e Innovación; non obstante, para aquelas bolsas que se desenvolvan en dous exercicios orzamentarios distintos, non poderán autorizarse modificacións que supoñan incrementar o crédito necesario, nalgunha das anualidades previstas na concesión.

Non se admitirán cambios nos centros de destino, salvo circunstancias excepcionais que así o aconsellen, tras o informe favorable, en todo caso, dos dous centros afectados, e autorización expresa da Dirección Xeral de I+D+I da Consellería de Innovación e Industria da Xunta de Galicia.

Todos os bolseiros, deberán presentar no prazo máximo dun mes desde a finalización da estadía, un informe final do traballo realizado que deberá incluír a copia dos traballos eventualmente publicados e mais o informe do director do centro de destino sobre o traballo realizado, con indicación expresa do tempo de permanencia no centro. No caso de persoal investigador en formación do Programa María Barbeito e das antigas bolsas predoutorais da Dirección Xeral de I+D+I incluídos no punto 2 (modalidade C), o informe final, presentarase co visto e prace do director do traballo.

En calquera momento a Dirección Xeral de Investigación, Desenvolvemento e Innovación poderá reclamar do centro receptor un informe sobre o labor realizado polo bolseiro.

11. Aceptación da bolsa e pagamento.

11.1. A aceptación da bolsa farase no prazo de 15 días hábiles contados a partir do día seguinte ao da publicación da resolución, mediante documento asinado polo bolseiro, no que se compromete a cumprir todas as condicións recollidas nestas bases. No caso de que a citada aceptación non se produza no prazo sinalado, entenderase que o bolseiro renuncia á axuda. Así mesmo, entregarase declaración xurada na que conste que non dispón doutra bolsa para o mesmo fin.

11.2. As bolsas aboaranse mensualmente, quedando pendente a última mensualidade ata a xustificación final da estadía, mediante a presentación dos documentos requiridos na alínea 3ª do punto 10 deste anexo. Xunto coa primeira mensualidade, aboarase a axuda institucional. Poderase realizar o pagamento total da estadía nunha soa vez, se o bolseiro acredita a realización total desta.

12. Publicación dos resultados obtidos.

Os resultados obtidos con ocasión do aproveitamento da bolsa serán propiedade dos seus autores, que, no caso de facelos públicos, deberán facer constar a axuda

recibida da Xunta de Galicia e terán que enviarlle á Dirección Xeral de Investigación, Desenvolvemento e Innovación un exemplar da publicación na que se recolla.

13. Incidencias.

As renuncias que se produzan poderán ser substituídas pola Dirección Xeral de Investigación, Desenvolvemento e Innovación de acordo coa lista de reserva, se a houbese.

A Dirección Xeral de Investigación, Desenvolvemento e Innovación resolverá todas as dúbidas e incidencias que puideran xurdir, na aplicación desta convocatoria.

ANEXO V

Axudas para a transformación en contratos predoutorais de formación de doutores en organismos públicos de investigación da Comunidade Autónoma de Galicia das bolsas predoutorais (1ª prórroga) correspondentes á convocatoria do ano 2005

1. Exposición de motivos.

A Orde do 29 de abril de 2005 pola que se convocan as becas predoutorais (anexo II) correspondentes a diversas accións de formación de investigadores, do programa de Recursos Humanos do PGIDIT para o ano 2005, indica na alínea 3.2 do seu punto 3 (período de aproveitamento) que aos adxudicatarios destas bolsas de nova adxudicación prorrogaráselles a mesma automaticamente por un período de 12 meses, logo de presentación, antes do 1 de xuño do ano 2006, da seguinte documentación:

-Memoria das actividades académicas e investigadoras realizadas durante o período transcorrido, no que aproveitou a bolsa de nova adxudicación e plan de traballo, durante a prórroga solicitada. Deberá ir asinada, polo bolseiro e co visto e prace do director/es do proxecto de investigación.

-Informe (en papel oficial ou con selo do correspondente centro/departamento) do director/es, no que se confirme, que as actividades realizadas polo bolseiro durante o período de aproveitamento da bolsa, en relación coa adquisición de contidos e destrezas de investigación, foron adecuadas.

-Declaración do solicitante de todas as solicitudes efectuadas ou concedidas, para o mesmo fin, das administracións públicas competentes.

O Real decreto 63/2006, do 27 de xaneiro, polo que se aproba o Estatuto do persoal investigador en formación, establece na súa disposición transitoria única (programas existentes) que os programas de axudas á investigación, financiados con fondos públicos, existentes á entrada en vigor do dito real decreto, deberán adecuarse ao disposto neste, nun prazo de catro meses desde a súa entrada en vigor.

Ao persoal investigador en formación que está sendo beneficiario das anteriormente denominadas bolsas predoutorais (nova adxudicación), en aplicación do establecido na disposición transitoria única (programas existentes) do Real decreto 63/2006, do 27 de

xaneiro, a bolsa predoutoral transformarase nun contrato cunha duración máxima de 12 meses (comprendidos entre o 1 de outubro do ano 2006 e o 30 de setembro do ano 2007), sempre que non rematasen a súa tese de doutoramento.

2. Obxectivo e finalidade.

O obxectivo desta convocatoria é o de outorgar axudas ás entidades públicas que desenvolvan actividades de investigación ou innovación tecnolóxica, radicadas na Comunidade Autónoma de Galicia, para proxectos de investigación, desenvolvemento e innovación tecnolóxica que fomenten a contratación de beneficiarios dunha das bolsas predoutorais da Dirección Xeral de Investigación, Desenvolvemento e Innovación (Orde do 29 de abril de 2005) adxudicadas por Resolución do 19 de xullo de 2005, co obxectivo de formar doutores/as.

As actividades que constitúen o obxecto desta convocatoria son as axudas as universidades do SUG, institucións non universitarias sen ánimo de lucro e organismos das administracións públicas, ou as súas entidades dependentes, que desenvolvan actividades de investigación ou innovación, radicadas na Comunidade Autónoma de Galicia, que fomenten a contratación de beneficiarios dunha das bolsas predoutorais da Dirección Xeral de Investigación, Desenvolvemento e Innovación (Orde do 29 de abril de 2005) adxudicadas por Resolución do 19 de xullo de 2005 que desexen realizar a súa tese de doutoramento.

3. Beneficiarios e requisitos.

Poderán ser beneficiarios das axudas: as universidades do SUG, institucións non universitarias sen ánimo de lucro e organismos das administracións públicas, ou as súas entidades dependentes, que desenvolvan actividades de investigación ou innovación, radicadas na Comunidade Autónoma de Galicia, sempre e cando os resultados do proxecto, obxecto desta convocatoria, se poñan á disposición de forma non discriminatoria da industria comunitaria.

As entidades beneficiarias deberán contratar, aos candidatos seleccionados que cumpran os seguintes requisitos:

1. Ser beneficiario dunha das bolsas predoutorais (Orde do 29 de abril de 2005) adxudicadas por Resolución do 19 de xullo de 2005.

2. Ter presentado, segundo o establecido na alínea 3.2 do anexo II da Orde do 29 de abril de 2005, pola que se convocan as bolsas correspondentes a diversas accións de formación de investigadores, do programa de Recursos Humanos (DOG do 10 de maio), a seguinte documentación:

-Memoria das actividades académicas e investigadoras realizadas durante o período transcorrido, no que aproveitou a bolsa de nova adxudicación e plan de traballo, durante a prórroga solicitada. Deberá ir asinada, polo bolseiro e co visto e prace do director/es do proxecto de investigación.

-Informe (en papel oficial ou con selo do correspondente centro/departamento) do director/es, no que se confirme, que as actividades realizadas polo bolseiro durante o período de aproveitamento da bolsa, en relación coa adquisición de contidos e destrezas de investigación, foron adecuadas.

-Declaración do solicitante de todas as solicitudes efectuadas ou concedidas, para o mesmo fin, das administracións públicas competentes.

4. Contía e pagamento das axudas.

As axudas só poderán ir destinadas ao financiamento dos contratos dos beneficiarios dunha das bolsas predoutorais (Orde do 29 de abril de 2005) adxudicadas por Resolución do 19 de xullo de 2005.

A axuda máxima concedida para cada contrato será de 20.440 euros por ano de contrato, incluíndo neste importe a retribución bruta anual do contrato e o pagamento dos custos sociais.

O número máximo de contratos que poderán financiarse é de 80, que serán financiados con cargo á aplicación orzamentaria 10.02.432B.480.0 dos orzamentos xerais da comunidade autónoma para os anos 2006 e 2007 de acordo coa seguinte distribución:

CRÉDITO
APLICACIÓN	ANUALIDADES
ORZAMENTARIA	Ano 2006	Ano 2007	TOTAL

*10.02.432B.480.0	408.800,00 A	1.226.400.00 A	1.635.200,00 A

* Aplicación cofinanciada nun 75% con FSE

As entidades beneficiarias serán as encargadas do pagamento dos correspondentes contratos.

A duración dos contratos será de 12 meses (comprendidos entre o 1 de outubro do ano 2006 e o 30 de setembro de 2007), sempre que non rematasen a súa tese de doutoramento. Excepcionalmente, sempre que as disposicións legais e as dispoñibilidades orzamentarias así o permitan, poderase conceder unha prórroga do seu contrato cunha duración máxima de seis meses (comprendidos entre o 1 de outubro do ano 2007 e o 31 de marzo do ano 2008), e de acordo coas bases que se fixan no anexo VI desta orde.

