O Decreto 14/2000, do 7 de xaneiro, de autorización de laboratorios para a realización de determinados ensaios de control de produtos alimenticios relacionados co consumo humano, regula no seu artigo 1.1º a creación da Comisión Galega de Laboratorios de Ensaios e Control de Produtos Alimenticios Relacionados co Consumo Humano, establecendo a súa composición e funcións nos artigos 4 e 5 respectivamente.
Por medio das ordes da Consellería de Sanidade do 6 de marzo de 2000 e do 25 de xaneiro de 2001 fixéronse públicos, respectivamente, os nomeamentos dos membros da devandita comisión así como dos seus suplentes.
Con motivo dos cambios producidos pola nova estrutura organizativa da Xunta de Galicia, e as consecuentes modificacións na titularidade e no desenvolvemento destes postos, noméanse novos membros da devandita comisión.
Así, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, e a disposición derradeira primeira do Decreto 14/2000, do 7 de xaneiro, de autorización de laboratorios para a realización de determinados ensaios de control de produtos alimenticios relacionados co consumo humano,
DISPOÑO:
Artigo único.-Noméanse como membros da Comisión Galega de Laboratorios de Ensaios e Control de Produtos Alimenticios Relacionados co Consumo Humano, creada por Decreto 14/2000, do 7 de xaneiro, as persoas que se relacionan no anexo.
Santiago de Compostela, 22 de marzo de 2006.
María José Rubio Vidal
Conselleira de Sanidade
ANEXO
Novos membros da Comisión Galega de Laboratorios de Ensaios e Control de Produtos Almenticios Relacionados con Consumo Humano
Pola Consellería de Innovación e Industria:
Vogal: Mª José Teijeiro Dacal, xerente do Instituto Galego de Consumo.
Pola Consellería de Pesca e Asuntos Marítimos:
Vogal: Xosé Manoel Romarís Pais, director xeral do INTECMAR.
Suplente: Cristina Álvarez Álvarez, xefa da Unidade de Microbioloxía do INTECMAR.