De acordo coa competencia plena que figura no artigo 31 do Estatuto de autonomía e de conformidade co Real decreto 1763/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de educación, aprobouse o Decreto 239/1995, do 28 de xullo, polo que se establece a ordenación xeral das ensinanzas de formación profesional e as directrices sobre os seus títulos na Comunidade Autónoma de Galicia, que determina os aspectos que deben cumprir os currículos dos diferentes ciclos formativos.
O Real decreto 2216/1993, do 17 de decembro, establece o título de técnico superior en aloxamento e as súas correspondentes ensinanzas mínimas e, na súa disposición adicional segunda, habilita os órganos competentes das comunidades autónomas para executaren e desenvolveren o disposto neste real decreto.
O Real decreto 1411/1994, do 25 de xuño, completa o Real decreto 2216/1993, do 17 de decembro.
O Real decreto 1635/1995, do 6 de outubro, adscribe o profesorado do corpo de profesorado de ensino secundario e do corpo de profesorado técnico de formación profesional ás especialidades propias da formación profesional específica.
O Real decreto 777/1998, do 30 de abril, polo que se desenvolven determinados aspectos da ordenación da formación profesional no ámbito do sistema educativo, completa a ordenación básica relativa a estas ensinanzas e, na súa disposición derradeira primeira, punto 2, autoriza as comunidades autónomas para ditaren, no ámbito das súas competencias, as normas que cumpriren para a aplicación e o desenvolvemento deste real decreto.
O Real decreto 334/2004, do 27 de febreiro, polo que se aproba o Regulamento de ingreso, accesos e adquisición de novas especialidades nos corpos docentes que imparten as ensinanzas escolares do sistema educativo.
A Orde ECI/2527/2005, do 4 de xullo, actualiza e amplía o disposto no anexo X do Real decreto 777/1998, do 30 de abril, sobre o acceso directo a estudos universitarios desde a formación profesional para adecualo ás titulacións actualmente existentes.
O Decreto 296/1999, do 21 de outubro, no seu artigo décimo primeiro, establece os requisitos mínimos de espazos formativos para a impartición dos ciclos formativos de formación profesional específica.
Seguindo os principios xerais que han rexer a actividade educativa recollidos nos preceptos anteriores, o currículo dos ciclos formativos da formación profesional específica establécese de xeito que permita a adaptación da nova titulación ao campo profesional e de traballo na realidade socioeconómica galega e ás necesidades de cualificación do sector produtivo da nosa economía, tendo en conta a marxe suficiente de autonomía pedagóxica que posibilite aos centros adecuaren a docencia ás características do alumnado e ao seu contorno sociocultural.
Isto require o posterior desenvolvemento nas programacións elaboradas polo equipo docente do ciclo formativo que concrete a adaptación sinalada, tomando como referencia inmediata as capacidades profesionais que definen o perfil profesional do título. Estas han permitir realizar o papel do posto de traballo en actividades específicas que producen resultados concretos, dirixir as variacións que se dan na práctica do traballo e nos procesos produtivos, actuar correctamente ante anomalías, dirixir o conxunto do traballo e acadar os obxectivos da organización, así como establecer prioridades e actuar en coordinación con outros departamentos.
O currículo que se establece neste decreto desenvólvese tendo en conta os obxectivos xerais que fixan as capacidades que o alumnado debe acadar ao finalizar o ciclo formativo, e describen o conxunto de aptitudes que configura a cualificación profesional, así como os obxectivos dos módulos profesionais, expresados neste decreto como capacidades terminais elementais, que definen en termos de resultados avaliables o comportamento, o saber e o comprender que se requiren do alumnado para acadar os logros profesionais do perfil profesional.
Estas capacidades acádanse a partir duns contidos mínimos necesarios de tipo conceptual, procedemental e actitudinal, que han proporcionar o soporte de información e destreza preciso para desenvolver comportamentos profesionais, tanto no aspecto tecnolóxico como no de valoración funcional e técnica. Estes contidos son igualmente importantes, xa que todos eles levan a acadar as capacidades terminais elementais sinaladas en cada módulo. Preséntanse agrupados en bloques que non constitúen un temario nin son unidades compartimentadas que teñan por si mesmas sentido; a súa estrutura responde a aquilo que deberá ter en conta o profesorado á hora de elaborar as programacións de aula e a orde na que se presentan non implica secuencia.
O proxecto integrado, que se inclúe neste ciclo formativo, permite comprender globalmente os aspectos sobresalientes da competencia profesional característica do título que foron abordados noutros módulos profesionais. Ademais, integra ordenadamente coñecementos sobre organización, características, condicións, tipoloxía, técnicas e procesos que se desenvolvan nas actividades produtivas do sector
ao que corresponda o título e, ao mesmo tempo, permite adquirir coñecementos, habilidades, destrezas e actitudes que favorecen o desenvolvemento daquelas capacidades relacionadas coa profesión que, sendo demandadas polo contorno produtivo en que radica o centro, non puideran ser recollidas no resto dos módulos profesionais.
A inclusión do módulo de formación en centros de traballo (FCT) posibilita que o alumnado complete a competencia profesional acadada no centro educativo mediante a realización dun conxunto de actividades produtivas e/ou de servizos -contidosdo centro de traballo. Estas actividades de referencia poden ser modificadas ou substituídas por outras que, adaptándose mellor ao proceso produtivo ou de servizos do centro de traballo, conduzan á adquisición das capacidades terminais deste módulo.
Os centros educativos han dispor dun determinado número de horas que lles permitan realizar o desenvolvemento curricular establecendo os obxectivos, os contidos, os criterios de avaliación, a secuencia e a metodoloxía que respondan ás características do alumnado e ás posibilidades de formación que ofrece o seu contorno.
Por todo isto, por proposta da conselleira de Educación e Ordenación Universitaria, co informe do Consello Galego de Formación Profesional e do Consello Escolar de Galicia, e logo da deliberación do Consello da Xunta de Galicia na súa reunión do día doce de xaneiro de dous mil seis,
DISPOÑO:
I. Título, perfil e currículo
Artigo 1º.-Identificación do título.
1. Este decreto establece o currículo que será de aplicación na Comunidade Autónoma de Galicia para as ensinanzas de formación profesional relativas ao título de técnico superior en aloxamento, regulado polo Real decreto 2216/1993, do 17 de decembro, polo que se aproban as ensinanzas mínimas, e completado polo Real decreto 1411/1994, do 25 de xuño.
2. A denominación, a duración e o nivel de formación profesional do ciclo formativo son os que se establecen no punto 1 do anexo deste decreto.
Artigo 2º.-Perfil profesional.
A competencia xeral, as capacidades profesionais, as unidades de competencia, as realizacións e os criterios de realización, o dominio profesional, así como a evolución da competencia e a posición no proceso produtivo que definen o perfil profesional do título son os que se establecen no punto 2 do anexo deste decreto.
Artigo 3º.-Currículo do ciclo formativo.
O currículo do ciclo formativo é o que se establece no punto 3 do anexo deste decreto. As capacidades terminais elementais son os resultados avaliables de cada módulo.
II. Ordenación académica e impartición
Artigo 4º.-Admisión de alumnado.
Os criterios de prioridade na admisión de alumnado para acceder a este ciclo formativo en centros sostidos con fondos públicos son os que se expresan no punto 4.1 do anexo deste decreto.
Artigo 5º.-Profesorado.
1. As especialidades do profesorado con atribución docente nos módulos que compoñen este título son as que se expresan no punto 4.2.1 do anexo deste decreto.
2. As materias de bacharelato que poden ser impartidas polo profesorado das especialidades relacionadas neste título son as que se expresan no punto 4.2.2 do anexo deste decreto.
3. As titulacións declaradas equivalentes para efectos de docencia son as que se expresan no punto 4.2.3. do anexo deste decreto.
Artigo 6º.-Espazos e instalacións.
Os requisitos de espazos e instalacións que deben reunir os centros educativos para a impartición deste ciclo formativo son os que se determinan no punto 4.3 do anexo deste decreto.
Artigo 7º.-Validacións, correspondencias e acceso a estudos universitarios.
1. Os módulos susceptibles de validación por estudos de formación profesional ocupacional ou correspondencia coa práctica laboral son os que se especifican, respectivamente, nos puntos 4.4.1 e 4.4.2 do anexo deste decreto.
2. Sen prexuízo do anterior, por proposta do Ministerio de Educación e Ciencia, e do Ministerio de Traballo e Asuntos Sociais, poderanse incluír, de ser o caso, outros módulos susceptibles de validación e correspondencia coa formación profesional ocupacional e a práctica laboral.
3. As persoas que cursen este ciclo formativo poderán, unha vez que o superen, acceder aos estudos universitarios que se indican no punto 4.4.3 do anexo deste decreto.
Artigo 8º.-Distribución horaria.
1. Os módulos profesionais deste ciclo formativo organizaranse segundo se establece no punto 4.5 do anexo deste decreto.
2. As horas de libre disposición que se inclúen neste punto serán utilizadas polos centros educativos para reforzar, nos módulos asociados a unidades de competencia, as capacidades de formación profesional de base ou de formación profesional específica, para lles dar resposta ás características do alumnado, e ter en conta as necesidades de desenvolvemento económico, social e de recursos humanos do seu contorno socioprodutivo.
Disposición adicional
A Consellería de Educación e Ordenación Universitaria poderá adaptar as ensinanzas deste ciclo
formativo ás peculiares características da educación a distancia e da educación de persoas adultas, así como ás características do alumnado con necesidades educativas especiais.
Disposicións derradeiras
Primeira.-Autorízase a conselleira de Educación e Ordenación Universitaria para ditar cantas disposicións cumpran, no ámbito das súas competencias, para a execución e o desenvolvemento do disposto neste decreto.
Segunda.-Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela, doce de xaneiro de dous mil seis.
Emilio Pérez Touriño
Presidente
Laura Sánchez Piñón
Conselleira de Educación e Ordenación Universitaria
ANEXO
1. Identificación do título.
* Denominación: aloxamento.
* Nivel: formación profesional de grao superior.
* Duración: 1.400 horas.
2. Perfil profesional.
2.1. Competencia xeral.
Administrar a área de aloxamento, a partir dos obxectivos xerais do establecemento, asegurando a acollida e a atención do cliente, así como a correcta prestación dos servizos da área.
2.2. Capacidades profesionais.
2.2.1. Capacidades técnicas.
* Organizar e xestionar o servizo de recepción, conserxaría e comunicacións do establecemento hoteleiro.
* Levar a cabo accións de atención directa ao cliente, rexistro de documentación e comunicación telefónica.
* Organizar e supervisar as tarefas de limpeza, lavado, arranxo e posta a punto relativas ao servizo de pisos, aseos públicos, lavandaría e lenzaría dun establecemento hoteleiro ou similar.
* Responsabilizarse da decoración e a ambientación do establecemento.
* Realizar accións encamiñadas á elaboración do plan de márketing, así como a publicidade e a promoción da empresa, aplicando as técnicas necesarias e levando a cabo propostas para realizar un manual de calidade dos servizos ofrecidos.
* Mellorar a prestación do servizo segundo criterios de eficacia, economía e produtividade, tendo en conta as expectativas da clientela para satisfacer as súas necesidades.
* Comunicarse polo menos en dúas linguas estranxeiras con clientes (para levar a cabo accións de atención ao cliente) e co persoal de canles de distribución.
* Posuír unha visión global e integrada da prestación do servizo nos tipos de aloxamento.
* Comprender a función das instalacións e as dimensións técnicas, organizativas, económicas e humanas no proceso da prestación do servizo.
2.2.2. Capacidades para afrontar continxencias.
* Cooperar cos membros do seu departamento na superación das dificultades que se poidan presentar.
* Actuar en condicións de posible emerxencia, transmitindo con celeridade e serenidade os sinais de alarma.
* Dirixir as actuacións dos membros do seu equipo e coordinar, de ser o caso, o plan de evacuación da clientela do establecemento e a aplicación dos medios de seguridade establecidos para previr e corrixir os riscos ás persoas.
* Resolver problemas e tomar decisións individuais sobre as súas actuacións e as dos demais, identificando e seguindo as normas establecidas procedentes, dentro do ámbito da súa competencia.
* Consultar as decisións tomadas ante situacións anómalas cando as súas repercusións económicas, de servizo e de coordinación con outras áreas sexan importantes.
2.2.3. Capacidades para a dirección de tarefas.
* Dirixir a área de aloxamento, definindo (no marco dos plans xerais da empresa) os obxectivos e os plans do departamento.
* Coordinar con eficacia e corrección as tarefas do persoal ao seu cargo.
* Avaliar e controlar as vendas, os custos e os rendementos, e elaborar o orzamento da área.
* Controlar e supervisar as accións de mantemento do establecemento hostaleiro.
* Manter relacións fluídas cos membros do grupo funcional que coordina.
* Responsabilizarse da consecución dos obxectivos asignados ao grupo que coordina.
* Respectar o traballo dos demais organizando e dirixindo tarefas colectivas.
2.2.4. Capacidades para adaptarse ao medio.
* Transmitir a imaxe da empresa, tanto nos resultados do seu traballo como nas relacións que manteña co exterior.
* Adaptarse ás novas situacións laborais xeradas como consecuencia dos cambios producidos, tanto nos aspectos técnicos como nos económicos e laborais relacionados co servizo de aloxamento.
* Ofrecer unha comunicación efectiva e motivadora no desenvolvemento do seu traballo con outras institucións e establecementos, consonte o plan e
as estratexias de márketing e de comunicación por parte da empresa.
* Manter unha actitude de constante preocupación e procura de novas fontes de información para poder satisfacer as necesidades da clientela.
* Valorar a eficiencia técnica da tecnoloxía implicada na prestación dun determinado servizo na empresa de aloxamento.
2.3. Responsabilidade e autonomía nas situacións de traballo.
O técnico superior en aloxamento integrarase no equipo de mandos intermedios dun establecemento turístico ou hoteleiro que preste servizo de aloxamento. Dependerá normalmente dun mando de nivel superior, do que ha recibir instrucións xerais e a quen deberá informar. Responsabilizarase de organizar o traballo dun grupo de técnicos de hostalaría ao seu cargo. Supervisará o cumprimento das tarefas encomendadas a cada profesional.
Cooperará nos traballos que requiran a coordinación de actividades entre áreas ou departamentos do establecemento, tales como restauración, mantemento ou control de calidade.
Este técnico é autónomo nas seguintes actividades:
* Organización e control das actividades dos departamentos da área de aloxamento, que inclúen recepción, conserxaría, comunicacións, pisos, limpeza, lavandaría e lenzaría.
* Definición do procedemento de atención ao cliente.
* Execución das actividades propias do departamento de recepción.
* Solución das demandas e das queixas producidas no trato coa clientela.
* Emisión de informes por requirimento dos seus superiores.
Pode ser asistido en:
* Programación de accións de mantemento e reparación de instalacións.
* Toma de decisións en situacións de emerxencia.
* Realización de accións de publicidade e promoción.
Debe ser asistido en:
* Elaboración de instrucións e procedementos relacionados co control de calidade.
* Coordinación do servizo integral do establecemento.
* Definición de obxectivos, plans e orzamentos do seu departamento.
* Cambios de organización e posta en marcha de novos procedementos de traballo derivados da implantación de novos equipamentos e de sistemas informáticos, de comunicacións e de seguridade.
2.4. Unidades de competencia.
1. Organizar, xestionar e supervisar o servizo de recepción, conserxaría e comunicacións.
2. Organizar e supervisar o servizo de pisos, áreas públicas, lavandaría e lenzaría, prestando asistencia técnica e operativa.
3. Planificar e controlar a área de aloxamento.
4. Organizar, executar e controlar o desenvolvemento de accións comerciais.
2.5. Realizacións e dominios profesionais.
2.5.1. Unidade de competencia 1: organizar, xestionar e supervisar o servizo de recepción, conserxaría e comunicacións.
Realizacións e criterios de realización.
1.1. Xestionar as reservas de modo que se obteña o maior índice de ocupación posible, satisfacendo os desexos e as expectativas da clientela.
-Recóllense na folla de reservas todos os datos necesarios sobre o cliente que se vaia hospedar.
-Ao confeccionar a planificación de reservas establécese a previsión de ocupación do aloxamento.
-Procésase (obtendo conclusións operativas) a información adecuada obtida da xestión de reservas: previsión de ocupación, clientes non presentados, modificacións, anulacións, e datos de empresas e clientes.
-Trasládanse as conclusións operativas ás persoas ou aos departamentos oportunos.
-Propóñense pautas para mellorar a comercialización e o servizo.
1.2. Formalizar as entradas e as saídas da clientela, e atendela con dilixencia e cortesía, xerando a información que permita a programación da prestación do servizo.
-Aténdese a clientela con dilixencia e cortesía.
-Consúltase o estado dos cuartos dispoñibles para a súa axeitada asignación, consonte a reserva ou os desexos manifestados polo cliente á súa chegada.
-Á chegada de cada cliente:
-Dáselle a benvida.
-Emítese a documentación para o seu rexistro.
-Achégaselle información sobre os servizos do establecemento.
-Facilítaselle a súa acreditación e os elementos de acceso ao seu cuarto.
-Encárgase o traslado e a instalación da equipaxe e xestiónase o acompañamento do hóspede axeitado ás circunstancias.
-Séguense as normas protocolarias que, de ser o caso, corresponda aplicar.
-Á saída de cada cliente:
-Compróbase a facturación de todos os servizos coordinadamente cos demais departamentos.
-Aplícase o sistema de pagamento acordado.
-Ordénase a recollida da equipaxe e autorízase a saída.
-Despídese cortesmente, compróbase o seu nivel de satisfacción e poténciase a materialización de futuras estadías.
-Utilízanse, polo menos, dous idiomas distintos do galego e do español para comunicarse con clientes que descoñezan estas linguas.
1.3. Atender a clientela durante a súa estadía, satisfacendo as súas expectativas e cumprindo o estándar de calidade do establecemento.
-Préstaselle unha boa atención durante a súa estadía e achégaselle información sobre todos os servizos do hotel, así como sobre os servizos e os recursos turísticos do contorno.
-Sempre que sexa posible, cúmprense os seus desexos coa maior celeridade, respectando ao mesmo tempo as normas do establecemento.
-Trátanse as queixas con eficacia, amabilidade e discreción; rectifícanse as súas causas e asegúrase unha rápida solución.
-Utilízanse, polo menos, dous idiomas distintos do galego e do español para comunicarse con clientes que descoñecen estas linguas.
-Préstanse os servizos propios de recepción e conserxaría, tales como:
-Correspondencia e mensaxes.
-Espertador.
-Cambio de moeda estranxeira.
-Alugamento de caixas de seguridade.
-Reserva de servizos noutros establecementos.
-Alugamento de vehículos.
-Ao controlar individuos sospeitosos ou previr riscos de incendios, roubos e furtos, ou ao advertir e informar sobre circunstancias non habituais, actúase adecuadamente e proporciónaselles seguridade aos hóspedes e boa imaxe ao establecemento.
1.4. Formalizar a documentación e xestionar a información derivada da operación de aloxamento, de xeito que poida ser útil á empresa e a outros departamentos e permita un adecuado control económico-administrativo do establecemento.
-Obtense, interprétase e trasládase aos departamentos oportunos a información derivada da operación de aloxamento (reservas, chegadas, estadía, saídas e/ou modificacións que se produciran no réxime contratado), facilitando así a coordinación, unha mellor atención ao cliente e a adaptación administrativa das novas situacións.
-Permítese establecer medidas correctoras e aplicar un control contable adecuado na verificación dos depósitos, os prepagamentos, as listas de morosos, etc., en coordinación co departamento de administración.
-Créanse e mantéñense bases de datos de empresas e de clientes, para lle facilitar ao establecemento a comunicación con estes e unha mellor comercialización.
1.5. Rexistrar, controlar e cobrar os servizos consumidos pola clientela e comprobar a produción xeral nos puntos de venda do establecemento, de xeito que se poida coñecer a súa evolución económica para exercer un adecuado control económico-administrativo.
-Compróbase que os servizos prestados e o seu respectivo cobramento se correspondan co pactado no seu momento co cliente ou coa canle de distribución.
-Ao cadrar e verificar diariamente todos os puntos de venda, faise posible establecer os ingresos totais para o imprescindible control e as aplicacións administrativas, contables e fiscais (man corrente).
