De conformidade co establecido no artigo décimo cuarto da orde desta consellería do 7 de febreiro

de 2006 (DOG do 15 de febreiro) pola que se convocaban licenzas por estudos para o curso 2006-2007, destinadas a funcionarios docentes non universitarios, esta consellería

DISPÓN:

Primeiro.-Adxudicarlles as licenzas por estudos aos profesores que se relacionan no anexo desta orde.

Segundo.-O período improrrogable de duración das licenzas dun curso completo será, como máximo, do 1 de setembro de 2006 ao 31 de agosto de 2007, para o profesorado de educación infantil e de educación primaria, e desde o 15 de setembro de 2006 ao 14 de setembro de 2007, para o profesorado de ensino secundario e de ensinanzas de réxime especial.

Nas licenzas cuadrimestrais das modalidades 4 e 5 a duración dos cuadrimestres establécese do seguinte xeito:

1. Para o profesorado de educación infantil e de educación primaria:

-Primeiro cuadrimestre, do 1 de setembro de 2006 ao 31 de decembro de 2006.

-Segundo cuadrimestre, do 1 de xaneiro de 2007 ao 30 de abril de 2007.

-Terceiro cuadrimestre, do 1 de maio de 2007 ao 31 de agosto de 2007.

2. Para o profesorado que imparte docencia no ensino secundario e nas ensinanzas de réxime especial:

-Primeiro cuadrimestre, do 15 de setembro de 2006 ao 14 de xaneiro de 2007.

-Segundo cuadrimestre, do 15 de xaneiro de 2007 ao 14 de maio de 2007.

-Terceiro cuadrimestre, do 15 de maio de 2007 ao 15 de setembro de 2007.

3. Para funcionarios dos corpos de inspectores:

-Segundo cuadrimestre, do 1 de xaneiro de 2007 ao 30 de abril de 2007.

-Terceiro cuadrimestre, do 1 de maio de 2007 ao 31 de agosto de 2007.

Terceiro.-O profesorado ao cal se lle concede licenza por estudos das modalidades 2, 3 e 4 continuará condicionado ao envío do xustificante orixinal ou fotocopia cotexada do pagamento da matrícula e das taxas no centro en que se realizarán os estudos, que deberá enviar antes do 31 de outubro de 2006; en caso contrario, a dita licenza quedará automaticamente denegada.

Cuarto.-Contra esta resolución os interesados poderán interpoñer recurso potestativo de reposición perante a conselleira de Educación e Ordenación Universitaria no prazo dun mes contado a partir do día seguinte ao da súa publicación no DOG, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou ben

directamente recurso contencioso-administrativo, no prazo de dous meses perante o Tribunal Superior de Xustiza de Galicia, de conformidade coa Lei 29/1998, reguladora da xurisdición contencioso-administrativa.

Santiago de Compostela, 28 de xuño de 2006.

Laura Sánchez Piñón

Conselleira de Educación e Ordenación Universitaria

ANEXO

Licenzas por estudos concedidas

para o curso 2006-2007

Mestres

Profesores de ensino secundario e outros