O artigo 28.2º da Constitución española recoñece, como dereito fundamental da persoa, o dereito á folga.

O exercicio deste dereito na Administración e nas empresas, entidades e institucións públicas ou privadas, que presten servizos públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ao mantemento dos servizos esenciais fixados no artigo 2 do Decreto 155/1988, do 9 de xuño (Diario Oficial de Galicia nº 116, do 20 de xuño), entre os que se atopa a sanidade.

O exercicio público da prestación da asistencia santaria non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.

O artigo 3 do citado decreto faculta os conselleiros competentes, por razón dos servizos esenciais afectados, para que, mediante orde e diante de cada situación de folga, decidan o mínimo de actividade necesaria para asegurar o mantemento de tales servizos, así como para determinar o persoal necesario para a súa prestación.

Convocada folga pola Central Sindical Independente e de Funcionarios (CSI-CSIF), que afectará a todo persoal da Fundación Pública Hospital Virxe da Xunqueira, durante os días 13, 14, 15, 20, 21, 22, 27, 28 e 29 de decembro de 2005, 10, 11, 12, 17, 18, 19, 24, 25, 26 e 31 de xaneiro de 2006 e 1, 2, 7, 8 e 9 de febreiro de 2006, oído ó comité de folga, esta consellería

DISPÓN:

Artigo 1º

A folga convocada para os días 13, 14, 15, 20, 21, 22, 27, 28 e 29 de decembro de 2005, 10, 11, 12, 17, 18, 19, 24, 25, 26 e 31 de xaneiro de 2006 e 1, 2, 7, 8 e 9 de febreiro de 2006, que afectará a todo o persoal da Fundación Pública Hospital Virxe da Xunqueira, enténdese condicionada ao mantemento dos servizos mínimos segundo os criterios que se dispoñen nesta orde.

Os servizos mínimos que se fixan resultan totalmente imprescindibles para manter a adecuada cobertura dos servizos esenciais de asistencia sanitaria nos centros sanitarios, para evitar que se produzan graves prexuízos aos usuarios.

Tales mínimos responden á necesidade de compatibilizar o respecto ineludible ao exercicio do dereito á folga, coa atención aos usuarios que, baixo ningún concepto, poden quedar desasistidos polas características do servizo dispensado.

E por iso, mantéñense os servizos mínimos necesarios para garantir a asistencia imprescindible a doentes hospitalizados, así como a atención urxente e permanente aos usuarios, que non se poden adiar sen consecuencias negativas para a saúde.

Entrando na análise pormenorizada dos servizos mínimos, pódense establecer os seguintes criterios reitores de determinación do persoal necesario para o mantenemento dos servizos esenciais:

A. Persoal facultativo:

1. Cobertura do 100% da actividade urxente nun triple ámbito:

-Servizos de urxencias e gardas médicas.

-Quirófanos urxentes (xerais e de tocoloxía) para a atención dos usuarios que requiran intervención cirúrxica inadiable no seu ingreso.

-Atención aos paritorios.

2. Cobertura da actividade cirúrxica dos doentes hospitalizados, respecto ás patoloxías que poñan en perigo a súa vida ou agraven o seu estado de saúde.

3. Na área de hospitalización establecerase o número necesario para garantir as visitas médicas, a atención indefectible dos doentes hospitalizados e as altas clínicas.

4. No ámbito de consulta atenderanse as consideradas como urxentes ou preferentes, así como as interconsultas dos doentes hospitalizados que o requiran, a criterio do facultativo. Así mesmo, atenderanse as consultas dos doentes desprazados.

5. Garantirase, así mesmo, a realización das probas complementarias urxentes e as que se refiren aos doentes hospitalizados que, a criterio do facultativo, sexan necesarias.

6. Garantirase a dispensación de medicamentos e de produtos sanitarios que, a criterio do facultativo, sexan necesarios.

B. Persoal sanitario non facultativo:

1. Cobertura do 100% da actividade urxente nun triple ámbito:

-Servizos de urxencias.

-Quirófanos urxentes (xerais e de tocoloxía) para a atención dos usuarios que requiran intervención cirúrxicas inadiable no ingreso.

-Atención aos paritorios.

2. Na área de hospitalización establecerase o número necesario para garantir os coidados dos doentes hospitalizados, en correspondencia cos efectivos dun domingo ou festivo.

3. No ámbito de consultas estableceranse mínimos nun dobre ámbito:

-Apoio á atención das consultas especializadas consideradas como urxentes ou preferentes.

4. No ámbito dos servizos centrais, garantirase a realización das probas complementarias urxentes e as que se refiran aos doentes hospitalizados que, a criterio do facultativo, sexan necesarios.

5. Garantirase a dispensación de medicamentos e produtos sanitarios.

6. Unidades especiais: o número necesario para garantir o coidado dos pacientes

E. Persoal non sanitario:

1. Urxencias: o 100% do persoal non sanitario.

2. Área de hospitalización: un número de efectivos equivalente ao de domingos ou festivos.

3. Servizo de admisión e arquivo de atención especializada: un número equivalente ao de domingos ou festivos.

4. Cita previa: un número de efectivos que garantan a atención ao doente que o requira, cun mínimo dun efectivo por centro e ata un máximo do 50% dos efectivos en cada quenda.

5. Atención ao doente: un número de efectivos que garantan a atención ao doente que o requira, cun mínimo dun por cento e ata un máximo do 50% dos efectivos en cada quenda.

6. Servizos administrativos:

-Información: o número de profesionais necesarios para garantir a debida información aos pacientes.

