Por Decreto 198/1998, do 25 de xuño (DOG do 6 de xullo), constituíuse o Comité Galego de Xustiza Deportiva e estableceuse o procedemento para a designación dos seus membros.

Por Orde do 7 de xullo de 2003, e por un período de catro anos, tal e como se establece no artigo 10 do decreto anteriormente citado, nomeáronse os membros do Comité Galego de Xustiza Deportiva para o período 2003-2007.

Con data do 18 de novembro de 2005, Julio Pedrosa Vicente, membro titular do Comité Galego de Xustiza Deportiva por proposta da Dirección Xeral para o Deporte para o citado período de catro anos e presidente ata ese momento, presentou a súa dimisión ao cargo.

Para garantir o correcto funcionamento do comité, o director xeral para o Deporte, con data do 23 de xaneiro de 2006, propón a Carlos Borrás Sanjurjo como membro titular do Comité Galego de Xustiza Deportiva polo tempo que resta para esgotar este período (2003-2007), quedando o resto da composición do comité tal e como se establece na Orde do 7 de xullo de 2003.

En cumprimento do establecido no artigo 9 do citado decreto,

DISPOÑO:

Artigo único.-De conformidade co disposto no artigo 4 do Decreto 198/1998, do 25 de xuño, noméase, por proposta do director xeral para o Deporte, polo tempo que resta para esgotar este período (2003-2007), como membro titular do Comité Galego de Xustiza Deportiva a Carlos Borrás Sanjurjo.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 26 de xaneiro de 2006.

Ánxela Bugallo Rodríguez

Conselleira de Cultura e Deporte