-Ao controlar adecuadamente os servizos facturados permítese a axilización, seguridade e materialización do cobramento, dándolle satisfacción ao cliente.
1.6. Atender as telecomunicacións externas e internas, de xeito que a clientela e os departamentos as emitan e as reciban con fiabilidade, prontitude e discreción.
-Aténdense as chamadas con amabilidade e cordialidade, potenciando a materialización de futuras estadías.
-Utilízanse, polo menos, dous idiomas distintos do galego e do español para se comunicar coa clientela e cos traballadores doutras empresas que descoñezan estas linguas.
-Utilízase o medio máis rápido de localización de clientes ou membros da empresa.
-Asegúrase a correcta chegada da comunicación emitida ou recibida aos seus destinatarios.
-Tense absoluta reserva en relación coas comunicacións recibidas e emitidas.
-Utilízanse axeitadamente os medios técnicos dispoñibles (telefonía, megafonía, telefax, télex, correo electrónico, etc.).
-Factúrase e, de ser o caso, cóbrase o importe dos servizos de telecomunicación prestados á clientela.
-Rexístrase nos soportes correspondentes a realización das comunicacións que así o requiran.
-Contrólanse adecuadamente os equipamentos técnicos de telecomunicación e tarifación.
1.7. Organizar os recursos necesarios para prestar o servizo de recepción, conserxaría e comunicacións, determinando unha estrutura eficiente que dea lugar a uns procesos axeitados e rendibles.
-Determínase a estrutura do departamento que resulte máis adecuada para conseguir a máxima eficiencia na prestación do servizo, a partir dos medios humanos, materiais e económicos dispoñibles.
-Particípase, asesorando aos seus superiores, na organización do espazo físico de recepción, conserxaría e comunicacións, así como na determinación dos elementos materiais necesarios para os procesos (moblaxe, maquinaria, equipamentos e soportes informáticos, medios de comunicación, etc.), de xeito que se asegure un fluxo de traballo o máis correcto e rápido posible e se reduzan as tarefas e circulacións, tendo en conta:
-As directrices da empresa.
-A capacidade do establecemento.
-O orzamento.
-A relación entre a eficacia e o custo de cada elemento.
-Os principios de ergonomía.
-A facilidade no contacto e na comunicación persoal.
-Os medios humanos.
-O espazo físico dispoñible.
-O tipo de oferta de aloxamento.
-A seguridade e a hixiene no traballo.
-Establécense os procedementos específicos que se deben desenvolver na prestación do servizo, tendo en conta:
-As técnicas propias da área.
-Os medios dispoñibles.
-A estrutura organizativa determinada.
-A capacidade do establecemento.
-O tipo de cliente.
-Determínanse, aplicando as correspondentes técnicas, os sistemas de arquivo, xestión interna da información e organización dos soportes informativos utilizados nos departamentos de recepción, conserxaría e comunicacións.
-Organízase a almacenaxe do material funxible necesario, implantando normas para os procesos de consumo e reposición.
-Dótase o persoal ao seu cargo dos instrumentos necesarios para levar a cabo o seu traballo de xeito eficiente.
Dominio profesional
Medios de prestación do servizo ou de tratamento da información.
* Equipamentos informáticos. Software específico. Equipamentos e material de oficina. Equipamentos de comunicacións. Equipamentos e instrumentos de seguridade.
Principais resultados do traballo.
* Xestión de reservas. Facilitamento do servizo de aloxamento requirido pola clientela. Atención á clientela. Facturación e cobramento dos servizos. Atención das telecomunicacións internas e externas. Información de xestión para a dirección do establecemento.
Procesos, métodos e procedementos.
* Reservas, rexistro da clientela, apertura e pechamento de facturas, comunicacións internas e externas, cálculo de prezos, facturación e cobramento. Métodos de seguimento e control dos servizos consumidos. Métodos de arquivo e xestión da información. Procedementos de control e reposición de materiais e documentos. Métodos de control de caixa. Procedementos de procura e localización de fallos e incidencias. Métodos de elaboración de informes e estatísticas. Métodos de organización do traballo en recepción, conserxaría e teléfonos. Métodos de control e mantemento dos equipamentos de seguridade.
Información.
* Información á clientela sobre o funcionamento e os servizos do establecemento, así como sobre os servizos e os recursos do contorno. Información interna referente ás políticas e aos programas da empresa, aos procesos, procedementos e métodos de operación, e aos acordos e contratos con clientes. Información interdepartamental e xerárquica.
* Esta información pódese facilitar a través de guías, instrucións, ordes, memorandos, circulares, memorias, informes, manuais, formularios, fichas, etc.
Persoal e/ou organizacións de destino dos servizos resultantes.
* Clientela en xeral. Empresas. Canles de distribución.
2.5.2. Unidade de competencia 2: organizar e supervisar o servizo de pisos, áreas públicas, lavandaría e lenzaría, prestando asistencia técnica e operativa.
Realizacións e criterios de realización.
2.1. Controlar e manter a dotación de lenzaría, materiais, utensilios, equipamentos e moblaxe necesaria para a prestación do servizo, de xeito que se poida coñecer a súa cantidade e o seu grao de rotación e conservación, e obter o máximo proveito económico dos recursos dispoñibles.
-Ao dirixir a formalización dos inventarios:
-Establécense os procedementos máis eficaces para valorar economicamente as existencias e as perdas, e para confeccionar os planos de reposición e amortización.
-Asígnaselles a realización dos rexistros de existencias e perdas ás persoas idóneas, e dánselles as instrucións con precisión e claridade.
-Decídense as datas, os horarios e os tempos máis convenientes para a súa elaboración.
-Verifícanse os resultados dos rexistros facendo as mostraxes necesarias e, de ser o caso, ordénanse as rectificacións oportunas.
-Asegúrase a actualización dos inventarios incorporando as reposicións que se produciran.
-Achégaselles información aos seus superiores e a outros departamentos sobre a cantidade, o nivel de consumo e o grao de rotación e de conservación de materiais, utensilios, equipamentos e moblaxe; valóranse economicamente as existencias, as perdas e as necesidades de reposición, e elabóranse as correspondentes solicitudes.
-Fíxanse as normas e os procedementos para asegurar unha distribución correcta dos produtos necesarios entre o persoal do departamento.
-Tómanse as medidas de seguridade e control necesarias para evitar subtraccións, perdas, malgasto e mal uso de materiais e atención a clientes, e requíreselle ao persoal dependente que faga as rectificacións oportunas.
-Establécese diariamente o control e a reposición dos produtos de gran consumo ou perecedoiros.
2.2. Programar, a partir do plan xeral de mantemento, as accións de mantemento e reparación das instalacións, a moblaxe e os equipamentos da zona de pisos e áreas públicas, así como dos departamentos de lenzaría e lavandaría, e supervisar os resultados finais.
-Inspecciónanse as áreas e os departamentos da súa responsabilidade, detállanse os defectos apreciados, cunha especial atención ás instalacións e aos equipamentos de prevención e atención de incendios, e comunícanselle de xeito inmediato ao departamento responsable as necesidades de urxente reparación.
-De acordo co plan xeral de mantemento, prográmase a realización das accións de mantemento e reparación, tendo en conta:
-As necesidades de dispoñibilidade de cuartos.
-As condicións de seguridade e hixiene.
-O grao de conservación de instalacións, moblaxe e equipamentos detectado nas inspeccións efectuadas e na formalización dos inventarios.
-Solicítanse os traballos de mantemento e reparación que cumpran mediante a formalización dos correspondentes partes escritos.
-Realízase a supervisión final dos traballos realizados e compróbase que cumpran os resultados previstos.
2.3. Dirixir a decoración e a ambientación da zona de pisos e áreas públicas, de xeito que o cliente teña un contorno confortable e se ofreza unha imaxe actualizada e acorde co tipo de servizo do establecemento.
-Formalízase un plan de decoración, de acordo coa dirección de aloxamento, no que se establecen os elementos decorativos básicos, a súa renovación e o seu mantemento.
-Ao formalizar o devandito plan de decoración tense en conta:
-As características do establecemento (arquitectura exterior e interior, categoría, estilo e tipo de clientela actual ou potencial).
-Os obxectivos económicos e o orzamento da entidade.
-A posible utilización de elementos decorativos en distintas temporadas.
-As últimas tendencias en materia de decoración e ambientación.
-Establécese un plan de traballo ou unha lista de servizos para determinar a frecuencia da limpeza e da reposición dos elementos decorativos.
2.4. Organizar os recursos necesarios para a prestación do servizo de aloxamento no departamento de pisos e áreas públicas, determinando unha estrutura eficiente que dea lugar a uns procesos axeitados e rendibles.
-Determínase a estrutura do departamento que resulte máis adecuada para conseguir a máxima eficiencia na prestación do servizo, a partir dos medios humanos, materiais e económicos dispoñibles.
-Particípase, asesorando os seus superiores, na organización do espazo físico dos talleres de lavandaría e lenzaría, e na determinación dos equipamentos e dos elementos materiais necesarios para os procesos, de modo que se asegure un fluxo de traballo o máis correcto e rápido posible, e se reduzan as tarefas e as circulacións, tendo en conta:
-As directrices da empresa.
-A capacidade do establecemento.
-O orzamento económico.
-A relación entre a eficacia e o custo de cada elemento.
-Os principios básicos de ergonomía.
-A facilidade no contacto e na comunicación persoal.
-Os medios humanos.
-O espazo físico dispoñible.
-O tipo de oferta de aloxamento.
-A seguridade e a hixiene no traballo.
-Establécense os procedementos específicos que cumpra desenvolver na prestación do servizo, mediante un plan ou manual básico de operacións, tendo en conta:
-As técnicas propias da área.
-Os medios dispoñibles.
-A estrutura organizativa determinada.
-A capacidade do establecemento.
-O tipo de clientela.
2.5. Supervisar os procesos de limpeza e posta a punto de cuartos e áreas comúns, asegurando un nivel óptimo de acabado.
-A través dos procedementos establecidos, coordínase eficazmente cos departamentos relacionados correspondentes para dar prioridade á posta a punto e ao control dos cuartos e áreas públicas que cumpra, e infórmase eficazmente da súa dispoñibilidade.
-Danse as instrucións pertinentes de xeito claro e compróbase que sexan asimiladas e executadas polo persoal dependente.
-Aplícase o procedemento definido para o control de calidade de cuartos, zonas comúns e áreas públicas:
-Compróbase que a limpeza, a desinfección, a orde e a decoración sexan óptimas.
-Verifícase que se repoñan todas as atencións a clientes.
-Asegúrase a corrección das desviacións, as anomalías e os fallos detectados.
-Bloquéanse os cuartos ou zonas que non alcancen a calidade establecida.
2.6. Supervisar os procesos de lavado e arranxo de lenzaría, roupa da clientela e roupa do persoal, asegurando un nivel óptimo de acabado.
-Danse as instrucións pertinentes de xeito claro e compróbase que o persoal dependente as asimile e as execute.
-Aplícase o procedemento definido para o control de calidade dos procesos de lavado e arranxo de lenzaría, roupa da clientela e roupa do persoal:
-Compróbase que a roupa se clasificara debidamente.
-Asegúrase a realización do lavado, a pasada do ferro e a presentación de acordo coas normas definidas.
-Compróbase que se realizaran correctamente os arranxos de costura necesarios.
-Verifícase que se coidara ao máximo o detalle na roupa da clientela.
-Retírase do uso ata a súa restauración a lenzaría e a roupa do persoal que o necesite e, se procede, dáse de baixa no inventario.
-Asegúrase a corrección das desviacións, as anomalías e os fallos detectados.
2.7. Prestar asistencia técnica e operativa na posta a punto de cuartos e áreas comúns, así como nos procedementos propios de lavandaría e lenzaría, para facilitar o traballo do persoal dependente e axilizar o proceso.
-Asístese e fórmase tecnicamente o persoal dependente cando sexa oportuno.
-Intervense operativamente no proceso cando cumpra, por causas imprevistas e ante insuficiencias técnicas e cuantitativas do persoal.
2.8. Atender as peticións e as queixas formuladas polos hóspedes, ben directamente ou ben a través de recepción, de xeito que se lles facilite o máximo nivel posible de satisfacción, confort e seguridade.
-Sempre que sexa posible, satisfanse os desexos da clientela coa maior celeridade, respectando, ao mesmo tempo, as normas do establecemento.
-Trátanse as queixas con eficacia, amabilidade e discreción: rectifícanse as súas causas e asegúrase unha pronta solución.
-Comunícaselles aos demais departamentos as modificacións que se produciran no acomodo e os servizos prestados á clientela para adecuar administrativamente a nova situación.
-Actúase eficazmente en casos de emerxencia, accidente ou doenza, tomando as medidas de información e preventivas necesarias, e administrando, de ser o caso, primeiros auxilios.
-Utilízanse, polo menos, dous idiomas distintos do galego e do español para comunicarse con clientes que descoñecen estas linguas.
Dominio profesional
Medios de prestación do servizo ou de tratamento da información.
* Equipamentos informáticos. Software específico. Equipamentos e material de oficina. Instrumentos de telecomunicacións. Equipamentos e instrumentos de seguridade. Equipamentos e elementos de acceso e transporte dentro do establecemento. Equipamentos de limpeza e tratamento de superficies. Equipamentos de lavandaría, lenzaría e costura. Produtos de limpeza. Dotación de lenzaría e roupa do establecemento. Produtos e atencións para clientes.
Principais resultados do traballo.
* Arranxo e limpeza de cuartos, áreas públicas, áreas de produción e zonas de persoal. Lavado, arranxo e distribución de lenzaría, roupa de clientes e uniformes. Atención ao cliente. Obtención dos niveis de calidade e garantía hixiénico-sanitaria nos procesos de lavandaría, lenzaría, pasada do ferro e costura. Control e mantemento da dotación de lenzaría, materiais, utensilios, equipamentos e moblaxe. Control das instalacións da área. Información de xestión para a dirección do establecemento.
Procesos, métodos e procedementos.
* Métodos de seguimento e control da calidade de limpeza, do arranxo e da decoración de cuartos e áreas públicas, da calidade de lavado, do arranxo e a presentación de lenzaría e roupa, así como do mantemento e a reparación de instalacións, moblaxe e equipamentos. Servizos contratados e/ou requiridos polo cliente. Métodos de arquivo e xestión da información. Procedementos de confección e control de inventarios. Procedementos de control de calidade nas subministracións e na prestación do servizo. Métodos de elaboración de informes e estatísticas. Métodos de organización do traballo no departamento de pisos. Métodos de control e mantemento dos equipamentos de seguridade.
Información.
* Información á clientela sobre o funcionamento e os servizos do establecemento, e sobre os servizos e recursos do contorno. Información interna referente a políticas e programas da empresa, así como aos procesos, aos procedementos e aos métodos de operación. Información interdepartamental e xerárquica. Información externa sobre necesidades diarias ou semanais a lavandarías industriais e empresas de limpeza de instalacións, así como sobre uso e conservación de equipamentos, moblaxe, utensilios e materiais.
* Soportes: instrucións, ordes, memorandos, circulares, memorias, informes, guías, manuais de operación, manuais de funcionamento e mantemento de equipamentos de maquinaria de limpeza, lavado, pasada do ferro e costura, formularios, fichas e impresos normalizados, libro de obxectos esquecidos, etc.
Persoal e/ou organizacións de destino dos servizos resultantes.
* Clientela en xeral. Empresas de servizos externos.
2.5.3. Unidade de competencia 3: planificar e controlar a área de aloxamento.
Realizacións e criterios de realización.
3.1. Propor, ao seu nivel, obxectivos e plans para o departamento ou a área da súa responsabilidade que sexan viables e se poidan integrar na planificación xeral do establecemento.
-Por medio de información directa e expresa, accédese ao coñecemento dos plans xerais da empresa e dos específicos que afectan á súa área de actuación.
-Defínense os obxectivos de carácter particular para a área ou departamento da súa responsabilidade, tendo en conta a relación entre custos e resultados, e propóñenselles aos seus superiores.
-Formúlanse e desenvólvense os programas para conseguir os obxectivos fixados, prevendo os medios humanos e materiais necesarios.
3.2. Confeccionar os orzamentos do departamento ou da área da súa responsabilidade.
-Cuantifícanse e periodízanse os obxectivos e os seus programas, e confecciónanse os orzamentos económicos e de tesouraría, aplicando técnicas de previsión e orzamento.
-Formúlanselles aos seus superiores xerárquicos eses orzamentos e considéranse as observacións formuladas para facer modificacións.
3.3. Definir e organizar o equipo de persoas necesario no seu departamento ou área, no marco da planificación estratéxica e as directrices recibidas.
-Identifícanse as necesidades de persoal do departamento ou da área, en función das actividades e dos programas que se deban executar.
-Colabórase cos superiores na definición dos postos de traballo do departamento, achegando información e propostas sobre funcións, responsabilidades e relacións funcionais.
-Determínanse e formalízanse, de ser o caso, as modalidades de contratación idóneas en función das características da actividade.
-Identifícase o procedemento de selección axeitado.
-Aplícase, de ser o caso, o procedemento de valoración de persoal necesario.
-Distribúese o traballo e confecciónanse as quendas de traballo, os horarios, as vacacións e os días libres do persoal ao seu cargo.
3.4. Dirixir e coordinar o persoal dependente, involucrándoo nos obxectivos e motivándoo para que teña unha alta capacidade de resposta ás necesidades da clientela e para que desenvolva a súa profesionalidade.
-Resólvense problemas e tómanse decisións de xeito racional e sistematizado para chegar a resultados obxectivos.
-Identifícanse as necesidades de persoal do establecemento, da área ou do departamento en función dos programas e das actividades que se deban executar.
-Colabórase cos superiores na definición dos postos de traballo da súa unidade ou do seu departamento, achegando información e propostas sobre funcións, responsabilidades e relacións funcionais.
-Proponse a contratación de persoal para cubrir as necesidades detectadas, e particípase no recrutamento e na selección dos candidatos.
-Organízase e distribúese o traballo, e confecciónanse as quendas, os horarios, as vacacións e os días libres do persoal ao seu cargo.
-Motívase o persoal do departamento ou da área, e promóvese o traballo en equipo e a iniciativa persoal.
-Transmítense oportunamente as instrucións e as ordes pertinentes de xeito claro, asegurándose da súa perfecta comprensión.
-Delégase no persoal dependente a autoridade necesaria para poder levar a cabo o traballo propio, propiciando a creatividade e a iniciativa persoal, exixindo oportunamente as responsabilidades que isto leva consigo e corrixindo as actitudes e as accións incorrectas.
-Efectúase un seguimento do labor do persoal ao seu cargo, establecendo criterios de avaliación que permitan coñecer a súa eficacia no traballo.
-Propónselles aos superiores a impartición na súa área ou departamento de programas de formación, información ou desenvolvemento persoal.
3.5. Organizar, executar e controlar no seu departamento ou na súa área de responsabilidade a política de calidade definida.
-Defínense os requisitos do material e produtos que se deben utilizar no seu departamento ou na área de responsabilidade, e determínase un procedemento para controlar a calidade desta subministración.
-Determínase un procedemento de control da prestación do servizo de aloxamento, establecendo puntos de referencia e sistemas de avaliación.
-Infórmase e/ou recóllese directamente información dos resultados da aplicación dos procedementos de control definidos.
-Analízanse os resultados do control, detéctanse posibles fallos ou desviacións respecto aos obxectivos, achégaselles información aos superiores e aplícanse, de ser o caso, as medidas de corrección operativas.
3.6. Avaliar e controlar as vendas, os custos e os rendementos do departamento ou da área da súa responsabilidade para un axeitado seguimento económico e administrativo.
-Establécese un proceso de seguimento adecuado do orzamento do seu departamento ou da súa área de responsabilidade, para comprobar o nivel de cumprimento dos obxectivos económicos.
-Avalíanse as vendas da área de aloxamento mediante a análise da facturación e os informes dos departamentos ao seu cargo.
-Realízanse os cálculos necesarios para detectar posibles desviacións respecto aos obxectivos económicos e propóñense medidas correctoras.
-Tendo en conta a avaliación dos resultados económicos do seu departamento, asesora ou intervén na fixación dos novos prezos do servizo de aloxamento, de xeito que estes se axusten ás expectativas e ás necesidades do mercado.
-Informa as persoas e os departamentos correspondentes, en tempo e forma adecuados, sobre os resultados económicos da súa área de responsabilidade.
