Examinado o expediente de deslindamento do monte veciñal en man común Chandebrito, pertencente á comunidade do mesmo nome do concello de Nigrán (Pontevedra) e tendo en conta os seguintes:
Antecedentes de feito.
Primeiro.-Que o Xurado Provincial de Montes Veciñais en Man Común, en Resolución do 28 de xaneiro de 1983, declarou como tal o monte Chandebrito, asinando a súa pertenza á parroquia de Chandebrito do concello de Nigrán (Pontevedra).
Segundo.-No ano 2002 iniciáronse os estudos previos dirixidos a determinar os lindantes co monte.
Terceiro.-O 29 de abril de 2003, o director xeral de Montes e Industrias Forestais aprobou a realización do deslindamento do monte veciñal en man común de Chandebrito, e no BOP de Pontevedra nº 170, do 4 de setembro de 2003 anúnciase o inicio da primeira fase do deslindamento, fixándose o 30 de setembro de 2003 ás 10.00 horas para o comezo do apeo.
Con data do 4, 5 e 10 de setembro de 2003, notifícaselles persoalmente aos lindantes dos que se teñen os domicilios, a máis dos lugares de costume e o 20 de setembro publícase anuncio co mesmo texto incluído no BOP, no Faro de Vigo.
Cuarto.-O apeo da primeira fase comeza o 30 de setembro de 2003 e conclúe o 16 de decembro de 2003. No BOP do 1 de marzo de 2004, ábrese o período de vista e reclamacións do apeo da primeira fase, poñendo á disposición dos interesados o plano e as actas do apeo e o 3 de marzo remítese o mesmo anuncio aos lindantes afectados.
Durante a primeira fase non foron presentadas reclamacións sobre as liñas fixadas polos piquetes 1 a
8, 15 a 102, 104 a 206, 206 a 1, 208 a 248, 249 a 357, 361 a 363, 373 a 397 e 397 a 207 polo que, como consecuencia, quedan como definitivas no deslindamento, de acordo co establecido no artigo 94 do Regulamento de montes.
As liñas reclamadas son as fixadas polos piquetes 8 a 13, 13 a 15, 102 a 104, 207 a 208, 248 a 249, 357 a 361 e 363 a 373, polo que pasan á segunda fase de acordo co establecido no artigo 95 do mesmo regulamento.
Quinto.-O 4 de xuño de 2004 publícase no DOG nº 107 o anuncio do edicto de deslindamento e fíxase como data de comezo do apeo o 13 de setembro de 2004, de acordo co establecido nos artigos 96 ao 124 do Regulamento de montes aprobado polo Decreto 485/1962, do 22 de febreiro, fanse as notificacións, con xustificante de recepción, a todos os propietarios lindantes dos que se teñen coñecemento, así mesmo colócanse edictos no concello e nos sitios de costume. O Gabinete Xurídico Territorial de Pontevedra fai a clasificación da documentación presentada e o enxeñeiro operador realiza a clasificación de predios e dereitos, sendo preciso que o xefe do Servizo de Montes e Industrias Forestais de Pontevedra fixera anotacións preventivas no predio Chan de Rapadouro e no monte veciñal en man común Montes de Vincio.
Sexto.-O apeo das liñas da segunda fase comeza o 13 de setembro de 2004 de acordo co indicado no edicto e conclúe o 10 do marzo de 2005. No DOG do 28 de xuño de 2005 e mediante anuncio, ábrese o período de vista e reclamacións do expediente, remitíndose o dito anuncio aos concellos de Nigrán, Vigo e Gondomar e aos lindantes afectados para a súa máxima difusión.
Sétimo.-Recibíronse dúas reclamacións que foron informadas polo Gabinete Xurídico Territorial de Pontevedra e remitida co dito informe, á comunidade afectada para que manifestase a súa conformidade ou disconformidade con estas, respondendo o presidente da
Comunidade de Chandebrito opoñéndose ás reclamacións formuladas.
Finalmente, o 14 de outubro de 2005 o xefe do Servizo de Montes e Industrias Forestais de Pontevedra remite o expediente, xunto co seu informe-proposta, á Dirección Xeral de Montes e Industrias Forestais que informa favorablemente no senso proposto polo xefe do servizo.
Fundamentos de dereito.
I Que de acordo co disposto nos reais decretos 167/1981, do 9 de xaneiro; 1706/1982, do 24 de xullo e 1535/1984, do 20 de xuño, sobre transferencias de funcións e servizos do Estado á Comunidade Autónoma de Galicia en materia de conservación da natureza, nos decretos 211/2005, e 232/2005, polos que se establece a estrutura orgánica dos departamentos da xunta de Galicia, o conselleiro do Medio Rural é competente para ditar esta orde.