5. Formalización dos contratos e pagamento.

Publicada a resolución no Diario Oficial de Galicia, as institucións e entidades beneficiarias procederán á contratación dos candidatos seleccionados para os seus organismos. O pagamento das axudas pola Consellería de Innovación e Industria ás institucións ou entidades beneficiarias realizarase do modo seguinte:

-Un primeiro pagamento correspondente os meses de outubro, novembro e decembro de 2006 unha vez que as institucións ou entidades beneficiarias xustifiquen a sinatura dos contratos.

-Os restantes pagamentos, de periodicidade trimestral, realizaranse tras a certificación das institucións ou entidades beneficiarias na que conste que se realizaron os pagamentos correspondentes ao trimestre anterior, quedando pendente o último trimestre ata a xustificación da finalización da acción.

6. Condicións de aproveitamento.

Estas axudas, son incompatibles coa realización dun traballo remunerado ou co aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das accións formativas que o solicitante vai realizar segundo o seu proxecto (asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación) así como, cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

No momento, en que algún dos beneficiarios destas axudas realice a lectura da súa tese de doutoramento, deberá comunicarllo á Dirección Xeral de Investigación, Desenvolvemento e Innovación; se o escrito vén acompañado dun informe do director da tese, dando conta de que o doutorando participa noutras tarefas de investigación do grupo poderase autorizar, por parte da Dirección Xeral de Investigación, Desenvolvemento e Innovación, a continuación do aproveitamento da axuda, ata o remate do período para o que se lle concedeu, sempre que as disposicións legais e as dispoñibilidades orzamentarias así o permitan.

7. Dereitos dos beneficiarios.

Ademais dos dereitos de carácter xeral que se sinalan no artigo 5.1º do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios das axudas teñen dereito a:

a) Percibir a axuda económica correspondente.

b) Beneficiarse dos dereitos de carácter laboral, así como os relativos aos da seguridade social, que se deriven do contrato que formalicen co organismo, centro ou universidade de adscrición.

8. Obrigas dos beneficiarios. Seguimento da axuda.

Ademais das obrigas de carácter xeral que se sinalan no artigo 6 do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios terán as seguintes obrigas:

1. O persoal investigador en formación con contrato adscrito á universidade, poderá dedicar ata un máximo de 60 horas durante o curso académico, á colaboración en actividades docentes con fins formativos, limitadas a ensinanzas prácticas ou suplencias non superiores neste caso a 5 horas, logo de conformidade, entre o director do traballo e o departamento implicado. Esta colaboración non suporá, en ningún caso, a asunción polo beneficiario das axudas das responsabilidades que corresponden ao profesorado.

2. Excepto no caso das axudas concedidas para realizar a tese fóra de Galicia, o persoal investigador en formación está obrigado a residir na comunidade autónoma agás durante os períodos de formación aos que expresamente se lles autorice.

3. O persoal investigador en formación con contrato está obrigado a notificarlle á Dirección Xeral de Investigación, Desenvolvemento e Innovación, a data de defensa da súa tese e a cualificación obtida. No suposto de que non realice a defensa da tese, deberá notificarllo igualmente á Dirección Xeral de Investigación, Desenvolvemento e Innovación, indicando as causas que motivaron a dita circunstancia.

9. Obrigas dos organismos ou entidades de acollida.

Ao abeiro do establecido no artigo 7º do Real decreto 63/2006, do 27 de xaneiro, polo que se aproba o Estatuto do persoal investigador en formación, son obrigas xerais do organismo, centro ou institución de adscrición do persoal investigador en formación, sen prexuízo das derivadas da relación laboral que se estableza:

a) Proporcionarlle o apoio necesario e facilitarlle a utilización dos medios, instrumentos ou equipos que resultan precisos, para o normal desenvolvemento da súa actividade.

b) Designar un titor, co grao de doutor, para a coordinación e orientación da actividade dos beneficiarios.

c) Velar polo adecuado desenvolvemento do programa de formación do beneficiario, sen que poida exixírselle, a realización de calquera outra actividade que non estea relacionada co desenvolvemento da súa investigación ou da formación específica requirida por esta, durante o seu transcurso. Non obstante, o persoal investigador en formación con contrato que desenvolva a súa actividade nunha universidade, poderá colaborar en tarefas docentes, dentro dos límites establecidos nestas bases, sen que en ningún caso poida desvirtuarse a finalidade investigadora e formativa das axudas. En todo caso, non se lle poderán atribuír obrigas docentes superiores a 60 horas anuais.

d) Permitir a súa integración nos departamentos, institutos e organismos públicos ou privados nos que leven a cabo a súa investigación. Os centros onde se integren os contratos María Barbeito estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

ANEXO VI

Axudas para a transformación en contratos predoutorais de formación de doutores en organismos públicos de investigación da Comunidade Autónoma de Galicia das bolsas predoutorais (2ª prórroga) correspondentes á convocatoria do ano 2004

1. Explicación de motivos.

A Orde do 29 de abril de 2005 pola que se convocan as bolsas predoutorais (anexo II) correspondentes a diversas accións de formación de investigadores, do programa de Recursos Humanos do PGIDIT para o ano 2005, indica na alínea 3.3. do seu punto 3 (período de aproveitamento) que, en función das dispoñibilidades orzamentarias, poderase conceder unha segunda prórroga de seis meses, de acordo coas bases que se fixan na alínea B do devandito anexo II.

O Real decreto 63/2006, do 27 de xaneiro, polo que se aproba o Estatuto do persoal investigador en formación, establece na súa disposición transitoria única (programas existentes) que os programas de axudas á investigación, financiados con fondos públicos, existentes á entrada en vigor do dito real decreto, deberán adecuarse ao disposto no mesmo nun prazo de catro meses desde a súa entrada en vigor.

Aquel persoal investigador en formación que está sendo beneficiario da primeira prórroga das anteriormente denominadas bolsas predoutorais, poderá solicitar para o curso académico 2006-2007 unha nova prórroga. De serlle concedida, e en aplicación do establecido na disposición transitoria única (programas existentes) do Real decreto 63/2006, do 27 de xaneiro, a bolsa predoutoral transformarase nun contrato cunha duración máxima de seis meses (comprendidos entre o 1 de outubro do ano 2006 e o 31 de marzo do ano 2007), sempre que non rematasen a súa tese de doutoramento.

2. Obxectivo e finalidade.

O obxectivo desta convocatoria é o de outorgar axudas ás entidades públicas que desenvolvan actividades de investigación ou innovación tecnolóxica, radicadas na Comunidade Autónoma de Galicia, para proxectos de investigación, desenvolvemento e innovación tecnolóxica que fomenten a contratación de beneficiarios dunha das bolsas predoutorais (1ª prórroga) da Dirección Xeral de Investigación, Desenvolvemento e Innovación (Orde do 29 de abril de 2005) adxudicadas por Resolución do 22 de setembro de 2005 (Diario Oficial de Galicia do 13 de setembro), co obxectivo de formar doutores/as.

As actividades que constitúen o obxecto desta convocatoria son as axudas as universidades do SUG, institucións non universitarias sen ánimo de lucro e organismos das administracións públicas, ou as súas entidades dependentes, que desenvolvan actividades de investigación ou innovación, radicadas na Comunidade Autónoma de Galicia, que fomenten a contratación de beneficiarios dunha das bolsas predoutorais (1ª prórroga) da Dirección Xeral de Investigación, Desenvolvemento e Innovación (Orde do 29 de abril de 2005) adxudicadas por Resolución do 22 de setembro de 2005 (Diario Oficial de Galicia do 13 de setembro) que desexen realizar a súa tese de doutoramento.

3. Beneficiarios e requisitos.

Poderán ser beneficiarios das axudas correspondentes a esta convocatoria (anexo VI) as universidades do SUG, institucións non universitarias sen ánimo de lucro e organismos das administracións públicas, ou as súas entidades dependentes, que desenvolvan actividades de investigación ou innovación, radicadas na Comunidade Autónoma de Galicia, sempre e cando os resultados do proxecto, obxecto desta convocatoria, se poñan á disposición de forma non discriminatoria da industria comunitaria.

As entidades beneficiarias deberán contratar, a través de contratos, aos candidatos seleccionados que cumpran o requisito de ser beneficiario da primeira

prórroga das bolsas predoutorais (Orde do 29 de abril de 2005) adxudicadas por Resolución do 22 de setembro de 2005 (Diario Oficial de Galicia do 13 de setembro), sempre que non rematasen a súa tese de doutoramento.

4. Contía e pagamento das axudas.

As axudas só poderán ir destinadas ao financiamento dos contratos dos beneficiarios.

A axuda máxima concedida para cada contrato será de 20.440 euros por ano de contrato, incluíndo neste importe a retribución bruta anual do contrato e o pagamento dos custos sociais.

O número máximo de contratos que poderán financiarse é de 69, que serán financiados con cargo á aplicación orzamentaria 10.02.432B.480.0 dos orzamentos xerais da comunidade autónoma para os anos 2006 e 2007, de acordo coa seguinte distribución:

CRÉDITO
APLICACIÓN	ANUALIDADES
ORZAMENTARIA	Ano 2006	Ano 2007	TOTAL

*10.02.432B.480.0	309.527,00 A	352.590,00 A	662.117,00 A
10.02.432B.480	43.063,00 A	0,00 A	43.063,00 A
Total	352.590,00 A	352.590,00 A	705.180,00 A

* Aplicación cofinanciada nun 75% con FSE

As entidades beneficiarias serán as encargadas do pagamento dos correspondentes contratos.

