O Decreto 211/2005, do 3 de agosto, establece a estrutura orgánica da Xunta de Galicia, procedendo á supresión da Consellería de Xustiza, Interior e Administración Local e integrándoa na actual Consellería de Presidencia, Administracións Públicas e Xustiza.

O Decreto 232/2005, do 11 de agosto, fixa a estrutura orgánica dos departamentos da Xunta de Galicia, especificando os seus órganos superiores. Co obxecto de establecer o marco xurídico-administrativo en que debe exercer as súas competencias a Consellería de Presidencia, Administracións Públicas e Xustiza, cómpre desenvolver a súa estrutura detallándoa ata o nivel de servizo, actualizándoa e adecuándoa ás novas competencias asumidas.

En consecuencia, por proposta do conselleiro de Presidencia, Administracións Públicas e Xustiza, no exercicio da facultade outorgada polo artigo 34.4º da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, co informe previo da Consellería de Economía e Facenda, logo de deliberación do Consello da Xunta, na súa reunión do día vinte e nove de decembro de dous mil cinco,

DISPOÑO:

TÍTULO I

Organización xeral

Artigo 1º.-Ámbito competencial.

Correspóndelle á Consellería de Presidencia, Administracións Públicas e Xustiza, sen prexuízo das demais competencias que legal e regulamentariamente ten atribuídas, as relativas ás seguintes materias:

-Apoio e asistencia á Presidencia da Xunta de Galicia, as funcións sobre a función pública, calidade e avaliación dos servizos e as relacións entre a Xunta de Galicia e o Parlamento de Galicia.

-Asistencia á Administración de xustiza e a Administración local, con funcións sobre réxime interior, colexios profesionais, policía autonómica, coordinación das policías locais, casinos, xogos e apostas, seguridade, asociacións, espectáculos públicos e protección civil de acordo co establecido no Estatuto de autonomía de Galicia nos termos sinalados na Constitución española.

Artigo 2º.-Estrutura da consellería.

1. A Consellería de Presidencia, Administracións Públicas e Xustiza, baixo a superior dirección do seu titular, terá a seguinte estrutura orgánica:

I. O conselleiro.

II. A Secretaría Xeral.

III. A Dirección Xeral da Función Pública.

IV. A Dirección Xeral de Calidade e Avaliación das Políticas Públicas.

V. A Dirección Xeral de Relacións Parlamentarias.

VI. A Dirección Xeral de Xustiza.

VII. A Dirección Xeral de Interior.

VIII. A Dirección Xeral de Protección Civil.

IX. A Dirección Xeral de Administración Local.

2. De conformidade co disposto no artigo único do Decreto 231/2005, do 11 de agosto, polo que se establecen os centros directivos dependentes da Presidencia da Xunta de Galicia, dependerán funcionalmente da Presidencia da Xunta de Galicia e organicamente da Consellería de Presidencia, Administracións Públicas e Xustiza, os seguintes órganos superiores:

1. Secretaría Xeral da Presidencia:

1.1. Asesoría Xurídica Xeral, con nivel orgánico de dirección xeral.

1.2. Dirección Xeral do Gabinete de Presidencia.

2. Secretaría Xeral de Análise e Proxección.

3. Secretaría Xeral de Comunicación, á cal estará adscrita a Compañía de Radiotelevisión de Galicia.

3.1. Dirección Xeral de Comunicación Audiovisual.

4. Secretaría Xeral de Relacións Exteriores.

4.1. Dirección Xeral de Cooperación Exterior.

5. Secretaría Xeral de Emigración.

6. Secretaría Xeral de Política Lingüística.

3. Órganos periféricos: delegacións provinciais.

4. Adscríbense á Consellería de Presidencia, Administracións Públicas e Xustiza os seguintes órganos colexiados:

4.1. A Comisión de Persoal da Xunta de Galicia, creada pola Lei 4/1988, do 26 de maio, da función pública galega, e regulada polo Decreto 156/1988, do 9 de xuño.

4.2. A Xunta Coordinadora de Edificios Administrativos.

4.3. A Comisión Central de Racionalización Administrativa, creada polo Decreto 186/1990, do 1 de marzo.

4.4. A Comisión de Informática da Xunta de Galicia, regulada polo Decreto 290/1992, do 8 de outubro.

4.5. A Comisión de Toponimia, regulada polo Decreto 174/1998, do 5 de xuño.

4.6. A Comisión Central de Revisión da Normativa Legal, así como a Comisión de Revisión da Normativa Legal da consellería, creadas polo Decreto 186/1990, do 1 de marzo.

4.7. A Comisión Central da Coordinación de Parques Móbiles, creada polo Decreto 327/1994, do 3 de novembro.

4.8. A Comisión das Webs da Xunta de Galicia, regulada polo Decreto 164/2005, do 16 de xuño.

4.9. A Comisión Superior para o Estudo do Desenvolvemento do Dereito Civil Galego, regulada no Decreto 107/1999, do 8 de abril.

4.10. A Comisión do Xogo de Galicia, creada pola Lei 14/1985, do 23 de outubro, e regulada polo Decreto 192/1988, do 21 de xullo.

4.11. A Comisión de Heráldica, regulada polo Decreto 369/1998, do 10 de decembro.

4.12. A Comisión de Coordinación das Policías Locais de Galicia, creada pola Lei 3/1992, do 23 de marzo, regulada nesta mesma lei e no Decreto 204/2000, do 21 de xullo.

4.13. O Consello Asesor de Asistencia Xurídica Gratuíta de Galicia, creado polo Decreto 146/1997, do 22 de maio.

4.14. O Consello Reitor do Centro de Estudos Xudiciais e Seguridade Pública de Galicia, creado pola Lei 1/2005, do 4 de xaneiro.

4.15. O Consello Reitor da Escola Galega de Administración Pública, regulada na Lei 4/1987, do 27 de maio, modificada pola Lei 10/1989, do 10 de xullo.

4.16. A Comisión Galega de Protección Civil, regulada no Decreto 56/2000, do 3 de marzo.

4.17. A Comisión Galega de Delimitación Territorial regulada no Decreto 370/1998, do 10 de decembro.

4.18. A Comisión Galega de Cooperación Local, regulada na Lei 5/1997, do 22 de xullo, de Administración local de Galicia, e no Decreto 280/1998, do 24 de setembro.

A natureza destes órganos colexiados e os seus cometidos, composición e funcións son os establecidos nas respectivas normas reguladoras.

5. Quedan adscritos a esta consellería os seguintes organismos autónomos:

5.1. Escola Galega de Administración Pública, que se axustará, nos seus fins, estrutura e funcionamento, ao disposto na Lei 4/1987, do 27 de maio, modificada pola Lei 10/1989, do 10 de xullo.

5.2. Centro de Estudos Xudiciais e Seguridade Pública de Galicia, que se adecuará nos seus fins, estrutura e funcionamento, ao disposto na Lei 1/2005, do 4 de xaneiro.

6. Queda adscrito organicamente a esta consellería o Instituto de Medicina Legal de Galicia, órgano técnico ao servizo da Administración de xustiza, creado polo Decreto 119/2005, do 6 de maio.

TÍTULO II

Servizos centrais

Capítulo I

Artigo 3º.-O conselleiro.

1. O conselleiro é a autoridade superior da consellería e con tal carácter está investido das atribucións enumeradas no artigo 34 da Lei 1/1983, do 22 de febreiro, reguladora da Xunta e do seu

presidente, modificada pola Lei 11/1988, do 20 de outubro e pola Lei 7/2002, do 27 de decembro, de medidas fiscais e de réxime administrativo.

2. O conselleiro de Presidencia, Administracións Públicas e Xustiza actuará como secretario do Consello da Xunta de Galicia e das comisións delegadas do Goberno galego.

Capítulo II

Da Secretaría Xeral

Sección 1ª

Da Secretaría Xeral

Artigo 4º.-Atribucións.

A Secretaría Xeral exercerá as competencias e funcións establecidas no Decreto 119/1982, do 5 de outubro, polo que se regulan as funcións das secretarías xerais técnicas nas consellerías da Xunta de Galicia, e calquera outra que lle atribúa a normativa en vigor, correspondéndolle en particular:

a) O secretariado do Goberno da Xunta de Galicia e das súas comisións delegadas, a excepción da asistencia ás súas sesións, exercendo as competencias sinaladas no Decreto 111/1984, do 25 de maio, polo que se aproba o Regulamento de réxime interior da Xunta de Galicia.

b) A vicepresidencia da Comisión de Secretarios Xerais, correspondéndolle levantar acta das reunións para a súa elevación ao Consello da Xunta de Galicia.

Así mesmo, exercerá aquelas competencias que lle sexan encomendadas ou delegadas polo titular do departamento.

Artigo 5º.-Estrutura.

1. Para o exercicio das súas competencias, a Secretaría Xeral contará coas seguintes unidades administrativas:

1.1. Vicesecretaría Xeral.

1.2. Subdirección Xeral de Servizos Xerais.

1.3. Subdirección Xeral de Xestión Económica e Persoal.

1.4. Subdirección Xeral de Contratación.

1.5. Subdirección Xeral de Atención ao Cidadán e Rexistros.

2. Adscríbense organicamente á Secretaría Xeral, con nivel de subdirección xeral, a Asesoría Xurídica da consellería, que se rexerá polo disposto no Decreto 343/2003, do 11 de xullo, polo que se aproba o Regulamento orgánico da Asesoría Xurídica da Xunta de Galicia e a Intervención Delegada. Estas unidades administrativas dependerán funcionalmente da Asesoría Xurídica Xeral da Xunta de Galicia e da Intervención Xeral da Comunidade Autónoma, respectivamente, e contarán co número de efectivos que se determine nas correspondentes relacións de postos de traballo.

Sección 2ª

Da Vicesecretaría Xeral

Artigo 6º.-Funcións.

A Vicesecretaría Xeral, con nivel orgánico de subdirección xeral, ten encomendada a realización das seguintes funcións:

a) Prestarlle asistencia técnica e administrativa ao secretario xeral en todos os asuntos que este lle

encomende, propoñéndolle as actuacións que coide necesarias para a coordinación, o réxime interno e o funcionamento dos servizos da consellería.

b) A dirección das actividades do Servizo do Secretariado do Goberno, do Servizo Técnico-Xurídico, do Servizo de Apoio Técnico Administrativo, do Diario Oficial de Galicia e do Servizo de Tradución.

c) A coordinación dos obxectivos e accións que lle encomende a Secretaría Xeral.

d) Preparar os expedientes relativos ás funcións ordinarias de despacho e sinatura dos asuntos de mero trámite.

e) Proporcionarlle asistencia ao secretario xeral, emitindo os informes que este lle encomende sobre disposicións de carácter xeral que deban someterse ao estudo da Comisión de Secretarios Xerais.

f) A substitución do secretario xeral da consellería nos casos de ausencia, enfermidade ou vacante deste.

g) En xeral, cantos asuntos lle sexan encargados, por razón da súa competencia, polo secretario xeral.

Artigo 7º.-Estrutura.

1. Servizo do Secretariado do Goberno.

Correspóndelle a realización das seguintes funcións:

a) A preparación das ordes do día do Consello da Xunta de Galicia e da Comisión de Secretarios Xerais, de acordo coas indicacións recibidas do secretario xeral da consellería.

b) A confección e a realización das convocatorias do Consello da Xunta de Galicia, das súas comisións delegadas e da Comisión de Secretarios Xerais, seguindo as instrucións do secretario xeral da consellería.

c) A revisión e preparación de toda a documentación relativa a asuntos que se sometan ao estudo da Comisión de Secretarios Xerais, do Consello da Xunta de Galicia e das súas comisións delegadas.

d) A redacción das actas, acordos e certificacións destes, correspondentes ás reunións do Consello da Xunta de Galicia, das súas comisións delegadas e da Comisión de Secretarios Xerais, de conformidade coas instrucións recibidas do secretario xeral da consellería.

e) O rexistro e a custodia das actas, acordos e certificacións do Consello da Xunta de Galicia, das súas comisións delegadas e da Comisión de Secretarios Xerais.

f) A garda e arquivo de toda a documentación sometida a estudo do Consello da Xunta de Galicia, das súas comisións delegadas e da Comisión de Secretarios Xerais.

g) A remisión ás consellerías competentes por razón da materia das certificacións de acordos do Consello da Xunta de Galicia ou das súas comisións delegadas.

h) A remisión ao Diario Oficial de Galicia, para a súa publicación, dos decretos aprobados polo Consello da Xunta de Galicia e da normativa aprobada, se é o caso, polas comisións delegadas do Goberno galego.

i) O traslado á Dirección Xeral de Relacións Parlamentarias das certificacións dos acordos de aprobación de proxectos de lei e dos seus textos para a súa remisión ao Parlamento de Galicia.

j) A remisión ao Boletín Oficial del Estado das leis aprobadas polo Parlamento de Galicia para a súa publicación.

k) A comprobación e proposta de corrección de erros, se é o caso, dos textos dos decretos publicados no Diario Oficial de Galicia e das leis publicadas no Boletín Oficial del Estado.

