Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación Viandantes do Camiño Primitivo ou Ovetense, do 22 de decembro de 2005.

Visto o Decreto 45/2001, do 1 de febreiro, de refundición da normativa en materia do Camiño de Santiago, modificado en parte polo Decreto 209/2002, do 13 de xuño.

Visto igualmente o informe da Xerencia de Promoción do Camiño de Santiago, emitido de acordo co artigo 23º do mencionado decreto.

Considerando que a solicitude presentada cumpre as normas establecidas no decreto de referencia.

RESOLVO:

Que a Asociación Viandantes do Camiño Primitivo ou Oventense quede inscrita no Rexistro de Entidades de Promoción do Camiño de Santiago co número 163.

Santiago de Compostela, 19 de xaneiro de 2006.

Carlos Amoedo Souto

Secretario xeral da Consellería de Cultura e Deporte