A duración dos contratos será de 6 meses (comprendidos entre o 1 de outubro do ano 2006 e o 31 de marzo do ano 2007), sempre que non rematasen a súa tese de doutoramento.

5. Formalización das solicitudes.

As solicitudes, no modelo oficial RHU-03, do que a folla externa se publica como anexo XIII a esta orde, presentaranse inescusablemente acompañadas da seguinte documentación:

a) Memoria (mínimo de 2 folios e máximo, 3 folios), do estado actual do proxecto de tese. Presentarase, co visto e prace do director do proxecto de investigación, e coa sinatura do solicitante.

b) Relación de comunicacións a congresos e publicacións referentes ao tema da tese, realizados durante o período de aproveitamento da bolsa. Documentaranse, mediante fotocopia das correspondentes publicacións.

c) Certificación (en papel oficial e/ou co selo do correspondente centro/departamento) do director/es da tese, na que conste que a mesma non está rematada e se atopa en estado avanzado de execución.

6. Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 3º (instrución do procedemento e tramitación) das bases xerais desta convocatoria.

7. Selección e resolución.

A selección dos beneficiarios realizarase pola comisión de selección indicada no artigo 4º (avaliación

e selección dos candidatos) desta convocatoria, en función dos méritos acreditados, en relación co establecido no punto 2.2º do punto 5 deste anexo. A comisión, elevará a proposta de resolución ao conselleiro de Innovación e Industria para que resolva. Esta resolución publicarase no Diario Oficial de Galicia.

8. Formalización dos contratos.

Publicada a resolución no Diario Oficial de Galicia, as institucións e entidades beneficiarias procederán á contratación dos candidatos seleccionados para os seus organismos. O pagamento das axudas pola Consellería de Innovación e Industria ás institucións ou entidades beneficiarias realizarase do modo seguinte:

-Un primeiro pagamento correspondente os meses de outubro, novembro e decembro de 2006, unha vez que as institucións ou entidades beneficiarias xustifiquen a sinatura dos contratos.

-O pagamento do último trimestre (1 de xaneiro de 2007 a 31 de marzo de 2007) realizarase tras a certificación das institucións ou entidades beneficiarias na que conste que se realizaron os pagamentos correspondentes ao trimestre anterior, e a xustificación da finalización da acción.

9. Condicións de aproveitamento.

Estas axudas son incompatibles coa realización dun traballo remunerado ou co aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das accións formativas que o solicitante vai realizar segundo o seu proxecto (asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación) así como, cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

No momento, en que algún dos beneficiarios destas axudas realice a lectura da súa tese de doutoramento, deberá comunicarllo á Dirección Xeral de Investigación, Desenvolvemento e Innovación; se o escrito vén acompañado dun informe do director da tese, dando conta de que o doutorando participa noutras tarefas de investigación do grupo poderase autorizar, por parte da Dirección Xeral de Investigación, Desenvolvemento e Innovación, a continuación do aproveitamento da axuda, ata o remate do período para o que se lle concedeu, sempre que as disposicións legais e as dispoñibilidades orzamentarias así o permitan.

10. Dereitos dos beneficiarios.

Ademais dos dereitos de carácter xeral que se sinalan no artigo 5.1º do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios das axudas teñen dereito a:

a) Percibir a axuda económica correspondente.

b) Beneficiarse dos dereitos de carácter laboral, así como os relativos aos da Seguridade Social, que se deriven do contrato que formalicen co organismo, centro ou universidade de adscrición.

11. Obrigas dos beneficiarios. Seguimento da axuda.

Ademais das obrigas de carácter xeral que se sinalan no artigo 6 do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios terán as seguintes obrigas:

1. O persoal investigador en formación con contrato adscrito á universidade, poderá dedicar ata un máximo de 20 horas durante a prórroga, á colaboración en actividades docentes con fins formativos, limitadas a ensinanzas prácticas ou suplencias non superiores neste caso a 3 horas, logo de conformidade, entre o director do traballo e o departamento implicado. Esta colaboración non suporá, en ningún caso, a asunción polo beneficiario das axudas das responsabilidades que corresponden ao profesorado.

2. Excepto no caso das axudas concedidas para realizar a tese fóra de Galicia, o persoal investigador en formación está obrigado a residir na comunidade autónoma agás durante os períodos de formación aos que expresamente se lles autorice.

3. O persoal investigador en formación con contrato está obrigado a notificarlle á Dirección Xeral de Investigación, Desenvolvemento e Innovación, a data de defensa da súa tese e a cualificación obtida. No suposto de que non realice a defensa da tese, deberá notificarllo igualmente á Dirección Xeral de Investigación, Desenvolvemento e Innovación, indicando as causas que motivaron a dita circunstancia.

12. Obrigas dos organismos ou entidades de acollida.

Ao abeiro do establecido no artigo 7 do Real decreto 63/2006, do 27 de xaneiro, polo que se aproba o Estatuto do persoal investigador en formación, son obrigas xerais do organismo, centro ou institución de adscrición do persoal investigador en formación, sen prexuízo das derivadas da relación laboral que se estableza:

a) Proporcionarlle o apoio necesario e facilitarlle a utilización dos medios, instrumentos ou equipos que resultan precisos, para o normal desenvolvemento da súa actividade.

b) Designar un titor, co grao de doutor, para a coordinación e orientación da actividade dos beneficiarios.

c) Velar polo adecuado desenvolvemento do programa de formación do beneficiario, sen que poida exixírselle, a realización de calquera outra actividade que non estea relacionada co desenvolvemento da súa investigación ou da formación específica requirida por esta, durante o seu transcurso. Non obstante, o persoal investigador en formación con contrato que desenvolva a súa actividade nunha universidade, poderán colaborar en tarefas docentes, dentro dos límites establecidos nestas bases, sen que en ningún caso poida desvirtuarse a finalidade investigadora e formativa das

axudas. En todo caso, non se lle poderán atribuír obrigas docentes superiores a 60 horas anuais.

d) Permitir a súa integración nos departamentos, institutos e organismos públicos ou privados nos que leven a cabo a súa investigación. Os centros onde se integren os contratos María Barbeito estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

ANEXO VII

CÓDIGO: 01

ÁMBITO DE COÑECEMENTO: HUMANIDADES

CÓDIGO	TITULACIÓN

01	LICENCIADO/A EN ANTROPOLOXÍA SOCIAL E CULTURAL (SÓ DE 2º CICLO)
02	LICENCIADO/A EN BELAS ARTES
03	LICENCIADO/A EN ESTUDOS DE ASIA ORIENTAL (SÓ DE 2º CICLO)
04	LICENCIADO/A EN FILOLOXÍA ÁRABE
05	LICENCIADO/A EN FILOLOXÍA CATALANA
06	LICENCIADO/A EN FILOLOXÍA CLÁSICA
07	LICENCIADO/A EN FILOLOXÍA ESLAVA
08	LICENCIADO/A EN FILOLOXÍA FRANCESA
09	LICENCIADO/A EN FILOLOXÍA GALEGA
10	LICENCIADO/A EN FILOLOXÍA HEBREA
11	LICENCIADO/A EN FILOLOXÍA HISPÁNICA
12	LICENCIADO/A EN FILOLOXÍA INGLESA
13	LICENCIADO/A EN FILOLOXÍA ITALIANA
14	LICENCIADO/A EN FILOLOXÍA PORTUGUESA
15	LICENCIADO/A EN FILOLOXÍA ROMÁNICA
16	LICENCIADO/A EN FILOLOXÍA VASCA
17	LICENCIADO/A EN FILOSOFÍA
18	LICENCIADO/A EN XEOGRAFÍA
19	LICENCIADO/A EN HISTORIA
20	LICENCIADO/A EN HISTORIA DA ARTE
21	LICENCIADO/A EN HISTORIA E CIENCIA DA MÚSICA
22	LICENCIADO/A EN HUMANIDADES
23	LICENCIADO/A EN LINGÜÍSTICA (SÓ DE 2º CICLO)
24	LICENCIADO/A EN TEORÍA DA LITERATURA E LITERATURA COMPARADA (SÓ DE 2º CICLO)
25	LICENCIADO/A EN TRADUCIÓN E INTERPRETACIÓN

CÓDIGO: 02

ÁMBITO DE COÑECEMENTO: CIENCIAS EXPERIMENTAIS

CÓDIGO	TITULACIÓN

01	LICENCIADO/A EN BIOLOXÍA
02	LICENCIADO/A EN BIOQUÍMICA (SÓ DE 2º CICLO)
03	LICENCIADO/A EN BIOTECNOLOXÍA
04	LICENCIADO/A EN CIENCIA E TECNOLOXÍA DOS ALIMENTOS (SÓ DE 2º CICLO)
05	LICENCIADO/A EN CIENCIAS AMBIENTAIS
06	LICENCIADO/A EN CIENCIAS E TÉCNICAS ESTATÍSTICAS (SÓ DE 2º CICLO)
07	LICENCIADO/A EN CIENCIAS DO MAR
08	LICENCIADO/A EN ENOLOXÍA (SÓ DE 2º CICLO)
09	LICENCIADO/A EN FÍSICA
10	LICENCIADO/A EN MATEMÁTICAS
11	LICENCIADO/A EN QUÍMICA
12	LICENCIADO/A EN XEOLOXÍA

