A Orde do 2 de febreiro de 2006 pola que se establecen subvencións para o desenvolvemento de programas de incorporación sociolaboral destinadas a persoas en situación ou risco de exclusión social e se procede á súa convocatoria (DOG nº 29, do 10 de febreiro), establece no seu artigo 6º que a concesión destas subvencións terá como límite global o crédito asignado para estes fins nos orzamentos da comunidade autónoma para o ano 2006 polo importe de 566.224 euros con cargo á aplicación orzamentaria 05.31.212A.482.1.
Existindo outra dotación dispoñible para o mesmo fin, cómpre ampliar o importe dos créditos destinados ás subvencións que poderán ser concedidas ao abeiro da dita orde coa finalidade de facer chegar estas ao maior número de beneficiarios posible.
Por todo o exposto e no uso das facultades que me foron conferidas,
DISPOÑO:
Artigo único.
1. Ampliar o importe total das subvencións que se van conceder ao abeiro da Orde do 2 de febreiro de 2006, pola que se establecen subvencións para o desenvolvemento de programas de incorporación sociolaboral destinadas a persoas en situación ou risco de exclusión social na contía de 60.000 euros, cofinanciados nun 75% polo Fondo Social Europeo, con cargo á aplicación orzamentaria 05.31.212A.482.1.
2. Esta modificación non afecta o prazo establecido na dita orde para a presentación de solicitudes.
Disposición derradeira
Única.-A presente disposición entrará en vigor o día seguinte ao da súa publicación no Diario Oficial de Galicia.
Santiago de Compostela, 16 de maio de 2006.
Anxo Manuel Quintana González
Vicepresidente da Igualdade e do Benestar