O Decreto 50/2000, do 20 de xaneiro, que regula o recoñecemento das escolas de tempo libre, establece no seu artigo 59.1º que o recoñecemento das escolas de tempo libre e a aprobación dos seus programas de formación, correspóndelle á Consellería de Familia, Promoción do Emprego, Muller e Xuventude.

A estrutura actual da Xunta de Galicia desenvólvese a través dos seguintes decretos:

O Decreto 211/2005, do 3 de agosto, establece a estrutura orgánica da Xunta de Galicia. Posteriormente, a través do Decreto 232/2005, do 11 de agosto, modificado polos decretos 332/2005, do 18 de agosto e 454/2005, do 1 de setembro, fixa a estrutura orgánica dos seus departamentos. No artigo 1 da citada norma establécese a estrutura orgánica básica da Vicepresidencia da Igualdade e do Benestar a cal se desenvolve a través do Decreto 517/2005, do 10 de outubro. No artigo 1 deste decreto establécese o ámbito competencial da Vicepresidencia da Igualdade e do Benestar, do que as políticas de Xuventude, nas que se enmarcan as escolas de tempo libre, forma parte.

Polo exposto, correspóndelle á Vicepresidencia da Igualdade e do Benestar o recoñecemento das escolas de tempo libre e a aprobación dos seus programas de formación.

Examinado o expediente promovido por Araceli Barros Cao, en nome e representación de si mesma, no que solicita o recoñecemento e a aprobación dos programas de formación da Escola de Tempo Libre Aldebarán, a Dirección Xeral de Xuventude e Solidariedade efectúa a proposta favorable ao recoñecemento solicitado, por ser conforme coa lexislación vixente, vistas as normas reguladoras desta materia (Decreto 50/2000, do 20 de xaneiro). Por todo isto,

DISPOÑO:

Primeiro.-Recoñecerlle á Escola de Tempo Libre Aldebarán a condición de escola de tempo libre, aprobando os programas de formación propostos para os niveis primeiro (monitores/as de actividades de tempo libre) e segundo (directores/as de actividades de tempo libre e directores/as de campos de traballo) fixados no Decreto 50/2000, do 20 de xaneiro.

Segundo.-Ordenar a inscrición da Escola de Tempo Libre Aldebarán no Rexistro de Escolas de Tempo Libre dependente da Dirección Xeral de Xuventude e Solidariedade, correspondéndolle o número G-35.

Terceiro.-A Vicepresidencia da Igualdade e do Benestar expedirá os títulos acreditativos correspondentes ás materias impartidas pola Escola de Tempo Libre Aldebarán, sempre de acordo co establecido no Decreto 50/2000, do 20 de xaneiro, quedando

esta supeditada á supervisión e inspección ordenadas no artigo 59.2º do dito decreto.

Santiago de Compostela, 19 de decembro de 2005.

Anxo Manuel Quintana González

Vicepresidente da Igualdade e do Benestar

CONSELLERÍA DE PRESIDENCIA, ADMINISTRACIÓNS PÚBLICAS

E XUSTIZA