CÓDIGO: 03

ÁMBITO DE COÑECEMENTO: CIENCIAS SOCIAIS E XURÍDICAS

CÓDIGO	TITULACIÓN

01	LICENCIADO/A EN ADMINISTRACIÓN E DIRECCIÓN DE EMPRESAS
02	LICENCIADO/A EN CIENCIAS ACTUARIAIS E FINANCEIRAS (SÓ DE 2º CICLO)
03	LICENCIADO/A EN CIENCIAS DA ACTIVIDADE FÍSICA E DO DEPORTE
04	LICENCIADO/A EN CIENCIAS DO TRABALLO (SÓ DE 2º CICLO)

CÓDIGO	TITULACIÓN

05	LICENCIADO/A EN CIENCIAS POLÍTICAS E DA ADMINISTRACIÓN
06	LICENCIADO/A EN COMUNICACIÓN AUDIOVISUAL
07	LICENCIADO/A EN DEREITO
08	LICENCIADO/A EN DOCUMENTACIÓN (SÓ DE 2º CICLO)
09	LICENCIADO/A EN ECONOMÍA
10	LICENCIADO/A EN INVESTIGACIÓN E TÉCNICAS DE MERCADO (SÓ DE 2º CICLO)
11	LICENCIADO/A EN PEDAGOXÍA
12	LICENCIADO/A EN PSICOLOXÍA
13	LICENCIADO/A EN PSICOPEDAGOXÍA (SÓ DE 2º CICLO)
14	LICENCIADO/A EN PUBLICIDADE E RELACIÓNS PÚBLICAS
15	LICENCIADO/A EN SOCIOLOXÍA
16	LICENCIADO/A EN XORNALISMO

CÓDIGO: 04

ÁMBITO DE COÑECEMENTO: ENSINANZAS TÉCNICAS

CÓDIGO	TITULACIÓN

01	ARQUITECTO/A
02	ENXEÑEIRO/A AERONÁUTICO
03	ENXEÑEIRO/A AGRÓNOMO
04	ENXEÑEIRO/A DE CAMIÑOS, CANAIS E PORTOS
05	ENXEÑEIRO/A DE MATERIAIS (SÓ DE 2º CICLO)
06	ENXEÑEIRO/A DE MINAS

CÓDIGO	TITULACIÓN

07	ENXEÑEIRO/A DE MONTES
08	ENXEÑEIRO/A DE SISTEMAS DE DEFENSA (SÓ DE 2º CICLO)
09	ENXEÑEIRO/A DE TELECOMUNICACIÓN
10	ENXEÑEIRO/A EN AUTOMÁTICA E ELECTRÓNICA INDUSTRIAL (SÓ DE 2º CICLO)
11	ENXEÑEIRO/A EN ELECTRÓNICA (SÓ DE 2º CICLO)
12	ENXEÑEIRO/A EN INFORMÁTICA
13	ENXEÑEIRO/A EN ORGANIZACIÓN INDUSTRIAL (SO DE 2º CICLO)
14	ENXEÑEIRO/A EN XEODESIA E CARTOGRAFÍA (SÓ DE 2º CICLO)
15	ENXEÑEIRO/A INDUSTRIAL
16	ENXEÑEIRO/A NAVAL E OCEÁNICO
17	ENXEÑEIRO/A QUÍMICO
18	ENXEÑEIRO/A XEÓLOGO
19	LICENCIADO/A EN MÁQUINAS NAVAIS (SÓ DE 2º CICLO)
20	LICENCIADO/A EN NÁUTICA E TRANSPORTE MARÍTIMO (SÓ DE 2º CICLO)
21	LICENCIADO/A EN RADIOELECTRÓNICA NAVAL (SÓ DE 2º CICLO)

CÓDIGO: 05

ÁMBITO DE COÑECEMENTO: CIENCIAS DA SAÚDE

CÓDIGO	TITULACIÓN

01	LICENCIADO/A EN FARMACIA
02	LICENCIADO/A EN MEDICINA
03	LICENCIADO/A EN ODONTOLOXÍA
04	LICENCIADO/A EN VETERINARIA

ANEXO VIII

PRAZA	ORGANISMO	CENTRO/LUGAR DE TRABALLO	LOCALIDADE	ÁREA TEMÁTICA	ÁREA DE COÑECEMENTO	PERFIL

01	CECOPESCA ANFACO	CENTRO TÉCNICO NACIONAL DE CONSERVACIÓN DE PRODUTOS DA PESCA	VIGO	TA - CIENCIA E TECNOLOXÍA DE ALIMENTOS	780 - TECNOLOXÍA DE ALIMENTOS	CIENCIA E TECNOLOXÍA DE ALIMENTOS
02	AIMEN	CENTRO TECNOLÓXICO AIMEN	O PORRIÑO	FI - FÍSICA E CIENCIAS DO ESPAZO	385 - FÍSICA APLICADA	APLICACIÓN DE TECNOLOXÍA LÁSER AO PROCESADO DE MATERIAIS
03	AIMEN	CENTRO TECNOLÓXICO AIMEN	O PORRIÑO	TM - CIENCIA E TECNOLOXÍA DE MATERIAIS	065 - CIENCIA DOS MATERIAIS E ENXEÑARÍA METALÚRXICA
04	AIMEN	CENTRO TECNOLÓXICO AIMEN	O PORRIÑO	IME - ENXEÑARÍA MECÁNICA, NAVAL E AERONÁUTICA	515 - ENXEÑARÍA DOS PROCESOS DE FABRICACIÓN	ESTUDO DA TECNOLOXÍA FRICTION STIR WELDING
05	LOMGA	LABORATORIO OFICIAL DE METROLOXÍA DE GALICIA	OURENSE	FI - FÍSICA E CIENCIAS DO ESPAZO: ÓPTICA	647 - ÓPTICA	SENSORES OPTOELECTRÓNICOS E METROLOXÍA ÓPTICA
06	LOMGA	LABORATORIO OFICIAL DE METROLOXÍA DE GALICIA	OURENSE	TEC - TECNOLOXÍA ELECTRÓNICA E DAS COMUNICACIÓNS: TEORÍA DO SINAL E AS COMUNICACIÓNS	800 - TEORÍA DO SINAL E AS COMUNICACIÓNS	ACÚSTICA
07	CIS - DESEÑO	CIS - DESEÑO E TECNOLOXÍA	FERROL	IEL - ENXEÑARÍA ELÉCTRICA, ELECTRÓNICA E AUTOMÁTICA	075 - CIENCIA DA COMPUTACIÓN E INTELIXENCIA ARTIFICIAL	AUTOMATIZACIÓN MEDIANTE VISIÓN ARTIFICIAL
08	CIS - DESEÑO	CIS - DESEÑO E TECNOLOXÍA	FERROL	INF - CIENCIA DA COMPUTACIÓN E TECNOLOXÍA INFORMÁTICA	520 - ENXEÑARÍA DE SISTEMAS E AUTOMÁTICA	AUTOMATIZACIÓN MEDIANTE VISIÓN ARTIFICIAL
09	CIS - DESEÑO	CIS - DESEÑO E TECNOLOXÍA	FERROL	TEC - TECNOLOXÍA ELECTRÓNICA E DAS COMUNICACIÓNS	785 - TECNOLOXÍA ELECTRÓNICA	AUTOMATIZACIÓN MEDIANTE VISIÓN ARTIFICIAL
10	CIS - MADEIRA	CIS - MADEIRA	SAN CIBRAO DAS VIÑAS - OURENSE	TQ - TECNOLOXÍA QUÍMICA	515 - ENXEÑARÍA DOS PROCESOS DE FABRICACIÓN	TECNOLOXÍA DE PROCESOS NA INDUSTRIA DA MADEIRA
11	CIS - MADEIRA	CIS - MADEIRA	SAN CIBRAO DAS VIÑAS - OURENSE	ICI - ENXEÑARÍA CIVIL E ARQUITECTURA	510 - ENXEÑARÍA DA CONSTRUCIÓN	TECNOLOXÍA DE CONSTRUCIÓN EN MADEIRA
12	CIS - MADEIRA	CIS - MADEIRA	SAN CIBRAO DAS VIÑAS - OURENSE	AGR - AGRICULTURA	500 - ENXEÑARÍA AGROFORESTAL	TECNOLOXÍA DE CONSTRUCIÓN AGROFORESTAL EN MADEIRA
13	SERGAS	FUNDACIÓN GALEGA DE MEDICINA XENÓMICA	SANTIAGO DE COMPOSTELA	MED - MEDICINA	420 - XENÉTICA	XENÉTICA HUMANA E XENÓMICA
14	SERGAS	FUNDACIÓN GALEGA DE MEDICINA XENÓMICA	SANTIAGO DE COMPOSTELA	MED - MEDICINA	420 - XENÉTICA	XENÓMICA, PROTEÓMICA, XENÉTICA HUMANA
15	FICHUVI	COMPLEXO HOSPITALARIO UNIVERSITARIO DE VIGO FICHUVI	VIGO	BMC - BIOLOXÍA MOLECULAR, CELULAR E XENÉTICA	060 - BIOQUÍMICA E BIOLOXÍA MOLECULAR 420 - XENÉTICA 610 - MEDICINA	XENÓMICA, PROTEÓMICA E BIOINFORMÁTICA APLICADAS Á SAÚDE HUMANA, TERAPIA REXENERATIVA
16	FICHUVI	COMPLEXO HOSPITALARIO UNIVERSITARIO DE VIGO FICHUVI	VIGO	ECO - ECONOMÍA	225 - ECONOMÍA APLICADA 230 - ECONOMÍA FINANCEIRA E CONTABILIDADE 630 - ORGANIZACIÓN DE EMPRESAS	ECONOMÍA APLICADA ÁS CIENCIAS DA SAÚDE E DE FUNDACIÓNS E ORGANIZACIÓNS SEN ÁNIMO DE LUCRO
17	FIDICHUS	COMPLEXO HOSPITALARIO UNIVERSITARIO DE SANTIAGO FIDICHUS	SANTIAGO DE COMPOSTELA	MED - MEDICINA	610 - MEDICINA	ANÁLISE MOLECULAR
18	FIDICHUS	COMPLEXO HOSPITALARIO UNIVERSITARIO DE SANTIAGO FIDICHUS	SANTIAGO DE COMPOSTELA	MED - MEDICINA	610 - MEDICINA	TECNOLOXÍA DE XENES, CÉLULAS E TECIDOS
19	FIDICHU JUAN CANALEJO	COMPLEXO HOSPITALARIO UNIVERSITARIO JUAN CANALEJO	A CORUÑA	MED - MEDICINA	420 - XENÉTICA	XENÓMICA E BIOINFORMÁTICA EN CIENCIAS DA SAÚDE