2. Servizo Técnico-Xurídico.

Correspóndelle a realización das seguintes funcións:

a) A elaboración dos estudos e informes que lle sexan encomendados pola Secretaría Xeral.

b) O estudo, preparación e informe dos asuntos que teñan que levarse á Comisión de Secretarios e ao Consello da Xunta, e o traslado dos seus acordos.

c) O estudo, tramitación e propostas de resolución das reclamacións e recursos formulados contra os actos e resolucións emanados dos distintos órganos da consellería cando aquelas non estean atribuídas a outros órganos desta, así como a coordinación dos órganos que interveñan na súa tramitación.

d) A tramitación dos requirimentos e peticións formuladas á consellería polos xulgados, tribunais, o Defensor do Pobo, o Valedor do Pobo e outros órganos e institucións.

e) A coordinación, para a súa remisión e correspondente publicación no Diario Oficial de Galicia das disposicións e actos administrativos ditados polos órganos da consellería.

f) Dependerá do Servizo Técnico-Xurídico o Rexistro de Fundacións que exercerá a xestión e custodia do Rexistro Único de Fundación de Interese Galego, o exercicio do protectorado en relación con aquelas fundacións que se atopen baixo tutela desta consellería e as demais funcións que nesta materia lle correspondan á consellería.

g) En xeral, cantos asuntos lle sexan encomendados por razón da súa competencia pola Secretaría Xeral.

3. Servizo de Apoio Técnico Administrativo.

Correspóndelle a realización das seguintes funcións:

a) Estudo e elaboración de informes sobre a normativa aplicable en todos os ámbitos que afecten as competencias da Consellería de Presidencia, Administracións Públicas e Xustiza.

b) O estudo, tramitación e, se é o caso, a elaboración de todos os anteproxectos de disposicións de carácter xeral emanados dos distintos centros directivos da consellería, así como elaborar as propostas de informe de legalidade, acerto e oportunidade das disposicións de carácter xeral sobre as que deba emitir informe o secretario xeral.

c) Levar a cabo as compilacións e propor as refundicións das normas emanadas da consellería, así como realizar os estudos previos para efectuar as recompilacións legais ou xurisprudenciais.

d) O rexistro, arquivo e custodia da normativa emanada da consellería.

e) A execución das funcións que en materia de colexios profesionais lle correspondan á Consellería de Presidencia, Administración Públicas e Xustiza.

f) En xeral, cantos asuntos lle sexan encomendados por razón da súa competencia pola Secretaría Xeral.

4. Diario Oficial de Galicia.

Correspóndelle a realización das seguintes funcións:

a) A xestión da edición, publicación, venda e distribución do periódico oficial de Galicia.

b) O desenvolvemento das directrices da Comisión de Publicacións en relación coas publicacións que leve a cabo a Consellería de Presidencia, Administracións Públicas e Xustiza, realizando, se é o caso, a súa edición.

5. Servizo de Tradución.

Terá ao seu cargo a realización das seguintes funcións:

a) Os traballos de tradución, do castelán para o galego e do galego para o castelán, e de revisión lingüística das disposicións e textos que se publiquen no Diario Oficial de Galicia.

b) Os traballos de tradución das disposicións que se publiquen na versión en lingua galega do Boletín Oficial del Estado, en virtude do convenio subscrito entre a Administración xeral do Estado e a Xunta de Galicia.

c) Os traballos de tradución e revisión lingüística doutras publicacións e documentos que lle encarguen as distintas consellerías, coordinando a normativización de toda a documentación interna e externa dos distintos departamentos e centralizando a aplicación de criterios correctores nas publicacións das diferentes consellerías.

d) A realización dos traballos de investigación lingüística dirixidos a incorporar á lingua galega novos rexistros para a creación e fixación dun estilo administrativo e dunha terminoloxía específica que comprenda os campos máis diversos, en coordinación coa Secretaría Xeral de Política Lingüística.

e) O asesoramento en materia de toponimia, coordinando o funcionamento da Comisión de Toponimia e exercendo a secretaría desta.

Sección 3ª

Da Subdirección Xeral de Servizos Xerais

Artigo 8º.-Funcións e estrutura.

1. A Subdirección Xeral de Servizos Xerais exercerá as seguintes funcións:

a) Os servizos de automobilismo da Xunta de Galicia.

b) As funcións derivadas da aplicación da Lei 31/1995, do 8 de decembro, de prevención de riscos laborais.

c) A coordinación da asistencia médica facultativa ao persoal dos servizos centrais da Xunta de Galicia.

2. Para o cumprimento das súas funcións, a Subdirección Xeral de Servizos Xerais contará coas seguintes unidades administrativas:

2.1. Servizo de Parque Móbil.

O Parque Móbil da Xunta de Galicia configúrase como unha unidade administrativa na que se integran todos os servizos de automobilismo dependentes da Consellería de Presidencia, Administracións Públicas e Xustiza, tanto no referente ao aspecto material como no relativo ao persoal adscrito aos ditos servizos. Exercerá as seguintes funcións:

a) A dirección, xestión e coordinación do Parque Móbil da Xunta de Galicia, tanto de servizos centrais como dos parques provinciais.

b) A proposición das medidas que a Consellería de Presidencia, Administracións Públicas e Xustiza e, se é o caso, o Consello da Xunta de Galicia, adopten para a coordinación dos servizos de automobilismo da Xunta de Galicia.

c) A presentación dunha memoria anual.

2.2. Servizo de Prevención de Riscos Laborais.

Este servizo realizará, entre outras, as seguintes funcións:

a) As funcións que establece o artigo 31.3º da Lei 31/1995, do 8 de novembro, de prevención de riscos laborais, en relación co persoal da Administración da Xunta de Galicia e o da Administración de xustiza no ámbito da Comunidade Autónoma de Galicia, e de xeito específico:

-O deseño e a proposta, para a súa aprobación, dos plans e programas de actuación preventiva en materia de prevención de riscos laborais.

-A aplicación e coordinación dos devanditos plans.

-A avaliación dos factores de risco que poidan afectar a seguridade e a saúde do persoal ao servizo da Administración da Xunta de Galicia.

-A información e formación do persoal en materia de prevención dos riscos laborais.

-A vixilancia da saúde en relación cos riscos derivados do traballo.

-O asesoramento e apoio na prestación dos primeiros auxilios.

-A elaboración e proposta dos plans de emerxencia e evacuación para a súa aprobación polo órgano correspondente, así como a súa aplicación e control.

-Calquera outra función atribuída ao Servizo de Prevención que derive da Lei de prevención de riscos laborais e dos seus regulamentos de desenvolvemento.

b) Conforme o previsto na disposición adicional terceira da Lei 31/1995, de prevención de riscos

laborais e na disposición adicional cuarta do Real decreto 39/1997, do 17 de xaneiro, dos servizos de prevención, para o desenvolvemento das funcións sinaladas, o servizo contará cos seguintes recursos:

-O apoio dos servizos médicos da Administración da Xunta de Galicia.

-Os servizos que a Xunta de Galicia concerte para a xestión da prevención e asistencia en materia de accidentes de traballo e enfermidades profesionais.

-O apoio dos servizos técnicos e de mantemento e doutras unidades que poidan prestarlle asesoramento e colaboración.

2.3. Servizo Médico.

Este servizo desempeñará, entre outras, as seguintes funcións:

a) Atención e tratamento inmediato para calquera proceso patolóxico ou accidente que se presente durante o desempeño da xornada laboral dos traballadores.

b) A xestión e a coordinación da realización de exames médicos periódicos ao persoal ao servizo da Administración da Xunta de Galicia.

c) Seguimento, control e inspección da evolución dos procesos patolóxicos dos traballadores, emitindo os informes oportunos.

d) Colaboración co Servizo de Prevención de Riscos Laborais no relativo á prevención e promoción da saúde dos traballadores.

Sección 4ª

Da Subdirección Xeral de Xestión Económica e Persoal

Artigo 9º.-Funcións e estrutura.

1. A Subdirección Xeral de Xestión Económica e Persoal exercerá as seguintes funcións:

a) A elaboración do borrador do anteproxecto do orzamento da consellería e o seu seguimento e control.

b) O asesoramento en materia orzamentaria aos órganos directivos da Consellería de Presidencia, Administracións Públicas e Xustiza.

c) A elaboración das instrucións necesarias para que os centros directivos mencionados efectúen unha correcta execución do orzamento.

d) A xestión do persoal adscrito á consellería, sen prexuízo das competencias da Dirección Xeral de Xustiza con respecto ao persoal da Administración de xustiza.

2. Para o cumprimento das súas funcións, a Subdirección Xeral de Xestión Económica e Persoal contará coas seguintes unidades administrativas:

2.1. Servizo de Xestión Económica.

Este servizo exercerá, entre outras, as seguintes funcións:

a) A execución da xestión orzamentaria efectuando os trámites económico-administrativos dos expedientes de gastos e as propostas de pagamento.

b) A habilitación dos gastos de persoal da consellería.

c) A xestión da subministración, a todos os centros directivos da consellería, de material de oficina, imprenta e consumibles informáticos.

d) A xestión interna e a coordinación da prestación dos servizos de transporte de funcionarios e de cafetaría.

2.2. Servizo de Control e Seguimento Orzamentario.

a) A coordinación do anteproxecto de orzamentos da consellería.

b) Seguimento da execución orzamentaria.

c) Seguimento dos programas de gastos correspondentes aos servizos xerais da Administración de xustiza.

d) Tramitación das propostas de modificación orzamentaria da consellería.

e) Tramitación económica dos convenios de colaboración con outros entes públicos iniciados pola Secretaría Xeral.

f) A habilitación dos gastos correntes da consellería.

2.3. Servizo de Persoal.

Son funcións deste servizo, respecto de todo o persoal adscrito á Consellería de Presidencia, Administracións Públicas e Xustiza, ben sexa de carácter laboral ou funcionario, agás o persoal ao servizo da Administración de xustiza:

a) A xestión, control e coordinación do persoal dos servizos centrais, así como a coordinación das delegacións en materia de persoal.

b) A tramitación dos expedientes administrativos relativos ao persoal funcionario, laboral e eventual.

c) Programar as necesidades de persoal.

d) O control da asistencia e puntualidade.

e) A tramitación das licenzas, permisos e situacións administrativas do persoal.

f) A selección e tramitación das propostas para a cobertura de prazas de funcionarios interinos e substitucións de persoal laboral dos servizos centrais da Xunta de Galicia, e o control das interinidades e substitucións de persoal funcionario e laboral dos servizos periféricos da Xunta de Galicia.

g) Aqueloutras actividades relativas ao persoal da consellería que lle encomende o secretario xeral.

Sección 5ª

Da Subdirección Xeral de Contratación

Artigo 10º.-Funcións e estrutura.

1. A Subdirección Xeral de Contratación exercerá, entre outras, as seguintes funcións:

a) A xestión dos expedientes de contratación administrativa, segundo as competencias que na materia teña atribuídas o secretario xeral.

b) O control, coordinación e execución dos proxectos de obras da consellería.

c) O mantemento das dependencias dos servizos da consellería.

2. Para o cumprimento das súas funcións a Subdirección Xeral de Contratación contará coas seguintes unidades administrativas:

2.1. Servizo de Contratación:

Este servizo exercerá, entre outras, as seguintes funcións:

a) A xestión dos expedientes de contratación administrativa que sexan competencia da consellería, cando se trate de obras, xestión de servizos públicos, subministracións, consultorías e asistencias, ou calquera outra figura contractual.

b) A tramitación e xestión dos convenios de colaboración e cooperación con outros entes públicos.

c) O seguimento e control da execución dos contratos.

2.2. Servizo de Obras e Proxectos.

Este servizo exercerá, entre outras, as seguintes funcións:

a) A supervisión, coordinación técnica e inspección dos proxectos de obras da consellería e da execución material destes.

b) A realización dos traballos facultativos propios das obras de construción, reforma e reparación dos edificios adscritos á consellería.

c) A formulación dos informes técnicos que lle sexan requiridos pola Secretaría Xeral.

2.3. Servizo de Oficina Técnica.

Este servizo exercerá, entre outras, as seguintes funcións:

a) A conservación dos equipamentos e dependencias dos servizos centrais, periféricos, e de calquera outro edificio que teña adscrito a consellería; así como a realización de informes sobre o seu estado de conservación, os sistemas de seguridade e o axeitamento á normativa vixente dos edificios.

b) A inspección técnica do funcionamento das infraestruturas existentes.

c) A prestación da asistencia técnica ás unidades da consellería encargadas da xestión económico-administrativa e contratación, en todos os expedientes nos cales sexa solicitada.

d) A coordinación técnica coas unidades de mantemento ou oficinas técnicas dos servizos periféricos da Consellería de Presidencia, Administracións Públicas e Xustiza.

2.4. Servizo de Xestión de Servizos Comúns.

Este servizo exercerá, entre outras, as seguintes funcións:

a) A xestión e a coordinación administrativa dos servizos necesarios para optimizar o funcionamento dos edificios adscritos á consellería.

b) Control e distribución dos custos que xerasen os citados edificios entre os distintos centros directivos usuarios deles.

c) A xestión e control dos pagamentos derivados dos servizos comúns.

Sección 6ª

Da Subdirección Xeral de Atención ao Cidadán e Rexistro

Artigo 11º.-Funcións e estrutura.

1. A Subdirección Xeral de Atención ao Cidadán e Rexistros desempeñará, entre outras, as seguintes funcións:

a) A información, orientación e recepción de suxestións ou queixas que poidan mellorar a calidade dos servizos públicos da Comunidade Autónoma.

b) A dirección e o control dos rexistros oficiais da Administración autonómica.

