O Xurado Provincial de Clasificación de Monte Veciñais en Man Común de Ourense acordou, en sesión que tivo lugar o 11 de maio de 2006, iniciar o expediente de clasificación como veciñal en man común do monte coas características que a seguir se relacionan:
Concello: Sarreaus (Ourense).
Denominación do monte: monte de Borreal, A Tula e Tras Carril.
Comunidade veciñal solicitante: veciños de Codosedo, da parroquia de Codosedo, concello de Sarreaus.
Superficie: 10,34 ha, en total, aproximadamente.
O devandito monte está composto por tres predios resultantes da zona de concentración parcelaria de Bresmaus-Codosedo (Sarreaus) que se describen así:
* Predio nº 95, do plano xeral, ao sitio de Suborreal.
Superficie: 4, 33, 80 ha.
Lindeiros:
Norte: predio nº 96, de descoñecidos.
Sur: predio nº 91 de Josefa Nieto Castro; predio nº 92, de Gustavo Fuertes Pérez e outros, e predios nº 93 e 94, doutros propietarios.
Leste: camiño.
Oeste: predio nº 98 de Antonio López Lozano.
* Predio nº 149, do plano xeral, ao sitio da Tula.
Superficie: 140 m.
Lindeiros:
Norte: camiño.
Sur e leste: predio nº 150 de Manuel Losada Losada.
Oeste: predio nº 140 de Modesto Lozano Taboada.
* Predio nº 131, do plano xeral, ao sitio de Borreal.
Superficie: 3, 88, 65 ha.
Lindeiros:
Norte: predio nº 127 de Áurea Iglesias Lozano; predios nº 128 de Encarnación López Cid e predio nº 129, 130 e 133 doutros propietarios.
Sur: camiño
Leste: predio nº 132 de Matías Cajete Robles e outro e predio nº 848, de masa común.
Oeste: camiño.
* Predio nº 123 do plano xeral, ao sitio de Tras Carril.
Superficie: 2, 10, 20 ha.
Lindeiros:
Norte: canal.
Sur e leste: camiño.
Oeste: predio nº 122 de Manuela López Robles.
O que se pon en coñecemento de todos os interesados indicándolles que se abre un período dun mes para que poidan examinar o expediente e efectuar as alegacións que consideren convenientes así como achegar os documentos ou informacións que
xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o regulamento para a execución da Lei 13/1989, do 10 de outubro, de montes veciñais en man común.
Ourense, 7 de xuño de 2006.
Xosé Rodríguez Cid
Presidente do Xurado Provincial de Clasificación
de Monte Veciñais en Man Común de Ourense