20	FIDICHU JUAN CANALEJO	COMPLEXO HOSPITALARIO UNIVERSITARIO JUAN CANALEJO	A CORUÑA	MED - MEDICINA	420 - XENÉTICA	PROTEÓMICA EN CIENCIAS DA SAÚDE

PRAZA	ORGANISMO	CENTRO/LUGAR DE TRABALLO	LOCALIDADE	ÁREA TEMÁTICA	ÁREA DE COÑECEMENTO	PERFIL

21	FUNDACIÓN CESGA	CESGA	SANTIAGO DE COMPOSTELA	INF - CIENCIA DA COMPUTACIÓN E TECNOLOXÍA INFORMÁTICA	035 - ARQUITECTURA E TECNOLOXÍA DE COMPUTADORES 075 - CIENCIA DA COMPUTACIÓN E INTELIXENCIA ARTIFICIAL	COMPUTACIÓN DE ALTAS PRESTACIÓNS APLICADAS AO CÁLCULO CIENTÍFICO-TÉCNICO, AS TECNOLOXÍAS GRID OU AO DESEÑO DE ARQUITECTURA DE ORDENADORES
22	FUNDACIÓN CESGA	CESGA	SANTIAGO DE COMPOSTELA	INF - CIENCIA DA COMPUTACIÓN E TECNOLOXÍA INFORMÁTICA	035 - ARQUITECTURA E TECNOLOXÍA DE COMPUTADORES 075 - CIENCIA DA COMPUTACIÓN E INTELIXENCIA ARTIFICIAL	COMPUTACIÓN DE ALTAS PRESTACIÓNS APLICADAS AO CÁLCULO CIENTÍFICO-TÉCNICO, AS TECNOLOXÍAS GRID OU AO DESEÑO DE ARQUITECTURA DE ORDENADORES
23	UDC	FACULTADE DE CIENCIAS	A CORUÑA	BMC - BIOLOXÍA MOLECULAR, CELULAR E XENÉTICA	630 - MICROBIOLOXÍA	BIOTECNOLOXÍA DE MICROALGAS APLICADA Á CONTAMINACIÓN ACUÁTICA
24	UDC	FACULTADE DE CIENCIAS	A CORUÑA	QMC - QUÍMICA	765 - QUÍMICA ORGÁNICA	SÍNTESE ANÁLOGOS VITAMINA D E PIRIMIDINONAS CON ACTIVIDADE BIOMÉDICA
25	UDC	FACULTADE DE CIENCIAS	A CORUÑA	BVA - BIOLOXÍA VEXETAL E ANIMAL, ECOLOXÍA	220 - ECOLOXÍA	ECOTOXICOLOXÍA E ECOLOXÍA MOLECULAR EN INVERTEBRADOS MARIÑOS
26	UDC	INSTITUTO UNIVERSITARIO DE CIENCIAS DA SAÚDE	A CORUÑA	BMC - BIOLOXÍA MOLECULAR, CELULAR E XENÉTICA	610 - MEDICINA	ANÁLISE XENÉTICA APLICADA A ENFERMIDADES FAMILIARES HUMANAS
27	UDC	FACULTADE DE CIENCIAS	A CORUÑA	BMC - BIOLOXÍA MOLECULAR, CELULAR E XENÉTICA	060 - BIOQUÍMICA E BIOLOXÍA CELULAR	EXPRESIÓN XÉNICA, PROTEÓMICA E BIOTECNOLOXÍA EN LEVADURAS
28	UDC	FACULTADE DE CIENCIAS DA SAÚDE	A CORUÑA	FFA - FISIOLOXÍA E FARMACOLOXÍA	410 - FISIOLOXÍA	ENDOCRINOLOXÍA, NUTRICIÓN, OBESIDADE, GHRELINA, ACCIÓN HORMONAL
29	UDC	CHU JUAN CANALEJO	A CORUÑA	MED - MEDICINA	027 - ANATOMÍA E EMBRIOLOXÍA HUMANA	TERAPIA CELULAR
30	UDC	CHU JUAN CANALEJO	A CORUÑA	MED - MEDICINA	027 - ANATOMÍA E EMBRIOLOXÍA HUMANA	XENÓMICA
31	UDC	INSTITUTO UNIVERSITARIO DE ESTUDOS IRLANDESES AMERGIN	A CORUÑA	FFI - FILOLOXÍA E FILOSOFÍA	345 - FILOLOXÍA INGLESA	COÑECEMENTO MEDIO-ALTO DA LINGUA INGLESA, CULTURA IRLANDESA E A SÚA LITERATURA, CON PERFIL INVESTIGADOR NALGÚN OU VARIOS DESTES CAMPOS
32	UDC	FACULTADE DE CIENCIAS	A CORUÑA	QUC - QUÍMICA	760 - QUÍMICA INORGÁNICA	QUÍMICA ORGANOMETÁLICA: APLICACIÓNS SINTÉTICAS E CATALÍTICAS
33	UDC	FACULTADE DE CIENCIAS	A CORUÑA	BVA - BIOLOXÍA VEXETAL, ANIMAL E ECOLOXÍA	819 - ZOOLOXÍA	DINÁMICA DE POBOACIÓNS E XESTIÓN DE PESQUEIRAS MARIÑAS
34	UDC	FACULTADE DE DEREITO	A CORUÑA	DER - DEREITO	125 - DEREITO ADMINISTRATIVO	DEREITO AMBIENTAL: CONTAMINACIÓN MARIÑA
35	UDC	FACULTADE DE FILOLOXÍA	A CORUÑA	FFI - FILOLOXÍA ESPAÑOLA	583 - LITERATURA ESPAÑOLA	LITERATURA ESPAÑOLA: BIBLIOTECAS VIRTUAIS
36	UDC	ETS DE NÁUTICA E MÁQUINAS	A CORUÑA	FI - FÍSICA E CIENCIAS DO ESPAZO	038 - ASTRONOMÍA E ASTROFÍSICA	EVOLUCIÓN ESTELAR. ELABORACIÓN DE FERRAMENTAS DE ANÁLISE PARA A MISIÓN GAIA DA ESA
37	UDC	FACULTADE DE CIENCIAS	A CORUÑA	BMC - BIOLOXÍA MOLECULAR, CELULAR E XENÉTICA	420 - XENÉTICA	CITOXENÉTICA MOLECULAR E SISTEMÁTICA DE MOLUSCOS BIVALVOS
38	UDC	INSTITUTO UNIVERSITARIO DE CIENCIAS DA SAÚDE	A CORUÑA	MED - MEDICINA	610 - MEDICINA	XENÓMICA FUNCIONAL DE PATOLOXÍAS CARDIOVASCULARES
39	UDC	FACULTADE DE CIENCIAS DA SAÚDE	A CORUÑA	MED - MEDICINA	610 - MEDICINA	ENFERMIDADES NEURODEXENERATIVAS E AVELLENTAMENTO
40	UDC	FACULTADE DE CIENCIAS DA SAÚDE	A CORUÑA	MED - MEDICINA	610 - MEDICINA	EXPERIENCIA EN INTERVENCIÓN NON FARMACOLÓXICA EN DEMENCIAS
41	UDC	FACULTADE DE CIENCIAS DA EDUCACIÓN	A CORUÑA	PS - PSICOLOXÍA E CIENCIAS DA EDUCACIÓN	725 - PSICOBIOLOXÍA	BIOMARCADORES AMBIENTAIS E AS SÚAS IMPLICACIÓNS CONDUTUAIS
42	UDC	FACULTADE DE CIENCIAS	A CORUÑA	AGR - AGRICULTURA	240 - EDAFOLOXÍA E QUÍMICA AGRÍCOLA	ESTABILIDADE DA ESTRUTURA, CALIDADE DO SOLO, FÍSICA E BIOLOXÍA DO SOLO, EROSIÓN HÍDRICA
43	UDC	FACULTADE DE CIENCIAS	A CORUÑA	QUC - QUÍMICA	765 - QUÍMICA ORGÁNICA	QUÍMICA HETEROCÍCLICA E SUPRAMOLECULAR
44	UDC	FACULTADE DE CIENCIAS	A CORUÑA	QUC - QUÍMICA	755 - QUÍMICA FÍSICA	ESTUDOS CINETOQUÍMICOS, IN VITRO, ENZIMÁTICOS DE PROCESOS DE OXIDACIÓN CELULAR
45	UDC	FACULTADE DE CIENCIAS	A CORUÑA	QUC - QUÍMICA	760 - QUÍMICA INORGÁNICA	QUÍMICA DE ESTADO SÓLIDO E MATERIAIS MAGNETO DIELÉCTRICOS E PARA LIBERACIÓN DE FÁRMACOS
46	UDC	FACULTADE DE CIENCIAS	A CORUÑA	TQ - TECNOLOXÍA QUÍMICA	790 - TECNOLOXÍA DO MEDIO AMBIENTE	INVESTIGACIÓN DO TRATAMENTO DE ARU EN PROCESOS ANAEROBIOS E ZONAS HÚMIDAS
47	UDC	FACULTADE DE CIENCIAS	A CORUÑA	AGR - AGRICULTURA	240 - EDAFOLOXÍA E QUÍMICA AGRÍCOLA	CONSERVACIÓN DE SOLOS E AUGAS
48	UDC	FACULTADE DE INFORMÁTICA	A CORUÑA	MTM - MATEMÁTICAS	595 - MATEMÁTICA APLICADA	MODELIZACIÓN MATEMÁTICA E SIMULACIÓN NUMÉRICA
49	UDC	FACULTADE DE CIENCIAS	A CORUÑA	TQ - TECNOLOXÍA QUÍMICA	555 - ENXEÑARÍA QUÍMICA	PROCESOS AVANZADOS DE TRATAMENTO DE AUGAS E PRODUCIÓN DE BIOPOLÍMEROS
50	UDC	FACULTADE DE INFORMÁTICA	A CORUÑA	MTM - MATEMÁTICAS	265 - ESTATÍSTICA E INVESTIGACIÓN OPERATIVA	INFERENCIA ESTATÍSTICA
51	USC	FACULTADE DE FILOLOXÍA. DPTO. DE LITERATURA ESPAÑOLA, TEORÍA DA LITERATURA E LINGÜÍSTICA XERAL	SANTIAGO DE COMPOSTELA	FFI - FILOLOXÍA E FILOSOFÍA	796 - TEORÍA DA LITERATURA E LITERATURA COMPARADA	LITERATURA COMPARADA: HISTORIA COMPARADA DAS LITERATURAS PENINSULARES
52	USC	FACULTADE DE MEDICINA. DPTO. DE FISIOLOXÍA	SANTIAGO DE COMPOSTELA	FFA - FISIOLOXÍA E FARMACOLOXÍA	410 - FISIOLOXÍA	FISIOLOXÍA E FISIOPATOLOXÍA DE GLÁNDULA TIROIDES
53	USC	FACULTADE DE FILOLOXÍA. DPTO. DE LINGUA ESPAÑOLA	SANTIAGO DE COMPOSTELA	FFI - FILOLOXÍA E FILOSOFÍA	567 - LINGUA ESPAÑOLA	LINGÜÍSTICA DE CORPUS, COMPUTACIONAL OU ENXEÑARÍA LINGÜÍSTICA
54	USC	FACULTADE DE FILOLOXÍA. DPTO. DE FILOLOXÍA GALEGA	SANTIAGO DE COMPOSTELA	FFI - FILOLOXÍA E FILOSOFÍA	370 - FILOLOXÍA GALEGA E PORTUGUESA	LITERATURA PORTUGUESA
55	USC	FACULTADE DE FILOLOXÍA. DPTO. DE LITERATURA ESPAÑOLA	SANTIAGO DE COMPOSTELA	FFI - FILOLOXÍA E FILOSOFÍA	583 - LITERATURA ESPAÑOLA	ESTUDOS SOBRE A OBRA DE VALLE - INCLÁN