2. A Subdirección Xeral de Atención ao Cidadán e Rexistros estrutúrase nas seguintes unidades administrativas:

2.1. O Servizo do Rexistro.

Este servizo exercerá, entre outras, as seguintes funcións:

a) A dirección, seguimento e control do rexistro xeral da Xunta de Galicia, así como a súa coordinación cos demais rexistros oficiais da Administración autonómica.

b) A recepción de solicitudes, escritos e comunicacións presentadas polos particulares e a expedición dos correspondentes recibos de presentación.

c) A anotación dos asentos de entrada e saída das solicitudes, escritos e comunicacións.

d) A remisión de solicitudes, escritos e comunicacións aos órganos e unidades administrativas.

e) Emitir certificacións das solicitudes, escritos e comunicacións que se presentasen.

f) Calquera outra que se lle atribúa legal ou regulamentariamente.

2.2. O Centro de Atención ao Cidadán.

Exercerá, entre outras, as seguintes funcións:

a) Facilitar información administrativa tanto de interese xeral como particular.

b) A coordinación funcional da actuación das oficinas administrativas de información administrativa e atención ao cidadán das distintas consellerías e delegacións.

c) A tramitación, sen prexuízo das competencias que lles corresponden ás secretarías xerais e en colaboración con elas, das queixas e suxestións que formulen os cidadáns e usuarios sobre o funcionamento dos servizos que presta a Administración autonómica.

d) A avaliación periódica da calidade do sistema de información administrativa, propoñendo as medidas de mellora precisas.

e) O impulso do uso das novas tecnoloxías da información que faciliten o acceso, dos cidadáns e da propia Administración autonómica, á información administrativa.

f) En xeral, a adopción de todas as medidas que teñan por obxecto mellorar a atención aos cidadáns e usuarios por parte da Administración autonómica.

Capítulo III

Das direccións xerais

Sección 1ª

Da Dirección Xeral da Función Pública

Artigo 12º.-Competencias.

1. A Dirección Xeral da Función Pública é o órgano ao cal lle corresponde a execución da política de persoal da Administración da Xunta de Galicia nos termos previstos na Lei da función pública e demais normativa que a desenvolva, a xestión das competencias atribuídas á Consellería de Presidencia, Administracións Públicas e Xustiza nesta materia e a resolución daquelas que lle delegue o conselleiro. Para tal fin, coordinará a actuación dos órganos competentes en materia de persoal das distintas consellerías e organismos autónomos dependentes delas, ditando as instrucións oportunas.

2. A Dirección Xeral da Función Pública exercerá as seguintes competencias:

a) Realizar os estudos e traballos que en materia de persoal lle sexan encomendados ou coide conveniente efectuar.

b) Elaborar os anteproxectos de disposicións en materia de función pública.

c) Propoñerlle ao conselleiro a convocatoria e a resolución dos concursos de traslados para a provisión de postos de traballo dos distintos corpos, escalas e categorías e fixar os criterios aos que se deberán someter todas as convocatorias públicas de libre designación.

d) Confeccionar e levar o Rexistro de Persoal da Xunta de Galicia.

e) Elaborar as ofertas de emprego público.

f) Propoñerlle ao conselleiro a convocatoria das probas selectivas para o ingreso nos corpos, escalas e categorías da Administración da Xunta de Galicia adscritos á Consellería de Presidencia, Administracións Públicas e Xustiza.

g) Elevar as propostas de resolución dos expedientes de incompatibilidades do persoal ao servizo da Xunta de Galicia.

h) Coordinar as relacións laborais e sindicais con respecto ao persoal ao servizo da Administración da Comunidade Autónoma.

i) Efectuar as convocatorias de listas para cobertura temporal de postos de persoal funcionario e laboral adscritos á Consellería de Presidencia, Administracións Públicas e Xustiza.

j) A emisión dos informes preceptivos e previos que sobre os proxectos de disposicións que afecten a materia de réxime de persoal estableza a normativa vixente.

k) Elevar ao Consello da Xunta as propostas de imposición da sanción de separación do servizo ou despedimento do persoal xestionado pola Dirección Xeral da Función Pública.

Artigo 13º.-Estrutura.

Para o exercicio das súas funcións e competencias a Dirección Xeral da Función Pública contará coas seguintes unidades:

3.1. Subdirección Xeral de Réxime Xurídico e Relacións Laborais.

3.2. Subdirección Xeral de Xestión, Programación e Ordenación de Persoal.

3.3. Subdirección Xeral de Provisión de Postos e Selección de Persoal.

3.4. Servizo de Actualización de Datos do Persoal.

Artigo 14º.-Funcións e estrutura da Subdirección Xeral de Réxime Xurídico e Relacións Laborais.

1. Correspóndelle á Subdirección Xeral de Réxime Xurídico e Relacións Laborais o exercicio das seguintes funcións.

a) Preparar, conxuntamente coa Subdirección Xeral de Xestión, Programación e Ordenación do Persoal e a Subdirección Xeral de Provisión de Postos e Selección de Persoal, os anteproxectos normativos en materia de función pública.

b) Elaborar as propostas de resolución dos recursos que se presenten en materia de persoal dentro das competencias da Dirección Xeral da Función Pública.

c) Estudar e elaborar informes en materia de persoal laboral.

d) Preparar e desenvolver os traballos relativos ás relacións laborais e sindicais do persoal ao servizo da Xunta de Galicia.

e) Realizar, no seu ámbito competencial, cantos estudos e traballos se lle encomenden.

f) Estudo e preparación de anteproxectos normativos, así como a tramitación, a preparación de propostas de resolución e o asesoramento e informes en materia de incompatibilidades do persoal ao servizo da Administración da Comunidade Autónoma de Galicia.

2. Para o cumprimento dos seus cometidos, a Subdirección Xeral de Réxime Xurídico e Relacións Laborais contará coas seguintes unidades administrativas:

2.1. O Servizo de Réxime Xurídico e Recursos desenvolverá as seguintes funcións:

a) Estudo e preparación de propostas de resolución de recursos en materia de persoal dentro das competencias da Dirección Xeral da Función Pública.

b) Colaborar na preparación de anteproxectos normativos referentes á función pública.

c) Preparar as propostas de imposición da sanción de separación do servizo ou despedimento do persoal xestionado pola Dirección Xeral da Función Pública para a súa elevación ao Consello da Xunta.

d) Asesoramento e informes en materia de función pública.

e) Tramitación de expedientes previos á vía xurisdicional, dentro da competencia da Dirección Xeral da Función Pública.

f) Estudo e preparación de anteproxectos normativos, así como a tramitación, preparación de propostas de resolución e o asesoramento e informes en materia de incompatibilidades do persoal ao servizo da Administración da Comunidade Autónoma de Galicia.

2.2. O Servizo de Relacións Laborais realizará as seguintes funcións:

a) Preparación de informes en materia de persoal laboral.

b) A secretaría e máis o seguimento das negociacións colectivas en materia de persoal.

c) A secretaría das relacións laborais e sindicais respecto do persoal ao servizo da Xunta de Galicia.

d) Estudo e preparación de anteproxectos normativos en materia de persoal laboral.

e) Colaboración na preparación de anteproxectos normativos en materia de función pública.

Artigo 15º.-Funcións e estrutura da Subdirección Xeral de Xestión, Programación e Ordenación de Persoal.

1. A Subdirección Xeral de Xestión, Programación e Ordenación de Persoal terá encomendada a realización das seguintes funcións:

a) Xestión e proposta de programación de efectivos dos corpos, escalas e categorías ao servizo da Administración autonómica de Galicia.

b) A xestión de expedientes relativos a situacións e incidencias do persoal funcionario e laboral ao servizo da Xunta de Galicia.

c) Preparación e asesoramento, conxuntamente coa Subdirección Xeral de Réxime Xurídico e Relacións Laborais e a Subdirección Xeral de Provisión de Postos e Selección de Persoal, nos anteproxectos normativos en materia de función pública.

d) Preparar as ofertas de emprego público e o seu desenvolvemento coordinado cos órganos superiores da función pública.

e) Estudos e elaboración de informes en materia de xestión de persoal.

f) Realizar, dentro das súas competencias, cantos estudos e traballos se lle encomenden.

2. Para a realización das súas funcións, a Subdirección Xeral de Xestión, Programación e Ordenación de Persoal contará coas seguintes unidades administrativas:

Servizo de Xestión e Programación, que terá encomendadas as seguintes funcións:

a) A xestión, en xeral, de todo o persoal funcionario, laboral ou asimilado ao servizo da Administración autonómica de Galicia, sen prexuízo das competencias propias de cada consellería.

b) Estudo e preparación dos anteproxectos normativos en materia de integración do persoal ao servizo da Xunta de Galicia.

c) Preparación e elaboración das ofertas de emprego público do persoal ao servizo da Administración pública de Galicia, dentro dos termos da Lei 4/1988, do 26 de maio, da función pública de Galicia.

d) Informes sobre a normativa de función pública, refundicións e estudos.

e) Estudo e preparación de informes e estatísticas sobre materias relacionadas co persoal.

f) Colaborar na preparación dos concursos de provisión de postos de traballo.

Artigo 16º.-Funcións e estrutura da Subdirección Xeral de Provisión de Postos e Selección de Persoal.

1. Correspóndelle á Subdirección Xeral de Provisión de Postos e Selección de Persoal o exercicio das seguintes funcións.

a) Preparar, conxuntamente coa Subdirección Xeral de Réxime Xurídico e Relacións Laborais e a Subdirección Xeral de Xestión, Programación e Ordenación de Persoal, os anteproxectos normativos en materia de función pública.

b) Elaborar os concursos de traslados para a provisión de postos de traballo dos distintos corpos, escalas e categorías; elaborar e tramitar as convocatorias de procesos selectivos dos corpos, escalas e categorías correspondentes; a convocatoria e o desenvolvemento dos traballos relativos á cobertura temporal de postos por persoal funcionario e laboral en aplicación da norma que regule a dita cobertura.

c) Realizar, no seu ámbito competencial, cantos estudos e traballos se lle encomenden.

2. Para o cumprimento dos seus cometidos, a Subdirección Xeral de Provisión de Postos e Selección de Persoal contará coas seguintes unidades administrativas:

Servizo de Selección e Provisión de Postos de Traballo de Persoal Funcionario e Laboral, que terá encomendadas as seguintes funcións:

a) Estudo e preparación dos anteproxectos normativos en materia de selección e provisión.

b) Asesoramento en asuntos relacionados coa provisión de postos de traballo e selección de persoal funcionario e laboral ao servizo da Xunta de Galicia, así como a cobertura temporal de postos.

c) A preparación e a elaboración das convocatorias de concursos de traslados e dos procesos selectivos do persoal funcionario e laboral ao servizo da Administración pública de Galicia.

d) Desenvolver os traballos relativos á cobertura temporal de postos de persoal funcionario e laboral, en aplicación da norma que regule a dita cobertura.

e) Xestión do control e rexistro das contratacións laborais temporais e a cobertura temporal de postos.

f) Estudo e elaboración de informes en materia da súa competencia.

Artigo 17º.-Funcións do Servizo de Actualización de Datos do Persoal.

Correspóndelle ao Servizo de Actualización de Datos do Persoal as seguintes funcións:

a) A dirección, coordinación e xestión do Rexistro de Persoal da Administración Autonómica de Galicia, no cal se inscribirá preceptivamente todo o persoal ao seu servizo.

b) A anotación e actualización dos datos que se refiran aos actos que afecten a vida administrativa do persoal ao servizo da Administración pública de Galicia.

c) A xestión informatizada dos distintos procesos da dirección xeral.

d) Os estudos e traballos que se lle encomenden.

e) Velar polo cumprimento da normativa vixente sobre tratamento de datos de carácter persoal, con especial referencia ao arquivo e uso da información recollida no Rexistro Central de Persoal.

Sección 2ª

Da Dirección Xeral de Calidade e Avaliación de Políticas Públicas

Artigo 18º.-Competencias da Dirección Xeral de Calidade e Avaliación de Políticas Públicas.

1. A Dirección Xeral de Calidade e Avaliación de Políticas Públicas configúrase como órgano de impulso da modernización e reforma da Administración autonómica de Galicia, para garantir que a mellora continua na xestión, a transparencia, a participación e a responsabilidade sexa unha constante na actuación da Administración desta Comunidade Autónoma e que os servizos que se lle prestan ao cidadán se desenvolvan con criterios de máxima calidade, eficacia e eficiencia.

2. A Dirección Xeral de Calidade e Avaliación de Políticas Públicas exercerá as súas competencias sobre todas as consellerías, organismos delas dependentes, centros, servizos e unidades, así como sobre os entes e empresas públicas da Administración da Comunidade Autónoma, desenvolvendo as seguintes funcións:

a) Comprobar o grao de cumprimento da normativa vixente en materia de procedementos administrativos.

b) Propoñer, se é o caso, ao órgano competente a incoación de expedientes disciplinarios cando se detecten indicios racionais de responsabilidade administrativa na actuación do persoal.

c) A instrución dos expedientes en materia de incompatibilidades dos membros da Xunta de Galicia e altos cargos da Administración autonómica sometidos á Lei 9/1996, do 18 de outubro.

d) A custodia e xestión dos rexistros de incompatibilidades de altos cargos.

e) A avaliación da xestión da calidade nos servizos públicos.

f) O apoio, asesoramento ás unidades administrativas en materia de excelencia, avaliación da calidade e doutros sistemas de xestión.

g) A promoción, planificación e coordinación dos procesos de racionalización, simplificación e axilización así como de modernización dos procedementos administrativos, métodos de traballo e organización administrativa.

h) A planificación, fomento, xestión e supervisión das infraestruturas e aplicacións informáticas e de telecomunicacións, sen prexuízo das competencias que por lei se lle atribúan ao Centro de Proceso de Datos, dependente da Consellería de Economía e Facenda.

i) Impulso, xestión e coordinación da administración electrónica.

j) Avaliar as necesidades de formación do persoal ao servizo da Administración pública galega nas materias da competencia da dirección xeral, en colaboración coa Escola Galega de Administración Pública e outras entidades públicas e privadas.

k) A realización daquelas outras funcións que dentro do marco das súas competencias lle encomende o conselleiro de Presidencia, Administracións Públicas e Xustiza.