Dominio profesional
Medios de prestación do servizo ou de tratamento da información.
* Equipamentos informáticos. Software específico.
Procesos, métodos e procedementos.
* Técnicas de planificación da actividade da área. Métodos de arquivo e xestión da información. Normas de procedemento administrativo. Técnicas de orzamento e análise de custos. Técnicas de elaboración de documentos. Técnicas de comunicación. Técnicas de acollida e atención ao cliente. Procedementos de control de calidade. Técnicas de xestión de recursos humanos.
Información que manexa.
* Plan estratéxico da empresa. Información económico-administrativa da empresa. Plan de calidade da empresa. Inventarios de material e equipamento.
Ficheiro de clientes e de provedores. Rexistro de persoal. Disposicións legais e convenios colectivos.
Resultados intermedios.
* Definición dos obxectivos da área de aloxamento. Previsión de necesidades de recursos humanos e materiais. Elaboración e distribución da información que deben recibir os departamentos sobre a área de aloxamento. Definición dos postos de traballo da área de aloxamento. Xestión e control do orzamento da área de aloxamento. Avaliación do funcionamento e dos resultados da área, e elaboración dos informes correspondentes.
Principais resultados do traballo.
* Planificación e organización eficiente da área de aloxamento. Dirección e coordinación do persoal dependente. Organización, execución e control na súa área da política de calidade do establecemento.
Persoas e/ou organizacións de destino dos servizos.
* Superiores xerárquicos. Xefes de departamentos aos que afecte a súa xestión. Empregados e os seus representantes laborais e sindicais. Empresas que prestan servizos complementarios para o establecemento. Clientela.
2.5.4. Unidade de competencia 4: organizar, executar e controlar o desenvolvemento de accións comerciais.
Realizacións e criterios de realización.
4.1. Recoller e analizar información útil para a definición do plan de márketing do establecemento.
-Identifícanse e selecciónanse fontes de información primarias (enquisas, reunións, etc.) utilizadas para a obtención de información sobre o mercado, o produto, o prezo e a distribución do servizo de aloxamento propio e da competencia.
-Identifícanse e selecciónanse fontes de información secundarias, tanto internas (departamentos da organización) como externas (organismos, publicacións, etc.), e obtéñense datos referidos ao mercado, o produto, o prezo e a distribución do servizo de aloxamento propio e da competencia.
-Selecciónase e deséñase o método para a recollida de datos.
-Analízase a información recollida mediante a utilización dos métodos axeitados (técnicas estatísticas, contraste de hipóteses, análise de probabilidades, etc.).
-Obtéñense conclusións e recóllense de xeito claro e conciso nun informe, que se lles traslada aos responsables da definición do plan de márketing do establecemento e aos departamentos oportunos.
-Achéganselles ideas e suxestións aos responsables da definición e do desenvolvemento do plan de márketing acerca de:
-Selección do público obxectivo.
-Especificación das características do servizo.
-Selección das canles de distribución.
-Actuacións de promoción dentro e fóra do establecemento.
-Deseño e preparación dos materiais gráficos de promoción.
-Medios e soportes publicitarios.
4.2. Organizar, preparar e controlar a acción de publicidade e promoción no seu departamento ou na súa área de responsabilidade.
-As accións de publicidade e promoción definidas determinan os recursos humanos óptimos, definen os recursos materiais precisos e identifican o medio adecuado en función da acción.
-Selecciónanse as persoas que vaian levar a cabo as accións de publicidade e promoción previstas no seu departamento ou na súa área de responsabilidade, e organízanse as actividades informativas e formativas necesarias para que conten coa capacitación e cos coñecementos previstos.
-Asígnanselle ao persoal involucrado as accións e as tarefas previstas no programa, contrólase o desempeño e danse as orientacións convenientes para asegurar a execución das accións de acordo co programa elaborado.
-Realízanse visitas de publicidade e promoción a clientes actuais e/ou potenciais, e distribúense ofertas e material de publicidade e promoción.
-Contrólase o desenvolvemento da acción de publicidade e promoción na súa área de responsabilidade, e infórmase o departamento correspondente en tempo e forma adecuados.
Dominio profesional
Medios de produción ou de tratamento da información.
* Computador persoal. Software: aplicacións para tratamento da información, autoedición e tratamento da imaxe. Equipamento audiovisual.
Materiais empregados.
* Material diverso de oficina e de informática. Impresos.
Resultados do traballo.
* Análises e conclusións sobre o mercado, o produto, o prezo e as canles de distribución. Bases de datos de clientela potencial. Accións de publicidade e promoción. Ofertas e propostas de colaboración a clientes. Captación efectiva de operacións e clientela (acordos de colaboración, contratos, etc.). Informes finais sobre a execución e os resultados dos programas de publicidade e promoción.
Procesos, métodos e procedementos.
* Obtención e almacenaxe de datos do mercado. Segmentación e selección do mercado. Técnicas de márketing. Seguimento e control do desenvolvemento dos programas da acción de publicidade e promoción. Avaliación dos resultados dos programas.
Información que manexa.
* Datos acerca do mercado, o produto, o prezo e as canles de distribución. Directorios e soportes similares de colectivos diversos, asociacións, sectores económicos, etc. Bases de datos propias orixinadas no exercicio da actividade da empresa. Informes internos.
Persoal e/ou organizacións de destino dos servizos resultantes.
* Persoal ao seu cargo. Superiores xerárquicos. Departamentos da empresa. Clientela actual e potencial.
2.6. Evolución da competencia profesional.
2.6.1. Cambios nos factores tecnolóxicos, organizativos e económicos.
Os cambios previsibles na evolución da competencia desta figura profesional son os seguintes:
* Os cambios producidos na sociedade actual supuxeron variacións nas motivacións dos turistas. O aloxamento, ao ser unha peza clave da oferta turística, sofre os mesmos procesos de cambio e adaptación á demanda que as demais empresas do sector. Xa que logo, terá que adaptar os seus servizos aos novos gustos e ás novas expectativas desta demanda, principalmente nos aspectos referidos a:
-Calidade e personalización das prestacións.
-Confort e estética ambiental.
-Diversificación dos servizos.
* Estes factores son decisivos para permanecer no mercado e diferenciarse da competencia, intensificados, ademais, polas consecuencias a que dá lugar a integración europea.
* Todo isto determina unha tendencia crecente á concentración empresarial que permite unificar esforzos e manter unha postura máis competitiva no mercado.
* A aparición de novas tecnoloxías de comunicación e de comercialización, e os grandes avances nos medios de transporte, están influíndo notablemente na evolución das actividades de aloxamento. Estes avances dotan todas as xestións propias da actividade de grande rapidez e axilidade, e mesmo determinan cambios e diferentes estruturas organizativas nos establecementos como, por exemplo, a tendencia a unificar os departamentos de recepción e conserxaría.
* Cómpre sinalar a influencia que teñen desde o punto de vista económico, organizativo e funcional as novas tecnoloxías aplicadas nos procesos de arranxo e limpeza de instalacións (cuartos, áreas comúns, zonas de servizo, etc.), e o lavado e a posta a punto de roupa e lenzaría, así como as novas calidades dos tecidos que facilitan a súa utilización, o seu mantemento e a súa conservación.
2.6.2. Cambios nas actividades profesionais.
O técnico superior en aloxamento é unha figura emerxente que ten dúas grandes áreas de desenvolvemento da súa actividade: os aloxamentos turísticos e os aloxamentos non turísticos.
A tendencia á subcontratación dalgúns servizos propios do aloxamento (seguridade, animación, mantemento, lavandaría, etc.) determina que o seu labor profesional se oriente cada vez máis cara á coordinación do persoal ao seu cargo, a atención personalizada ao cliente, o mantemento e a mellora dos estándares de calidade, a diversificación dos servizos e a comercialización do establecemento.
Prevese, xa que logo, un incremento nas seguintes actividades:
-Promoción da oferta de aloxamentos.
-Diversificación da oferta de servizos e establecemento de estratexias comerciais.
-Consultoría e investigación do mercado de aloxamentos.
-Mantemento e incremento da calidade total.
-Coordinación e xestión de persoal.
-Tratamento informático de datos do sector, da información turística da zona e da produción de servizos.
-Óptimo aproveitamento dos recursos materiais, dos equipamentos e dos consumos.
2.6.3. Cambios na formación.
Esta figura caracterízase polo seu labor de coordinación e integración dun equipo humano que traballa en distintos departamentos, ou mesmo noutras empresas (no caso de subcontratación de servizos). Isto determina que a súa formación se oriente de xeito crecente cara á xestión e a administración, e non tanto cara ao coñecemento de técnicas de traballo concretas.
Ademais, terá que se adaptar ao contorno onde se desenvolva o seu labor profesional, manterse informado da situación do mercado, afondar no coñecemento de tipoloxías de aloxamentos e manexar as novas tecnoloxías de información e de comercialización que vaian xurdido en cada momento.
A crecente internacionalización da oferta e da demanda turísticas aconsella a inclusión dun segundo idioma na formación deste técnico. O seu dominio ha ter, así mesmo, importancia crecente na competencia profesional e nas súas posibilidades de inserción.
2.7. Posición no proceso produtivo.
2.7.1. Contorno profesional e de traballo
Esta figura ha exercer o seu traballo, principalmente, no sector da hostalaría e o turismo, dentro da área de aloxamento, nos seguintes departamentos:
-Recepción e conserxaría.
-Comunicacións.
-Pisos e áreas públicas.
Ademais, ten un importante espazo profesional en aloxamentos non turísticos.
Os principais subsectores en que pode desenvolver a súa actividade son:
-Aloxamentos turísticos, que comprenden os seguintes tipos de establecementos:
-Hoteis tradicionais.
-Cámpings.
-Apartamentos turísticos.
-Cidades de vacacións.
-Establecementos de time-sharing.
-Establecementos de turismo rural, albergues e residencias de tempo libre.
-Novas fórmulas de aloxamento.
-Aloxamentos non turísticos, que inclúen aqueles establecementos, públicos ou privados, que ofrecen os seus servizos a unha clientela diferente da turística (hospitais, residencias de anciáns, colexios maiores, institucións penais e militares, etc.).
O técnico superior en aloxamento integrarase no equipo de mandos intermedios dun establecemento turístico ou hoteleiro que preste servizo de aloxamento. Dependerá normalmente dun mando de nivel superior, do que recibirá instrucións xerais e a quen manterá informado. Responsabilizarase de organizar o traballo dun grupo de técnicos de hostalaría ao seu cargo. Supervisará o cumprimento das tarefas encomendadas a cada profesional.
Cooperará en traballos que requiran a coordinación de actividades entre áreas ou departamentos do establecemento, tales como restauración, mantemento ou control de calidade.
2.7.2. Contorno funcional e tecnolóxico.
Esta figura sitúase nas funcións e subfuncións de xerencia de pequenos establecementos, produción e distribución do servizo, xestión administrativa, control de calidade e execución de accións de promoción e publicidade.
As técnicas e os coñecementos tecnolóxicos abranguen:
-Xestión de aloxamento: planificación da actividade, elaboración de instrucións, xestión de recursos humanos, calidade do servizo e lexislación turística.
-Prestación do servizo de recepción: organización de recursos humanos e materiais, técnicas e procesos administrativos aplicados á recepción.
-Prestación do servizo de pisos e áreas públicas: organización de recursos humanos e materiais, operacións de posta a punto do servizo.
-Accións comerciais: políticas de márketing e técnicas de publicidade e promoción aplicadas.
-Atención ao cliente: técnicas de comunicación e expresión, e habilidades sociais.
-Idiomas.
2.7.3. Ocupacións, postos de traballo tipo máis relevantes.
A título de exemplo e cunha finalidade de orientación profesional, enumérase a seguir un conxunto de ocupacións ou postos de traballo que poderían ser desempeñados adquirindo a competencia profesional definida no perfil do título:
-Director/a da área de aloxamento.
-Xefe/a de recepción.
-Xefe/a de reservas.
-Recepcionista.
-Encargado/a de comunicacións.
-Gobernante/a.
-Subgobernante/a.
-Encargado/a de lavandaría e lenzaría.
-Relacións públicas.
-Promotor/a de aloxamento.
-Encargado/a de cámping.
-Recepcionista de cámping.
Posibles especializacións.
A figura profesional descrita, ao se inserir laboralmente nun posto de traballo concreto dos relacionados anteriormente, pode conseguir varias especializacións, para o que ha precisar un período de adestramento e adaptación nese posto de traballo. A especialización desta figura derivará do tipo de establecemento ou aloxamento, da área ou do departamento dos aloxamentos turísticos e dos aloxamentos non turísticos.
Mediante experiencia laboral e formación práctica complementaria de ciclo curto, esta figura pode chegar a ocupar o posto de director/a de administración e comercial do aloxamento.
A título de exemplo, enuméranse a seguir algunhas destas especializacións:
-Promotor/a do mercado de aloxamentos e da diversificación da oferta de servizos e a súa comercialización.
-Consultor/a de aloxamentos turísticos hoteleiros e extrahoteleiros.
-Técnico/a de calidade e coordinación de persoal nas actividades de aloxamentos.
-Técnico/a de actividades de animación de aloxamentos turísticos e non turísticos.
3. Currículo.
3.1. Obxectivos xerais do ciclo formativo.
* Avaliar os servizos que prestan as diferentes tipoloxías de aloxamentos, estimando a función dos recursos humanos na organización e as necesidades de recursos materiais.
* Analizar as funcións de planificación, organización e control empresarial na área de aloxamento,
desenvolvendo os seus procedementos específicos no marco da súa competencia.
* Analizar e desenvolver os procesos de prestación do servizo de aloxamento, identificando, describindo e/ou aplicando as principais operacións, os equipos e materiais, os procedementos de traballo correctos e a rendibilidade dos procesos.
* Avaliar diferentes estratexias de comercialización dos servizos de aloxamento, estimando as accións de comunicación que mellor se adaptan a situacións de mercado concretas.
* Dominar estratexias de comunicación para transmitir e recibir información correctamente e resolver situacións conflitivas, tanto no ámbito das relacións no contorno de traballo como nas relacións cos clientes, expresándose de forma correcta, alomenos, en dúas linguas estranxeiras.
* Avaliar, definir ou realizar procesos de control de calidade do servizo de aloxamento, identificando as características de calidade máis significativas deste servizo.
* Sensibilizar aos demais respecto dos efectos negativos que sobre a saúde persoal e colectiva e sobre o confort dos clientes poden producirse polo incumprimento das normas hixiénico-sanitarias ou das normas de seguridade, estimando e propoñendo medidas ou proteccións para previr riscos ou mellorar as condicións de seguridade.
* Comprender o marco legal, económico e organizativo que regula e condiciona a actividade turística, identificando os dereitos e as obrigas que derivan das relacións laborais.
* Actuar, utilizando con autonomía os coñecementos técnicos e o saber facer necesario, propoñendo melloras nos procedementos establecidos e solucións ás continxencias do traballo.
* Analizar, adaptar e, de ser o caso, xerar documentación técnica para a mellor información e orientación do persoal colaborador dependente.
* Seleccionar e valorar criticamente as diversas fontes de información relacionadas coa súa profesión, que lle permitan o desenvolvemento da súa capacidade de autoaprendizaxe e posibiliten a evolución e adaptación das súa capacidades profesionais aos cambios tecnolóxicos e organizativos do sector.
* Desenvolver a iniciativa, o sentido da responsabilidade, a identidade e a madurez profesional que permitan mellorar a calidade do traballo e motivar cara ao perfeccionamento profesional.
3.2. Módulos profesionais asociados a unha unidade de competencia.
3.2.1. Módulo profesional 1: recepción e atención ao cliente.
Asociado á unidade de competencia 1: organizar, xestionar e supervisar o servizo de recepción, conserxaría e comunicacións.
3.2.1.1. Capacidades terminais elementais.
* Identificar os obxectivos e as funcións do departamento de recepción e os fluxos de relación dentro do establecemento en varios tipos de empresas de aloxamento.
* Analizar as estruturas organizativas e funcionais máis frecuentes do departamento de recepción, segundo as formas de organización, as relacións interdepartamentais e os organigramas tipo e estándares para este departamento no sector en Galicia.
* Determinar a estrutura organizativa axeitada para a prestación de servizos no departamento de recepción, a partir dos recursos humanos, materiais e económicos dispoñibles.
* Establecer a distribución do espazo e do material do departamento de recepción con criterios de ergonomía e fluidez do traballo, segundo as características do establecemento.
* Establecer as prioridades do traballo e os criterios para seguir na prestación do servizo de recepción segundo os medios, a estrutura e a capacidade do establecemento, e a tipoloxía de cliente.
* Confeccionar organigramas representativos do departamento de recepción segundo os tipos de aloxamento emerxentes en Galicia.
* Establecer un sistema de control e acceso de persoas ao establecemento e a aplicación das normas de previsión de riscos e de actuacións pertinentes, de ser o caso.
* Elaborar modelos de situación do departamento de recepción, tendo en conta os hábitos arquitectónicos e organizativos do establecemento.
* Identificar os modelos segundo as peculiaridades de construción dos establecementos de turismo rural, tendo en conta a súa situación dentro do contorno galego.
* Elaborar unha planificación de reservas, previsións de ocupación, modificacións, anulacións de reservas e control de cuartos co soporte convencional ou informatizado.
* Identificar as actuacións persoais e de atención á clientela para realizar no proceso de recepción, acomodación e saída, así como os servizos que ofrece habitualmente o departamento de recepción, conserxaría e comunicación.
* Establecer pautas de actuación persoal e de comportamento que melloren o servizo de atención ao cliente e a promoción de produtos ofrecidos polo establecemento.
* Identificar o interlocutor, a procedencia e o motivo da información recibida ou pedida, en situacións comunicativas tanto telefónicas como presenciais, propias do departamento de recepción.
* Interpretar a actitude psicolóxica e as necesidades da clientela canto a intereses, gustos e pre
ferencias, respecto aos cuartos e aos servizos que ofrece o establecemento.
* Obter a información suficiente do interlocutor canto a necesidades, intereses e grao de satisfacción do servizo, en calquera situación de comunicación telefónica e presencial.
* Interactuar coa clientela en situacións presenciais e telefónicas na lingua requirida, con claridade e concisión, segundo as normas de protocolo e confidencialidade, cunha linguaxe e un rexistro psicolóxico adecuados á situación.
* Transmitirlle á clientela e aos usuarios do servizo a información e a promoción dos servizos propios do establecemento e dos servizos e recursos turísticos do contorno galego, con uso da lingua requirida.
* Atender as telecomunicacións internas e externas con fiabilidade, prontitude e discreción, con uso do medio requirido segundo o interlocutor ou o tema.
* Resolver dúbidas, confusións e obxeccións con relación ao servizo de recepción, reserva e acollida, con claridade, con corrección e cunha relación de amabilidade e empatía.
* Relacionar as reclamacións formuladas polo cliente con relación ao servizo, á reserva ou ao prezo, coa lexislación vixente sobre protección do consumidor e o tipo de reclamación que se pode emprender.
* Determinar, ante unha reclamación ou consulta, o proceso de resolución, o rexistro e a tramitación que se vaia seguir, segundo os dereitos do usuario e as normas internas establecidas.
* Relacionar o software de comunicacións e de recepción hoteleira coas funcións de traballo que achega cada un e coa adecuación aos tipos de establecementos de aloxamento.
* Seleccionar o sistema de arquivo e de xestión interna da documentación e da información, así como o tipo de soporte informático adecuado ás características do departamento.
* Deseñar o formato de documentos para o control de operacións e difusión de información tanto interna como externa.
* Formalizar con rigor e pulcritude a documentación propia do departamento de recepción, aloxamento e comunicacións, canto a reservas, servizos consumidos polo cliente e alugamento de servizos a terceiros.
* Calcular o cambio oficial aplicable e a facturación de servizos utilizados polo cliente, de acordo co contrato de reserva e co uso do soporte informático requirido.
* Comprobar de xeito sistemático os ingresos e os gastos dos puntos de venda do establecemento e a facturación, así como os rexistros de depósito.
* Deseñar instrumentos de recollida e tratamento de datos sobre clientela, servizos complementarios e itinerarios turísticos galegos, con soporte de aplicacións informáticas.
* Analizar as fontes e os procedementos de reservas tendo en conta os procesos de entrada e saída de estadía.