56	USC	FACULTADE DE XEOGRAFÍA E HISTORIA. DPTO. DE HISTORIA CONTEMPORÁNEA	SANTIAGO DE COMPOSTELA	HA - HISTORIA E ARTE	450 - HISTORIA CONTEMPORÁNEA	HISTORIA POLÍTICA COMPARADA

PRAZA	ORGANISMO	CENTRO/LUGAR DE TRABALLO	LOCALIDADE	ÁREA TEMÁTICA	ÁREA DE COÑECEMENTO	PERFIL

57	USC	ETS ENXEÑARÍA. DPTO. DE ENXEÑARÍA QUÍMICA	SANTIAGO DE COMPOSTELA	TQ - TECNOLOXÍA QUÍMICA	555 - ENXEÑARÍA QUÍMICA	1. ANÁLISE E AVALIACIÓN DE RISCOS AMBIENTAIS 2. XESTIÓN AMBIENTAL: ANÁLISE DO CICLO DE VIDA, ECODISEÑO E ECOLOXÍA INDUSTRIAL
58	USC	ETS ENXEÑARÍA. DPTO. DE ENXEÑARÍA AGROFORESTAL	SANTIAGO DE COMPOSTELA	AGR - AGRICULTURA	500 - ENXEÑARÍA AGROFORESTAL	1. ORDENACIÓN PRODUTIVA AGRARIA 2. PROXECTOS E PLANIFICACIÓN RURAL
59	USC	ETS ENXEÑARÍA. DPTO. DE ENXEÑARÍA QUÍMICA	SANTIAGO DE COMPOSTELA	TQ - TECNOLOXÍA QUÍMICA	555 - ENXEÑARÍA QUÍMICA	1. ANÁLISE E AVALIACIÓN DE RISCOS AMBIENTAIS 2. ENXEÑARÍA QUÍMICA DE PROCESOS DE SEPARACIÓN NA ELIMINACIÓN DE GASES CONTAMINANTES 3. ENXEÑARÍA QUÍMICA EN MODELIZACIÓN DE SISTEMAS 4. XESTIÓN AMBIENTAL: ANÁLISE DO CICLO DE VIDA, ECODISEÑO E ECOLOXÍA INDUSTRIAL
60	USC	FACULTADE DE DEREITO. DPTO. DE DEREITO COMÚN	SANTIAGO DE COMPOSTELA	DER - DEREITO	130 - DEREITO CIVIL	DEREITO CIVIL / RESPONSABILIDADE CIVIL
61	USC	FACULTADE DE PSICOLOXÍA. DPTO. PSICOLOXÍA SOCIAL, BÁSICA E METODOLOXÍA	SANTIAGO DE COMPOSTELA	PS - PSICOLOXÍA E CIENCIAS DA EDUCACIÓN	620 - METODOLOXÍA DAS CIENCIAS DO COMPORTAMENTO	TÉCNICAS DE INVESTIGACIÓN EN PSICOLOXÍA DO CONSUMIDOR
62	USC	IDEGA	SANTIAGO DE COMPOSTELA	ECO - ECONOMÍA	415 - FUNDAMENTOS DA ANÁLISE ECONÓMICA	EQUILIBRIO XERAL APLICADO Á MICROECONOMÍA
63	USC	FACULTADE DE PSICOLOXÍA. DPTO. PSICOLOXÍA CLÍNICA E PSICOBIOLOXÍA	SANTIAGO DE COMPOSTELA	PS - PSICOLOXÍA E CIENCIAS DA EDUCACIÓN	725 - PSICOBIOLOXÍA	CORRELATOS PSICOFISIOLÓXICOS DOS PROCESOS DE ORIENTACIÓN E ATENCIÓN NO SISTEMA VISUAL
64	USC	FACULTADE DE PSICOLOXÍA. DPTO. PSICOLOXÍA EVOLUTIVA E DA EDUCACIÓN	SANTIAGO DE COMPOSTELA	PS - PSICOLOXÍA E CIENCIAS DA EDUCACIÓN	735 - PSICOLOXÍA EVOLUTIVA E DA EDUCACIÓN	ASPECTOS EVOLUTIVOS E INTERVENCIÓN PSICOEDUCATIVA
65	USC	FACULTADE DE VETERINARIA. DPTO. DE QUÍMICA ANALÍTICA, NUTRICIÓN E BROMATOLOXÍA	LUGO	TA - CIENCIA E TECNOLOXÍA DE ALIMENTOS	780 - TECNOLOXÍA DE ALIMENTOS	AUTENTICIDADE E CUANTIFICACIÓN DE ORGANISMOS MODIFICADOS XENETICAMENTE EN ALIMENTACIÓN HUMANA
66	USC	IBADER	LUGO	BVA - BIOLOXÍA VEXETAL, ANIMAL E ECOLOXÍA	063 - BOTÁNICA	ANÁLISE SIG TELEDETECCIÓN. CARTOGRAFÍA AMBIENTAL
67	USC	FACULTADE DE FARMACIA. DPTO. QUÍMICA ANALÍTICA, NUTRICIÓN E BROMATOLOXÍA	SANTIAGO DE COMPOSTELA	TA - CIENCIA E TECNOLOXÍA DE ALIMENTOS	640 - NUTRICIÓN E BROMATOLOXÍA	BROMATOLOXÍA
68	USC	FACULTADE DE FÍSICA. DPTO. DE FÍSICA APLICADA	SANTIAGO DE COMPOSTELA	FI - FÍSICA E CIENCIAS DO ESPAZO	385 - FÍSICA APLICADA	SISTEMAS COMPLEXOS DE TIPO COLOIDAL
69	USC	FACULTADE DE FÍSICA. INSTITUTO IGFAE	SANTIAGO DE COMPOSTELA	FI - FÍSICA E CIENCIAS DO ESPAZO	390 - FÍSICA ATÓMICA, MOLECULAR E NUCLEAR	LIDERAR CONSTRUCIÓN, INSTALACIÓN E DESENVOLVEMENTO DO SILICON TRACKER DE LHCb
70	USC	FACULTADE DE MATEMÁTICAS. DPTO. XEOMETRÍA E TOPOLOXÍA	SANTIAGO DE COMPOSTELA	MTM - MATEMÁTICAS	440 - XEOMETRÍA E TOPOLOXÍA	XEOMETRÍA E TOPOLOXÍA
71	USC	FACULTADE DE BIOLOXÍA. DPTO. FISIOLOXÍA VEXETAL	SANTIAGO DE COMPOSTELA	BVA - BIOLOXÍA VEXETAL, ANIMAL E ECOLOXÍA	412 - FISIOLOXÍA VEXETAL	BIOLOXÍA MOLECULAR DA PAREDE CELULAR DAS PLANTAS
72	USC	FACULTADE DE MEDICINA. DPTO. DE MEDICINA	SANTIAGO DE COMPOSTELA	MED - MEDICINA	610 - MEDICINA	PROTEÓMICA. IDENTIFICACIÓN DE PROTEÍNAS BIOMARCADORES DE UTILIDADE CLÍNICA
73	USC	INSTITUTO DE MEDICINA LEGAL	SANTIAGO DE COMPOSTELA	MED - MEDICINA	020 - ANATOMÍA PATOLÓXICA	XENÉTICA FORENSE HUMANA, ENFERMIDADES XENÉTICAS HUMANAS, XENÉTICA DE POBOACIÓNS HUMANAS
74	USC	INSTITUTO DE FARMACIA INDUSTRIAL E FACULTADE DE MEDICINA E ODONTOLOXÍA. DPTO. ANATOMÍA PATOLÓXICA E CIENCIAS FORENSES	SANTIAGO DE COMPOSTELA	MED - MEDICINA	807 - TOXICOLOXÍA	1. DESENVOLVEMENTO E CONTROL DE FÁRMACOS 2. ESPECTOMETRÍA DE MASAS APLICADA Á TOXICOLOXÍA FORENSE
75	USC	INSTITUTO DE INVESTIGACIÓN E ANÁLISE ALIMENTARIA	SANTIAGO DE COMPOSTELA	MED - MEDICINA	660 - PARASITOLOXÍA	INVESTIGACIÓN PARASITOLÓXICA EN ACUICULTURA
76	USC	FACULTADE DE FARMACIA. DPTO. DE FARMACIA E TECNOLOXÍA FARMACÉUTICA	SANTIAGO DE COMPOSTELA	FFA - FISIOLOXÍA E FARMACOLOXÍA	310 - FARMACIA E TECNOLOXÍA FARMACÉUTICA	NANOTECNOLOXÍAS APLICADAS AO DESEÑO DE SISTEMAS DE LIBERACIÓN DE FÁRMACOS
77	USC	FACULTADE DE VETERINARIA	LUGO	BMC - BIOLOXÍA MOLECULAR, CELULAR E XENÉTICA	420 - XENÉTICA	XENÉTICA DE PEIXES
78	USC	FACULTADE DE MEDICINA E ODONTOLOXÍA. DPTO. DE MICROBIOLOXÍA E PARASITOLOXÍA	SANTIAGO DE COMPOSTELA	MED - MEDICINA	610 - MEDICINA	ENDOCRINOLOXÍA E CARDIOLOXÍA BÁSICA
79	USC	FACULTADE DE MEDICINA. DPTO. DE MICROBIOLOXÍA E PARASITOLOXÍA	SANTIAGO DE COMPOSTELA	MED - MEDICINA	660 - PARASITOLOXÍA	INMUNOPARASITOLOXÍA E PARASITOLOXÍA MOLECULAR
80	UVI	FACULTADE DE QUÍMICA FACULTADE DE CIENCIAS	VIGO OURENSE	QUC - QUÍMICA	755 - QUÍMICA FÍSICA	1. QUÍMICA CUÁNTICA 2. QUÍMICA FÍSICA DE INTERFASES
81	UVI	FACULTADE DE CIENCIAS FACULTADE DE BIOLOXÍA	OURENSE VIGO	TQ - TECNOLOXÍA QUÍMICA	555 - ENXEÑARÍA QUÍMICA	1. SEPARACIÓN CON TECNOLOXÍAS DE MEMBRANAS. PROCESOS DE EXTRACCIÓN CON FLUÍDOS SUPERCRÍTICOS 2. PROCESOS BIOTECNOLÓXICOS E ENXEÑARÍA MEDIOAMBIENTAL
82	UVI	FACULTADE CIENCIAS DO MAR FACULTADE DE BIOLOXÍA FACULTADE CIENCIAS DO MAR EU ET FORESTAL	VIGO VIGO VIGO PONTEVEDRA	BVA - BIOLOXÍA VEXETAL, ANIMAL E ECOLOXÍA	220 - ECOLOXÍA	1. COMPOSICIÓN BIOQUÍMICA DE SEDIMENTOS INTERMAREAIS E DEGRADACIÓN DE ALGAS 2. ECOLOXÍA ACUÁTICA 3. ECOTOXICOLOXÍA MARIÑA 4. BIOLOXÍA DA CONSERVACIÓN E ECOLOXÍA EVOLUTIVA
83	UVI	ETS E. TELECOMUNICACIÓNS	VIGO	MED - MEDICINA	615 - MEDICINA PREVENTIVA E SAÚDE PÚBLICA	CRONOBIOLOXÍA E CRONOTERAPIA DA HIPERTENSIÓN ARTERIAL. ASPECTOS CLÍNICOS DA MAPA
84	UVI	ETS E. TELECOMUNICACIÓNS	VIGO	TEC - TECNOLOXÍA ELECTRÓNICA E DA COMUNICACIÓNS	800 - TEORÍA DO SINAL E COMUNICACIÓNS	MEDIDA E CARACTERIZACIÓN DA CANLE DE RADIO EN BANDA ANCHA

85	UVI	FACULTADE DE BIOLOXÍA	VIGO	BMC - BIOLOXÍA MOLECULAR, CELULAR E XENÉTICA	420 - XENÉTICA	XENÉTICA DE POBOACIÓNS COMPUTACIONAL E XENÉTICA DA CONSERVACIÓN