-Persoal: o número imprescindible para garantir as incidencias e xestións derivadas da folga e como máximo ata o 40% dos efectivos en cada quenda.

-Subministracións: o número imprescindible para garantir os pedidos urxentes e ata un máximo do 25% dos efectivos en cada quenda.

-Almacén: un número imprescindible para a xestión do almacén e ata un máximo do 25% dos efectivos en cada quenda

-Contabilidade: un número imprescindible para as xestións urxentes e ata un 25% dos efectivos en cada quenda.

7. Outras áreas de traballo ou servizos: establecerase, con carácter xeral, un número equivalente aos domingos ou festivos.

A determinación dos profesionais necesarios farase por categoría profesional e a súa fixación con base nestes criterios debe estar adecuadamente motivada. A xustificación debe constar no expediente interno de determinación de mínimos e debe exteriorizarse adecuadamente para xeral coñecemento dos destinatarios. Deberán quedar constancia no expediente de determinación de mínimos os factores ou criterios cuxa a súa ponderación conduce a determinar as prestacións mínimas.

Os profesionais necesarios para a cobertura dos servizos mínimos deberán ser publicados nos taboleiros de anuncios de cada centro, polo menos con 48 horas de antelación á data da folga.

Con tales premisas determínase, por grupos profesionais, o número de efectivos en servizos mínimos.

Artigo 2º

A designación nominal de efectivos que deben cubrir os servizos mínimos será determinada polo director-xerente e notificada aos profesionais designados.

O profesional designado que desexe exercer o seu dereito de folga poderá instar a substitución da súa designación por outro profesional que voluntariamente acepte o cambio de maneira expresa e autorizada pola dirección.

Artigo 3º

Os paros e alteracións no traballo por parte do persoal necesario para o mantemento dos servizos mínimos, expostos nos taboleiros de anuncios de cada centro, serán considerados ilegais para os efectos do establecido no artigo 16.1º do Real decreto lei 17/1977, do 4 de marzo (BOE nº 58, do 9 de marzo).

Artigo 4º

O disposto nos artigos anteriores non significará ningún tipo de limitación dos dereitos que a normativa reguladora da folga lle recoñece ao persoal nesta situación, nin tampouco sobre a tramitación e efectos das peticións que a motiven.

Artigo 5º

Sen prexuízo do que establecen os artigos anteriores, deberanse observar as normas legais e regulamentarias vixentes en materia de garantías dos usuarios dos establecementos sanitarios.

Disposición derradeira

A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 5 de decembro de 2005.

María José Rubio Vidal

Conselleira de Sanidade

ANEXO

Número de efectivos de servizos mínimos
Categoría/servizo	Mañá	Tarde	Noite

Persoal facultativo
Anestesia	1 presenza	1 g. localizado	1 g. localizado
Cirurxía	1 presenza	1 g. localizado	1 g. localizado
Xinecoloxía	1 presenza	1 g. localizado	1 g. localizado
Obstetricia	1 presenza mércores e xoves
Hado	1 presenza
Hematoloxía	1 presenza martes
Medicina interna	2 presenza	1 g. presenza física	1 g. presenza física
Pediatría	1 presenza	1 g. localizada	1 g. localizada
Radioloxía	1 presenza	1 g. localizada	1 g. localizada
Traumatoloxía	1 presenza 2 presenza martes e xoves	1 g. localizada	1 g. localizada
Urxencias	3 presenza	2 presenza + 1 g. presenza física	1 presenza física
Nefroloxía	1 presenza os mércores	1 presenza os mércores
Farmacia	1 presenza os mércores
Persoal sanitario non facultativo
Diálise	1 aux. mércores e 1 hora os xoves 1 enfer. os mércores	1 aux. 1 enfermeiro	Non mínimos

Saúde mental	1 enf. os xoves	Non mínimos	Non mínimos

Número de efectivos de servizos mínimos
Categoría/servizo	Mañá	Tarde	Noite

Consultas externas	1 aux. só consulta de curas (martes e xoves) e obstetricia (mércores e xoves) 1 enf. días de Simtron martes	Non mínimos	Non mínimos
Hado	1 enfermeiro	Non mínimos	Non mínimos
Farmacia	1 auxiliar	Non mínimos	Non mínimos
Calidade/Formación	Non mínimos	Non mínimos	Non mínimos
C. Diabetolóxica	Non mínimos	Non mínimos	Non mínimos
Hospitalización A	3 auxiliares 3 enfermeiras	2 auxiliares 2 enfermeiras	1 auxiliar 2 enfermeiras
Hospitalización B	3 auxiliares 3 enfermeiras	2 auxiliares 2 enfermeiras	1 aulixiliar 2 enfermeiras
Hospital de día	Só mércores	Non mínimos	Non mínimos
Laboratorio	1 tel	1 tel	1 tel
Raios	1 ter	1 ter	1 ter
Quirófano	3 auxiliares 3 enfermeiras	2 auxliares +1 aux. localizado 1 enfermeiro + 2 enf. localizados	2 aux. localizados 2 enfermeiros localizados
Urxencias	3 auxliares 3 enfermeiros	2 auxiliares 2 enfermeiros	1 auxiliar 2 enfermeiros
Traslados	1 enfermeiro localizado	1 enfermeiro localizado	1 enfermeiro localizado
Fisioterapia	1 físio os mércores	Non mínimos	Non mínimos
Persoal non sanitario
Admisión	6	2	Non mínimos
Atención ao doente	1
Persoal	2
Subministración	1
Contabilidade	1
Dirección	1
Facturación	1
Informática	1