* Identificar e aplicar a normativa vixente con respecto aos contratos de reserva e interpretar a situación do establecemento a partir do estado das reservas, aplicando procedementos idóneos, para deducir as actuacións.
* Identificar e formalizar os documentos internos e externos do departamento de reservas.
* Confeccionar horarios e quendas, tendo en conta o persoal idóneo para diversos tipos de establecementos de aloxamento.
* Identificar e formalizar os documentos internos e externos do departamento de mostrador.
* Distinguir os procedementos aplicables ás fases de entrada, estadía e saída dun cliente nun establecemento de hospedaxe.
* Describir os servizos que habitualmente presta un departamento de mostrador, conserxaría e comunicacións durante a estadía dos clientes.
* Interpretar o índice de ocupación do establecemento a partir do room-rack.
* Analizar os datos estatísticos derivados do funcionamento do departamento de recepción e interpretar os resultados.
* Realizar os rexistros e os cálculos pertinentes na man corrente e interpretar os resultados.
* Formalizar os documentos internos e externos do departamento de man corrente.
* Deducir as actividades máis comúns nas operacións da liquidación, facturación e cobramento.
* Realizar supostos de liquidacións de facturas solicitadas por clientes individuais e por axencias de viaxes.
* Identificar os sistemas de cobramento de facturas en función do xeito de pagamento realizado polo cliente, e propor diagramas do proceso de facturación na recepción.
* Describir varias situacións nas que se formulen reclamacións ou se poidan dar situacións de conflito.
* Simular a resolución dun conflito entre as partes por medio dunha solución de consenso, demostrando unha actitude segura, correcta e obxectiva.
* Elaborar, mediante unha aplicación informática, os documentos xerados nas operacións realizadas polo departamento de recepción.
3.2.1.2. Contidos (duración: 130 horas).
Contidos procedementais
Departamento de recepción.
* Análise dos obxectivos.
* Identificación dos tipos de estrutura organizativa e funcional.
* Diferenciación dos subdepartamentos de recepción.
* Confección de horarios e quendas do persoal do departamento.
* Xustificación dos organigramas do departamento de recepción e a súa relación co resto dos departamentos do establecemento.
* Valoración dos modelos de situación de recepción, tendo en conta os tipos de aloxamento.
* Distribución dos materiais do departamento segundo a súa funcionalidade.
* Determinación das prioridades na realización do traballo no departamento.
Subdepartamento de reservas.
* Estruturación do subdepartamento e as súas funcións específicas.
* Análise das fontes e dos procedementos de reservas.
* Aplicación da normativa vixente con respecto aos contratos de reserva.
* Diferenciación e realización de reservas tendo en conta o cliente individual, de axencias de viaxes e de empresa.
* Utilización dos documentos específicos para a tramitación dunha reserva.
* Representación do circuíto da reserva a través do departamento de recepción.
* Información da situación das reservas aos departamentos do establecemento.
* Tramitación das reservas a través dos GDS.
* Valoración da importancia de Turgalicia como canalizador das reservas dos establecementos de turismo rural en Galicia.
Subdepartamento de mostrador.
* Formalización dos documentos dentro do subdepartamento.
* Análise das funcións do profesional do mostrador.
* Realización das tarefas para desenvolver dentro das fases de entrada, estadía e saída do cliente do establecemento.
* Resolución de peticións específicas do departamento por parte da clientela durante a súa estadía no establecemento.
* Elaboración de táboas estatísticas que reflitan o estado de ocupación do establecemento.
* Interpretación das estatísticas da ocupación de establecementos de aloxamento elaboradas por Turgalicia.
* Comparación das táboas propias do establecemento coas elaboradas por Turgalicia.
* Análise da ocupación dos establecementos de turismo rural en Galicia e a súa comparación co resto das comunidades autónomas.
* Identificación das modalidades de atención ao cliente.
* Descrición de momentos nos que se formulen reclamacións e se poidan dar situacións de conflito.
* Resolución de queixas e reclamacións da clientela.
* Tramitación e coñecemento da normativa vixente aplicable ás reclamacións.
Subdepartamento de man corrente.
* Descrición das actividades e as funcións do subdepartamento de man corrente.
* Formalización dos documentos específicos do subdepartamento.
* Realización do diagrama de fluxo da liquidación e a facturación do subdepartamento.
* Análise dos sistemas de facturación (manual e mecanizado).
* Aplicación e cálculo das reducións e das comisións a clientes de empresa e a axencias de viaxes.
* Elaboración das modalidades legais de pagamento.
* Interpretación dos resultados da conta de explotación de man corrente.
* Proposición de esquemas do proceso administrativo-contable da man corrente no contorno global da xestión do establecemento.
Subdepartamento de caixa.
* Descrición das actividades e das funcións propias do subdepartamento.
* Valoración da importancia das relacións do departamento de caixa co resto dos subdepartamentos de recepción.
* Tramitación de operacións de liquidación, facturación e cobramento.
* Utilización de impresos específicos do sistema de facturación.
* Aplicación de operacións de convertibilidade de moedas estranxeiras.
* Realización da liquidación de divisas segundo os cambios oficiais.
* Elaboración e formalización dos documentos específicos para o arqueo das caixas.
* Valoración do control das caixas fortes e cofres de seguridade.
Departamento de conserxaría.
* Análise das actividades e das funcións do departamento.
* Identificación dos tipos de estrutura organizativa e funcional.
* Descrición de modelos da situación do departamento segundo a categoría, a organización e a estrutura funcional do establecemento.
* Formalización dos impresos de comunicación propios do departamento.
* Utilización axeitada dos medios técnicos dispoñibles (telefonía, megafonía, télex, correo electrónico, etc.) para a realización de servizos solicitados pola clientela.
* Descrición de tipos de información, tanto interna como externa ao establecemento, solicitados pola clientela.
* Valoración de técnicas de comunicación dentro do departamento de conserxaría.
* Aplicación de actuacións dependendo da tipoloxía do cliente.
* Xustificación das boas relacións do departamento cos profesionais dedicados á asistencia de grupos.
* Implicación do persoal do departamento no sistema de vendas dentro da explotación do establecemento.
* Simulación da resolución de queixas e reclamacións por parte da clientela.
Contidos conceptuais
Departamento de recepción.
* Obxectivos do departamento.
* Estruturas organizativas e funcionais do departamento.
* Organigramas.
* Cadros de persoal, horarios e quendas.
* Localización.
* Distribución dos materiais propios do departamento.
* Relacións cos outros departamentos do establecemento.
* Aplicación da informática dentro do departamento de recepción.
Subdepartamento de reservas.
* Situación do subdepartamento no organigrama de recepción.
* Funcións específicas.
-Contrato de reservas.
-Fontes e sistemas de reservas.
-Situación das fontes de reservas.
-Tratamento das reservas.
-Correspondencia e comunicación co exterior.
-Coordinación e información cos outros departamentos.
* Diagrama de fluxo na reserva dunha praza hoteleira.
* Documentos propios do subdepartamento.
-Folla de reservas ( individual, de grupo e de empresa).
-Cardex.
-Planificación.
-Libro de reservas.
-Lista de chegadas.
* Xestión de reservas mediante sistema informatizado.
Subdepartamento de mostrador.
* Situación do subdepartamento no organigrama de recepción.
* Funcións propias de mostrador.
-Asignación de cuartos.
-Control de equipaxes.
-Atencións ao cliente.
-Control de cuartos.
-Relacións interdepartamentais.
-Estatísticas de ocupación.
* Impresos e documentos específicos do subdepartamento.
-Rack de recepción.
-Tarxeta de rexistro.
-Ficha policial.
-Libro de recepción.
-Táboas de previsión.
* Trámites durante a estadía do cliente.
-Memorando.
-Cambio de cuarto.
-Parte de avarías.
-Follas de reclamacións.
* Estatísticas de ocupación do establecemento, tanto internas como oficiais.
* Sistema informatizado do mostrador.
Subdepartamento de man corrente.
* Actividades e funcións de man corrente.
-Facturación.
-Control de liquidacións.
-Cadramento e pechamento do diario de produción.
* Diagrama do proceso de facturación na recepción.
* Sistemas de facturación: manual e informatizado.
* Impresos e documentos propios de man corrente.
-Factura.
-Partes de control.
-Liquidación de comisións e deducións.
-Libro de deducións.
-Transferencia de comisións.
-Liquidación de varios.
-Nota de cargo a crédito.
Subdepartamento de caixa.
* Actividades e funcións propias do subdepartamento.
-Cambio de moeda estranxeira.
-Cobramento de facturas.
-Control de cofres de seguridade.
-Arqueo de caixa.
-Liquidación de divisas.
* Sistemas de cobramento de facturas.
-Cobramento en efectivo: en euros e noutras moedas.
-Crédito: axencias de viaxes e empresas; tarxetas de crédito e débito.
-Invitacións.
-Gratuidades.
* Documentos utilizados polo departamento de caixa.
-Liquidación de facturas de caixa e crédito.
-Impreso de arqueo de caixa.
-Impreso de cambio de divisas.
-Libro de apertura e pechamento de cofres de seguridade.
-Ficha de cofres de seguridade.
-Impreso de saída de equipaxes.
* Relacións do departamento de mostrador cos demais departamentos do establecemento.
Departamento de conserxaría.
* Actividades e funcións propias do departamento.
-Recollida, control e entrega da equipaxe.
-Entrega e recollida de chaves.
-Control da correspondencia ordinaria e electrónica, xiros e telegramas.
-Información, axuda e asesoramento á clientela.
-Encarga de peticións da clientela.
* Estruturas organizativas e funcionais do departamento.
-Organigramas.
-Cadros de persoal, horarios e quendas.
-Localización.
* Impresos e documentación propia do departamento.
-Libro de policía.
-Ficha de policía.
-Partes de rexistro de equipaxe.
-Libro de rexistro de xiros e telegramas.
-Lista de servizo de espertador.
* O servizo de información sobre o contorno.
-Recursos naturais e culturais.
-Infraestruturas e servizos da zona.
* Relacións do departamento de conserxaría cos outros departamentos do establecemento.
Contidos actitudinais
Actitudes persoais asociadas á organización, ao comportamento e ao traballo.
* Compromiso co mantemento e co coidado das instalacións e dos equipamentos, e obtención do máximo proveito dos medios materiais utilizados nos procesos, evitando custos e desgastes innecesarios.
* Interese pola imaxe persoal e pola máxima pulcritude, tanto no aspecto exterior como na correcta actitude, tendo en conta que cara ao cliente representa a imaxe da empresa.
* Constancia na execución das tarefas e predisposición para actuar con iniciativa para resolver situacións imprevistas durante o desenvolvemento do traballo, no ámbito organizativo e de control da produción.
* Preocupación e interese por documentarse e informarse sobre o traballo que se vaia realizar antes da súa execución, para obter un resultado final satisfactorio no ámbito da planificación e da organización, da xestión e da produtividade dos departamentos de recepción, conserxaría e comunicacións.
* Valoración da importancia de actuar con rapidez e precisión en todos os procesos de prestación de servizos propios do departamento de recepción, desde o punto de vista da percepción da calidade dos servizos prestados.
* Interese por desenvolver satisfactoriamente a súa actuación persoal, identificando forzas e debilidades, e argumentando e propondo solucións alternativas para mellorar tanto os procesos como os resultados na xestión do seu traballo.
* Interese por adquirir unha visión global e coordinada dos procesos da prestación dun servizo dentro do establecemento de aloxamento.
* Predisposición para o asesoramento e para o comportamento activo e empático na atención ao cliente.
* Preocupación pola identificación e a aplicación da lexislación vixente en materia de protección de consumidores e usuarios.
* Actitude positiva ante a formulación de posibles queixas ou reclamacións da clientela.
Actitudes de relación asociadas á comunicación, ao traballo en grupo e ás relacións sociais.
* Sensibilización coa importancia de establecer unha comunicación eficaz, tendo en conta a impor
tancia das relacións interdepartamentais dentro dos establecementos de aloxamento, para o logro dos obxectivos persoais e corporativos.
* Preocupación polas relacións externas cos tipos de empresas do sector e actitude correcta para a negociación e a contratación cos operadores turísticos e con outras empresas de servizos.
* Valoración das técnicas de comunicación social que favorecen a organización e o ambiente no desenvolvemento do traballo.
* Integración e adaptación en grupos de traballo para manter unha relación fluída e eficaz nas accións de comunicación.
* Interese por acadar as técnicas de comunicación para atender as demandas da clientela, dependendo da súa tipoloxía.
* Identificación dos hábitos e costumes da clientela habitual que demanda uns determinados produtos ou servizos, para acadar a súa fidelización.
Actitudes persoais de relación asociadas ao medio e á toma de decisións.
* Compromiso no logro dos obxectivos preestablecidos, cooperando na súa consecución e tratando de superar as dificultades.
* Coordinación cos demais departamentos da organización para o respecto na toma de decisións de cada un deles.
* Rigor e inquedanza pola determinación dos elementos materiais e dos medios humanos necesarios, coa localización e a xustificación da súa distribución conforme criterios de fluidez no traballo.
* Predisposición para tomar, en momentos puntuais, unha determinación para tratar de resolver imprevistos que poidan xurdir no desenvolvemento do seu traballo.
* Valoración, sensibilización e respecto polas normas de seguridade, hixiene e protección do medio no traballo.
* Rigor na temporalización e na secuenciación das tarefas para desenvolver no departamento asignado.
* Preocupación e sensibilización polo medio tendo en conta a súa repercusión no sector de aloxamentos en Galicia.
* Valoración dos costumes, o folclore, a gastronomía, a artesanía e outros trazos culturais galegos para informar adecuadamente a clientela que solicite esa información.
* Aceptación da necesidade de respectar e aplicar as normas canto a protección do medio natural e cultural se refire, para a consecución dun turismo rural en Galicia de calidade.
3.2.2. Módulo profesional 2: rexedoría de pisos.
Asociado á unidade de competencia 2: organizar e supervisar o servizo de pisos, áreas públicas, lavan
daría e lenzaría, prestando asistencia técnica e operativa.
3.2.2.1. Capacidades terminais elementais.
* Identificar os obxectivos e as funcións propias do departamento, das áreas comúns das vivendas, lavandarías e lenzarías, e os fluxos de relación entre os departamentos, segundo o tipo de empresas de aloxamento.
* Identificar os circuítos de información e a documentación que se xera entre os departamentos, segundo a estrutura xeral do establecemento.
* Determinar a estrutura organizativa do departamento para a prestación de servizos propios segundo o tipo de establecemento, a capacidade e a categoría.
* Establecer a distribución do espazo e dos recursos humanos e materiais dos talleres de lavandaría e lenzaría que aseguren o servizo e reduzan as tarefas e as circulacións, segundo as características do espazo, os principios de ergonomía e os recursos dispoñibles.
* Establecer os procedementos e as prioridades de traballo deste departamento e os criterios para seguir na prestación do servizo, segundo os medios, a estrutura organizativa e a capacidade do establecemento.
* Relacionar as finalidades dos inventarios e os sistemas e modelos de control coa tipoloxía de dotación de lenzaría, útiles, equipamentos e moblaxe que se utilizan en servizos dependentes da rexedoría de pisos.
* Calcular o nivel de consumo, o índice de rotación, as previsións de reposición do material, útiles, equipamentos e moblaxe, con uso de soporte informático, a partir dunha proposta de prestación de servizos.
* Rexistrar as entradas e as saídas do material almacenado, así como as devolucións e as perdas, en soporte informático e documental, de acordo con criterios de valoración aceptados polas normas contables.
* Determinar as normas e os procedementos de distribución de produtos e de reposición dos de gran consumo ou perecedoiros que garanten a dotación segundo as necesidades de servizo.
* Programar, a partir dun plan xeral de mantemento e de reparación das instalacións, a moblaxe, os equipamentos e as formas de comunicación e de control entre departamentos afectados, segundo o grao de conservación detectado e as normas de seguridade e hixiene.
* Comprobar o estado de conservación das instalacións dunha área de servizo e dos equipamentos de prevención e detección de incendios, segundo a normativa reguladora para estes tipos de establecementos.
* Relacionar as características dos estilos e os tipos de moblaxe, revestimento e elementos deco
rativos, coa funcionalidade, a tipoloxía do establecemento e o contorno ambiental.
* Especificar as técnicas de cor, de iluminación, de composición e de combinación de moblaxe máis adecuadas ao confort e ás características do establecemento e da zona.
* Establecer os elementos decorativos básicos para incluír ou modificar nunha zona ou nunha vivenda, así como o xeito de mantemento, con criterios de estética arquitectónica, tendencias decorativas e acomodación ao orzamento.
* Realizar ou crear conxuntos florais e elementos decorativos con relación á estación do ano e o acto social que cumpra atender.
* Relacionar métodos, sistemas de limpeza e tratamento de superficies para aplicar nos cuartos e nas áreas comúns dun establecemento de aloxamento coas operacións, os útiles e o material necesario.
* Identificar e analizar os criterios e os métodos de clasificación da roupa e da lenzaría, así como os sistemas de lavado, pasada do ferro, costura e presentación da bogada ao cliente do establecemento segundo as características das pezas.
* Determinar o sistema de control de calidade do servizo de limpeza de cuartos e da lavandaría, así como as medidas para arbitrar no caso de anomalías ou de non cumprimento das normas de hixiene establecidas.
* Resolver as peticións, as obxeccións e as queixas formuladas pola clientela con relación aos servizos de aloxamento, con corrección e amabilidade e cunha proposta de actuación satisfactoria para o cliente.
* Realizar a limpeza de áreas públicas, a preparación e o arranxo completo dun cuarto, o proceso completo de lavado, pasada do ferro e distribución de pezas de roupa e lenzaría de varios departamentos, consonte os criterios de calidade e os requisitos estándar do sector.
* Analizar a implantación e a proxección dunha lavandaría e lenzaría segundo diferentes tipos, estruturas e tamaños de establecementos de aloxamento turístico existentes en Galicia, e describir a súa posible configuración en termos de viabilidade e rendibilidade asumida comunmente polo sector.
3.2.2.2. Contidos (duración: 110 horas).
Contidos procedementais
Distribución do espazo nos talleres.
* Identificación das condicións físicas do local, dos fluxos de circulación e dos equipamentos.
* Deseño da distribución na planta das instalacións, en función do tipo de servizo que se ofreza.
* Interpretación da normativa de seguridade e hixiene sobre manipulación de produtos e de maquinaria.
* Obtención de información sobre a oferta de servizo e os procesos para desenvolver.
* Determinación da localización de recursos materiais, a maquinaria e os produtos.
* Comprobación dos principios ergonómicos, a circulación e a comunicación.
* Determinación da man de obra e das funcións.
Organización de grupos de traballo.
* Definición e obxectivos.
* Determinación dos recursos dispoñibles.
* Análise do factor humano e necesidades de persoal.
* Asignación de funcións.
* Seguimento das tarefas en execución.
* Valoración da eficacia e da eficiencia.
* Aplicación das normas básicas para o control e a conservación do material dos departamentos.
Proceso de control de inventarios das dotacións da área de aloxamento.
* Determinación dos sistemas de rexistro de existencias.
* Establecemento dos niveis óptimos de existencias.
* Rexistro de entradas e saídas.
* Comprobación do nivel rexistrado con respecto ao establecido.
* Detección de desaxustes no pedido ou no inventario, así como da rotura de stock.
Tratamento informático dos datos dos almacéns.
* Definición do servizo e do tipo de control para realizar.
* Determinación dos datos de entrada e de saída para tratar.
* Selección da aplicación adecuada.
* Configuración das fórmulas de cálculo dos tipos de ficheiros.
* Introdución ou actualización dos datos.
* Almacenaxe e relacións por produtos.
* Comprobación dos resultados cos datos introducidos.
Programación das accións de mantemento e reparación.
* Detección do estado dos cuartos e dos defectos de funcionamento en instalacións e en equipamentos.
* Análise e valoración dos feitos e das situacións.
* Relación entre as causas e os feitos.
* Interpretación do plan de mantemento xeral con relación ao feito detectado.
* Determinación de accións ou actuacións para realizar.
* Formalización da orde de actuación ou reparación.
* Comprobación dos resultados.
Planificación e realización da limpeza.
* Análise e descrición das fases do proceso de posta a punto das áreas, os cuartos e as salas que cumpra limpar.
* Determinación do método de traballo.
* Selección dos aparellos, os útiles, os equipamentos e os produtos para o traballo que se vaia realizar.