II
O Servizo de Montes e Industrias Forestais de Pontevedra é competente para levar adiante o dito deslindamento, cumpridas todas as prescricións legais no que fai refencia á publicidade, notificación e demais requisitos exixidos nos artigos 82 ao 125 do Regulamento de montes aprobado polo Decreto 485/1962, do 22 de febreiro.
III
As resolucións do Xurado Provincial de Montes Veciñais en Man Común son as únicas que outorgan a propiedade, e estas só poden modificarse por sentenzas dos tribunais ordinarios polo que o enxeñeiro operador non pode senón dar cumprimento á do 28 de xaneiro de 1983 ao facer o apeo e na súa proposta.
Tendo en conta os preceptos legais citados e demais de xeral aplicación e o informe-proposta do xefe do Servizo de Montes e Industrias Forestais de Pontevedra.
Esta consellería, por proposta da Dirección Xeral de Montes e Industrias Forestais,
DISPÓN:
Primeiro.-Aprobar o deslindamento do monte veciñal en man común Chandebrito, pertencente á comunidade da parroquia do mesmo nome do concello de Nigrán (Pontevedra), de acordo coas actas, rexistros topográficos e planos que figuran no expediente, quedando o monte coa seguinte descrición:
Provincia: Pontevedra.
Nome: Chandebrito.
Concello: Nigrán.
Pertenza: CMVMC de Chandebrito.
Cabida total do monte: 210,4 ha.
Parcela Sanomedio:
Lindes:
N: monte veciñal en man común de Coruxo e concello de Vigo.
L e S: predios particulares da parroquia de Chandebrito.
O: monte veciñal en man común de Camos.
Cabida: 91,5 ha.
Situados:
Tomada do Ferreiro.
Superficie: 2,9 ha.
Devesa do Ferreiro.
Superficie: 1,7 ha.
Situado 3.
Superficie: 0,22 ha.
Descrición de lindeiros: iníciase no piquete nº 1 no alto de Coruxo e seguindo a liña do linde municipal entre Nigrán e Vigo, fanse coincidir os piquetes 1, 2, 3 e 4 cos 131, 130, 129, e 128 correspondentes ao deslindamento do monte de utilidade pública nº 539-1 na actualidade monte veciñal en man común de Coruxo e seguindo o borde do cortalumes. Lindante neste tramo é a Comunidade de Montes de Coruxo. Desde o piquete 4 seguindo polo 5, 6, 7, 10 e 15 seguimos polo límite dos concellos de Nigrán e Vigo. Lindantes neste tramo propietarios particulares descoñecidos. Neste piquete a alineación xira ao suroeste ao longo dos piquetes 19, 20 e 21, cambiando de novo á dirección surdés do piquete 21 ata o 27, seguindo muros de pedra e con lindantes descoñecidos.
Desde o piquete 27 ao 34 a liña discorre en dirección oeste, sendo os lindantes Daniel Viéitez, Olivia Domínguez e herdeiros de Avelino San Román. Desde o piquete 34 ao 35 a alineación é en dirección norte e o lindante é Ángel o Manuel San Román. Do piquete 35 ao 43 a liña sigue orientación oeste e os lindantes son Ángel San Román e Daniel Viéitez. O linde continúa polos piquetes 43, 44, 44 bis, e 63 ao 72 con rumbo xeral surdés e cos lindantes Daniel Viéitez, Carmen Viéitez, Rafael Costas, herdeiros de Daniel Viéitez, Rafael Costas e Julio Rodríguez.
Os piquetes 45 ao 62 delimitan o situado Tomada do Ferreiro.
Do piquete 72 ao 76 a dirección é suroeste e a lindancia con Arundina Correa, Eladio Rodríguez, Esther Correa e Manuel Costas. A liña segue polos piquetes 87 ao 93 en dirección leste e os lindantes son Casiano Domínguez, Divina Vidal, Esther Correa e Casiano Domínguez.
Os piquetes 77 ao 86 delimitan o situado Devesa do Ferreiro.