3. O ámbito de actuación da Dirección Xeral de Calidade e Avaliación de Políticas Públicas entenderase sen prexuízo das inspeccións sanitaria, financeira, tributaria, educativa, laboral, de consumo e calquera outra que establezan as disposicións legais vixentes polas que se seguirán rexendo. Así mesmo, as funcións descritas entenderanse sen menoscabo das competencias que o número 3º do artigo 34 da Lei 1/1983, do 22 de febreiro, da Xunta de Galicia e do seu presidente, e o artigo 15 da Lei 4/1988, do 26 de maio, da función pública de Galicia, lles atribúen aos conselleiros en materia de inspección dos servizos e do persoal dependente das súas consellerías, respectivamente.

Para o desenvolvemento das funcións que lle son encomendadas, a Dirección Xeral de Calidade e Avaliación de Políticas Públicas actuará con total independencia respecto do persoal e das unidades administrativas cuxa xestión se comprobe. Terá acceso aos libros, expedientes, actas e demais documentación administrativa dos servizos e unidades administrativas avaliadas. Todos os servizos da Administración autonómica facilitarán a actividade avaliadora proporcionándolle á Dirección Xeral de Calidade e Avaliación de Políticas Públicas cantos antecedentes, datos, expedientes e informes lles sexan requiridos e poñerán ao seu dispor os medios persoais e materiais que necesiten.

A obstrución á actividade avaliadora porase en coñecemento do órgano superior do que dependa o persoal afectado, propoñendo, se é o caso, a apertura do correspondente expediente disciplinario.

Artigo 19º.-Estrutura da Dirección Xeral de Calidade e Avaliación de Políticas Públicas.

Para o exercicio das súas funcións e competencias a Dirección Xeral de Calidade e Avaliación de Políticas Públicas contará coas seguintes unidades administrativas:

1. Os equipos de Xestión e Calidade.

2. Subdirección Xeral de Modernización Administrativa.

3. Subdirección Xeral de Infraestruturas Informáticas e de Telecomunicacións.

4. Subdirección Xeral de Servizos Informáticos e de Telecomunicacións.

5. Servizo de Xestión Económica e Contratación.

Artigo 20º.-Funcións e estrutura dos equipos de xestión e calidade.

Correspóndelles aos equipos de auditores de xestión e calidade o exercicio das seguintes funcións:

a) Verificar o grao de cumprimento da normativa vixente en relación cos trámites e prazos establecidos nas normas reguladoras dos procedementos administrativos.

b) Proporlle, se é o caso, ao órgano competente a incoación de expedientes disciplinarios cando se detecten indicios racionais de responsabilidade administrativa na actuación do persoal.

c) Aquelas funcións normalizadoras, de inspección, auditoría, avaliación do rendemento e calidade dos servizos, que lles sexan encomendadas polo director xeral de Calidade e Avaliación de Políticas Públicas.

d) Desenvolvemento e xestión de medidas para a implantación de sistemas de mellora da calidade tendentes a promover a mellora continua dos servizos da Administración autonómica, tanto dos que se lle prestan directamente ao cidadán como dos servizos internos.

e) Avaliación do desempeño e da xestión dos centros, servizos e unidades da Xunta de Galicia, incluídos os organismos autónomos, entes e empresas públicas, para a detección de puntos fortes e posibles áreas de mellora, emitindo o correspondente informe e propoñéndolle ao órgano competente orientacións sobre a posible adopción de medidas de acordo co establecido no artigo 63 bis da Lei 4/1988, do 26 de maio, da función pública de Galicia, modificada pola Lei 3/1995, do 10 de abril.

f) Apoio á definición e á avaliación dos criterios e estándares de calidade establecidos nas cartas de servizo ou noutros documentos de definición de obxectivos de calidade polos servizos públicos.

g) Colaboración e apoio ás unidades administrativas para a implantación de proxectos de mellora operativa, constituíndo equipos ou grupos de traballo para definir as medidas prácticas que hai que desenvolver.

h) Coordinación e colaboración cos órganos competentes doutras administracións públicas en todas as cuestións que redunden na simplificación e mellor calidade da prestación dos servizos públicos, promovendo, de ser o caso, a sinatura de convenios que faciliten o intercambio de información, métodos e experiencias.

i) Impulsar, en coordinación coa Subdirección Xeral de Atención ao Cidadán e Rexistro, a implantación nas distintas unidades administrativas de sistemas de xestión de queixas e suxestións efectuadas polos cidadáns usuarios dos servizos públicos, establecendo un sistema de seguimento delas que permita avaliar periodicamente o seu funcionamento, todo isto sen prexuízo das competencias que lles correspondan ás secretarías xerais.

j) O asesoramento ás unidades administrativas en materia de excelencia, avaliación da calidade e doutros sistemas de xestión.

k) A emisión dos informes previos e preceptivos sobre os proxectos de disposicións de carácter xeral relativas á estrutura orgánica, métodos de traballo e procedementos administrativos ou burocráticos que estableza a normativa vixente.

l) A realización de estudos sobre o dimensionamento de cadros de persoal, propoñendo as medidas necesarias sobre a reasignación de efectivos en función das cargas de traballo soportadas polas distintas unidades administrativas para conseguir un mellor funcionamento dos servizos.

m) Elaboración da proposta de relación de postos de traballo ou das súas modificacións, que irá acompañada dun informe emitido conxuntamente co órgano correspondente da Consellería de Economía e Facenda.

n) Elevación ao Consello da Xunta da creación ou modificación das relacións de postos de traballo para a súa aprobación.

o) A custodia e xestión do Rexistro de Bens Patrimoniais e de Actividades e Intereses de Altos Cargos da Xunta de Galicia, de conformidade co establecido na Lei 9/1996, do 18 de outubro, de incompatibilidades dos membros da Xunta de Galicia e altos cargos da Administración autonómica.

p) A instrución dos expedientes en materia de incompatibilidades dos membros da Xunta de Galicia e altos cargos da Administración autonómica sometidos á Lei 9/1996, do 18 de outubro.

q) En xeral, cantas funcións lle sexan encomendadas polo director xeral de Calidade e Avaliación de Políticas Públicas.

2. Para o desenvolvemento das funcións descritas, os equipos de Xestión e Calidade estarán integrados por:

a) Os auditores de xestión e calidade que, con nivel orgánico de subdirectores xerais, se establezan na correspondente relación de postos de traballo. Os auditores de xestión e calidade terán competencia en todo o ámbito da Comunidade Autónoma.

O director xeral de Calidade e Avaliación das Políticas Públicas designará de entre os auditores de xestión e calidade a un deles para coordinar as actuacións de todos os demais; así mesmo, designará o que levará a cabo as funcións relativas a materia de estruturas orgánicas, relacións de postos de traballo e incompatibilidades de altos cargos.

b) Os analistas de xestión e calidade que, con nivel orgánico de xefes de servizos, se determinen na correspondente relación de postos de traballo.

Artigo 21º.-Funcións e estrutura da Subdirección Xeral de Modernización Administrativa.

1. Correspóndelle á Subdirección Xeral de Modernización Administrativa o exercicio das seguintes funcións:

a) Formular propostas de racionalización, simplificación, axilización e mellora de procedementos, métodos de traballo e organización administrativa. Para tal fin elevaralle á Comisión Central de Racionalización:

* A proposta de medidas técnicas, normativas e procedementais que afecten a mellora dos procedementos administrativos que se tramitan no ámbito da Administración da Comunidade Autónoma, para facelos máis accesibles, áxiles e sinxelos.

* A elaboración e desenvolvemento de programas de simplificación de trámites e métodos de traballo administrativo e de normalización e racionalización da xestión pública.

* A confección de manuais de tramitación de procedementos, así como a normalización dos documentos relativos a eles.

b) Elaborar os plans de reforma e modernización da Administración autonómica e impulsar a súa implantación.

c) A emisión de informe, con carácter preceptivo e previo á súa aprobación, sobre os proxectos de disposicións de carácter xeral emanados das consellerías da Xunta de Galicia, dos seus centros directivos e organismos autónomos, que afecten a procedementos administrativos por instancia de parte.

d) Xestión e coordinación do Sistema de Xestión de Procedementos Administrativos (SXPA), como sistema integrado de xestión dos procedementos administrativos e como base do sistema de información da Xunta de Galicia, así como dos sistemas derivados del: Servizo de Resposta Inmediata (Seri), Oficina de Tramitación Única de Industrias (OTU) e Rexistro de Contratistas.

e) Impulso, coordinación e implantación da Administración electrónica na Xunta de Galicia, propoñendo os cambios necesarios na normativa e na definición dos procedementos.

f) A emisión de informe previo e preceptivo sobre os proxectos de disposicións de carácter xeral relativas aos métodos de traballo e procedementos administrativos, de conformidade co previsto no artigo 7.2º e 8.2º do Decreto 111/1984, do 25 de maio, polo que se aproba o Regulamento de réxime interior da Xunta de Galicia.

g) Coordinación de círculos de calidade na Xunta de Galicia como ferramenta dinamizadora e impulso ao desenvolvemento e implantación de sistemas de xestión da calidade e ferramentas de mellora que redunden na calidade dos servizos internos e cara ao cidadán.

h) Impulso ao desenvolvemento de programas operativos de avaliación da percepción e da satisfacción dos usuarios internos e externos dos procesos administrativos na Administración da Xunta de Galicia atendendo a investigacións de tipo cualitativo e cuantitativo aliñadas con métodos de referencia e respectando as particulares características de cada servizo.

i) Impulsar as cartas de servizo na Administración da Xunta de Galicia como ferramenta de información dos compromisos cos usuarios.

j) Planificar e desenvolver as actividades do Observatorio da Calidade, como órgano oficial no ámbito da modernización administrativa, das tecnoloxías da información e a comunicación en Galicia, para a análise periódica do estado de implantación da calidade na Administración.

k) En xeral, cantas funcións lle sexan encomendadas polo director xeral de Calidade e Avaliación de Políticas Públicas en materia de racionalización, simplificación e axilización así como de modernización de procedementos administrativos, métodos de traballo e organización administrativa.

2. Para o desenvolvemento das funcións descritas contará coa seguinte unidade administrativa:

1. Servizo de Calidade.

Artigo 22º.-Funcións da Subdirección Xeral de Infraestruturas Informáticas e de Telecomunicacións.

1. Correspóndelle á Subdirección Xeral de Infraestruturas Informáticas e de Telecomunicacións o exercicio das seguintes funcións:

a) A elaboración e proposta de plans globais de sistemas de información para a súa elevación ao órgano competente da Xunta de Galicia, así como o seu seguimento e, se é o caso, a súa execución.

b) Impulsar e coordinar o desenvolvemento de plans de sistemas e sistemas de información na Xunta de Galicia.

c) A proposta e execución dos plans de sistemas e a realización de todas as funcións de informatización de servizos da dirección xeral e as que lle sexan encomendadas polo conselleiro de Presidencia, Administracións Públicas e Xustiza.

d) A elaboración de propostas de normativa en materia de sistemas de información tendentes a conseguir un medio informático e de comunicacións homoxéneo na Xunta de Galicia, co obxecto de asegurar a coordinación xeral no mesmo ámbito e a difusión dos proxectos de tecnoloxías da información desenvolvidos no ámbito administrativo. A definición das ferramentas e plataformas hardware e software de desenvolvemento e execución, e, se é o caso,

a explotación e mantemento de todos os sistemas e servizos corporativos de informática e comunicacións da Xunta de Galicia.

e) O deseño, definición de estándares, implantación, desenvolvemento e xestión da Rede Corporativa de Comunicacións da Xunta de Galicia, que interconecta as distintas unidades administrativas e centros dependentes da Xunta de Galicia e os seus organismos, autorizando preceptivamente calquera utilización, incorporación ou uso dela.

f) A definición de estándares, aprobación e control, en todas as súas fases, de todos os proxectos de infraestruturas de telecomunicación para os edificios de nova construción, reforma ou rehabilitación.

g) A autorización, coordinación e control das redes locais que se instalen na Xunta de Galicia, con referencia á definición dos tipos de cableado, electrónica activa e pasiva, sistemas de xestión de rede e equipos de conmutación e calquera outro relacionado.

h) A supervisión, inspección e auditoría do cumprimento das especificacións establecidas en materia de sistemas de información, redes corporativas de comunicación, proxectos de informática e telecomunicacións e redes locais, así como do cumprimento das normas aprobadas polo órgano competente.

i) A informatización dos procesos administrativos por instancia de parte así como das aplicacións de tipo horizontal e o impulso, coordinación e control daquelas aplicacións colaterais ao Sistema de Xestión de Procedementos Administrativos (SXPA).

j) A definición e aprobación da política de seguridade corporativa dos sistemas de información da Xunta de Galicia.

k) O asesoramento, difusión e apoio nos proxectos relacionados coa protección de datos de carácter persoal dentro do ámbito das competencias da Xunta de Galicia.

l) Facilitar, dentro da estrutura da dirección xeral e de acordo coas súas especificacións técnicas, servizo de hospedaxe aos organismos da Xunta de Galicia que así o soliciten.

m) En xeral, cantas funcións lle sexan encomendadas polo director xeral de Calidade e Avaliación de Políticas Públicas en materia de infraestruturas, aplicacións informáticas e telecomunicacións.

