Vista a proposta formulada polo xefe de Servizos Xerais, conformada pola directora, fundamentandose

no Real decreto 939/1995, do 29 de xullo, polo que se aproba o Regulamento xeral de recadación, en vigor desde o 1 de xaneiro deste ano, onde se establece e regula a posibilidade de que os ingresos da xestión recadatoria poderán convirse con entidades de crédito que presten o servizo de caixa e/ou que actúen como entidades colaboradoras, en virtude das facultades conferidas polos artigos 6.3º g) da Lei 5/1994, do 29 de novembro, de creación do ente

público Portos de Galicia, e no artigo 9 h) do Decreto 227/1995, do 20 de xullo, polo que se aproba o seu regulamento, o seu presidente

RESOLVE:

Primeiro.-Autorízase as entidades: Caixa Galicia, Caixanova, BSCH, BBVA, Banco Gallego e Banco Pastor, para actuar como entidades colaboradoras na xestión recadadora das taxas portuarias e outros ingresos de dereito público, con suxeición ao establecido no artigo 18 e demais aplicables do Regulamento xeral de recadación, e ao convenio tipo que se aproba para o seu asinamento.

Segundo.-Os ingresos realizaranse nas contas restrinxidas abertas, tituladas «Portos de Galicia. Conta restrinxida de recadación para taxas e prezos».

Terceiro.-As devanditas entidades colaboradoras, deberán comunicar ao ente público Portos de Galicia o número de identificación das contas abertas.

Contra esta resolución que esgota a vía administrativa poderase interpoñer recurso contencioso-administrativo perante o Xulgado do Contencioso-Administrativo da Coruña que corresponda nun prazo de dous meses contados desde o día seguinte ao da notificación dela ou recurso potestativo de reposición perante este órgano de contratación no prazo dun mes contado desde a mesma data.

Esta resolución producirá efectos xerais desde o día seguinte ao da súa publicación no Diario Oficial de Galicia.

Santiago de Compostela, 16 de marzo de 2006.

Vicente Irisarri Castro

Presidente de Portos de Galicia