* Realización completa do proceso de limpeza e acondicionamento dos espazos.
* Organización e adestramento do persoal ao seu cargo para a obtención dunha óptima eficacia e rendibilidade do seu traballo.
Planificación da lavandaría.
* Análise e descrición das fases do proceso de posta a punto nas tarefas de lavandaría e lenzaría.
* Establecemento dos criterios de clasificación da roupa.
* Concreción das normas de lavado, pasada do ferro e presentación da roupa.
* Realización dos procesos de lavado e pasada do ferro de roupa de comedor, dos cuartos e da clientela, así como dos uniformes do persoal.
* Identificación, clasificación e realización das tarefas observadas.
* Determinación do tratamento para aplicar e o xeito de facelo.
* Selección dos sistemas para empregar nos graos de sucidade dunha peza de roupa (manchas normais e especiais) en roupas resistentes e delicadas.
* Comprobación e control dos procesos.
Decoración e ornamentación de salas.
* Identificación do motivo e a función da decoración.
* Determinación do estilo propio e a súa adaptación ao contorno e á ambientación típica de Galicia.
* Análise do material e dos recursos dispoñibles.
* Estudo do proxecto de deseño.
* Selección dos elementos, os materiais e os útiles.
* Execución ou proposta de execución da ornamentación.
* Valoración da harmonización do conxunto.
* Determinación dos servizos de limpeza e reposición para aplicar.
* Valoración económica con criterios de idoneidade e rendibilidade dos motivos ornamentais, tendo en conta as necesidades para o acontecemento previsto.
Control da calidade do servizo ao cliente.
* Identificación dos elementos que integran o servizo ao cliente.
* Fixación do nivel de servizo que se pode ofrecer en cada área.
* Determinación dos aspectos apreciados polo cliente.
* Observación do servizo ofrecido.
* Valoración con relación aos indicadores de calidade definidos.
* Elaboración dun informe.
Formalización de documentos e informes.
* Identificación da finalidade do documento ou informe.
* Análise do contido do documento ou informe.
* Obtención de datos e da información necesaria.
* Determinación dos datos e dos feitos para incluír.
* Realización e comprobación do contido e da forma.
* Rexistro e arquivo da copia.
* Envío ou tramitación do documento.
Contidos conceptuais
Departamento de pisos, áreas comúns, lavandaría e lenzaría.
* Obxectivos.
* Estrutura organizativa e funcional: fluxos de relacións, funcións e tarefas.
* Espazo dos servizos: características, principios de ergonomía e recursos materiais.
* Cuartos de clientes: zonas nobres e zonas de servizo.
* Office de pisos: lavandaría, ferro e lenzaría.
* Persoal do departamento: funcións operacionais e relacionais; supervisión.
* Relacións humanas: obxectivo, tipos de relacións e estilo comunicativo.
Rexedoría de pisos en varios tipos de entidades.
* Sector hoteleiro: hoteis, apartamentos e pensións. Servizos, funcións e organigrama de relacións.
* Sector sanitario: hospitais, clínicas e centros de día. Servizos, funcións e organigrama de relacións.
* Contorno educativo: educación formal e non formal. Servizos, funcións e organigrama de relacións.
* Institucións de acollida.
Equipamentos da área de pisos, zonas comúns, lavandaría e lenzaría.
* Maquinaria, material e equipamentos: características, funcións e aplicacións.
* Procedementos e técnicas de operación e control para cada tipoloxía de equipamentos.
* Mantemento en uso dos equipamentos.
* Xestión do espazo: fluxos de movemento, manipulación e tempo.
* Novas tecnoloxías.
Técnicas e procesos administrativos.
* Documentación da área: tipos, rexistros e circuítos de información.
* Sistema de clasificación, codificación e arquivo.
* Soporte informático: aplicacións e software estándar.
* Vales para empregar no cambio de roupa e na retirada de produtos de limpeza, de obxectos esquecidos polo cliente e de obxectos en depósito.
Xestión de existencias.
* Dotación: tipos de material, útiles, equipamentos e moblaxe.
* Inventarios: xestión e valoración.
* Métodos de control de existencias e criterios de valoración aceptados polas normas comunitarias.
* Rotación das existencias.
* Nivel óptimo de existencias.
* Reposición.
Plan de limpeza.
* Procesos e métodos de limpeza e posta a punto: auga, instalacións e equipamentos.
* Limpeza e tratamento de superficies: procesos, produtos e tempos.
* Sistemas de lavado e conservación da cristalaría, a louza, os cubertos e os obxectos ornamentais.
* Hixienización e posta a punto da roupa: procesos, produtos e tempos.
* Roupa: tipo de fibra; proceso de lavado, de pasada do ferro e de costura.
* Criterios de clasificación da roupa e da lenzaría, tanto do servizo do establecemento como do cliente.
* Petición de subministracións.
* Produtos de limpeza: tipos, rendemento, almacenaxe e prezos.
* Sistemas de control de calidade da limpeza.
Organización e control do servizo.
* Cuartos: servizos, tarefas e responsabilidades.
* Normas de hixiene establecidas sobre o servizo de limpeza de cuartos e o de lavandaría.
* Calidade do servizo: parámetros de control.
Seguridade e prevención.
* Normas nos procesos de limpeza, de tratamento de superficies e de hixienización da roupa.
* Locais, instalacións, materiais e útiles: regulamentación e condicións hixiénico-sanitarias e de seguridade.
* Prohibicións.
* Produtos de limpeza: normas e condicións de utilización.
* Roupa de traballo e elementos de protección persoal.
* Riscos: tipos, causas máis comúns e prevención.
* Normativa reguladora dos equipamentos de prevención e detección de incendios.
Plan de mantemento.
* Instalacións dunha empresa de aloxamento: tipos, características e condicións.
* Departamento de mantemento: obxectivos e funcións.
* Plan xeral de mantemento da moblaxe e dos equipamentos segundo o grao de conservación e as normas de seguridade e hixiene.
Moblaxe, decoración e ornamentación.
* Moblaxe: estilos e tipos.
* Revestimentos: alfombras e cortinas.
* Outros elementos de decoración
* Iluminación: cor e decoración.
* Criterios de estética arquitectónica, tendencias decorativas e orzamento.
* Conxuntos florais e elementos decorativos.
* Elementos necesarios para os arranxos florais que se realicen; custos e orzamentos.
Contidos actitudinais
Execución sistemática do proceso de resolución de problemas.
* Toma de decisións ante calquera continxencia relacionada co desenvolvemento das tarefas de planificación e organización do departamento.
Execución sistemática da comprobación dos resultados.
* Hábito de corrección sistemática dos erros observados nos procesos de limpeza e lavandaría.
* Constancia na verificación das dotacións de lenzaría, material e moblaxe.
Orde e método de traballo.
* Eficacia na distribución do traballo e do tempo para utilizar nas tarefas programadas.
* Prioridade das tarefas nos servizos, segundo as necesidades e os recursos.
Compromiso coas obrigas asociadas ao traballo.
* Cumprimento das normas de seguridade en canto a distribución dos produtos de limpeza e os xeitos de manipulación.
* Responsabilidade na asignación das tarefas que deban desenvolver as persoas dos servizos da área.
Participación e cooperación no traballo en equipo.
* Coordinación cos membros do grupo para planificar os servizos e os recursos.
Execución independente do traballo.
* Autosuficiencia ao establecer os sistemas de control dos servizos das áreas.
* Rigor no control de inventarios da dotación de material.
* Responsabilidade e interese polo coidado e a conservación do equipamento empregado no departamento.
Interese polas relacións humanas.
* Cordialidade ao dar as instrucións para desenvolver os servizos de mantemento, limpeza e reparación.
Creatividade.
* Orixinalidade na creación de conxuntos florais e ornamentacións, segundo o contorno e o contexto.
Mentalidade emprendedora nas tarefas e accións.
* Motivación para emprender tarefas ou accións diferentes das propostas e que dean resposta a unha nova demanda da clientela.
Apertura ao contorno profesional e á súa evolución.
* Interese por utilizar novos recursos tecnolóxicos que faciliten e perfeccionen as tarefas asignadas á área do aloxamento.
Respecto pola saúde, o medio e a seguridade laboral.
* Observación das normas de seguridade en todo o que fai referencia á utilización de maquinaria, instalacións e produtos de limpeza, e das normas de presenza física e uniformidade axeitada.
Calidade no traballo.
* Rapidez e boa presentación en todas as accións encamiñadas a dar un servizo á clientela.
3.2.3. Módulo profesional 3: organización e control do aloxamento.
Asociado á unidade de competencia 3: planificar e controlar a área de aloxamento.
3.2.3.1. Capacidades terminais elementais.
* Clasificar as fórmulas de aloxamento segundo o tipo de servizo, as características básicas, as áreas funcionais, a tipoloxía da clientela e a normativa europea, estatal e autonómica aplicable.
* Analizar as funcións e os criterios organizativos das áreas, os departamentos e os subdepartamentos das empresas turísticas que dispoñen de aloxamentos, segundo a tipoloxía do establecemento e do sector.
* Establecer as relacións funcionais entre os departamentos, segundo as tarefas propias de cada un deles.
* Identificar os circuítos de información interna e externa, e a documentación que se xera nas actividades da área de aloxamento.
* Definir os límites de responsabilidade e as funcións dos postos de traballo habituais a partir das tarefas que se realicen e segundo a cualificación requirida.
* Interpretar os obxectivos, as actuacións e os recursos materiais e humanos dos establecementos ou das áreas de aloxamento, a partir dos plans xerais e específicos da empresa.
* Planificar os obxectivos específicos do departamento de aloxamento, así como os recursos humanos e materiais necesarios, incluíndo o estudo de custos e os resultados das actuacións previstas, a partir dos obxectivos xerais e do volume de servizos.
* Organizar as tarefas, as funcións, os horarios e as quendas laborais do persoal asignado ao departamento ou á área de aloxamento e servizos adxuntos, segundo o plan estratéxico definido.
* Seleccionar os procedementos de traballo de cada un dos servizos que se desenvolvan na área de aloxamento e os sistemas de tratamento e xestión interna da información entre os procedementos de traballo, os servizos, o sistema e a xestión do establecemento en xeral.
* Analizar as partidas que integran un orzamento de servizos, así como o criterio de valoración de custos e ingresos, segundo os obxectivos da área de aloxamento.
* Determinar as necesidades de fondos e as previsións de tesouraría a curto prazo segundo os obxectivos económicos e financeiros, así como o volume de negocio e a manobra de financiamento.
* Elaborar orzamentos económicos e de tesouraría concretados nunha área ou nun servizo específico do departamento de aloxamento, a partir dos obxectivos económicos e financeiros, e dos programas de actuación establecidos.
* Determinar a execución do orzamento dun programa de actuación, as desviacións, as causas, os efectos de cada un en particular e sobre o conxunto, así como as solucións alternativas.
* Calcular os custos totais da actividade de aloxamento, o custo unitario e o prezo de venda dun servizo, segundo os obxectivos económicos fixados.
* Interpretar o significado das partidas que compoñen un balance de situación e a conta de perdas e ganancias, ademais dos principais índices de relación en cada conta anual, contextualizados nun establecemento de aloxamento.
* Valorar, a partir dos resultados parciais e finais obtidos nunha unidade ou nun programa de actuación, a evolución das vendas de servizos, o límite de rendibilidade, os puntos críticos e o óptimo aproveitamento dos recursos.
* Elaborar informes de valoración da tendencia dos resultados obtidos e da evolución e as expectativas dos prezos dos servizos, de acordo coa información económica interna e as necesidades de mercado.
* Identificar os factores que definen o sistema de calidade dos servizos ofrecidos e do material e os produtos para utilizar, así como a asignación de funcións na xestión da calidade, segundo a estrutura organizativa do establecemento ou da área de aloxamento.
* Determinar procedementos e instrumentos de control de calidade interna e externa a partir dos obxectivos de calidade establecidos sobre produtos e servizos relacionados coa área de aloxamento.
* Propor melloras no funcionamento da área de aloxamento dun servizo concreto, a partir do control de calidade efectuado.
* Identificar as funcións do servizo de seguridade, as continxencias e os equipamentos de seguridade que afectan e se poden producir nun establecemento de aloxamento, con relación ás persoas e aos produtos.
* Relacionar as continxencias de seguridade propias dun establecemento de aloxamento coas funcións do servizo de seguridade e cos equipamentos e as instalacións de seguridade.
* Avaliar e controlar os tempos de traballo das actividades profesionais máis significativas.
* Representar circuítos dos tipos de información externa e interna producida no desenvolvemento da actividade.
* Determinar o custo, o prezo de venda e o beneficio neto dos servizos que compoñen unha oferta de aloxamento seguindo as directrices do USAH.
* Comparar a normativa europea coa estatal e a autonómica en materia de seguridade dentro dos establecementos de aloxamento.
3.2.3.2. Contidos (duración: 130 horas).
Contidos procedementais
Clasificación dos aloxamentos turísticos e non turísticos.
* Análise dos tipos de aloxamento e a súa organización.
* Determinación das características básicas dos aloxamentos turísticos.
* Clasificación das fórmulas de aloxamento.
* Descrición da normativa vixente en materia de aloxamentos turísticos e non turísticos.
* Comparación da lexislación e da regulamentación europea, estatal e autonómica referente aos tipos de aloxamento.
A estrutura organizativa e funcional dos aloxamentos turísticos.
* Dedución dos factores determinantes dunha organización eficaz.
* Identificación das áreas, os departamentos e os subdepartamentos funcionais máis característicos dos tipos de aloxamento.
* Valoración da importancia das relacións interdepartamentais establecidas no ámbito deses establecementos.
* Xustificación e descrición dos postos de traballo nas áreas de aloxamento, tendo en conta a súa competencia profesional.
* Configuración de cadros de persoal das áreas de actividades profesionais e técnicas de programación, e control dos tempos de traballo.
* Identificación e definición de responsabilidades, funcións e tarefas de cada compoñente da área departamental.
* Análise das relacións externas da área de aloxamento.
* Representación de diagramas de fluxo da información interna e externa producida no desenvolvemento da actividade de aloxamento.
Control económico.
* Identificación da función dos orzamentos dentro da planificación empresarial.
* Estruturación das partidas e relación das variables que se deben ter en conta na confección de orzamentos.
* Xustificación da función da contabilidade orzamentaria aos departamentos das empresas de aloxamento.
* Clasificación dos custos segundo o nivel de actividade e de intervención do departamento dentro da empresa.
* Reparto dos custos asignables e non asignables aos departamentos da empresa de aloxamento.
* Distribución dos ingresos do exercicio económico a cada un dos departamentos.
* Determinación do punto morto ou límite de rendibilidade.
* Cálculos de GOI, GOP e NOP.
* Aplicación do USAH tendo en conta os tipos de aloxamento e os seus servizos prestados.
* Interpretación da conta de perdas e ganancias, e do balance de situación dunha empresa de aloxamento.
Xestión e control da calidade.
* Identificación dos factores que conforman a calidade no sector do aloxamento.
* Análise da terminoloxía e dos índices da calidade que se utilizan nas empresas de aloxamento.
* Xustificación da necesidade de sistemas de mellora para acadar a fidelización da clientela.
* Valoración da normativa en materia de calidade no ámbito do sector de aloxamentos.
* Descrición da participación da clientela dentro dos instrumentos de control da calidade utilizados na prestación dos servizos de aloxamento.
Xestión da seguridade nas empresas de aloxamento.
* Descrición do servizo de seguridade dentro da empresa de aloxamento.
* Xustificación da posta en marcha dos sistemas de seguridade no sector.
* Identificación das continxencias que se poidan producir en materia de seguridade.
* Definición dos sistemas, os equipamentos e as instalacións que se empregan na seguridade dos establecementos.
* Comparación da normativa legal europea, estatal e autonómica en materia de seguridade e prevención de riscos nas empresas do sector.
Perspectivas e tendencias da industria de aloxamento.
* Avaliación do sector.
* Análise actual e futura da ocupación de aloxamentos turísticos e non turísticos no ámbito estatal.
* Comparación dos movementos turísticos en aloxamentos entre as comunidades autónomas e, en concreto, con respecto a Galicia.
* Determinación das perspectivas da industria de aloxamentos en Galicia e, en concreto, no ámbito rural.
* Identificación das variables para ter en conta de cara á mellora da explotación do sector do aloxamento en Galicia.
Contidos conceptuais
Clasificación dos aloxamentos turísticos e non turísticos.
* Tipos de aloxamento e a súa organización.
-Empresas hoteleiras e extrahoteleiras; características.
-Clasificación segundo o réxime xurídico, o volume de cuartos, a titularidade da propiedade, o tipo de clientela, a localización e a denominación.
* Características diferenciadoras exixidas aos aloxamentos turísticos; normativa.
-Categorías das fórmulas de aloxamento.
-Lexislación vixente en materia de aloxamentos turísticos e non turísticos.
-Comparativa entre a normativa europea, a estatal e a autonómica.
Estrutura organizativa e funcional dos aloxamentos turísticos.
* Factores para determinar de cara á eficacia da organización.
* Tipos de organización: xerárquica, funcional e divisional.
* Áreas, departamentos e subdepartamentos funcionais máis característicos dos tipos de aloxamentos.
* Organigramas: xeral da empresa, por seccións, por departamentos, por categorías profesionais e por funcións.
* Relacións interdepartamentais e diagramas de fluxo atendendo á prestación dun servizo.
* Configuración do cadro de persoal segundo o tipo e a categoría do establecemento. Horarios e quendas de traballo.
* Estrutura funcional e profesional das áreas departamentais.
* Relacións cos clientes e cos provedores da área de aloxamento.
* Circuítos e tipos de información. Documentos internos e externos.
Control económico.
* Control orzamentario; función dentro da planificación empresarial.
* Tipos de orzamentos. Orzamentos por departamentos.
* Contabilidade orzamentaria. Cálculo das partidas.
* Análise e control de custos; o seu reparto aos departamentos da empresa segundo sexan asignables ou non asignables.
* Métodos utilizados para a fixación dos prezos dos cuartos (yield management).
* Distribución dos ingresos do exercicio económico a cada un dos departamentos.
* Límite da rendibilidade.
* USAH e cálculos de GOI, GOP e NOP.
Proceso de financiamento na empresa do aloxamento.
* Proceso de financiamento na empresa do aloxamento.
* Sistemas de financiamento a curto e a longo prazo.
* Valor actual neto, taxa interna de retorno e pay back.
Xestión e control da calidade.
* Factores que determinan a calidade dentro do sector.
* Sistemas do control da calidade nas empresas de aloxamento.
* Normativa que regula a calidade.
* Instrumentos utilizados para o control da calidade: programa de calidade, manual de calidade, manual de procedementos, manual de instrucións, plans de calidade e rexistros de calidade.
Xestión da seguridade nas empresas de aloxamento.
* Sistemas de seguridade no sector.
* Plans de medidas para ter en conta de cara á prevención de riscos.
* Tipos de continxencias que se poden producir en materia de seguridade.
* Sistemas, equipamentos e instalacións que se empregan na seguridade dos establecementos.
* Normativa legal europea, estatal e autonómica en materia de seguridade e prevención de riscos nos establecementos de aloxamento.
Perspectivas e tendencias da industria de aloxamentos.
* Situación do sector e a súa comparativa con táboas estatísticas dos últimos anos.
* Evolución do sector de aloxamentos turísticos e non turísticos en Galicia e a súa comparativa co resto das comunidades.
* Tendencias que inflúen na organización do produto, no comportamento e no contorno: económicas, ecolóxicas, políticas, tecnolóxicas e socioculturais.
* Tendencias que inflúen nas necesidades e nos obxectivos da clientela: demográficas, socioculturais e económicas.
Contidos actitudinais
Actitudes persoais asociadas á organización, ao comportamento e ao traballo.
* Preocupación e interese pola boa organización, tanto do propio traballo como das tarefas colectivas, e control das unidades de produción ou dos departamentos específicos dos establecementos de aloxamento.
* Responsabilidade e compromiso co traballo encomendado, e iniciativa para resolver situacións imprevistas durante o desenvolvemento do traballo.
* Aceptación das normas de comportamento, rigor no mantemento da uniformidade, pulcritude no aspecto físico, e rapidez e precisión en todos os procesos de creación e prestación de servizos propios dos establecementos de aloxamento.
* Compromiso cos obxectivos fixados pola empresa e disposición para a identificación de acertos e erros, así como para a argumentación e a proposta de solucións alternativas para a mellora dos procesos e dos resultados na xestión e no control de calidade nos establecementos de aloxamento.