Artigo 23º.-Funcións e estrutura da Subdirección Xeral de Servizos Informáticos e de Telecomunicacións.

1. Sen prexuízo das competencias que, en materia de propiedades incorporais e sobre planificación, xestión e desenvolvemento da informática orzamentaria, financeira e tributaria, ten atribuídas a Consellería de Economía e Facenda, a Subdirección Xeral de Servizos Informáticos e de Telecomunicacións exercerá as seguintes funcións:

a) Impulsar o uso das novas tecnoloxías da información que faciliten o acceso dos cidadáns e da propia Administración autonómica á información

administrativa, en colaboración coa Subdirección Xeral de Atención ao Cidadán e Rexistro.

b) Xestión e coordinación da web institucional da Xunta de Galicia e a coordinación das web das consellerías, segundo o establecido no Decreto 164/2005, do 16 de xuño, polo que se regulan e determinan as oficinas de rexistro propias e concertadas da Administración da Comunidade Autónoma de Galicia, se crea o Rexistro Telemático da Xunta de Galicia e se regula a atención ao cidadán.

c) O establecemento e mantemento da infraestrutura técnica de apoio para a web institucional da Xunta de Galicia, así como a dos seus organismos autónomos e entidades de dereito público dela dependentes.

d) O asesoramento, orientación e información ás consellerías e organismos da Xunta de Galicia en materia de sistemas de información.

e) A xestión técnica sobre calquera nome de dominio na internet da Xunta de Galicia.

f) O establecemento, administración, xestión e mantemento dos servizos corporativos de correo electrónico, acceso á internet, videoconferencia e calquera outro que sexa prestado aos distintos departamentos da Xunta de Galicia a través da Rede Corporativa de Comunicacións.

g) A coordinación e a xestión do Centro Único de Atención a Usuarios que dea soporte aos distintos sistemas e servizos corporativos de informática e comunicacións.

h) A definición e o establecemento das ferramentas tecnolóxicas para a implantación da Administración electrónica en todas as unidades administrativas, impulsando os cambios dos procedementos e sistemas administrativos necesarios e da súa tramitación para acadar os obxectivos, en coordinación coa Subdirección Xeral de Modernización Administrativa.

i) A coordinación da aplicación da sinatura dixital no marco do proxecto de Administración electrónica.

j) A definición das normas que deban seguir as entidades prestadoras dos servizos de certificación de sinatura dixital para o seu recoñecemento pola Xunta de Galicia.

k) A proposta, implantación e regulación da utilización das técnicas electrónicas, informáticas e telemáticas nas relacións dos cidadáns coa Administración autonómica galega.

l) A proposta e a implantación de sistemas telemáticos para a prestación de servizos telemáticos nos ámbitos local e provincial, en coordinación coas administracións territoriais competentes.

m) A interlocución, representación e autorización de calquera acordo con outras administracións ou órganos en relación co emprego dos sistemas de información corporativos da Xunta de Galicia ou a súa interconexión con estes.

n) En xeral, cantas funcións lle sexan encomendadas polo director xeral de Calidade e Avaliación de Políticas Públicas en materia de administración electrónica.

2. Para o desenvolvemento destas funcións a Subdirección Xeral de Servizos Informáticos e de Telecomunicacións contará coa seguinte unidade administrativa:

1. Servizo de Administración Electrónica.

Artigo 24º.-Funcións do Servizo de Xestión Económica e Contratación.

Dependendo directamente da Dirección Xeral de Calidade e Avaliación das Políticas Públicas existirá a seguinte unidade administrativa:

Servizo de Xestión Económica e Contratación, que desenvolverá as seguintes funcións:

a) A xestión orzamentaria da dirección xeral.

b) A proposta e xestión ordinaria dos expedientes de contratación administrativa, en materias da competencia da dirección xeral.

c) O impulso e a execución de convenios asinados en materias da súa competencia, así como aqueloutros convenios iniciados desde esta dirección xeral.

d) En xeral, aqueles asuntos que lle sexan encomendados polo director xeral.

Sección 3ª

Da Dirección Xeral de Relacións Parlamentarias

Artigo 25º.-Competencias.

A Dirección Xeral de Relacións Parlamentarias é o órgano que ten encomendado o exercicio das seguintes funcións:

a) Informar e asistir o Goberno galego nas súas relacións co Parlamento de Galicia.

b) Facer o seguimento do programa lexislativo e dos acordos adoptados polo Parlamento de Galicia.

c) Realizar labores de apoio á presidencia da Xunta de Galicia nas súas intervencións parlamentarias, solicitando, cando sexa preciso, dos distintos departamentos da Xunta de Galicia os datos e informes que se coiden convenientes.

d) Organizar e coordinar os procesos electorais en que sexa competente a Comunidade Autónoma de Galicia.

e) Realizar o seguimento dos resultados dos procesos electorais realizados fóra da Comunidade Autónoma de Galicia.

f) Representar a Xunta de Galicia naqueles procesos electorais en que esta sexa convidada como observadora.

g) Facer o seguimento das iniciativas tramitadas nas Cortes Xerais ou noutras comunidades autónomas que puidesen ter algunha relación coa Comunidade Autónoma de Galicia.

h) Determinar o departamento da Xunta de Galicia que debe dar resposta ás iniciativas parlamentarias que desde a cámara se presenten.

Artigo 26º.-Estrutura.

Para o desenvolvemento das súas funcións, a Dirección Xeral de Relacións Parlamentarias contará coa seguinte unidade administrativa:

1. Servizo de Seguimento Lexislativo e Acordos Parlamentarios, que realizará as seguintes funcións:

a) Levar a cabo as tarefas que lle sexan encomendadas polo director xeral para a información e asistencia do Goberno galego nas súas relacións co Parlamento de Galicia.

b) Facer o seguimento do programa lexislativo do Goberno galego.

c) Solicitar das distintas consellerías e órganos da Xunta de Galicia os informes procedentes para a elaboración das respostas ás preguntas escritas, así como ser a canle de comunicación entre a Xunta de Galicia e o Parlamento de Galicia verbo da tramitación de proposicións de lei, proposicións non de lei, mocións, interpelacións e calquera outra iniciativa parlamentaria.

d) Facer o seguimento dos acordos parlamentarios e, en especial, dos que incidan na acción do Goberno galego.

e) Remitirlle ao Parlamento de Galicia os informes ou a documentación que por disposición legal teña que realizar a Xunta de Galicia.

Sección 4ª

Da Dirección Xeral de Xustiza

Artigo 27º.-Competencias.

1. A Dirección Xeral de Xustiza exercerá as competencias que lle corresponden á Xunta de Galicia, estatutariamente ou por transferencia, relativas á promoción e ao desenvolvemento do dereito civil especial, á demarcación xudicial, notarial e rexistral, ao acceso dos cidadáns á xustiza en igualdade de oportunidades, á dotación de medios de soporte, normalización lingüística e cooperación coa Administración de xustiza, a xestión dos médicos forenses e do persoal ao servizo da Administración de xustiza.

2. No exercicio das súas competencias, correspóndenlle a este órgano as relacións ordinarias cos órganos do poder xudicial, o Ministerio de Xustiza e demais institucións relacionadas co ámbito xurisdicional.

3. En particular, son competencias da Dirección Xeral de Xustiza:

a) Programar, dotar e organizar os recursos económicos e materiais da Administración de xustiza en Galicia.

b) A xestión do persoal ao servizo da Administración de xustiza dependente da Xunta de Galicia.

c) Impulsar o uso do galego na Administración de xustiza en colaboración coa Secretaría Xeral de Política Lingüística.

d) Ordenar e dirixir a xestión administrativa do sistema de asistencia xurídica gratuíta.

e) Confeccionar as propostas sobre demarcación e planta xudicial, sobre demarcación notarial e rexistral e sobre convocatoria das prazas vacantes de maxistrados, xuíces, secretarios xudiciais, así como elevar ao conselleiro os nomeamentos de notarios e rexistradores.

f) Propoñer o cadro de persoal ao servizo da Administración de xustiza, así como das súas modificacións, de conformidade co previsto na Lei orgánica do poder xudicial e demais normativa en vigor.

g) Ordenar a organización e supervisar o funcionamento do Instituto de Medicina Legal de Galicia, programar actuacións para o establecemento de sistemas de xestión de calidade dos seus servizos e para o seu desenvolvemento científico e tecnolóxico.

h) Avaliar as necesidades de formación, deseñar os programas e accións formativas do persoal ao servizo da Administración de xustiza e colaborar coas institucións que realizan formación continua en materias relativas á Administración de xustiza.

i) Exercer as competencias da consellería para o funcionamento dos xulgados de paz.

j) Autorizar a nómina referente ás retribucións do persoal ao servizo da Administración de xustiza.

k) Exercer as potestades disciplinarias que, de conformidade coa normativa vixente, lle correspondan en relación cos médicos forenses e co persoal ao servizo da Administración de xustiza.

l) As demais competencias que lle atribúa a normativa en vigor e aqueloutras funcións que lle sexan encomendadas ou delegadas polo conselleiro de Presidencia, Administracións Públicas e Xustiza.

Artigo 28º.-Estrutura.

1. Para o desenvolvemento das súas funcións, a Dirección Xeral de Xustiza estrutúrase nas seguintes unidades:

1.1. Subdirección Xeral de Planificación Orzamentaria, Medios e Novas Tecnoloxías da Administración de Xustiza.

1.2. Subdirección Xeral de Relacións e Recursos Humanos da Administración de Xustiza.

1.3. Servizo de Programas e Estudos.

Artigo 29º.-Funcións e estrutura da Subdirección Xeral de Planificación Orzamentaria, Medios e Novas Tecnoloxías da Administración de Xustiza.

1. A Subdirección Xeral de Planificación Orzamentaria, Medios e Novas Tecnoloxías da Administración de Xustiza, baixo a supervisión e executando as directrices da dirección xeral, asumirá as seguintes funcións:

a) A planificación da actividade económica nos programas de gasto xestionados pola Dirección Xeral de Xustiza.

b) A preparación do anteproxecto de orzamento de gastos da dirección xeral, agás dos gastos do capítulo I, e o asesoramento na dita materia ao director xeral.

c) A execución e seguimento da xestión orzamentaria da dirección xeral.

d) A proposta de celebración de novos contratos, nas materias de competencias da Dirección Xeral de Xustiza.

e) A planificación e coordinación das actuacións encamiñadas á dotación e mellor distribución dos medios materiais que a consellería pon á disposición da Administración de xustiza.

f) A elaboración e execución do plan de informatización do sistema xudicial de Galicia, así como o deseño, programación e mantemento das aplicacións informáticas, xunto coa prestación de asistencia técnica nesta materia.

2. Para o desenvolvemento das súas funcións contará coas seguintes unidades administrativas:

2.1. O Servizo de Informática e Novas Tecnoloxías, ao cal lle corresponderá:

a) A análise das necesidades en materia de informática e de novas tecnoloxías que presentan os órganos da Administración de xustiza en Galicia, así como a planificación da política de informatización e de implantación de ferramentas tecnolóxicas nos órganos e servizos xudiciais.

b) O deseño, programación e mantemento das aplicacións informáticas en uso pola Administración de xustiza.

c) A xestión das bases de datos, redes de comunicacións e sistemas informáticos da xustiza en Galicia.

d) A prestación da asistencia técnica en materia de novas tecnoloxías precisa para o normal funcionamento dos órganos e servizos xudiciais.

e) O mantemento do Centro de Atención de Usuarios (CAU) de Xustiza.

f) Calquera outra función que sobre estas materias lle encomende a Dirección Xeral de Xustiza.

2.2. O Servizo de Xestión Económica e Administrativa, ao cal lle corresponderá:

a) A programación, coordinación e xestión económico-administrativa derivadas das funcións atribuídas á Dirección Xeral de Xustiza.

b) A xestión orzamentaria da dirección xeral.

c) O seguimento e control da execución dos convenios de colaboración, iniciados pola dirección xeral, con outros entes públicos en materia de investimento.

d) En xeral, cantos asuntos lle sexan encomendados, en razón da súa competencia, polo director xeral de Xustiza.

Artigo 30º.-Funcións e estrutura da Subdirección Xeral de Relacións e Recursos Humanos da Administración de xustiza.

1. Á Subdirección Xeral de Relacións e Recursos Humanos da Administración de Xustiza correspóndelle exercer as seguintes funcións:

a) Executar as directrices da dirección xeral respecto ás relacións co Consello Xeral do Poder Xudicial, a Administración de xustiza e demais institucións que cooperan coa xustiza.

b) A xestión da asistencia xurídica gratuíta.

c) Colaboración cos órganos xudiciais e fiscalías en relación coa designación de peritos, intérpretes e tradutores.

d) Apoio e asesoramento organizativo e administrativo ao Instituto de Medicina Legal de Galicia.

e) O exercicio das seguintes funcións respecto do persoal funcionario ao servizo da Administración de xustiza en Galicia:

* Organizar a xestión do persoal funcionario ao servizo da Administración de xustiza.

