O Decreto 555/2005, do 10 de novembro, polo que se adoptan medidas provisionais en relación coa utilización do dominio público hidráulico suspende, no artigo 3, a tramitación administrativa das solicitudes de concesións de aproveitamentos hidroe

léctricos de augas públicas ata a aprobación da revisión do Plan sectorial hidroeléctrico das bacías de Galicia-Costa. A disposición derradeira primeira deste decreto autoriza o conselleiro de Medio Ambiente e Desenvolvemento Sostible a ditar as disposicións necesarias para o desenvolvemento e aplicación do decreto.

Na súa virtude, co obxecto de dar cumprimento ao principio de seguridade xurídica, e en uso das facultades que me confire o artigo 38 da Lei 1/1983, do 22 de febreiro, da Xunta e do seu presidente, modificada pola Lei 11/1988,

DISPOÑO:

Artigo único.-Publicar, en anexo á presente orde, a relación de expedientes de aproveitamentos

hidroeléctricos afectados pola suspensión da tramitación administrativa á que fai referencia o artigo 3 do Decreto 555/2005, do 10 de novembro, polo que se adoptan medidas provisionais en relación coa utilización do dominio público hidráulico.

Disposición derradeira

Única.-A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 22 de febreiro de 2006.

Manuel Vázquez Fernández

Conselleiro de Medio Ambiente

e Desenvolvemento Sostible

ANEXO

Relación de expedientes afectados pola suspensión da tramitación administrativa (Decreto 555/2005, do 10 de novembro).

A) Expedientes de novas concesións.

B) Expedientes de modificación de características esenciais.