* Interese pola documentación e a información sobre o traballo que se vaia realizar antes da súa execución, para obter un resultado final satisfactorio.
* Preocupación por manter boas relacións interdepartamentais, imprescindibles no sector de aloxamentos.
* Curiosidade pola formación e a actualización permanente en cuestións do ámbito da planificación, a organización, a xestión e a produtividade das empresas de aloxamento.
Actitudes de relación asociadas á comunicación, ao traballo en grupo e ás relacións sociais.
* Sensibilización por manter unha actitude de diálogo e debate, e por facerse entender polos demais membros do departamento e polos membros de toda a organización.
* Interese pola participación nas tarefas colectivas, así como pola achega de ideas propias.
* Valoración da importancia do establecemento dunha comunicación eficaz e correcta dentro das relacións interdepartamentais para o logro dos obxectivos persoais e colectivos.
* Compromiso por establecer unhas idóneas relacións externas no proceso de comunicación, en relación tanto cos provedores como cos clientes do establecemento.
* Predisposición para propor, elaborar ou organizar traballos en grupo sobre programas de actuación máis convenientes para a mellora da calidade.
* Interese polas técnicas de comunicación social e respecto por outras opinións, ideas ou condutas.
* Disposición para realizar, nos momentos que así se requira, calquera tarefa que a organización considere oportuna, demostrando a súa capacidade de adaptación ao traballo.
Actitudes persoais de relación asociadas ao medio e á toma de decisións.
* Preocupación pola planificación do territorio e o seu impacto no medio, tendo en conta as características autóctonas de Galicia.
* Sensibilización polos recursos naturais e a súa sustentabilidade, tendo en conta o futuro dos aloxamentos rurais en Galicia.
* Disposición para a dirección e o liderado das actuacións dos demais membros do departamento segundo as normas establecidas dentro do seu ámbito de competencia.
* Habilidade para a identificación de problemas asociados ao departamento no que desenvolve o seu traballo, así como das estratexias adoptables para a súa resolución.
* Compromiso co logro dos obxectivos preestablecidos.
* Interese pola corrección na aplicación dos principios da teoría da empresa no desenvolvemento das funcións de dirección, planificación, organización, integración de persoal e control nos departamentos específicos das empresas de aloxamento.
3.2.4. Módulo profesional 4: comercialización de produtos e servizos turísticos.
Asociado á unidade de competencia 4: organizar, executar e controlar o desenvolvemento de accións comerciais.
3.2.4.1. Capacidades terminais elementais.
* Describir, caracterizar e relacionar entre si as principais variables que conforman a oferta e a demanda turística internacional, española e galega.
* Determinar e analizar as motivacións da demanda turística internacional, española e galega, así como os factores sociais e económicos que inflúen na súa evolución.
* Describir e analizar as relacións das empresas de aloxamento e as axencias de viaxes co resto das empresas, as entidades e os profesionais do sector da hostalaría e o turismo nos ámbitos mundial, español e galego, así como as súas relacións con outros sectores da economía.
* Describir o proceso evolutivo do sector da hostalaría e o turismo en xeral, e dos subsectores e as fórmulas específicas de aloxamento e axencias de viaxe en particular, desde o punto de vista económico e laboral.
* Identificar e caracterizar as fontes de información turística máis relevantes.
* Identificar, seleccionar e aplicar métodos cuantitativos e cualitativos de investigación de mercados turísticos adecuados ás variables que se deban estudar.
* Analizar as peculiaridades do plan de márketing segundo o tipo de empresa ou de entidade do sector.
* Relacionar entre si as variables que interveñen no marketing-mix.
* Diferenciar o márketing de produtos do márketing de servizos.
* Xustificar as fases de conceptualización, estruturación, comercialización e prestación na creación dun servizo, e a aplicación deste enfoque metodolóxico na hostalaría e o turismo.
* Deducir as peculiaridades da aplicación do sistema de produción de servizos nas empresas e nas entidades do sector de hostalaría e turismo.
* Definir o márketing operacional, analizar as súas aplicacións e caracterizar as variables en que se basea.
* Explicar as relacións causais existentes entre as variables, a partir de datos supostos sobre produtos e servizos turísticos, etapas do seu ciclo, prezos e tipo de comercialización, distribución e comunicación.
* Identificar cada un dos compoñentes do mix de comunicación das empresas de servizos; definir o proceso secuencial e os obxectivos de cada fase.
* Analizar e asociar as estratexias de comunicación máis axeitadas para as peculiaridades dos subsectores e das empresas de hostalaría, turismo e servizos turísticos e de viaxes en Galicia.
* Xustificar as relacións entre niveis, canles e instrumentos de comunicación utilizados polas
empresas e as entidades do sector da hostalaría e o turismo.
* Determinar o ámbito e o público obxectivo para un produto turístico concreto e valorar a idoneidade dos instrumentos de comunicación en función do tipo de empresa ou entidade do sector, os obxectivos de comunicación, o público obxectivo e os medios humanos e económicos dispoñibles.
* Determinar as accións de publicidade e promoción adecuadas para un proxecto.
* Identificar as variables que miden a eficacia das accións de comunicación comercial e xustificar a elección dun medio de comunicación específico.
* Calcular os custos que supón pór en práctica unha estratexia de comunicación e valorar a súa eficacia.
* Identificar e interpretar a normativa que regula a comercialización de produtos e marcas e, ademais, valorar as posibles especificacións e repercusións no ámbito de Galicia.
* Analizar o alcance dos obxectivos previstos coa aplicación dunha estratexia de comunicación, e valorar os resultados de accións programadas.
* Xustificar a utilidade dos plans de comunicación nas empresas e nas entidades do sector, e describir os pasos e os elementos que debe conter un plan de comunicación específico no ámbito galego.
* Xustificar a utilidade dos plans de márketing interno como programas integrais dirixidos ao equipo humano da organización, e como instrumentos para alcanzar unha cultura organizativa orientada ao mercado.
* Estimar a utilidade dos manuais de empresa segundo o tipo de establecemento, a área ou a entidade do sector.
* Xustificar a motivación, a intercomunicación, a delegación e a personalización como aspectos clave para a posta en práctica dun programa de márketing interno.
* Exemplificar programas de márketing interno a partir de datos proporcionados sobre hipotéticas empresas ou entidades tipo do sector en Galicia.
3.2.4.2. Contidos (duración: 110 horas).
Contidos procedementais
Análise do mercado de aloxamento e de intermediación de servizos turísticos e viaxes.
* Clasificación das fontes de información turística.
* Descrición das técnicas de investigación e de tratamento da información.
* Estruturación do mercado turístico español.
* Clasificación dos aloxamentos turísticos.
* Análise da oferta e da demanda hoteleira en Galicia, en España e noutros países con tradición turística.
* Análise da oferta e da demanda de intermediación de servizos turísticos en Galicia, en España e noutros países con tradición turística.
* Identificación das exixencias e das necesidades dos consumidores de produtos e servizos turísticos.
Márketing turístico.
* Descrición e caracterización dos servizos e dos produtos das axencias de viaxes.
* Análise do márketing de servizos.
* Valoración económica dun plan de márketing.
O márketing-mix.
* Análise dos elementos que compoñen o produto turístico.
* Descrición do ciclo de vida dun produto turístico.
* Análise dos elementos que forman o sistema de produción de servizos.
* Aplicación de métodos para fixar os prezos nas empresas turísticas.
* Identificación dos factores que interveñen na fixación dos prezos.
* Xustificación e importancia dos custos na política de prezos.
* Análise das diferenzas entre publicidade, relacións públicas, patrocinio e outras actividades da comunicación.
* Descrición dos sistemas de distribución do produto turístico.
Comercialización.
* Identificación das fórmulas utilizadas nas empresas turísticas para comercializar os seus produtos.
* Aplicación dos medios utilizados habitualmente na publicidade.
* Descrición dos pasos necesarios para realizar unha campaña publicitaria.
* Planificación das vendas e control das accións da comercialización.
Contidos conceptuais
Análise do mercado de aloxamento e de intermediación de servizos turísticos e viaxes.
* Fontes de información nas axencias de viaxes.
* Natureza da investigación de mercados.
* Concepto de estrutura do mercado turístico.
* Tipos de aloxamentos turísticos.
* Conceptos de establecementos hoteleiros e extrahoteleiros.
* Asociacións hoteleiras.
* Conceptos de oferta e demanda turística.
* Características xerais dos principais países emisores de turismo cara a España e, en concreto, cara a Galicia.
* Características dos mercados español e galego.
* Importancia económica do turismo.
* Axencias de viaxes: concepto, tipos e oferta internacional, española e galega.
* Asociacións de axencias de viaxes.
* Comportamento do consumidor dos produtos turísticos.
* Factores que inflúen na conduta de compra.
* Segmentación do mercado.
Márketing turístico.
* Concepto de márketing turístico.
* Servizos e produtos das axencias de viaxes.
* Plan de márketing.
* Fases dun plan de márketing.
O marketing-mix.
* Compoñentes do produto turístico.
* Ciclo de vida do produto.
* Posicionamento.
* Concepto de servución ou produción de servizos.
* Elementos do sistema de produción de servizos.
* Prezos en función da demanda, o consumidor, os custos e a competencia.
* Concepto de yield management.
* Distribución en turismo.
Comercialización.
* Comercialización dos produtos e dos servizos turísticos.
* Fórmulas de comercialización no sector hoteleiro.
* Publicidade: campaña, control e medios publicitarios.
* Relacións públicas.
* Patrocinio.
* Publicacións.
* Feiras turísticas.
* Work-shops.
Contidos actitudinais
Actitudes persoais asociadas á organización, ao comportamento e ao traballo.
* Interese por adquirir as técnicas necesarias para a identificación das necesidades e das exixencias dos tipos de clientes.
* Preocupación por adquirir as habilidades necesarias para o desenvolvemento do deseño, a elaboración e a promoción dun produto turístico.
* Valoración da importancia do estudo de viabilidade dun produto turístico.
* Conciencia da importancia dos custos na elaboración dun produto turístico.
* Actitude analítica e metódica no traballo, tratando de pescudar e prever todas as posibilidades e oportunidades.
Actitudes de relación asociadas á comunicación, ao traballo en grupo e ás relacións sociais.
* Sensibilización dos hábitos e costumes da demanda turística.
* Predisposición pola adquisición de habilidades de comunicación en situacións difíciles, para conseguir transmitir calidade dun servizo turístico.
* Preocupación polas relacións interdepartamentais no ámbito das axencias de viaxes.
* Disposición favorable á determinación en grupo de obxectivos de planificación.
Actitudes persoais de relación asociadas ao medio e á toma de decisións.
* Preocupación e sensibilización polo medio para o desenvolvemento da actividade turística en Galicia.
* Valoración dos costumes e da cultura autóctona.
* Interese polo patrimonio artístico monumental.
* Toma de conciencia das vantaxes da planificación na adecuada comercialización de produtos turísticos.
* Apreciación, iniciativa e motivación para facer formulacións de organización e estruturación dos recursos.
3.3. Módulos profesionais transversais.
3.3.1. Módulo profesional 5: lingua estranxeira (inglés).
3.3.1.1. Capacidades terminais elementais.
* Transferir a información dunha comunicación en lingua estranxeira dun código escrito a un oral e viceversa.
* Transferir dun código escrito a un oral, e viceversa, a información que se debe comunicar en lingua estranxeira.
* Interpretar a información pedida ou expresada polo interlocutor en lingua estranxeira de forma presencial, telefónica ou escrita, tendo en conta o contexto e a situación.
* Aplicar as estratexias comunicativas na descodificación dos aspectos esenciais das mensaxes procedentes do contorno profesional.
* Producir mensaxes orais na lingua estranxeira en diversas situacións relacionadas co ámbito da actividade profesional, interpretando e transmitindo a información con adecuación, cohesión e coherencia, con emprego da terminoloxía profesional habitual.
* Producir mensaxes escritas, co léxico preciso e os aspectos formais exixidos pola normativa e o protocolo de cada país, relacionadas coas operacións do contorno profesional.
* Comunicarse oralmente en lingua estranxeira de xeito ordenado, coherente e eficaz, nas situacións relacionadas coa actividade profesional.
* Redactar na lingua propia unha tradución que ofreza os grandes trazos e as condicións específicas dunha mensaxe en lingua estranxeira.
* Traducir detalladamente ás linguas propias textos en lingua estranxeira relacionados co contorno profesional, tendo en conta a terminoloxía específica e a axuda das técnicas de tradución asistida e automatizada de textos.
* Resolver de xeito autónomo os problemas de comprensión e de expresión relacionados cos contidos lingüísticos e comunicativos do contorno profesional.
* Respectar as actitudes e os comportamentos socioculturais e de protocolo do país estranxeiro ao que se dirixe a comunicación oral ou escrita, no marco das relacións internacionais.
* Valorar a importancia da lingua como vehículo de comunicación e entendida no ámbito das relacións comerciais internacionais, da tecnoloxía, da cultura e do coñecemento.
3.3.1.2. Contidos (duración: 130 horas).
Contidos procedementais
Comunicación oral.
* Comprensión de mensaxes orais procedentes de fontes diversas.
* Interpretación das mensaxes: distinción entre datos e opinións, intencionalidade do falante e identificación dos elementos relevantes nas mensaxes atendendo aos códigos (verbal, xestual e icónico).
* Obtención de información profesional en lingua estranxeira.
-Selección e baldeirado das fontes de interpretación.
-Ordenación da información.
-Elaboración en lingua estranxeira.
-Presentación e emisión en lingua estranxeira.
* Comunicación presencial en lingua estranxeira.
-Recepción e saúdo.
-Introdución das convencións de cortesía do país estranxeiro.
-Selección das formas de comunicación e de cortesía.
-Captación do obxectivo da situación comunicativa.
* Comunicación telefónica en lingua estranxeira.
-Identificación do interlocutor.
-Inferencia dos aspectos clave da mensaxe.
-Dedución do sentido da mensaxe.
-Formulación de preguntas tendo en conta as convencións de cortesía propias da lingua estranxeira.
-Obtención de información complementaria para dar resposta á demanda de información.
-Selección das estratexias de relación e do estilo comunicativo.
-Emisión da mensaxe ou da información.
-Síntese da mensaxe recibida.
* Negociación na lingua estranxeira.
-Análise dos intereses de ambas as partes.
-Diagnóstico da situación.
-Fixación dos obxectivos da operación profesional.
-Identificación das normas de tratamento e de protocolo.
-Adaptación da linguaxe, o estilo e o contido.
-Intercambio de opinións.
-Produción e presentación de novas alternativas ou propostas.
-Pechamento e acordos.
Comunicación escrita.
* Análise do contido dun documento escrito en lingua estranxeira.
* Interpretación do léxico específico.
* Consulta da normativa regulamentaria e dos soportes de tradución.
* Obtención da información pertinente.
* Comprobación de datos, expresións e formulismos.
* Produción de textos en lingua estranxeira.
-Concreción da finalidade do escrito en lingua estranxeira.
-Organización da información e das ideas do texto.
-Elección da información para producir un texto en lingua estranxeira.
-Preparación dun borrador do deseño formal do texto.
-Redacción dun texto tendo en conta as características propias de cada documento.
-Revisión e corrección convencional e informatizada dos textos.
* Tradución directa e inversa de textos relacionados coa actividade profesional, identificando os elementos e as relacións do texto.
Aspectos socioprofesionais.
* Análise dos aspectos socioculturais relevantes nos países onde se fala a lingua estranxeira.
* Introdución das convencións de cortesía do país estranxeiro.
* Emprego contextualizado das normas de tratamento e protocolo.
* Utilización dos coñecementos adquiridos para interpretar mensaxes presentes no propio medio.
Contidos conceptuais
Comunicación oral.
* Funcións habituais na interacción comunicativa cotiá.
-Descrición.
-Narración.
-Explicación.
-Argumentación no contexto laboral.
* Expresividade oral: fonoloxía, fonética, acentuación, entoación e prosodia.
* Vocabulario: termos profesionais.
* Expresións de uso frecuente e idiomáticas no ámbito socioprofesional.
* Fórmulas básicas de interacción socioprofesional.
* Estratexias.
* Atención presencial e telefónica: interpretación, adaptación, cohesión do discurso e recursos.
Comunicación escrita.
* Elementos formais e estrutura dos textos escritos.
-Presentación, ortografía, signos de puntuación, e normas gramaticais e discursivas.
-Comunicación adecuada a diferentes situacións e contextos.
-Fórmulas de cortesía.
-Principios e características máis relevantes do discurso escrito.
-Achega de todos os datos relevantes, evitando a ambigüidade.
-Elementos de cohesión no discurso.
* Tradución directa e inversa de textos propios do contorno profesional: proceso, estrutura e coherencia.
* Redacción de cartas e comunicacións no contexto profesional: fórmulas de tratamento persoal, estrutura e cohesión sintáctica.
* Terminoloxía específica do sector.
Aspectos socioprofesionais.
* Regras e hábitos en situacións da vida cotiá: horarios, actividades habituais, papeis sociais, etc.
* Convencións e pautas de cortesía.
* Formas de expresión nas funcións comunicativas orais e escritas.
* Normativa de uso nas relacións internacionais de ámbito profesional: léxico, formulismos e expresións.
Contidos actitudinais
Comunicación oral.
* Interese por solucionar dificultades de comprensión e de expresión no desenvolvemento dunha mensaxe en lingua estranxeira.
* Autonomía ao procurar o xeito de interpretar, expresar e descodificar a información.
* Valoración da capacidade de expresarse oralmente na lingua estranxeira como medio de comunicación e de entendemento entre as persoas.
* Interese pola superación das dificultades, admitindo que os erros forman parte do proceso da aprendizaxe e aproveitando os recursos lingüísticos.
* Interese na participación en situacións de comunicación posibles.
* Constancia na procura do significado do vocabulario, de expresións idiomáticas e formulismos que se usan no contexto profesional do tráfico internacional.
* Respecto polo seguimento das normas do protocolo profesional.
* Respecto polas mensaxes emitidas polos interlocutores.
* Rigor na interpretación e na produción de mensaxes.
Comunicación escrita.
* Curiosidade e interese polas ideas manifestadas nos textos en lingua estranxeira.
* Rigor na interpretación, na produción e na revisión de textos.
* Esforzo pola procura de información ante as dificultades de comprensión dos textos escritos en lingua estranxeira.
* Interese pola introdución de novas posibilidades expresivas nas comunicacións e nas traducións.
* Recoñecemento da capacidade de comprender globalmente un texto escrito sen necesidade de entender todos os seus elementos.
* Procura da fórmula máis axeitada na presentación da comunicación no contexto das relacións comerciais.
Aspectos socioprofesionais.
* Curiosidade e respecto polas ideas, as normas e os costumes que establecen outros países con relación ao tráfico internacional.
* Tratamento non discriminatorio nas comunicacións a axentes do país ou estranxeiros na comunicación presencial, telefónica ou escrita.
* Seguridade na capacidade persoal de progresar e adaptarse ás situacións comunicativas.
* Valoración do enriquecemento persoal que supoñen as relacións profesionais cos outros países.
* Cooperación cos compañeiros na organización, na xestión e na realización de tarefas de aprendizaxe da lingua estranxeira.
* Transferencia das tecnoloxías e dos procesos de traballo propios do contorno profesional no medio das comunicacións en lingua estranxeira.
3.3.2. Módulo profesional 6: segunda lingua estranxeira.
3.3.2.1. Capacidades terminais elementais.
* Identificar os elementos máis importantes dunha información oral ou escrita en lingua estranxeira segundo as diversas situacións de comunicación da
vida cotiá e da vida profesional para obter informacións globais e específicas.
* Identificar os elementos básicos e máis utilizados da linguaxe específica do sector en textos profesionais a partir das necesidades comunicativas.
* Empregar as estratexias comunicativas adecuadas ao contexto persoal e profesional, lingüístico e non lingüístico, para aumentar a comprensión escrita e oral.
* Comprender e producir mensaxes orais en lingua estranxeira en situacións diversas de comunicación: habituais, persoais e profesionais.
* Utilizar a linguaxe necesaria para reproducir opinións, sintetizar ideas e ofrecer información de tipo xeral.
* Redactar textos escritos sinxelos en lingua estranxeira en función dunha actividade concreta.
