En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servizo desta dirección xeral se presentou o 31 de maio de 2006, certificación expedida por Jacobo Feijoo Lamas, secretario da Asociación Sectorial Forestal Galega (Asefoga), onde se reflicte o acordo acadado pola asemblea xeral extraordinaria, na reunión celebrada o día 20 de maio de 2006, e que consiste na modificación do domicilio social, que pasa a ser na rúa Doutor Maceira, nº 13, baixo, Santiago de Compostela (A Coruña).

Santiago de Compostela, 14 de xuño de 2006.

Pilar Cancela Rodríguez

Directora xeral de Relacións Laborais