* Participar na función de relacións laborais e intervir na negociación no ámbito sectorial nos termos da Lei 9/1987, do 12 de maio, de órganos de representación, determinación das condicións de traballo e participación do persoal ao servizo da Administración pública, e efectuar o seguimento dos acordos derivados dela.

* Formular propostas relativas ás relacións de postos de traballo, así como elaborar e tramitar os plans de ordenación de recursos humanos consonte as instrucións da dirección xeral.

* A realización dos estudos precisos para a elaboración da proposta de anteproxecto do orzamentos do capítulo I correspondente ao persoal ao servizo da Administración de xustiza, e o seguimento e control da súa execución.

* A colaboración e a coordinación co Centro Informático de Xestión Tributaria Económico-Financeira e Contable, e coas habilitacións de persoal, para a xestión da nómina do persoal ao servizo da Administración de xustiza en Galicia.

* A negociación e proposta de distribución do fondo de acción social para o persoal ao servizo da Administración de xustiza.

2. Para o cumprimento das súas funcións contará coas seguintes unidades administrativas:

2.1. O Servizo de Relacións coa Administración de Xustiza. Executará as directrices que lle sexan encomendadas pola subdirección xeral, proporcionándolle soporte administrativo nas seguintes áreas:

a) Normalización lingüística do galego na Administración de xustiza.

b) Nomeamento de notarios e rexistradores.

c) Colaboracións administrativas para a tramitación e desenvolvemento dos convenios asinados pola Xunta de Galicia co Consello Xeral do Poder Xudi

cial, Ministerio de Xustiza e demais institucións en relación coas materias de competencia da dirección xeral.

d) Expedientes de axudas económicas para os gastos de funcionamento dos xulgados de paz, así como a tramitación administrativa das convocatorias e convenios de subvención a aquelas institucións que realicen actividades acordes cos fins da xustiza.

e) Xestión administrativa das funcións atribuídas á dirección xeral en materia de asistencia xurídica gratuíta.

2.2. O Servizo de Recursos Humanos da Administración de Xustiza que, en relación co persoal funcionario ao servizo da Administración de xustiza en Galicia, asume as seguintes funcións:

a) Exercerá as directrices que en materia de xestión de persoal e relacións sindicais lle sexan encomendadas pola subdirección xeral, elaborando ademais os estudos ou propostas correspondentes nos asuntos relacionados co persoal da Administración de xustiza, en xeral, segundo as competencias que resultan dos correspondentes regulamentos orgánicos.

b) O seguimento da xestión orzamentaria do capítulo I.

c) O mantemento e a actualización do rexistro de persoal e a transferencia de expedientes, datos e comunicacións co Ministerio de Xustiza e os departamentos de xustiza doutras comunidades autónomas.

d) A determinación, no ámbito territorial da Comunidade Autónoma, das necesidades de recursos humanos respecto dos corpos de funcionarios ao servizo da Administración de xustiza.

e) A confección das propostas de relacións de postos de traballo, a tramitación das propostas de modificación do cadro de persoal e o mantemento e actualización da aplicación informática de xestión de persoal (AIX).

f) A tramitación de expedientes disciplinarios e outros en materia de persoal, así como a tramitación dos recursos e reclamacións nesta materia.

g) A preparación dos antecedentes e a confección das comunicacións aos órganos xudiciais e informes que procedan sobre as demandas en vía xurisdicional.

h) A tramitación dos expedientes de declaración de situacións administrativas e compatibilidade para o exercicio doutras actividades, comisións de servizos, adscrición provisional de funcionarios, licenzas e outros expedientes en materia de persoal.

i) As demais funcións que en materia de xestión de persoal lle encomende a dirección xeral ou a subdirección.

Artigo 31º.-Funcións do Servizo de Programas e Estudos.

Ao Servizo de Programas e Estudos correspóndenlle as seguintes funcións:

a) Elaborar, en coordinación coas subdireccións xerais, os estudos e propostas nas materias de orga

nización da Administración de xustiza e optimización de medios ao servizo da Administración de xustiza.

b) Apoiar a dirección xeral no estudo e preparación de documentación nas relacións con outras administracións públicas e a Conferencia Sectorial de Xustiza.

c) Realizar estudos e informes sobre as necesidades de formación continuada dos membros da carreira xudicial, e membros do Ministerio Fiscal, secretarios xudiciais e o persoal ao servizo da Administración de xustiza.

d) Estruturar e actualizar os contidos informativos da intranet da Dirección Xeral de Xustiza e nos sitios web oficiais.

e) Efectuar un seguimento e análise das estatísticas xudiciais e rexistrais, en colaboración co Consello Xeral do Poder Xudicial, o Ministerio de Xustiza e o Tribunal Superior de Xustiza de Galicia, e elaborar os informes precisos para a toma de decisións da dirección xeral.

f) Realizar os estudos e informes sobre demarcación territorial dos órganos xudiciais, notarías e rexistros públicos na Comunidade Autónoma.

g) Proporcionar o soporte administrativo ás actividades da dirección xeral para o desenvolvemento do dereito civil galego.

h) Elaborar aqueloutros estudos e informes que lle encomende a Dirección Xeral de Xustiza nas materias da súa competencia.

i) Analizar e tramitar as queixas e reclamacións dos usuarios do servizo público da Xustiza remitidas polo Consello Xeral do Poder Xudicial e outros organismos.

j) Confeccionar a memoria anual de actividades da dirección xeral.

Sección 5ª

Da Dirección Xeral de Interior

Artigo 32º.-Competencias.

Á Dirección Xeral de Interior correspóndelle a xestión e a resolución dos asuntos transferidos e os relacionados coas competencias que lle corresponden estatutariamente á Xunta de Galicia nas seguintes materias:

A. En materia de interior:

a) Casinos, xogos e apostas.

b) Asociacións.

c) Espectáculos públicos.

B. En materia de seguridade:

a) Baixo a superior autoridade do conselleiro de Presidencia, Administracións Públicas e Xustiza, exercer a xefatura dos servizos de seguridade.

b) Planificar, xestionar e distribuír os recursos humanos e materiais destinados á seguridade da Comunidade Autónoma de Galicia.

c) As funcións de coordinación das policías locais que correspondan á Comunidade Autónoma.

d) Decidir ou propoñer, se é o caso, a resolución das cuestións relativas á selección, formación e perfeccionamento do persoal adscrito aos servizos policiais da Xunta de Galicia.

e) Elaborar e propoñer os plans e proxectos de actuación operativa dos servizos policiais e de xestión e planificación adscritos á Dirección Xeral de Interior.

f) Establecer as canles apropiadas de cooperación coas forzas e corpos de seguridade do Estado para a coordinación e realización das competencias en materia de prevención e seguridade.

g) Elaborar cantos informes e estudos requira e exixa o exercicio das competencias que lle corresponden á consellería en materia de prevención e seguridade.

h) Propoñer e executar os plans de seguridade da Comunidade Autónoma de Galicia.

i) A preparación dos correspondentes estudos e anteproxectos de disposicións xerais.

j) Calquera outra que por disposición legal se lle encomende.

Artigo 33º.-Estrutura.

Para o exercicio das súas funcións, a Dirección Xeral de Interior estrutúrase nas seguintes unidades administrativas:

1. Subdirección Xeral de Xogo, Asociacións e Espectáculos Públicos.

2. Subdirección Xeral de Seguridade e Réxime Interior.

Artigo 34º.-Funcións e estrutura da Subdirección Xeral de Xogo, Asociacións e Espectáculos Públicos.

1. A Subdirección Xeral de Xogo, Asociacións e Espectáculos Públicos exercerá as seguintes funcións:

a) A execución das directrices emanadas da dirección xeral para o desenvolvemento da xestión administrativa nas materias de casinos, xogos e apostas, a coordinación dos distintos servizos de inspección de xogo e asociacións e espectáculos públicos.

b) A tramitación e proposta de resolución nos expedientes administrativos referentes ás materias indicadas anteriormente, así como a execución das resolucións ditadas neles.

c) A preparación dos correspondentes estudos e anteproxectos de disposicións xerais.

d) A compilación de datos estatísticos e demais información regulamentaria nas citadas materias.

2. Para o desenvolvemento das súas funcións contará coas seguintes unidades:

2.1. Servizo de Xogo, ao cal lle corresponden as seguintes funcións:

a) A execución das directrices que lle sexan indicadas pola subdirección xeral para a xestión dos

asuntos e expedientes administrativos relacionados cos distintos sectores do xogo.

b) A preparación dos informes ou estudos encamiñados á elaboración dos anteproxectos de disposicións xerais en materia de xogo, así como para a recollida da información estatística das empresas correspondentes.

c) As demais funcións que, incluídas no ámbito respectivo, lle sexan asignadas.

2.2. Servizo de Asociacións e Espectáculos, ao cal lle corresponden as seguintes funcións:

a) A tramitación dos expedientes de inscrición de asociacións.

b) A xestión do Rexistro Central de Asociacións e a súa coordinación cos rexistros provinciais.

c) A xestión administrativa en materia de espectáculos públicos e a tramitación dos correspondentes expedientes sancionadores da competencia desta dirección xeral.

d) A realización dos informes e estudos encamiñados á elaboración dos anteproxectos das disposicións xerais en materia de asociacións e espectáculos públicos.

e) As demais funcións que, incluídas no ámbito respectivo, lle sexan asignadas.

Artigo 35º.-Funcións e estrutura da Subdirección Xeral de Seguridade e Réxime Interior.

1. Á Subdirección Xeral de Seguridade e Réxime Interior correspóndelle a execución das directrices emanadas da dirección xeral nas seguintes materias:

a) A planificación e a xestión dos recursos dependentes da Dirección Xeral de Interior en materia de seguridade.

b) Preparación de estudos e anteproxectos de disposicións xerais para a dirección e coordinación da Policía autónoma.

c) Exercer as directrices en materia de xestión de persoal e relacións sindicais.

d) A elaboración de propostas de formación e perfeccionamento do persoal de seguridade.

e) A elaboración de estudos ou propostas de políticas preventivas e plans de previsión sobre política de seguridade autonómica.

f) Desenvolvemento e execución das competencias en materia de coordinación de policías locais.

g) A supervisión e o control dos servizos de seguridade tendentes a velar pola protección de persoas, órganos, edificios, establecementos e dependencias da Comunidade Autónoma e dos seus entes instrumentais, garantindo o normal funcionamento das instalacións e a seguridade dos usuarios dos seus servizos.

h) A inspección das actividades sometidas á ordenación e disciplina da Comunidade Autónoma de Galicia, nas competencias asumidas pola Unidade

do Corpo Nacional de Policía Adscrita á Xunta de Galicia.

i) O estudo, programación, coordinación e control dos plans operativos de seguridade que se estruturen en apoio das actuacións da Comunidade Autónoma de Galicia.

j) A organización, selección, distribución e control dos recursos en función dos plans e servizos que se determinen.

k) O desenvolvemento das tarefas de cooperación operativa dos corpos de seguridade dependentes doutras administracións e con outras entidades e institucións públicas e privadas.

l) A elaboración do estudo do anteproxecto do orzamento correspondente á dirección xeral, así como a súa xestión orzamentaria.

m) A execución das instrucións en materia de réxime interior que non estean atribuídas a outros órganos da consellería.

n) Calquera outra función que en materia de seguridade lle corresponda á dirección xeral e lle sexa encomendada polo seu titular.

2. Para o exercicio de tales funcións contará coa seguinte unidade administrativa:

2.1. Servizo de Planificación e Xestión, ao cal lle corresponden as seguintes funcións:

a) A preparación dos estudos e anteproxectos de disposicións xerais para a dirección e coordinación da Policía autónoma.

b) O exercicio das directrices que en materia de xestión de persoal e relacións sindicais lle sexan encomendadas pola dirección xeral.

c) A elaboración de propostas de formación e perfeccionamento do persoal de seguridade dependente da Xunta de Galicia.

d) A elaboración dos estudos ou propostas de política preventiva segundo as competencias que resulten da normativa en vigor.

e) O estudo, programación e proposta dos plans operativos de seguridade que se estruturen en apoio das actuacións da Comunidade Autónoma de Galicia.

f) A coordinación das policías locais no ámbito territorial da Comunidade Autónoma de Galicia de acordo coa lexislación vixente.

g) A elaboración do estudo do anteproxecto do orzamento correspondente á dirección xeral e o seu control, seguimento e avaliación, así como a coordinación da xestión económica e orzamentaria dela.

Sección 6ª

Da Dirección Xeral de Protección Civil

Artigo 36º.-Competencias.

A Dirección Xeral de Protección Civil exercerá a dirección, coordinación e execución das atribucións que ten asumidas a consellería en materia de protección civil e atención de emerxencias, tales como prevención e previsión de riscos, planificación da protección civil, intervención e atención das

emerxencias e restablecemento dos servizos esenciais para a cidadanía afectada por unha emerxencia.

Correspóndelle a dirección do Centro de Atención de Emerxencias 112 Galicia e a representación da consellería na Comisión Nacional de Protección e noutros organismos de coordinación internacionais, europeas e autonómicas de protección civil. Así mesmo, correspóndelle a planificación e coordinación dos plans e programas dos servizos contra incendios e salvamento locais, sen prexuízo das competencias que lle poidan corresponder á Dirección Xeral de Administración Local.

Ademais levará a cabo o seguimento da encomenda do Consello de Seguridade Nuclear á Xunta de Galicia en materia de vixilancia radiolóxica co exercicio de autoridade competente para a protección dos traballadores e da poboación fronte á exposición a fontes de radiación natural asociada a actividades laborais, en aplicación do título VII do Regulamento de protección sanitaria contra as radiacións ionizantes prevista no Real decreto 783/2001.