* Traducir a un idioma propio textos sinxelos en lingua estranxeira relacionados coas necesidades e os intereses socioprofesionais.
* Ampliar o coñecemento e a información do sector profesional a partir da lectura comprensiva de textos profesionais.
* Ofrecer explicacións e instrucións básicas do contorno profesional en función do contexto e das normas de protocolo.
* Identificar os aspectos fundamentais do ámbito sociocultural propio de cada país e valorar criticamente outros xeitos de organizar as relacións persoais e profesionais.
* Apreciar a riqueza que representa a variedade de hábitos culturais dos países da lingua estranxeira, e incorporalos ás relacións persoais e profesionais.
3.3.2.2. Contidos (duración: 130 horas).
Contidos procedementais
Comunicación oral.
* Comprensión de mensaxes orais relacionadas con situacións da vida cotiá e do contorno profesional.
* Interpretación das mensaxes: distinción entre datos e opinións, intencionalidade do falante e identificación dos elementos relevantes nas mensaxes atendendo aos códigos verbal, xestual e icónico.
* Obtención de información profesional en lingua estranxeira.
-Selección e baldeirado das fontes de interpretación.
-Ordenación da información.
-Elaboración en lingua estranxeira.
-Presentación e emisión en lingua estranxeira.
* Comunicación presencial en lingua estranxeira.
-Recepción e saúdo.
-Introdución das convencións de cortesía do país estranxeiro.
-Selección das formas de comunicación e de cortesía.
-Captación do obxectivo da situación comunicativa.
* Comunicación telefónica en lingua estranxeira.
-Identificación do interlocutor.
-Inferencia dos aspectos clave da mensaxe.
-Dedución do sentido da mensaxe.
-Formulación de preguntas tendo en conta as convencións de cortesía propias da lingua estranxeira.
-Obtención de información complementaria para dar resposta á demanda de información.
-Selección das estratexias de relación e do estilo comunicativo.
-Emisión da mensaxe ou da información.
-Síntese da mensaxe recibida.
* Negociación na lingua estranxeira.
-Análise dos intereses de ambas as partes.
-Diagnóstico da situación.
-Fixación dos obxectivos da operación profesional.
-Identificación das normas de tratamento e de protocolo.
-Adaptación da linguaxe, o estilo e o contido.
-Intercambio de opinións.
-Produción e presentación de novas alternativas ou propostas.
-Pechamento e acordos.
Comunicación escrita.
* Análise do contido dun documento en lingua estranxeira.
* Interpretación do léxico específico.
* Consulta da normativa regulamentaria e dos soportes de tradución.
* Obtención da información pertinente.
* Comprobación de datos, expresións e formulismos.
* Produción de textos en lingua estranxeira.
-Concreción da finalidade do escrito en lingua estranxeira.
-Organización da información e das ideas do escrito.
-Elección da información para producir un texto en lingua estranxeira.
-Preparación dun borrador do deseño formal do texto.
-Redacción dun texto tendo en conta as características propias de cada documento.
-Revisión e corrección convencional e informatizada dos textos.
* Tradución directa e inversa de textos relacionados coa actividade profesional, identificando os elementos e as relacións do texto.
Aspectos socioprofesionais.
* Análise dos aspectos socioculturais relevantes nos países onde se fala a lingua estranxeira.
* Introdución das convencións de cortesía do país estranxeiro.
* Emprego contextualizado das normas de tratamento e protocolo.
* Utilización dos coñecementos adquiridos para interpretar mensaxes presentes no propio medio.
Contidos conceptuais
Comunicación oral.
* Funcións habituais na interacción comunicativa cotiá:
-Descrición.
-Narración.
-Explicación.
-Argumentación no contexto profesional.
* Expresividade oral: fonoloxía, fonética, acentuación, entoación e prosodia.
* Vocabulario: termos profesionais.
* Expresións e frases idiomáticas máis frecuentes no ámbito socioprofesional.
* Fórmulas básicas de interacción socioprofesional.
* Estratexias.
Comunicación escrita.
* Elementos formais e estrutura dos textos escritos:
-Presentación, ortografía, signos de puntuación, e normas gramaticais e discursivas.
-Comunicación axeitada a diferentes situacións e contextos.
-Fórmulas de cortesía.
* Tradución directa e inversa de textos propios do ámbito profesional atendendo ao proceso, á estrutura e á coherencia.
* Terminoloxía do sector.
Aspectos socioprofesionais.
* Cultura e sociedade dos países cos que se manteñen comunicacións en lingua estranxeira.
* Regras e hábitos en situacións da vida cotiá: horarios, actividades habituais e papeis sociais.
* Convencións e pautas de cortesía.
* Relacións entre as comunicacións oral, escrita, icónica e xestual.
Contidos actitudinais
Comunicación oral.
* Interese por solucionar dificultades de comprensión e expresión no desenvolvemento dunha mensaxe en lingua estranxeira.
* Autonomía na procura do xeito de interpretar, expresar e descodificar a información.
* Valoración da capacidade de expresarse oralmente na lingua estranxeira como medio de comunicación e de entendemento entre as persoas.
* Superación das dificultades, admitindo que os erros forman parte do proceso de aprendizaxe e aproveitando os recursos lingüísticos.
* Interese en participar nas situacións de comunicación posibles.
* Constancia na procura do significado do vocabulario, de expresións idiomáticas e formulismos que se usan no contexto profesional do tráfico internacional.
* Respecto polo seguimento das normas do protocolo profesional.
* Respecto polas mensaxes emitidas polos interlocutores.
* Rigor na interpretación e na produción de mensaxes.
Comunicación escrita.
* Curiosidade e interese polas ideas manifestadas nos textos en lingua estranxeira.
* Rigor na interpretación, na produción e na revisión de textos.
* Esforzo na procura de información ante as dificultades de comprensión dos textos escritos en lingua estranxeira.
* Interese pola introdución de novas posibilidades expresivas nas comunicacións e nas traducións.
* Recoñecemento da capacidade de comprender globalmente un texto escrito sen necesidade de entender todos os seus elementos.
* Interese pola procura da fórmula axeitada na presentación da comunicación no contexto das relacións profesionais.
Aspectos socioprofesionais.
* Curiosidade e respecto polas ideas, as normas e os costumes que establecen outros países con relación ao tráfico internacional.
* Tratamento non discriminatorio nas comunicacións a axentes do país ou estranxeiros na comunicación presencial, telefónica ou escrita.
* Seguridade na capacidade persoal de progreso e adaptación ás situacións comunicativas.
* Valoración do enriquecemento persoal que supoñen as relacións profesionais cos outros países.
* Cooperación cos compañeiros na organización, na xestión e na realización de tarefas de aprendizaxe da lingua estranxeira.
* Transferencia das tecnoloxías e dos procesos de traballo propios do contorno profesional no medio das comunicacións en lingua estranxeira.
3.3.3. Módulo profesional 7: relacións no contorno de traballo.
3.3.3.1. Capacidades terminais elementais.
* Describir as vías e os sentidos da comunicación no ámbito laboral que permitan recibir e emitir instrucións e información, así como intercambiar ideas, asignar tarefas e coordinar proxectos.
* Utilizar eficazmente os sistemas de información no medio laboral.
* Analizar os conflitos que se orixinen no contorno de traballo e darlles resposta mediante a negociación e a participación de todos os membros do grupo.
* Aplicar o método axeitado para preparar unha negociación identificando as estratexias idóneas para a resolución de conflitos na empresa.
* Identificar os aspectos que caracterizan o proceso de toma de decisións respectando e tendo en conta as opinións dos demais.
* Liderar un equipo de traballo adoptando o estilo máis apropiado a cada situación.
* Analizar comparativamente as funcións de dirección ou mando e as de liderado tendo en conta o tipo de autoridade que se exerce e a responsabilidade que entrañan as tarefas e os compromisos asumidos.
* Conducir e moderar reunións, así como participar nelas colaborando activamente ou conseguindo a colaboración dos participantes.
* Describir as teorías e os principios que sustentan a dinámica de grupos, así como as vantaxes do traballo en grupo fronte ao traballo individual.
* Impulsar o proceso de motivación no contorno laboral, facilitando a mellora no ambiente de traballo e o compromiso das persoas cos obxectivos da empresa.
* Dinamizar os factores que favorecen a motivación no traballo e, en especial, a política xeral de empresa sobre recursos humanos.
3.3.3.2. Contidos (duración: 55 horas).
Contidos procedementais
Comunicación na empresa.
* Produción de documentos.
* Descrición dos xeitos de envío de información e de documentación.
* Identificación das alteracións producidas na comunicación dunha mensaxe na que exista disparidade entre o emitido e o percibido.
* Análise dos procedementos de control de entrada e saída de documentación e de información.
Conflitos.
* Identificación da existencia dun conflito.
* Análise das causas do conflito.
* Selección da alternativa axeitada para a resolución do conflito.
* Elección de supostos conflitivos de actualidade co obxecto de elaborar un método para a recollida de información do conflito, a avaliación dos intereses postos en xogo e o procedemento interno para a súa solución.
Negociación.
* Identificación dos principais aspectos da negociación.
* Aplicación das técnicas concretas de negociación.
* Pechamento da negociación.
Toma de decisións.
* Identificación dos aspectos que caracterizan o proceso de toma de decisións.
* Análise dos factores que inflúen nunha decisión.
* Determinación da alternativa máis axeitada aplicando o método de procura.
Liderado.
* Análise comparativa das funcións de dirección e de liderado, tendo en conta o tipo de autoridade que se exerce.
* Investigación mediante entrevistas ou observacións sobre o estilo de mando que predomina nas empresas do sector.
* Delimitación do papel e das competencias do mando intermedio.
Condución e dirección de equipos de traballo.
* Análise da incidencia da dinámica de grupos no mundo laboral.
* Selección da técnica de traballo en grupo máis adecuada en función das variables de grupo.
* Determinación das habelencias sociais máis elementais para conducir unha reunión de traballo.
* Identificación das tipoloxías de participantes.
* Descrición de problemas que se poden desencadear no desenvolvemento dunha reunión, e proposta de solución.
* Simulación do desenvolvemento dunha reunión de traballo na que se deba tomar unha decisión sobre un problema laboral.
Motivación no contorno laboral.
* Análise do proceso de motivación tomando exemplos da realidade.
* Identificación dos elementos do proceso da motivación diferenciando o significado de cada un deles.
* Contraste das teorías da motivación establecendo relacións entre elas.
* Análise da actitude humana ante o traballo.
* Selección de incentivos segundo as actitudes constatadas.
* Aplicación e efectos dos incentivos.
Contidos conceptuais
Comunicación na empresa.
* Tipos de comunicación.
* Etapas dun proceso de comunicación.
* Canles e redes de comunicación.
* Dificultades e barreiras na comunicación.
* Recursos para manipular os datos da percepción.
* Comunicación na empresa.
* Control da información.
Conflitos.
* Clases.
* Causas.
* Formas de exteriorización.
* Solución de conflitos.
Negociación.
* Condicións.
* Estilos de negociación.
* Fases nunha negociación.
Toma de decisións.
* Factores que inflúen na toma de decisións.
* Fases do proceso decisorio.
* Tipos de decisións.
Liderado.
* Características.
* Teorías do liderado.
* Estilos de dirección.
* Supervisión do traballo.
* Delegación eficaz.
* Políticas de empresa.
Condución e dirección de equipos de traballo.
* Características dos grupos.
* Funcionamento dos grupos.
* Técnicas de dinámica e dirección de grupos.
* Tipos de reunións.
* Preparación de reunións.
* Desenvolvemento.
* Problemas que presentan as reunións.
Motivación no contorno laboral.
* Concepto.
* Principais teorías de motivación.
* Factores de motivación.
* Sistemas de motivación no contorno laboral: programas de formación e política salarial.
Contidos actitudinais
Comunicación na empresa.
* Coidado na elaboración e na transmisión de mensaxes para facilitar a súa comprensión.
* Creatividade ante as barreiras comunicativas.
* Aceptación da necesidade de integrar os propios comunicados nun sistema de información empresarial planificado.
* Hábito e capacidade para o manexo de grandes bloques de información sintetizando o seu contido en función dos obxectivos e destinatarios.
Conflitos.
* Cordialidade á hora de establecer relacións cos demais.
* Respecto ante opinións, condutas ou ideas non coincidentes coas propias, demostrando unha actitude tolerante con elas.
* Comportamento hábil para manipular situacións de confrontación entre individuos.
* Comportamento responsable e coherente para resolver un conflito.
Negociación.
* Sensibilización para captar os matices dunha negociación, valorando as súas implicacións.
* Imparcialidade á hora de escoitar cada unha das partes.
* Apreciación do poder de influencia.
* Destreza para elixir a alternativa de resolución máis adecuada.
Toma de decisións.
* Toma de conciencia da importancia que implica o proceso de toma de decisións para a vida persoal, social e laboral.
* Valoración crítica das técnicas que se utilizan na resolución de problemas.
* Predisposición responsable para aceptar a toma de decisión que o grupo considere como a máis axeitada.
* Responsabilidade na integración das decisións adoptadas no ámbito laboral.
Liderado.
* Valoración da entrega e da responsabilidade que implican as funcións de dirección.
* Coidado no xeito de organizar e dirixir as tarefas dos subordinados.
* Interese pola aplicación dos mecanismos necesarios para realizar unha delegación eficaz.
* Interese e curiosidade por descubrir as posibilidades e os tipos de liderado nun mesmo e nos membros dos grupos aos que se pertence.
Condución e dirección de equipos de traballo.
* Fomento de iniciativas dirixidas ao traballo en grupo.
* Toma de conciencia de que a participación e a colaboración cómpren para o logro dos obxectivos da empresa.
* Valoración do papel e das competencias do mando intermedio nunha organización.
* Respecto polas persoas e a súa liberdade individual dentro dun grupo social.
Motivación no contorno laboral.
* Valoración da influencia da motivación no desenvolvemento profesional.
* Responsabilidade ante os prexuízos existentes acerca das actividades humanas no mundo laboral.
* Fomento dos sistemas de motivación de carácter responsable, creativo e que potencien o desenvolvemento persoal.
3.3.4. Módulo profesional de proxecto integrado.
Duración: 55 horas.
Capacidades terminais elementais e actividades formativas de referencia.
1. Identificar, diferenciar e integrar as fases dos procesos de recepción, conserxaría e comunicación, e de rexedoría de pisos, así como as relacións entre estes procesos e a concorrencia de cada un no proxecto, relacionado coas actividades de tipo profesional que se realicen ou se desenvolvan, e cos coñecementos científicos, tecnolóxicos e organizativos, teóricos e prácticos adquiridos.
-Argumentar a importancia da integración de todos os contidos dos módulos, para a iniciación dun informe en grupo que recolla ordenadamente as fases que se sigan.
-Debater na aula os traballos e as propostas para a secuenciación das actividades do proxecto.
-Comprender o sector das empresas de aloxamento dentro do ámbito de Galicia, así como as súas características diferenciadoras dentro do mercado español e internacional.
-Comprender e asimilar as actividades e os perfís profesionais das ocupacións implicadas no desenvolvemento das tarefas dentro das empresas de aloxamento.
-Debater na aula sobre o mercado turístico actual en Galicia, tendo en conta os recursos naturais, históricos e culturais, así como as infraestruturas.
-Deseñar solucións para paliar aspectos que melloren a estacionalidade do sector en Galicia.
-Elaborar en grupo un informe sobre a segmentación do mercado na actualidade en Galicia, para procurar uns servizos idóneos á nosa clientela.
-Expor o informe e o debate na aula.
2. Determinar, para a xestión da área de aloxamento ou dun departamento específico, os recursos materiais e humanos necesarios, os servizos para lle ofrecer á clientela e os sistemas de control eco
nómico e de calidade de servizo, integrando ordenadamente os coñecementos sobre organización, características, condicións, tipoloxías, técnicas e procesos que se desenvolven nas actividades produtivas das empresas de aloxamento.
-Describir a actividade empresarial e identificar os factores de produción que interveñen nos procesos produtivos.
-Analizar os factores desencadeantes, internos e externos, que conflúen na creación dunha empresa de aloxamento.
-Diferenciar fins, obxectivos e subobxectivos da actividade empresarial.
-Distinguir os aspectos principais da función do empresario e argumentar a súa vinculación co risco e co poder de decisión.
-Definir o proxecto empresarial seguindo as directrices establecidas polo profesor ou a profesora e coa axuda de manuais, bibliografía, etc.
-Avaliar as posibilidades de viabilidade dun proxecto de creación dunha empresa de aloxamento en Galicia.
-Elixir un sistema empresarial segundo o tipo de explotación para levar a cabo, e debater o modelo na aula.
-Elaborar os aspectos mercantís, laborais, fiscais, municipais e da administración turística para a constitución da empresa elixida.
-Segundo o tipo de empresa elixida, aplicar a lexislación vixente de aloxamentos en Galicia e describir os requisitos e as condicións para a súa clasificación.
-Deseñar as unidades e os departamentos de produción integrados na empresa.
-Planificar o proceso produtivo dos departamentos e indicar os equipamentos, o material, a maquinaria e os medios humanos necesarios para o desenvolvemento das actividades das empresas de aloxamento.
-Pescudar as posibles axudas e subvencións económicas dos organismos oficiais e privados para a realización do proxecto.
3. Levar a cabo unha investigación de mercado que facilite a elección da forma empresarial, a situación e o contorno da empresa de aloxamento, así como a súa comercialización.
-Identificar as fontes de información máis axeitadas para a obtención de datos relativos ao estudo de mercado.
-Interpretar os estudos estatísticos sobre o movemento de turistas chegados a Galicia nos últimos anos.
-Elaborar unha clasificación das tipoloxías dos turistas dependendo da súa procedencia xeográfica, o nivel económico, o nivel cultural, a idade, a profesión, as afeccións e as motivacións.
-Analizar as motivacións e as expectativas dos turistas chegados a Galicia.
-Segmentar o mercado na actualidade para deseñar os produtos e servizos que a demanda solicita.
-Analizar a posible localización do establecemento de aloxamento dentro do contorno produtivo de Galicia.
4. Deseñar, de xeito individual e con capacidade innovadora e creativa, un plan de márketing específico para un produto ou servizo dentro do marco produtivo dos establecementos de aloxamento, e desenvolver con iniciativa a cualificación que en cada momento lle demande a evolución da competencia profesional.
-Crear un plan de márketing indicando e caracterizando o seguinte:
-Nome comercial.
-Nicho de mercado.
-Produtos e servizos competidores.
-Diferenciación do produto ou servizo.
-Negociación e contratación cos posibles provedores dentro do contorno de Galicia.
-Negociación e contratación coa clientela de empresa e coas axencias de viaxes.
5. Elaborar un proxecto relacionado da área de aloxamento e un plan de comercialización para o referido produto ou servizo, concretado nas necesidades do contorno socioprodutivo do establecemento de aloxamento e unha tipoloxía de establecemento en Galicia.
-Adaptar o plan de comercialización á fase do ciclo de vida no que se atope o produto ou servizo.
-Diferenciar os principais medios para a canalización e a distribución do produto ou servizo.
-Elaborar un plan de promoción e publicidade do produto ou servizo.
-Crear e deseñar un tríptico coas características do establecemento para a mellora da súa comercialización.
-Presentar unha valoración e un diagnóstico do produto ou servizo, tendo en conta os aspectos organizativos e técnicos, así como os recursos humanos vinculados ao produto ou servizo obxecto do traballo que se realice.
6. Confeccionar un estudo de viabilidade económica da posta en marcha da empresa a curto, a medio e a longo prazo.
-Analizar os tipos de custos da empresa de aloxamento.
-Distinguir os principais aspectos que interveñen na formación de prezos e deducir o prezo óptimo dun produto ou servizo para a empresa.
-Avaliar as políticas de descontos para aplicar, tendo en conta os clientes individuais, de axencias e de empresa.
-Analizar o índice de ocupación previsto, tendo en conta a clientela potencial.
-Calcular o límite de rendibilidade de acordo co suposto formulado.
-Elaborar un cadro comparativo a cinco anos dos orzamentos anuais; analizar as posibles desviacións e reflectir as medidas correctoras para aplicar.
7. Crear un plan de calidade apropiado para o establecemento de aloxamento mediante a utilización da documentación correspondente e, unha vez desenvolvido o servizo, analizar o control do plan.
-Deseñar e preparar unha enquisa para a clientela que recolla todas as variables dos servizos realizados nos departamentos do establecemento obxecto do estudo.