PRAZA	ORGANISMO	CENTRO/LUGAR DE TRABALLO	LOCALIDADE	ÁREA TEMÁTICA	ÁREA DE COÑECEMENTO	PERFIL

86	UVI	ETS E. INDUSTRIAL	VIGO	TM - CIENCIA E TECNOLOXÍA DE MATERIAIS	065 - CIENCIA DOS MATERIAIS E ENXEÑARÍA METALÚRXICA	CORROSIÓN, TRATAMENTO DE SUPERFICIES E ELECTROQUÍMICA APLICADA
87	UVI	FACULTADE DE CIENCIAS ECONÓMICA E EMPRESARIAIS	VIGO	ECO - ECONOMÍA	225 - ECONOMÍA APLICADA	ECONOMÍA - TEMAS ENERXÉTICOS E AMBIENTAIS
88	UVI	FACULTADE DE CIENCIAS ECONÓMICA E EMPRESARIAIS	VIGO	ECO - ECONOMÍA	415 - FUNDAMENTOS DA ANÁLISE ECONÓMICA	TEORÍA ECONÓMICA
89	UVI	FACULTADE DE BIOLOXÍA	VIGO	BVA - BIOLOXÍA VEXETAL, ANIMAL E ECOLOXÍA	819 - ZOOLOXÍA	BIOLOXÍA E ECOLOXÍA DO SOLO
90	UVI	FACULTADE DE QUÍMICA	VIGO	QUC - QUÍMICA	765 - QUÍMICA ORGÁNICA	SÍNTESE DE PRODUTOS NATURAIS CON ACTIVIDADE BIOLÓXICA
91	UVI	FACULTADE DE CIENCIAS	OURENSE	FI - FÍSICA E CIENCIAS DO ESPAZO	385 - FÍSICA APLICADA	TÉCNICAS MICROCALORIMÉTRICAS, FENÓMENOS CRÍTICOS E MODELOS IÓNICOS
92	UVI	ETS E. INDUSTRIAIS	VIGO	FI - FÍSICA E CIENCIAS DO ESPAZO	385 - FÍSICA APLICADA	METROLOXÍA E ENSAIOS NON DESTRUTIVOS MECÁNICOS MEDIANTE TÉCNICAS ÓPTICA COHERENTES
93	UVI	FACULTADE DE BIOLOXÍA	VIGO	AGR - AGRICULTURA	240 - EDAFOLOXÍA E QUÍMICA AGRÍCOLA	ADSORCIÓN, DESORCIÓN E MOBILIDADE DE METAIS PESADOS EN SOLOS
94	UVI	FACULTADE DE CIENCIAS	OURENSE	CT - CIENCIAS DA TERRA	398 - FÍSICA DA TERRA, 038 - ASTRONOMÍA E ASTROFÍSICA	DIAGNÓSTICO DO CLIMA, MODELOS CONCEPTUAIS A ESCALA SINÓPTICA E ACOPLAMENTO TROPOSFERA - ESTRATOSFERA
95	UVI	ETS E. TELECOMUNICACIÓNS	VIGO	TEC - TECNOLOXÍA ELECTRÓNICA E DAS COMUNICACIÓNS	560 - ENXEÑARÍA TELEMÁTICA	ENXEÑEIRO DE TELECOMUNICACIÓN, ENXEÑEIRO ELECTRÓNICO, INFORMÁTICO, FÍSICO OU AFÍNS
96	UVI	FACULTADE DE CIENCIAS ECONÓMICA E EMPRESARIAIS	VIGO	MTM - MATEMÁTICAS	265 - ESTATÍSTICA E INVESTIGACIÓN OPERATIVA	MODELIZACIÓN E INFERENCIA ESTATÍSTICA
97	UVI	FACULTADE DE CIENCIAS ECONÓMICA E EMPRESARIAIS	VIGO	ECO - ECONOMÍA	225. ECONOMÍA APLICADA	ANÁLISE DE MICRODATOS NO CAMPO DA ECONOMÍA APLICADA
98	UVI	FACULTADE DE QUÍMICA	VIGO	QUC - QUÍMICA	765 - QUÍMICA ORGÁNICA	SÍNTESE TOTAL DE MOLÉCULAS CON POTENCIAL INTERESE FARMACOLÓXICO
99	UVI	ETS E. TELECOMUNICACIÓNS	VIGO	TEC - TECNOLOXÍA ELECTRÓNICA E DAS COMUNICACIÓNS	800 - TEORÍA DO SINAL E COMUNICACIÓNS	TECNOLOXÍA DA FALA E AUDIO CON ÉNFASE EN CONVERSIÓN TEXTO - VOZ
100	UVI	FACULTADE DE QUÍMICA	VIGO	QUC - QUÍMICA	750 - QUÍMICA ANALÍTICA	QUÍMICA ANALÍTICA XERAL. DETERMINACIÓN DE METAIS PESADOS EN MOSTRAS BIOLÓXICAS E MEDIOAMBIENTAIS
101	UVI	FACULTADE DE CIENCIAS ECONÓMICA E EMPRESARIAIS	VIGO	ECO - ECONOMÍA	415 - FUNDAMENTOS DA ANÁLISE ECONÓMICA	ECONOMETRÍA, MICROECONOMETRÍA E ANÁLISE CON DATOS DE PANEL
102	UVI	FACULTADE DE FILOLOXÍA E TRADUCIÓN	VIGO	FFI - FILOLOXÍA E FILOSOFÍA	796 - TEORÍA DA LITERATURA E LITERATURA COMPARADA	FILOLOXÍA HISPÁNICA: LITERATURA ESPAÑOLA NO SÉCULO XX
103	UVI	FACULTADE DE CIENCIAS	OURENSE	TA - CIENCIA E TECNOLOXÍA DE ALIMENTOS	780 - TECNOLOXÍA DE ALIMENTOS	TECNOLOXÍA DE ALIMENTOS: MELLORA TECNOLÓXICA DE ELABORACIÓN DE EMBUTIDOS TRADICIONAIS
104	UVI	FACULTADE DE BIOLOXÍA	VIGO	FFA - FISIOLOXÍA E FARMACOLOXÍA	410 - FISIOLOXÍA	NEUROFISIOLOXÍA