Artigo 37º.-Estrutura.

Para o exercicio das súas funcións a dirección xeral estrutúrase nas seguintes unidades administrativas:

1. Subdirección Xeral de Avaliación e Planificación da Prevención de Riscos.

2. Subdirección Xeral de Atención ás Emerxencias e Calidade da Protección Civil.

Artigo 38º.-Funcións e estrutura da Subdirección Xeral de Avaliación e Planificación da Prevención de Riscos.

Á Subdirección Xeral de Avaliación e Planificación da Prevención de Riscos correspóndelle a execución das políticas de avaliación, prevención e previsión de riscos e exercerá, entre outras, as seguintes funcións:

a) Realización dos estudos relativos a análise de riscos existentes na comunidade autónoma, que admitan fundamentar a realización de plans de prevención de emerxencias e catástrofes, que permitan o deseño e implementación de políticas públicas de prevención de riscos.

b) Preparación dos plans de protección civil autonómica, de competencia da Xunta de Galicia, perseguindo a unidade de coordinación nas emerxencias, a súa implantación, mantemento, avaliación e revisión, así como a dirección unificada da súa aplicación, cando así o estableza o mesmo plan.

c) Fomento, impulso, coordinación e avaliación dos plans de protección civil previstos na norma básica de protección civil, así como dos plans específicos e especiais de protección civil de ámbito territorial, provincial e local e plans de autoprotección.

d) Elaboración do anteproxecto de orzamento correspondente aos seus programas de gasto, así como a súa execución, seguimento e avaliación.

e) Elaboración de anteproxectos normativos relativos ás materias competencia da dirección xeral.

f) Coordinación das actuacións en materia de protección civil programadas pola dirección xeral e as realizadas polos servizos provinciais de protección civil.

g) Coordinación dos comités operativos de protección civil da Xunta de Galicia e dos medios e recursos de acordo co establecido nos plans de protección civil autonómicos.

h) Apoio administrativo e técnico á Comisión de Protección Civil da Comunidade Autónoma de Galicia, executando os acordos e desenvolvendo as propostas que esta estableza.

i) Proposición e xestión da concesión de axudas e subvencións en materia de protección civil e emerxencias.

j) En xeral, cantos asuntos lle encomende, en razón da súa competencia, a dirección xeral.

2. Para o cumprimento das súas funcións, a Subdirección Xeral de Avaliación e Planificación da Prevención de Riscos contará coas seguintes unidades administrativas:

2.1 Servizo de Análises e Avaliación de Políticas Públicas de Prevención.

Este servizo desempeñará, entre outras, as seguintes funcións:

a) Elaboración de plans de protección civil de competencia da comunidade autónoma, así como o seu mantemento e implementación.

b) Elaboración de informes técnicos de avaliación de plans de protección civil, e de emerxencia, para a súa aprobación e homologación, cando corresponda, polo órgano competente.

c) Preparación e execución dos exercicios e simulacros no marco dos citados plans autonómicos.

d) Promoción dos estudos necesarios para a realización do inventario e mapa de riscos e o catálogo de medios e recursos da Comunidade Autónoma de Galicia e a súa actualización.

e) Elaboración e actualización dos manuais operativos e de intervención.

f) Instrumentación da axuda económica e asistencia técnica aos concellos, para a dotación de medios materiais e equipos de intervención e de protección civil, así como a realización dos correspondentes plans básicos e sectoriais de emerxencia municipal.

g) En xeral, cantos asuntos lle encomende en razón da súa competencia a dirección xeral.

2.2. Servizo de Avaliación e Implementación da Protección Radiolóxica.

Este servizo desempeñará, entre outras, as seguintes funcións:

a) Inspección de instalacións radioactivas, incluíndo a realización das inspeccións necesarias para o control das instalacións radioactivas de segunda e terceira categoría, que comprende as fases de cons

trución, posta en marcha, funcionamento, modificación, clausura; a realización das inspeccións que sexan necesarias para o control das instalacións de raios X, con fins médicos, e a realización das inspeccións que sexan necesarias por razóns especiais ou denuncia, así como aqueloutras que encargue expresamente o Consello de Seguridade Nuclear.

b) Inspección do transporte de combustible nuclear e doutros materiais radioactivos, incluídos os residuos radioactivos que se orixinen en Galicia.

c) Análise e avaliación relacionada coa protección radiolóxica nas instalacións radioactivas, incluíndo as propostas de actuacións correctoras e de preparación, se é o caso, propostas de sanción, dándolle conta ao Consello de Seguridade Nuclear das ditas actuacións correctoras.

d) Vixilancia radiolóxica ambiental no ámbito territorial de Galicia, de acordo cos programas que para este fin ten establecidos e aprobados o Consello de Seguridade Nuclear.

e) Información sobre lexislación en seguridade nuclear, regulamentos, instrucións técnicas complementarias, guías de seguridade, circulares informativas e recomendacións para a optimización dos procedementos de operación e para as actualizacións e modificacións dos regulamentos de funcionamento e os plans de emerxencia das instalacións radioactivas.

f) En coordinación coa Sala de Emerxencias do Consello de Seguridade Nuclear, a atención das situacións de emerxencia.

g) Desenvolvemento das funcións da autoridade competente para a protección dos traballadores e da poboación fronte á exposición a fontes de radiación natural asociada a actividades laborais.

h) En xeral, cantos asuntos lle encomende, en razón da súa competencia, a dirección xeral.

Artigo 39º.-Funcións e estrutura da Subdirección Xeral de Atención ás Emerxencias e Calidade da Protección Civil.

1. Á Subdirección Xeral de Atención ás Emerxencias e Calidade da Protección Civil correspóndelle a xestión e coordinación das emerxencias a través do Centro de Atención de Emerxencias 112 Galicia e exercerá, entre outras, as seguintes funcións:

a) Organización e xestión do Centro de Atención de Emerxencias 112 Galicia.

b) Elaboración do anteproxecto de orzamento correspondente aos seus programas de gasto, así como a súa execución, seguimento e avaliación.

c) Proposta de planificación, dotación, coordinación e supervisión de medios e recursos para a intervención e xestión de emerxencias.

d) Relacións da Administración autonómica, en materia de atención de emerxencias, coa Administración xeral do Estado, coas comunidades autónomas, cos Estados da Unión Europea, tendo unha

relación especial con Portugal pola proximidade e por compartir emerxencias comúns, e coas administracións locais.

e) Deseño e desenvolvemento dos protocolos de atención de emerxencias, tendo en conta os medios e recursos e, se é o caso, a dirección de operacións, definindo os plans de actuación, procedementos e tácticas operativas.

f) O exercicio das competencias atribuídas á Comunidade Autónoma galega nos consorcios contra incendios e de salvamento, no que se refire á súa posta en marcha e asesoramento.

g) A planificación e a coordinación dos plans e programas dos servizos contra incendios e salvamento local, sen prexuízo das competencias atribuídas por lei ás administracións locais.

h) Coordinación e seguimento das políticas de formación tanto do persoal da dirección xeral como dos colectivos dedicados a protección civil e a xestión das emerxencias e da autoprotección.

i) En xeral, cantos asuntos lle encomende en razón da súa competencia, a dirección xeral.

2. Para o cumprimento das súas funcións, a Subdirección Xeral de Atención ás Emerxencias e Calidade da Protección Civil contará coas seguintes unidades administrativas:

2.1 Servizo de Detección e Atención ás Emerxencias 112 Galicia.

Este servizo desempeñará, entre outras, as seguintes funcións:

a) Xestión, operación e control técnico do Centro de Atención de Emerxencias 112 Galicia.

b) Control e supervisión das infraestruturas, dos equipamentos e sistemas de comunicación e informáticos da dirección xeral e do Centro de Atención de Emerxencias 112 Galicia.

c) Fomento e impulso de protocolos e acordos de colaboración con organismos e entidades que participan en emerxencias co Centro de Atención de Emerxencias 112 Galicia.

d) Coordinación do Centro de Atención de Emerxencias 112 Galicia con outros organismos públicos e privados.

e) Realización dos correspondentes expedientes de gasto do Centro de Atención de Emerxencias 112 Galicia.

f) Xestión económica e administrativa dos gastos correspondentes á implantación e ao mantemento das unidades de intervención de emerxencias.

g) Realización dos estudos e proxectos de dotación de medios e equipamentos de intervención das unidades de intervención en emerxencias.

h) Realización de protocolos de atención de emerxencias e, se é o caso, en función dos medios

e recursos dispoñibles, protocolos de xestión de emerxencias.

i) En xeral, cantos asuntos lle sexan encomendados en razón da súa competencia, pola dirección xeral.

2.2. Servizo de Calidade e Perfeccionamento da Protección Civil.

Este servizo desempeñará, entre outras, as seguintes funcións:

a) Promoción das asociacións e agrupacións de voluntarios de protección civil e o correspondente apoio técnico e económico.

b) Control e xestión dos rexistros relacionados coas agrupacións, asociacións e entidades colaboradoras de protección civil regulamentariamente establecidos.

c) Promoción e coordinación dos cursos, xornadas e seminarios en materia de protección civil en colaboración co Centro Superior de Estudos Xudiciais e Seguridade Pública de Galicia.

d) Fomento da autoprotección cidadá e corporativa, a través da programación de campañas divulgativas.

e) Coordinación e, se é o caso, execución de publicacións relacionadas coa protección civil e emerxencias; a execución e a elaboración da información relativa á protección civil da dirección xeral.

f) Elaboración e seguimento dos convenios realizados en materia de protección civil e emerxencias.

g) Control e seguimento do servizo de helicópteros polivalentes 112 Galicia.

h) Organización e mantemento dun banco documental multimedia especializado que permita a máxima difusión da información.

i) En xeral, cantos asuntos lle encomende, en razón da súa competencia, a dirección xeral.

Sección 7ª

Da Dirección Xeral de Administración Local

Artigo 40º.-Competencias.

A Dirección Xeral de Administración Local é o órgano encargado da xestión das competencias que se lle se atribúen á Comunidade Autónoma galega nas seguintes materias:

a) Relación coas corporacións locais.

b) Formulación e xestión dos programas formativos en materia de Administración local, a través da Escola Galega de Administracións Pública.

c) O fomento de liñas de colaboración coas entidades locais galegas, no referente á convocatoria e á execución de liñas de subvención destinadas a elas.

d) Execución das competencias non atribuídas ao conselleiro que, respecto aos funcionarios de Administración local con habilitación de carácter nacional, correspondan á Comunidade Autónoma de Galicia.

e) O desenvolvemento da Lei de Administración local de Galicia e calquera outra que lle corresponda.

f) O impulso do proceso de incorporación do galego á Administración local en colaboración coa Secretaría Xeral de Política Lingüística.

g) O fomento e o impulso da incorporación das novas tecnoloxías e de métodos de calidade nas administracións locais galegas.

h) Aqueloutras competencias que, non estando recollidas nas alíneas anteriores, veñan atribuídas a ela pola normativa vixente.

Artigo 41º.-Estrutura.

A Dirección Xeral de Administración Local, para o exercicio das súas funcións e competencias, estrutúrase nas seguintes unidades administrativas:

1. Subdirección Xeral de Xestión, Cooperación e Réxime Xurídico.

2. Subdirección Xeral de Relacións Xurídico-Administrativas coas Entidades Locais e Desenvolvemento Normativo.

Artigo 42º.-Funcións e estrutura da Subdirección Xeral de Xestión, Cooperación e Réxime Xurídico.

1. A Subdirección Xeral de Xestión, Cooperación e Réxime Xurídico exercerá as seguintes funcións:

a) A proposición e xestión de programas conxuntos coas corporacións locais no ámbito propio das competencias que lle correspondan á Consellería de Presidencia, Administracións Públicas e Xustiza, incluíndo a coordinación das propostas que procedan en canto ás convocatorias, selección e adxudicación das subvencións, axudas e convenios que se destinan ás entidades locais galegas, facendo un seguimento da súa xustificación.

b) A xestión ordinaria dos asuntos económicos e de persoal propios do funcionamento da dirección xeral.

c) O fomento da normalización lingüística na Administración local en colaboración coa Secretaría Xeral de Política Lingüística.

d) A preparación de estudos e anteproxectos de disposicións xerais nas materias atribuídas a esta unidade.

e) A elaboración do estudo do anteproxecto do orzamento correspondente á Dirección Xeral de Administración Local e aos seus programas de gasto, así como o seu control, seguimento e avaliación.

f) O impulso na implantación das novas tecnoloxías na Administración local.

g) O fomento e o impulso de programas e métodos de implantación da calidade nas administracións locais galegas.

h) A elaboración das correspondentes propostas, a través da Comisión de Heráldica, de escudos e bandeiras das entidades locais galegas.

2. Para cumprir as súas funcións contará coas seguintes unidades:

2.1. Servizo de Xestión e Cooperación Económica, ao cal lle corresponde:

a) A xestión, a tramitación e a realización das propostas que procedan en canto ás convocatorias, selección e adxudicación das subvencións e axudas que se destinan ás entidades locais galegas, facendo un seguimento da súa xustificación.

b) O estudo do anteproxecto de orzamento correspondente á dirección xeral, así como o seu control, seguimento e avaliación.

c) A coordinación da xestión económica e orzamentaria da dirección xeral.

d) O impulso e a execución de convenios asinados en materia de Administración local, así como aqueloutros convenios iniciados desde esta dirección xeral.

