Advertidos erros no texto da devandita orde, publicada no DOG nº 79, do 25 de abril de 2006, cómpre facer as oportunas correccións:
1. Na páxina 6.546, no artigo 4º, punto 1.1.c) sobre atención integral en centros para persoas maiores, onde di: «-Atención en centros de día para maiores en situación de gran dependencia: ata 240 euros. -Atención en vivendas comunitarias ou apartamentos tutelados para maiores con alto grao de autovalimento: ata 400 euros», debe dicir: «-Atención en centros de día para maiores en situación de gran dependencia: ata 240 euros mensuais. -Atención en vivendas comunitarias ou apartamentos tutelados, para maiores con alto grao de autovalimento: ata 400 euros mensuais».
2. Na páxina 6.546, no artigo 4º, alínea 2, persoas con discapacidade, no punto 1.a), onde di: «fisioterapia, psicomotricidade e terapia da linguaxe», debe dicir: «atención temperá (menores de 6 anos), fisioterapia, psicomotricidade e terapia da linguaxe».