Faise público para os efectos do disposto no artigo 92.2º da Lei 9/2002, do 30 de decembro, de ordenación urbanística e protección do medio rural de Galicia, coas modificacións derivadas da Lei 15/2004, do 29 de decembro, que polo Pleno do Concello de Allariz, en sesión celebrada o 30 de xuño de 2006, aprobouse, por unanimidade, con carácter definitivo, un estudo de detalle correspondente á parcela nº 1 da Área de Repartición nº 146 do PXOM de Allariz, promovido por Celta Casa,
S.L., con CIF nº B-32345811, redactado polo arquitecto Rafael Nogueiras Mascarenhas.
Contra este acordo os interesados poderán interpor recurso contencioso-administrativo perante a Sala do Contencioso Administrativo do Tribunal Superior de Xustiza no prazo de dous meses desde o día seguinte ao da publicación do anuncio de aprobación no Diario Oficial de Galicia.
Faise constar, así mesmo, que, con esta mesma data remítense á Consellería de Política Territorial, Obras Públicas e Transportes unha copia autenticada de dous exemplares do estudo de detalle definitivamente aprobado con todos os planos e documentos que o integran debidamente dilixenciados polo secretario do concello.
Allariz, 4 de xullo de 2006.
Francisco García Suárez
Alcalde