2.2. Servizo de Cooperación coas Entidades Locais, ao cal lle corresponden:

a) As competencias atribuídas á consellería en materia de heráldica das entidades locais galegas.

b) A coordinación das accións encamiñadas á implantación e ao desenvolvemento das novas tecnoloxías nos entes locais, así como a tramitación das subvencións destinadas a tal fin.

Artigo 43º.-Funcións e estrutura da Subdirección Xeral de Relacións Xurídico-Administrativas coas Entidades Locais e Desenvolvemento Normativo.

1. A Subdirección Xeral de Relacións Xurídico-Administrativas coas Entidades Locais e Desenvolvemento normativo exercerá as seguintes funcións:

a) A execución das directrices da dirección xeral naquelas materias relativas ás relacións coas entidades locais de Galicia, así como con outras administracións estatais e autonómicas.

b) A execución das directrices da dirección xeral naquelas materias relacionadas coa organización, bens, servizos, persoal e réxime xurídico das corporacións locais que lle correspondan á Comunidade Autónoma de acordo co Estatuto de autonomía de Galicia, sen prexuízo das competencias que nestas materias poidan ser atribuídas a outras consellerías.

c) A preparación de estudos e proxectos de disposicións xerais nas materias atribuídas a esta unidade.

d) A formulación, impulso e xestión das accións formativas para funcionarios de Administración local en colaboración coa Escola Galega de Administración Pública e con outras entidades colaboradoras.

e) Estudo e informe da normativa reguladora das entidades locais.

f) A elaboración de propostas e xestión dos expedientes en materia de alteración de termos municipais.

g) A tramitación dos expedientes sobre creación, modificación, disolución, fomento e asesoramento ás entidades locais non territoriais.

2. Para cumprir estas funcións, contará coa seguinte unidade administrativa:

2.1. Servizo de Réxime Xurídico e Desenvolvemento Normativo, ao cal lle corresponde:

a) A execución das competencias que, en materia de control de legalidade dos actos e acordos das corporacións locais, lle veñen atribuídas á Comunidade Autónoma de Galicia.

b) O impulso, mediante a elaboración das correspondentes propostas, do desenvolvemento normativo atribuído á Comunidade Autónoma de Galicia en materia de réxime local.

c) A proposta das accións formativas para funcionarios da Administración local que se desenvolverán en colaboración con outras entidades.

d) As declaracións de urxente ocupación en materia de expropiación forzosa.

e) A inscrición das entidades locais de Galicia no Rexistro de Entidades Locais de Galicia.

f) A distribución do papel numerado para as actas das distintas corporacións locais.

g) As competencias que, en virtude de atribución normativa, lle corresponda exercer á dirección xeral no relativo ao réxime xurídico das corporacións locais, e non estean atribuídas a outras unidades.

TÍTULO III

Das delegacións provinciais

Artigo 44º.-Ámbito.

En cada unha das provincias da Comunidade Autónoma existirá unha delegación provincial da Consellería de Presidencia, Administracións Públicas e Xustiza, na cal se integrarán todas as unidades de carácter provincial e territorial situadas no seu ámbito.

Artigo 45º.-Competencias dos delegados provincias.

1. Os delegados provinciais, máximos representantes da consellería no seu ámbito territorial, serán nomeados mediante decreto da Xunta de Galicia, segundo as previsións contidas no Decreto 244/1990, do 18 de abril, e correspóndelles exercer as funcións e competencias que lles atribúe o Decreto 5/1987, do 14 de xaneiro, as derivadas do establecido nos decretos 87/1990 e 88/1990, do 15 de febreiro, e as que para a representación, xestión e coordinación se expresan seguidamente.

2. Funcións de representación:

a) Exercer a representación ordinaria do presidente da Xunta de Galicia e do conselleiro de Presidencia, Administracións Públicas e Xustiza no ámbito da súa provincia.

b) Presidir, en representación da Xunta de Galicia ou do seu presidente, os actos públicos de carácter xeral da Administración autonómica aos cales asis-

tan na súa provincia, sen prexuízo da precedencia doutras autoridades, de conformidade coas vixentes normas de protocolo.

3. Funcións de xestión:

a) Impulsar a xestión, tramitación e, se é o caso, resolución, dos expedientes administrativos relativos ás competencias da Consellería de Presidencia, Administracións Públicas e Xustiza no seu ámbito territorial e ás demais que teña atribuídas por delegación ou en virtude de disposición legal ou regulamentaria.

b) A dirección e control dos servizos referenciados no artigo 7 do Decreto 179/1997, do 10 de xullo, polo que se regula a coordinación nos edificios administrativos da Xunta de Galicia.

4. Corresponderalle á delegación provincial da Consellería de Presidencia, Administracións Públicas e Xustiza, a dirección e o control inmediatos dos seguintes servizos:

a) Rexistro Xeral da Xunta de Galicia.

b) Oficinas de Información e Atención ao Cidadán.

c) Oficina de compulsas.

d) Sistema de control horario.

e) O establecemento dos medios para a identificación do persoal que preste servizos no edificio, así como dos vehículos alleos ao parque móbil provincial.

f) Sinalización interior e exterior.

g) Servizo médico.

h) Salón de actos, salas de reunións ou aulas de uso xeral.

i) Relación coa oficina de Correos e Telégrafos e servizos postais ou de valixa.

j) Dependencias e garaxes dos parques móbiles provinciais.

k) Limpeza, mantemento, conservación e servizos e redes de servizos de instalacións comúns.

l) Relación coa xunta de persoal de funcionarios.

m) En relación coas redes de voz e datos para uso administrativo, o exercicio das funcións que lle son encomendadas á Consellería de Presidencia, Administracións Públicas e Xustiza neste decreto.

n) Establecemento das medidas que correspondan en cumprimento da Lei de prevención de riscos laborais e da normativa da Xunta de Galicia sobre o dito particular, sen prexuízo das competencias da Consellería de Traballo en materia de seguridade e hixiene no traballo.

5. Funcións de coordinación:

a) Presidir todos os órganos colexiados provinciais integrados na Administración autonómica, sempre que a súa presidencia non estea atribuída a outro órgano.

b) Coordinar o proceso de reforma administrativa e potenciar o perfeccionamento continuo dos méto

dos de traballo e de funcionamento da Administración autonómica no ámbito provincial.

c) A coordinación de todos os servizos e unidades administrativas integrados na respectiva delegación provincial.

Artigo 46º.-Estrutura das delegacións provinciais.

1. Para o cumprimento das súas funcións e o exercicio das competencias que lles corresponden, as delegacións da Consellería de Presidencia, Administracións Públicas e Xustiza contarán coas seguintes unidades administrativas con nivel orgánico de servizo:

1.1. Secretaría Provincial: é a unidade á que lle corresponde o exercicio das seguintes funcións e cometidos:

a) A xefatura de persoal e de réxime interior.

b) A dirección, despacho e proposta de resolución dos asuntos ordinarios.

c) A coordinación das unidades que dependan organicamente da delegación.

d) O exercicio das competencias que, en materia de función pública, sexan desconcentradas.

e) A elaboración do anteproxecto de orzamento da delegación provincial.

f) A xestión, administración e habilitación dos medios económicos e materiais da delegación provincial.

g) A tramitación e a xestión dos expedientes de gasto o control contable e a xustificación dos créditos asignados.

h) A tramitación dos expedientes de contratación administrativa e de subvencións que sexan competencia da delegación provincial.

i) A selección e tramitación das propostas para a cobertura de prazas de funcionarios, interinos e substitucións de persoal laboral de todas as delegacións provinciais no ámbito territorial da correspondente provincia.

j) A coordinación das distintas actuacións que, en materia de reforma administrativa, se leven a cabo na provincia, seguindo as directrices emanadas do delegado provincial e da Dirección Xeral de Calidade e Avaliación das Políticas Públicas.

k) A administración dos edificios e a xestión dos ingresos e a realización dos pagamentos ocasionados pola conservación, mantemento, consumos e outros de carácter xeral común a todas as delegacións ou organismos situados nos edificios.

l) A substitución do delegado provincial nos supostos de vacante, ausencia ou enfermidade deste.

1.2. Servizo de Xestión Técnico-Administrativa: desenvolverá as funcións propias que sobre a organización e xestión de medios persoais e materiais da Administración de xustiza lle corresponden á Dirección Xeral de Xustiza, así como aqueloutras que lle encomende o delegado provincial.

1.3. Servizo de Asistencia Xurídica Gratuíta: desenvolverá as funcións propias da Dirección Xeral de Xustiza en materia de asistencia xurídica gratuíta así como aqueloutras que lle encomende o delegado provincial.

1.4. Servizo de Interior e Administración Local: desenvolverá as funcións propias da Dirección Xeral de Interior e Administración Local así como aqueloutras que lle encomende o delegado provincial.

1.5. Servizo de Protección Civil: desenvolverá as funcións propias da Dirección Xeral de Protección Civil así como aqueloutras que lle encomende o delegado provincial.

1.6. Dependendo da Delegación Provincial da Coruña existirá un Servizo de Obras e Mantemento e, dependendo da Delegación Provincial de Pontevedra, un xefe de coordinación administrativa en Vigo.

Non obstante o disposto nos números 3 e 4 do número 1 deste artigo, nas delegacións provinciais de Ourense e Lugo existirá un único servizo que se denominará Servizo de Asistencia Xurídica Gratuíta, Interior e Administración Local.

2. Os servizos correspondentes aos centros directivos dependentes da Presidencia da Xunta de Galicia quedarán integrados organicamente nas delegacións provinciais da Consellería de Presidencia, Administracións Públicas e Xustiza, dependendo funcionalmente da secretaría xeral ou centro directivo correspondente, sen detrimento da competencia coordinadora que posúen os delegados provinciais en relación con todos os servizos integrados na delegación provincial respectiva.

Artigo 47º.-Gabinetes Xurídicos Territoriais.

De conformidade co establecido no número 2 do artigo anterior existirá, en cada unha das provincias, a seguinte unidade administrativa:

-Gabinete Xurídico Territorial: desenvolverá as funcións que lle encomenda o artigo 14 do Decreto 343/2003, do 11 de xullo, polo que se aproba o Regulamento orgánico da Asesoría Xurídica Xeral da Xunta de Galicia, prestando o asesoramento xurídico ás delegacións provinciais e autoridades da Administración autonómica.

Artigo 48º.-Comisións coordinadoras de edificios administrativos da Administración autonómica.

Adscritas ás delegacións provinciais da Consellería de Presidencia, Administracións Públicas e Xustiza existirá en cada unha das catro provincias da comunidade autónoma unha comisión coordinadora de edificios administrativos da Administración Autonómica que exercerá as funcións previstas no Decreto 179/1997, do 10 de xullo, polo que se regula a coordinación nos edificios administrativos da Xunta de Galicia.

Disposición adicional

En caso de ausencia ou enfermidade dos titulares das direccións xerais da Consellería de Presidencia, Administracións Públicas e Xustiza, as competen

cias atribuídas neste decreto aos correspondentes órganos serán exercidas, temporalmente e mentres persistan aquelas circunstancias, polos directores xerais, seguindo a orde de prelación que se establece no Decreto 232/2005, do 11 de agosto, polo que se fixa a estrutura orgánica dos departamentos da Xunta de Galicia.

Disposición transitoria

1. Cando, como consecuencia da estrutura orgánica que se establece neste decreto, se modifique a denominación ou contido das subdireccións xerais ou servizos existentes con anterioridade ou se supriman algunhas das ditas unidades, autorízase o conselleiro de Presidencia, Administracións Públicas e Xustiza, por proposta do secretario xeral da consellería, para readscribir o persoal afectado a postos do mesmo nivel ou inferior, sendo de aplicación o establecido no artigo 62.4 da Lei 4/1988, do 26 de maio, da función pública de Galicia.

2. Nos casos de supresión das subdireccións xerais ou servizos existentes con anterioridade, as unidades e postos de traballo con nivel orgánico inferior ao de servizo continuarán subsistentes e retribuiranse con cargo aos mesmos créditos orzamentarios, ata que se aprobe a nova relación de postos de traballo adaptada á estrutura orgánica establecida neste decreto. As unidades e postos de traballo encadrados nos órganos suprimidos adscribiranse provisionalmente, por resolución do conselleiro a proposta do secretario xeral, aos órganos establecidos neste decreto en función das atribucións que teñen asignadas.

Disposición derrogatoria

Quedan derrogados o Decreto 255/2003, do 8 de maio, polo que se establece a estrutura da Consellería de Presidencia, Relacións Institucionais e Administración Pública, o Decreto 226/2003, do 11 de abril, polo que se establece a estrutura da Consellería de Xustiza, Interior e Administración Local, así como cantas disposicións de igual ou inferior rango se opoñan ao establecido neste decreto ou o contradigan.

Disposicións derradeiras

Primeira.-Autorízase o conselleiro de Presidencia, Administracións Públicas e Xustiza para ditar as disposicións necesarias para a execución e desenvolvemento deste decreto.

Segunda.-Este decreto entrará en vigor o mesmo día da súa publicación no Diario Oficial de Galicia.

Santiago de Compostela o vinte e nove de decembro de dous mil cinco.

Emilio Pérez Touriño

Presidente

José Luis Méndez Romeu

Conselleiro de Presidencia, Adminstracións Públicas e Xustiza

CONSELLERÍA DE PRESIDENCIA, ADMINISTRACIÓNS PÚBLICAS

E XUSTIZA