O artigo 40 da Lei 27/1992, do 24 de novembro, de portos do Estado e da mariña mercante, dispón que a separación dos vogais dos consellos de Administración das autoridades portuarias dos portos de interese xeral será acordada polo órgano competente da comunidade autónoma por proposta das organizacións, organismos e entidades ás que representen aqueles.
Polo exposto, e vista a proposta da Confederación Provincial de Empresarios de Pontevedra, e en exercicio da facultade que me foi atribuída polo Consello da Xunta de Galicia, na súa reunión do día 10 de xaneiro de 2002,
DISPOÑO:
O cesamento de Guillermo Alonso Jáudenes como vogal do Consello de Administración da Autoridade Portuaria de Vigo e a súa ría, en representación da Confederación Provincial de Empresarios de Pontevedra, agradecéndolle os servizos prestados.
Santiago de Compostela, 4 de agosto de 2006.
María José Caride Estévez
Conselleira de Política Territorial, Obras Públicas
e Transportes
CONSELLERÍA DE POLÍTICA TERRITORIAL, OBRAS PÚBLICAS
E TRANSPORTES