O Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, desenvolve as previsións contidas na súa norma de creación, a Lei 5/1998, do 18 de decembro, de cooperativas de Galicia, regulando no seu artigo 4 a composición, no artigo 5 o procedemento de nomeamento e cesamento dos membros deste órgano, e no artigo 6 as substitucións.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1998, do 20 de outubro, o artigo 5 e a disposición derradeira 1ª do Decreto 25/2001, do 18 de xaneiro, en relación cos decreto 232/2005, do 11 de agosto, polo que se fixa a estrutura orgánica dos departamentos da Xunta de Galicia, e o 213/2005, do 3 de agosto, e 536/2005, do 6 de outubro, que establecen o nomeamento como conselleiro de Traballo e a estrutura orgánica da consellería, respectivamente,

DISPOÑO:

Artigo único.

1. O nomeamento do director xeral de Promoción, do Emprego, Álvaro Ansias Bacelar, como vogal titular, en representación da Consellería de Traballo.

2. Os nomeamentos do director xeral de Produción, Industrias e Calidade Agroalimentaria, Santiago Oca Fernández, e do xefe do Servizo de Fomento Asociativo Agrario, Jesús González Vázquez, en calidade de vogal titular e vogal suplente, respectivamente, ambos en representación da Consellería do Medio Rural, por proposta desta consellería.

3. Os nomeamentos de José Luis López Vázquez, José Ramalleira Vázquez e José Varela Segade, como titular primeiro, suplente primeiro e suplente terceiro, respectivamente, en representación da Unión de Cooperativas, Asociación Galega de Cooperativas Agrarias, Agaca, por proposta da citada unión.

Santiago de Compostela, 30 de novembro de 2005.

Ricardo Jacinto Varela Sánchez

Conselleiro de Traballo

CONSELLERÍA DE POLÍTICA TERRITORIAL, OBRAS PÚBLICAS

E TRANSPORTES