-Avaliar as respostas da clientela na enquisa utilizando técnicas estatísticas.
-Comparar as propias expectativas dos servizos prestados cos datos reais do resultado da enquisa.
-Tomar as medidas correctoras para mellorar o produto ou servizo e fidelizar o cliente.
3.4. Módulo profesional de formación en centros de traballo.
Duración: 440 horas.
Capacidades terminais elementais e actividades formativas de referencia.
1. Adaptarse ás funcións propias dos servizos da área de aloxamento e dos departamentos de recepción, conserxaría e comunicacións de empresas públicas e privadas, de xeito responsable e participativo.
-Empregar os equipamentos ofimáticos e de comunicacións para o desenvolvemento das tarefas propias do departamento.
-Realizar funcións e papeis específicos habituais en conserxaría, recepción, lavandaría, lenzaría e pisos.
2. Afrontar as tarefas de técnico en aloxamento en empresas do sector hoteleiro e turístico, e noutros aloxamentos non turísticos, con progresiva autonomía, organización e iniciativa no traballo.
-Identificar e caracterizar os departamentos e os subdepartamentos do establecemento, mantendo óptimas relacións interdepartamentais.
-Participar na organización e na proxección de actividades para realizar nas áreas produtivas asociadas, e valorar as propostas emitidas.
3. Valorar as tarefas que se desenvolvan nos servizos que abrangue a área de aloxamento, a partir dos propios intereses e actitudes, e da experiencia acumulada na formación no centro de traballo.
-Realizar a avaliación do progreso na realización e na participación das actividades levadas a cabo en cada departamento ou sección do aloxamento.
4. Atender e asesorar a clientela sobre os servizos ofrecidos relacionados co departamento de recepción.
-Acoller a clientela na recepción usando a lingua do interlocutor.
-Atender as demandas da clientela relacionadas coa duración da estadía ou outros servizos asociados.
-Atender e resolver con corrección as peticións ou as queixas formuladas durante a estadía.
-Informar a clientela sobre os servizos e a oferta de que dispón o establecemento.
-Atender as comunicacións telefónicas, tanto internas como externas.
-Despedir a clientela con cordialidade ao finalizar a estadía.
-Asignarlle cuarto á clientela que deba entrar.
-Acompañar ao cuarto e amosalo para a confirmación do acordo ou desacordo.
5. Planificar e confirmar o proceso das solicitudes das estadías da clientela do establecemento, tendo en conta as comprobacións necesarias e a documentación para emitir:
-Comprobar o estado de ocupación mediante o rack e a planificación.
-Comprobar e rexistrar as estradas e as saídas.
-Controlar no show do día anterior.
-Formalizar a documentación de entrada de clientela.
6. Levar un control actualizado das reservas dos segmentos de mercado, coa correcta secuenciación do proceso para seguir en cada acción.
-Actualizar a planificación de reservas segundo as demandas formuladas.
-Controlar a dispoñibilidade de cuartos.
-Atender as reservas formuladas por clientes, tanto presenciais como telefónicas ou telemáticas.
-Formalizar as reservas e a documentación derivada.
-Organizar e formalizar as chegadas previstas para o día.
-Actualizar e pór ao día do arquivo de reservas.
-Comunicar aos demais departamentos as chegadas e as saídas de clientela.
7. Cubrir os documentos de xestión administrativa que reflictan os servizos prestados á clientela.
-Rexistrar e facturar os gastos dos servizos á clientela a partir dos comprobantes que cheguen dos departamentos.
-Calcular as porcentaxes de dedución para saber o prezo da pensión de alimentación, o prezo da terceira ou cuarta persoa que se hospeda ou os cambios de moeda estranxeira.
-Formalizar e liquidar as facturas da clientela ao finalizar a estadía.
-Tramitar e revisión da documentación emitida.
-Controlar os cargos e os aboamentos ás contas dos clientes, segundo as facturas emitidas.
-Alugar os cofres de seguridade aos clientes que o pidan, e realizar o seu control.
-Comprobar a concordancia da conta de cuartos.
-Comprobar as liquidacións que chegan á recepción dos departamentos, cafetaría, bares e restaurantes.
-Comprobar as liquidacións pendentes ao comezar a quenda de traballo.
-Realizar a liquidación de caixa e das divisas ao acabar a quenda de traballo.
-Realizar os cambios de moeda estranxeira que solicite a clientela.
8. Planificar e programar as accións de mantemento, decoración, control de materiais, útiles e equipamentos, e aprovisionamento das necesidades relacionadas coa rexedoría de pisos.
-Colaborar na programación das accións de mantemento e reparación das instalacións, a moblaxe e os equipamentos da zona de pisos.
-Controlar as accións de mantemento e reparación que se leven a cabo segundo a planificación establecida.
-Participar na realización do inventario e mantemento dos datos dos materiais, os útiles, os equipamentos e a moblaxe.
-Controlar a roupa tanto dos cuartos como da clientela asignada.
-Subministrar a roupa aos departamentos de cociña, comedor e bar.
-Comprobar o seguimento das normas de seguridade nas tarefas de limpeza e lavandaría.
-Formalizar as solicitudes de aprovisionamento segundo os consumos e as previsións.
9. Verificar e confirmar as situacións das unidades de aloxamento relacionadas co control de estadías.
-Colaborar na supervisión de limpeza de cuartos, corredores, escaleiras, salas de estar e elevadores, entre outros.
-Participar na posta a punto, no bloqueo e no desbloqueo dos cuartos.
-Colaborar no control diario do estado de ocupación, entradas, saídas, cambios e bloqueos dos cuartos.
10. Asesorar a empresa sobre outras funcións e actividades relacionadas coa decoración e o aprovisionamento de material con criterios axustados á finalidade do servizo que se preste.
-Realizar os conxuntos florais ou elementos decorativos adaptados á estadía e á finalidade que se fixe.
-Participar nas decisións de compra, reposición e retirada de material, roupa ou moblaxe das estancias.
11. Propor medidas e estratexias sobre orzamentos e control de custos, con criterios de calidade dos produtos adquiridos e servizos para prestar no referente a actividades relacionadas coa planificación do departamento.
-Participar na elaboración de orzamentos de servizos ou departamentos.
-Calcular o control dos custos e dos gastos dun servizo.
-Aplicar os ítems de calidade aos produtos adquiridos e aos servizos prestados, segundo as instrucións establecidas.
-Informar dos desaxustes observados no control de calidade de produtos ou servizos.
-Participar na avaliación e no control das vendas de servizos.
12. Realizar o tratamento de datos do sector e analizar as estratexias comerciais para utilizar, relacionadas coa elaboración do plan de márketing dos servizos previstos e outras accións de promoción.
-Obter datos dos recursos turísticos das empresas que ofrecen servizos turísticos.
-Participar no estudo da demanda da oferta e da demanda turística dunha zona concreta.
-Recompilar a información turística das zonas máis próximas e de Galicia en xeral.
-Extraer os datos e as informacións útiles para ofrecer información a futuros clientes.
-Tratar os datos nun soporte informático definido e creado.
-Confeccionar listaxes e gráficos de información do sector.
-Participar na análise da evolución económica do sector (demandas, tipos de consumo, etc.).
-Colaborar na organización, na preparación e no control dunha acción de publicidade ou de márketing.
-Asesorar sobre a eficacia da presentación dun produto ou servizo a través do merchandising.
-Participar na utilización de técnicas de comunicación levadas a cabo pola empresa para a fidelización dos tipos de clientela.
-Participar en accións de patrocinio e mecenado previstas pola empresa.
13. Comportarse de xeito responsable no centro de traballo e integrarse no sistema de relacións técnico-sociais da empresa na área ou no departamento de destino.
-Incorporarse puntualmente ao posto de traballo, levar a cabo os descansos permitidos e non abandonar a actividade antes do establecido sen motivos debidamente xustificados e comunicados ás persoas responsables.
-Interpretar e executar con dilixencia e iniciativa as instrucións recibidas, responsabilizándose do traballo asignado e comunicándose eficazmente coa persoa adecuada en cada momento.
-Observar os procedementos e as normas internas de relacións laborais establecidas para o centro de traballo.
-Amosar unha actitude de respecto á estrutura de mando da empresa.
-Axustarse ás normas e aos procedementos técnicos establecidos, participando nas melloras de calidade e de produtividade.
-Aceptar as consideracións e as observacións que se fagan sobre a actitude demostrada e as tarefas desenvolvidas.
-Amosar un bo facer profesional, cumprindo os obxectivos e as tarefas asignadas en orde de prioridade e con criterios de produtividade e eficacia no traballo.
-Realizar o relevo, se procede, obtendo toda a información dispoñible do antecesor e/ou transmitindo a información sobresaliente derivada da súa permanencia no posto de traballo.
3.5. Módulo profesional de formación e orientación laboral.
3.5.1. Capacidades terminais elementais.
* Analizar as situacións de risco máis habituais no ámbito laboral que poidan afectar á saúde.
* Aplicar, no ámbito laboral, as medidas de protección e prevención que correspondan ás situacións de risco existentes.
* Analizar as actuacións para seguir en caso de accidentes de traballo.
* Aplicar as medidas sanitarias básicas inmediatas no lugar do accidente en situacións simuladas.
* Analizar os xeitos e procedementos de inserción na realidade laboral como traballador por conta propia ou por conta allea.
* Analizar as propias capacidades e os intereses, así como os itinerarios profesionais máis idóneos.
* Identificar o proceso para unha boa orientación e integración do traballador na empresa.
* Identificar as ofertas de traballo no sector produtivo referido aos seus intereses.
* Analizar os dereitos e as obrigas que derivan das relacións laborais.
* Describir o sistema de protección social.
* Interpretar os datos da estrutura socioeconómica de Galicia, identificando as variables implicadas e as consecuencias das súas posibles variacións.
* Analizar a organización e a situación económica dunha empresa do sector, e interpretar os parámetros económicos que a determinan.
* Analizar o tecido empresarial de Galicia e comparalo co doutras comunidades autónomas.
* Analizar a evolución socioeconómica do sector produtivo en Galicia.
3.5.2. Contidos (duración: 55 horas).
Contidos procedementais
Saúde laboral.
* Localización da normativa aplicable en materia de seguridade tanto para a empresa como para os traballadores.
* Aplicación das medidas sanitarias básicas inmediatas no lugar do accidente nunha situación simulada.
* Identificación dos factores de risco nun contexto concreto.
* Determinación dos xeitos de actuación ante os riscos atopados.
* Identificación de anomalías nas máquinas e nas ferramentas do taller.
* Determinación dos equipamentos de protección individual.
Lexislación e relacións laborais.
* Identificación das modalidades de contratación.
* Identificación dos dereitos e das obrigas dos empresarios e dos traballadores.
* Interpretación dun convenio colectivo en relación coas normas do Estatuto dos traballadores.
* Elaboración dunha folla de salario.
* Aplicación da normativa de Seguridade Social en cada caso concreto.
Orientación e inserción sociolaboral.
* Elaboración do curriculum vitae e as súas actividades complementarias.
* Identificación e definición de actividades profesionais.
* Localización de institucións formativas, así como investigación e temporalización dos seus plans de estudos.
Principios de economía.
* Lectura e interpretación de artigos de prensa e de textos técnicos sobre temas económicos.
* Manexo e interpretación de táboas económicas.
* Análise das causas e das variables que poden influír no investimento, no consumo e no aforro, tanto nas economías domésticas como nas das empresas.
Economía e organización da empresa.
* Análise das empresas da localidade onde estea o instituto para estudar as características xerais, comerciais, financeiras etc.
* Confección de organigramas de empresas e estudo das necesidades específicas de cada unha.
O sector produtivo en Galicia.
* Análise dunha empresa do sector.
* Comparación e clasificación das empresas do sector.
* Lectura e análise dun convenio colectivo do sector.
Contidos conceptuais
Saúde laboral.
* Condicións de traballo e de seguridade.
* Factores de risco: físicos, químicos, biolóxicos e organizativos.
* Danos profesionais.
* Medidas de prevención e protección.
* Marco legal de prevención laboral.
* Notificación e investigación de accidentes.
* Estatística para a seguridade.
* Primeiros auxilios.
Lexislación e relacións laborais.
* Dereito laboral autonómico, estatal e comunitario.
* Contrato de traballo.
* Modalidades de contratación.
* Modificación, suspensión e extinción da relación laboral.
* Órganos de representación dos traballadores.
* Convenios colectivos.
* Conflitos colectivos.
* Seguridade Social e outras prestacións.
Orientación e inserción sociolaboral.
* Mercado de traballo.
* Autoorientación profesional.
* Proceso de procura de emprego. Fontes de información e emprego.
* Traballo asalariado, na Administración e por conta propia. Empresa social.
* Análise e avaliación do propio potencial profesional e dos intereses persoais.
* Itinerarios formativos e profesionalizadores.
Principios de economía.
* Variables macroeconómicas e indicadores socioeconómicos.
* Relacións socioeconómicas internacionais.
Economía e organización da empresa.
* Empresa: tipos de modelos organizativos; áreas funcionais e organigramas.
* Funcionamento económico da empresa.
-Patrimonio da empresa.
-Obtención de recursos: financiamento propio e alleo.
-Interpretación de estados de contas anuais.
-Custos fixos e variables.
O sector produtivo en Galicia.
* Tipoloxía e funcionamento das empresas.
* Evolución socioeconómica do sector.
* Situación e tendencia do mercado de traballo.
Contidos actitudinais
* Respecto pola saúde persoal e colectiva.
* Interese polas condicións de saúde no traballo.
* Valoración do ambiente como patrimonio común.
* Interese por coñecer e respectar as disposicións legais polas que se rexen os contratos laborais.
* Valoración e cumprimento da normativa laboral.
* Igualdade ante as diferenzas socioculturais e trato non discriminatorio en todos os aspectos inherentes á relación laboral.
* Toma de conciencia dos valores persoais.
* Actitude emprendedora e creativa para se adaptar ás propias necesidades e aspiracións.
* Preocupación polo mantemento da ética profesional.
* Valoración da importancia da utilización dos bens de uso común e público, así como dos bens libres de uso cotián como, por exemplo, a auga.
* Valoración crítica dunha economía de mercado.
* Valoración da actuación do traballo en equipo.
* Consciencia de que as cooperativas se están a constituír coa finalidade fundamental de crear emprego.
4. Ordenación académica e impartición.
4.1. Criterios de prioridade na admisión de alumnado para acceder a este ciclo formativo.
Na admisión de alumnado en centros sostidos con fondos públicos a este ciclo formativo, de non existiren prazas suficientes, aplicaranse sucesivamente os seguintes criterios de prioridade:
* Ter cursada algunha das seguintes modalidades de bacharelato:
-Ciencias da natureza e da saúde.
-Humanidades e ciencias sociais.
* Expediente académico do alumno, no que se valorará a nota media.
4.2. Profesorado.
4.2.1. Especialidades do profesorado con atribución docente nos módulos profesionais do ciclo formativo de aloxamento.
do profesorado
Nº Módulo profesional Especialidade
Corpo
1 Recepción e atención ao cliente Hostalaría e turismo Profesorado de ensino secundario
2 Rexedoría de pisos Profesorado especialista (1) Profesorado especialista (1)
do profesorado
Nº Módulo profesional Especialidade
Corpo
3 Organización e control do aloxamento Hostalaría e turismo Profesorado de ensino secundario
4 Comercialización de produtos e servizos turísticos Hostalaría e turismo Profesorado de ensino secundario
5 Lingua estranxeira (inglés) Inglés Profesorado de ensino secundario
6 Segunda lingua estranxeira (2) Profesorado de ensino secundario
7 Relacións no contorno de traballo Formación e orientación laboral Profesorado de ensino secundario
8 Formación e orientación laboral Formación e orientación laboral Profesorado de ensino secundario
(1) Para a impartición deste módulo cómpre un profesor especialista dos previstos no artigo 33.2º da LOXSE.
(2) Alemán, francés, italiano ou portugués, en función do idioma elixido.
4.2.2. Materias de bacharelato que poden ser impartidas polo profesorado das especialidades relacionadas neste decreto.
do profesorado
Materias Especialidade
Corpo
Economía Formación e orientación laboral (1) Profesorado de ensino secundario
Economía e organización de empresas Formación e orientación laboral (1) Profesorado de ensino secundario
(1) Licenciatura en administración e dirección de empresas, licenciatura en ciencias empresariais, licenciatura en ciencias actuariais e financeiras, licenciatura en economía, licenciatura en investigación e técnicas de mercado, diplomatura en ciencias empresariais; diplomatura en xestión e administración pública.
4.2.3. Titulacións declaradas equivalentes para efectos de docencia.
Para os efectos de docencia, as titulacións declaradas equivalentes ás de licenciatura, enxeñaría, arquitectura e doutoramento para o ingreso nas especialidades do corpo de profesorado de ensino secundario deste título son as que figuran na táboa. Tamén son equivalentes para efectos de docencia as titulacións homólogas ás especificadas segundo o Real decreto 1954/1994, do 30 de setembro.
para efectos de docencia
Especialidade do profesorado Titulación declarada equivalente
Hostalaría e turismo -Diplomatura en turismo
Formación e orientación laboral -Diplomatura en ciencias empresariais-Diplomatura en relacións laborais-Diplomatura en traballo social-Diplomatura en educación social-Diplomatura en xestión e administración pública
4.3. Requisitos mínimos de espazos e instalacións para impartir estas ensinanzas.
De conformidade co establecido no Real decreto 296/1999, do 21 de outubro, o ciclo formativo de aloxamento, de formación profesional de grao superior require, para a impartición das ensinanzas relacionadas neste decreto, os seguintes espazos mínimos:
(30 alumnos) (20 alumnos) utilización
Espazo formativo Superficie
Superficie
Grao de
Aula polivalente 60 m 40 m 65%
Aula de xestión 90 m 60 m 15%
Taller de hostalaría 90 m 60 m 20%
* A superficie indicada na segunda columna da táboa corresponde ao número de postos escolares establecido no artigo 27.1º do Real decreto 1537/2003, do 5 de decembro. Poderán autorizarse unidades para menos de trinta postos escolares, polo que será posible reducir os espazos formativos proporcionalmente ao número de alumnos, tomando como referencia para a determinación das superficies necesarias as cifras indicadas nas columnas segunda e terceira da táboa.
* O grao de utilización expresa en tanto por cento a ocupación en horas do espazo prevista para a impartición das ensinanzas, por un grupo de alumnos, respecto da duración total destas ensinanzas.
* Na marxe permitida polo grao de utilización, os espazos formativos establecidos poden ser ocupados por outros grupos de alumnos que cursen o mesmo ou outros ciclos formativos, ou outras etapas educativas.
* En todo caso, as actividades de aprendizaxe asociadas aos espazos formativos (coa ocupación expresada polo grao de utilización) poderán realizarse en superficies utilizadas tamén para outras actividades formativas afíns.
* Non se debe interpretar que os diversos espazos formativos identificados deban diferenciarse necesariamente mediante pechamentos.
4.4. Validacións, correspondencias e acceso a estudos universitarios.
4.4.1. Módulos profesionais que poden ser obxecto de validación coa formación profesional ocupacional.
* Recepción e atención ao cliente.
* Rexedoría de pisos.
4.4.2. Módulos profesionais que poden ser obxecto de correspondencia coa práctica laboral.
* Recepción e atención ao cliente.
* Rexedoría de pisos.
* Formación en centros de traballo.
* Formación e orientación laboral.
4.4.3. Acceso a estudos universitarios.
* Diplomatura en ciencias empresariais.
* Diplomatura en turismo.
* Licenciatura en filoloxía (todas as especialidades).
4.5. Distribución horaria.
* Os módulos profesionais deste ciclo formativo organízanse do seguinte xeito:
Horas totais Denominación dos módulos
1º, 2º e 3º trimestre
130 Recepción e atención ao cliente
110 Rexedoría de pisos
130 Organización e control de aloxamento
110 Comercialización de produtos e servizos turísticos
130 Lingua estranxeira (inglés)
130 Segunda lingua estranxeira
Horas totais Denominación dos módulos
55 Relacións no contorno de traballo
55 Proxecto integrado
55 Formación e orientación laboral
4º trimestre
440 Formación en centros de traballo
* As horas de libre disposición do centro neste ciclo formativo son 55, que se utilizarán nos tres primeiros trimestres.
