A Lei 12/1993, do 6 de agosto, de fomento da investigación e de desenvolvemento tecnolóxico de Galicia, crea no artigo 11.1º a Comisión Interdepartamental de Ciencia e Tecnoloxía de Galicia como órgano encargado da planificación, elaboración, coordinación e seguimento do Plan Galego de Investigación e Desenvolvemento Tecnolóxico de Galicia.
No punto 2º do artigo 11 establécese que a Comisión Departamental de Ciencia e Tecnoloxía de Galicia estará composta por un presidente, un vicepresidente e un número de vogais que se determinarán regulamentariamente.
O Decreto 137/1995, do 10 de maio, que establece a composición da Comisión Interdepartamental de Ciencia e Tecnoloxía de Galicia (Cicetga) foi modificado en dúas ocasións como consecuencia dos cambios na estrutura orgánica da Xunta de Galicia. Estas modificacións fixéronse a través do Decreto 483/1997, do 26 de decembro, e polo Decreto 18/2002, do 1 de febreiro.
Recentemente o Decreto 232/2005, do 11 de agosto, establece a nova estrutura orgánica da Xunta de Galicia, polo que procede modificar a composición da devandita comisión.
Por todo iso, por proposta do conselleiro de Innovación e Industria, e logo de deliberación do Consello da Xunta de Galicia, na súa reunión do día vinte e seis de xaneiro de dous mil seis,
DISPOÑO:
Artigo único.-A Comisión Interdepartamental de Ciencia e Tecnoloxía de Galicia estará composta polos seguintes membros:
1. Presidente: o conselleiro de Innovación e Industria.
2. Vicepresidente: o director xeral de Investigación, Desenvolvemento e Innovación.
3. Secretario: un subdirector xeral da Dirección Xeral de Investigación, Desenvolvemento e Innovación.
4. Vogais:
Un representante con rango de secretario xeral ou director xeral nomeado por orde do conselleiro de Innovación e Industria por proposta de cada un dos departamentos que integran a Xunta de Galicia.
Quedan derrogados o Decreto 18/2002, do 1 de febreiro, e todas aquelas disposicións de igual ou inferior rango que se opoñan ao disposto neste decreto.
Disposicións derradeiras
Primeira.-Facúltase o conselleiro de Innovación e Industria para ditar as disposicións de desenvolvemento e execución deste decreto.
Segunda.-Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela, vinte e seis de xaneiro de dous mil seis.
Emilio Pérez Touriño
Presidente
Fernando Xabier Blanco Álvarez
Conselleiro de Innovación e Industria
