De conformidade cos convenios de apoio financeiro os investimentos das Pemes asinados coas entidades de crédito durante os anos 1998, 1999, 2000, 2001, 2002, 2003, 2004 e 2005 e convenio de apoio financeiro 2004 e 2005 ao sector do transporte público por estrada de Galicia para a renovación da frota de vehículos, os tipos de xuro dos contratos de arrendamento financeiro subvencionados pola Xunta de Galicia, que se formalizaron a tipo de xuro variable, variarán por anos naturais, establecéndose no texto dos citados convenios o sistema de determinación do tipo de xuro para exercicios futuros.

Visto o exposto, e unha vez verificados os datos relativos á evolución do mibor e do euribor durante o período establecido nos citados convenios, e en virtude das facultades que teño conferidas

RESOLVO:

Primeiro.-Os tipos de xuro máximos que se aplicarán durante o ano 2006 aos contratos de arrendamento financeiro formalizados, a tipo variable, ao abeiro dos convenios de apoio financeiro aos investimentos das Pemes dos anos 1998, 1999, 2000, 2001, 2002, 2003, 2004 e 2005 e do convenio ao sector do transporte

público por estrada de Galicia para a renovación da frota de vehículos dos anos 2004 e 2005, serán os seguintes:

Contratos de arrendamento financeiro do convenio 1998: 3,50%. No caso de que o tipo adicional sexa inferior a 1,25 puntos, o tipo de xuro que se aplicará será o resultado de engadirlle ao tipo de referencia (2,27) o tipo adicional que teñan pactado as partes. Se o tipo de xuro resultase con varios decimais arredondearase ata a máis próxima vixésima parte do punto.

Contratos de arrendamento financeiro do convenio 1999, 2000, 2001, 2002, 2003, 2004 e 2005 e convenio de apoio financeiro 2004 e 2005 ao sector do transporte público por estrada de Galicia para a renovación da frota de vehículos: 3,40%. No caso de que o tipo adicional sexa inferior a 1,15 puntos, o tipo de xuro que se aplicará será o resultado de engadirlle ao tipo de referencia (2,272) o tipo adicional que teñan pactado as partes. Se o tipo de xuro resultase con varios decimais arredondearase ata a máis próxima vixésima parte do punto.

Segundo.-As entidades de crédito deberán comunicarlles aos beneficiarios dos contratos de arrendamento financeiro subvencionados a variación do tipo de xuro.

Terceiro.-O tipo de xuro do contrato de arrendamento financeiro resultante para o beneficiario, é dicir, o nominal menos os puntos de subsidiación, non poderá ser inferior ao límite fixado nos citados convenios e na resolución de concesión de axuda. No caso de que sexa inferior limitarase a subsidiación ata o citado límite. Para o caso de que o tipo de xuro nominal sexa igual ou inferior ao límite suspenderase a subsidiación e o tipo de xuro para aplicar ao contrato de arrendamento financeiro será o que lle corresponda segundo o establecido no punto primeiro da presente resolución.

Santiago de Compostela, 12 de decembro de 2005.

José Ramón Fernández Antonio

Presidente do Instituto Galego de Promoción

Económica