O artigo 31.3º, da Lei 12/2001, do 10 de setembro, de modificación da Lei de concentración parcelaria para Galicia, sinala que a consellería competente en materia de agricultura está autorizada para exercer as funcións dominicais sobre o fondo de terras segundo o establecido na lexislación patrimonial, sen prexuízo do informe previo da Consellería de Economía e Facenda para os actos de disposición sobre bens inmobles.

Con data 19 de setembro de 2005, o Concello de Vedra (A Coruña) solicitou a cesión gratuíta en propiedade do predio nº 770 da zona de concentración parcelaria de Sta. Baia de Vedra (Vedra-A Coruña) que pertence á Comunidade Autónoma de Galicia

en virtude da acta complementaria de reorganización da propiedade da zona de concentración parcelaria de Sta. Baia de Vedra de data 3 de agosto de 1999, pola que pasaron á titularidade da Comunidade Autónoma de Galicia as terras sobrantes da antedita zona de concentración, entre a que se encontra o predio nº 770.

Unha vez obtida a inscrición no correspondente rexistro da propiedade do citado ben inmoble, procede declarar a súa alleabilidade de conformidade co disposto no artigo 24 da Lei 3/1985, do 12 de abril, do patrimonio da Comunidade Autónoma de Galicia, e no artigo 60 do Decreto 50/1989, do 9 de marzo, polo que se aproba o seu regulamento, co obxecto de posibilitar o tráfico deste ben patrimonial.

En virtude do anteriormente exposto e tendo en conta a memoria xustificativa da Secretaría Xeral da Consellería do Medio Rural e despois do informe favorable da Consellería de Economía e Facenda,

DISPOÑO:

Artigo único.-Declárase a alleabilidade do ben inmoble que se describe:

Predio nº 770 da zona de concentración parcelara de Sta. Baia de Vedra, municipio de Vedra (A Coruña), labradío e monte no sitio de Monte de Veiga, parroquia de Sta. Baia, concello de Vedra (A Coruña), que ten unha superficie de 8.670 m, que estrema: norte, Amelia Estévez Freiría e outro (774); sur, camiño; leste, Emilia Cutrín Fernández (763), descoñecidos (764-1) e outros propietarios (predios nº 764-2, 765, 766, 767, 768 e 769); oeste, Manuel Pazos Blanco (771). Inscrito no Rexistro da Propiedade nº 1 de Santiago de Compostela, tomo 1343, libro 124, folio 13, predio nº 13.412.

Santiago de Compostela, 9 de xuño de 2006.

Alfredo Suárez Canal

Conselleiro do Medio Rural