O Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, desenvolve as previsións contidas na súa norma de creación, a Lei 5/1998, do 18 de decembro, de cooperativas de Galicia, regulando no seu artigo 4 a composición, no artigo 5 o procedemento de nomeamento e cesamento dos membros deste órgano, e no artigo 6 as substitucións.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1998, do 20 de outubro, o artigo 5 e a disposición derradeira 1ª do Decreto 25/2001, do 18 de xaneiro, en relación co Decreto 232/2005, do 11 de agosto, polo que se fixa a estrutura orgánica dos departamentos da Xunta de Galicia, e os decretos 213/2005, do 3 de agosto e 536/2005, do 6 de outubro, que establecen o nomeamento como conselleiro de Traballo e a estrutura orgánica da consellería, respectivamente,

DISPOÑO:

Artigo único:

1. O nomeamento do director xeral de Promoción Científica e Tecnolóxica do Sistema Universitario de Galicia, Rogelio Conde-Pumpido Tourón, como vogal titular e o nomeamento do subdirector xeral de Promoción Científica e Tecnolóxica de Galicia como vogal suplente, en representación do Consello Galego de Universidades.

2. O nomeamento do xefe do Servizo de Cooperativas e Economía Social, Manuel Ángel Pérez Losada, como secretario, e o do xefe de Sección do Rexistro de Cooperativas, José Abad Tizón, como suplente do secretario, por proposta da Dirección Xeral de Relacións Laborais.

Santiago de Compostela, 27 de xaneiro de 2006.

Ricardo Jacinto Varela Sánchez

Conselleiro de Traballo