105	UVI	FACULTADE CIENCIAS DO MAR	VIGO	BMC - BIOLOXÍA MOLECULAR, CELULAR E XENÉTICA	060 - BIOQUÍMICA E BIOLOXÍA MOLECULAR	REPRODUCIÓN DE BIVALVOS: BIOQUÍMICA, METABOLISMO, HISTOLOXÍA, ULTRAESTRUCTURA, ALTERACIÓNS POR CONTAMINANTES
106	UVI	FACULTADE DE BIOLOXÍA	VIGO	BMC - BIOLOXÍA MOLECULAR, CELULAR E XENÉTICA	566 - INMUNOLOXÍA	INMUNOLOXÍA CELULAR, MANIPULACIÓN ANIMAL, TÉCNICAS DE BIOLOXÍA MOLECULAR
107	UVI	ETS E. MINAS	VIGO	CT - CIENCIAS DA TERRA	295 - EXPLOTACIÓN DE MINAS	DESENVOLVEMENTO DE NOVOS MÉTODOS DE AVALIACIÓN DE IMPACTO AMBIENTAL MEDIANTE TÉCNICAS DE MINARÍA DE DATOS, OPTIMIZACIÓN E SIG
108	UVI	ETS E. INDUSTRIAIS	VIGO	IME - ENXEÑARÍA MECÁNICA, NAVAL E AERONÁUTICA	590 - MÁQUINAS E MOTORES TÉRMICOS	SISTEMAS DE COMBUSTIÓN DE BIOMASA
109	UVI	FACULTADE DE BIOLOXÍA	VIGO	FFA - FISIOLOXÍA E FARMACOLOXÍA	410 - FISIOLOXÍA	FISIOLOXÍA DE PEIXES
110	UVI	FACULTADE DE BIOLOXÍA	VIGO	BVA - BIOLOXÍA VEXETAL, ANIMAL E ECOLOXÍA	412 - FISIOLOXÍA VEXETAL	BIOXEOQUÍMICA TERRESTRE
111	CSIC	INSTITUTO DE INVESTIGACIÓNS MARIÑAS	VIGO	GAN - GANDERÍA E PESCA	060 - BIOQUÍMICA E BIOLOXÍA MOLECULAR 566 - INMUNOLOXÍA	BIOLOXÍA MOLECULAR EN ACUICULTURA
112	CSIC	INSTITUTO DE INVESTIGACIÓNS MARIÑAS	VIGO	TA - CIENCIA E TECNOLOXÍA DE ALIMENTOS	780 - TECNOLOXÍA DE ALIMENTOS	IDENTIFICACIÓN DE ESPECIES DE ORIXE MARIÑA EN BASE A TÉCNICAS DE ANÁLISE DE ADN
113	CSIC	INSTITUTO DE INVESTIGACIÓNS MARIÑAS	VIGO	CT - CIENCIAS DA TERRA	220 - ECOLOXÍA	OCEANOGRAFÍA
114	CSIC	INSTITUTO DE INVESTIGACIÓNS AGROBIOLÓXICAS DE GALICIA	SANTIAGO DE COMPOSTELA	AGR - AGRICULTURA	240 - EDAFOLOXÍA E QUÍMICA AGRÍCOLA	CALIDADE, CONSERVACIÓN E RECUPERACIÓN DE SOLOS
115	CSIC	INSTITUTO DE INVESTIGACIÓNS AGROBIOLÓXICAS DE GALICIA	SANTIAGO DE COMPOSTELA	AGR - AGRICULTURA	705 - PRODUCIÓN VEXETAL	BIODIVERSIDADE AGRÍCOLA E ADAPTACIÓN DOS CULTIVOS
116	CSIC	MISIÓN BIOLÓXICA DE GALICIA	PONTEVEDRA	AGR - AGRICULTURA	705 - PRODUCIÓN VEXETAL	BIODIVERSIDADE AGRÍCOLA E ADAPTACIÓN DOS CULTIVOS
117	CSIC	MISIÓN BIOLÓXICA DE GALICIA	PONTEVEDRA	AGR - AGRICULTURA	705 - PRODUCIÓN VEXETAL	VITICULTURA
118	CSIC	INSTITUTO DE ESTUDOS GALEGOS PADRE SARMIENTO	SANTIAGO DE COMPOSTELA	HA - HISTORIA E ARTE	695 - PREHISTORIA	ARTE RUPESTRE
119	CSIC	INSTITUTO DE ESTUDOS GALEGOS PADRE SARMIENTO	SANTIAGO DE COMPOSTELA	HA - HISTORIA E ARTE	485 - HISTORIA MEDIEVAL	MINORÍAS SOCIAIS E ACTIVIDADES ECONÓMICAS NA GALICIA MEDIEVAL
120	CETMAR	CENTRO TECNOLÓXICO DO MAR	VIGO	FI - FÍSICA E CIENCIAS DO ESPAZO	385 - FÍSICA APLICADA 600 - MECÁNICA DE FLUÍDOS	-SISTEMAS DE APROVEITAMENTO ENERXÉTICO SUSTENTABLES-IMPACTO MEDIOAMBIENTAL DE ESTRUTURAS NO MEDIO MARIÑO-OCEANOGRAFÍA FÍSICA
121	CETMAR	CENTRO TECNOLÓXICO DO MAR	VIGO	IME - ENXEÑARÍA MECÁNICA, NAVAL E AERONÁUTICA	115 - CONSTRUCIÓNS NAVAIS	-SISTEMAS DE APROVEITAMENTO ENERXÉTICO SUSTENTABLES-IMPACTO MEDIOAMBIENTAL DE ESTRUTURAS NO MEDIO MARIÑO-OCEANOGRAFÍA FÍSICA
122	USC	INSTITUTO DE INVESTIGACIÓN E ANÁLISE ALIMENTARIAS	SANTIAGO DE COMPOSTELA	QUC - QUÍMICA	750 - QUÍMICA ANALÍTICA	CROMATOGRAFÍA. QUÍMICA ANALÍTICA AMBIENTAL. QUIMIOMETRÍA