Do piquete 93 ao 103 a dirección é sur e os lindantes son Eladio Rodríguez, Juan Pérez, Julio Rodríguez, Félix Otero, Evaristo Fernández, Eladio Rodríguez, Manuel Domínguez, Milagros Santos, Rosa Brito, Teresa Fernández e Manuel Pérez. Do piquete 103 ao 104 a dirección é oeste e a lindancia é con Teresa Fernández. Entre os piquetes 104 e 129 a dirección é surdés e os lindantes son Teresa Fernández, Evaristo
Fernández, Manuel Pérez, Flora Comesaña, Rosa Pérez, José Otero, herdeiros de José Otero, Manuel Orge e Antonio Fontán e descoñecidos.
Os piquetes 123 ao 126 delimitan o situado 3.
Do piquete 129 ao 133 a alineación é leste e os lindantes son descoñecidos. Do 133 ao 135 a orientación é sur e lindancia con herdeiros de Cándido Domínguez. Do 135 ao 140 a dirección é oeste e a lindancia é con herdeiros de Cándido Domínguez. Do 140 ao 144 a orientación é sur e o mesmo lindante. Do 144 ao 146 a dirección é nordés e segue o mesmo lindante. Do 146 ao 149 xira ao sur e a lindancia é pista forestal a estrada Nigrán-Vincios. Do 149 ao 153 segue orientación suroeste e o lindante é Antonio Costas. Do 153 ao 160 ten orientación sur seguindo muro, cruzando entre os piquetes 159 e 160 a estrada Nigrán-Vincios e os lindantes son descoñecidos. Do piquete 160 ao 170 a orientación é nordés, segue o muro e os lindantes son descoñecidos. Do piquete 170 ao 174 a orientación é surdés seguindo o muro de pedra e con lindantes descoñecidos. Do piquete 174 ao 177 cambia a nordés, do 177 ao 178 a dirección é suroeste e ata o 179 a dirección é sur, neste tramo os lindantes son descoñecidos.
Do piquete 179 ao 184 a dirección é suroeste seguindo o borde da pista e os lindantes son descoñecidos. Do piquete 184 ao 186 a orientación é noroeste cruzando de novo a estrada Nigrán-Vincios, do 186 ao 193 a alineación é norte seguindo muro de pedra, do 193 ao 197 xira de dirección oeste a dirección sur, en todo este tramo os lindantes son descoñecidos.
No piquete 197 comeza a lindancia coa Comunidade de Montes de Camos, polo que deste piquete ata o 1 se segue unha dirección noroeste, e respéctase o acordo establecido entre ambas comunidades.
Parcela Presín o Regamán:
Lindes:
N: monte veciñal en man común de Coruxo, monte veciñal en man común de Valladares, concello de Vigo e predios particulares da parroquia de Chandebrito.
L: monte veciñal en man común de Vincios.
S: predios particulares da parroquia de Chandebrito.
O: predios particulares da parroquia de Chandebrito e barrio da Igrexa.
Cabida: 118,7 ha.
Encravados:
Cova de Lobo.
Superficie: 1,2 ha.
Descrición de lindeiros: iníciase a descrición desta parcela no piquete 207 situado no alto de Canaval, correpondendo co marco nº 1 do deslindamento do monte de utilidade pública nº 540-545 e co marco nº 190 do deslindamento do monte de U.P. nº 560. A partir deste marco o linde segue en dirección suroeste polos piquetes 208', 209', 210' e 211' coincidindo os tres primeiros cos marcos nº 196, 195 e 193 do deslindamento do monte de U. P. nº 540-545. Do 211' ao 212' a dirección cambia a sur, atopándose
este último no afloramento rochoso nomeado Outeiro Redondo. Do 212' ao 213' a dirección é a mesma coincidindo este último co marco nº 175 do deslindamento do monte de U.P. nº 540-545, en todo este tramo a lindancia é coa Comunidade de Montes de Vincios.
Do piquete 213' ao 220' a dirección é noroeste seguindo muro de pedra e a lindancia é con propietarios descoñecidos. Do piquete 220' pásase ao 208 e ata o 210 a dirección é noroeste seguindo muro de pedra e a lindancia con propietarios descoñecidos. Do piquete 210 ao 212 a dirección cambia a sur e de novo cambia a oeste ata o piquete 214 no que volve a cambiar a dirección sur ata o 215 no que cambia a dirección leste ata o piquete 217, todos os lindantes deste tramo son descoñecidos. Do piquete 217 ao 230 a dirección é sur e os lindantes son descoñecidos. Do piquete 230 ao 246 a dirección é suroeste e os lindantes son descoñecidos. Do 246 ao 250 a dirección é noroeste e os lindantes son Rogelio Rodríguez e Carmen Rodríguez. No piquete 250 comézase a bordear o núcleo rural de Pracíns ata o piquete 257 seguindo a dirección noroeste, e os lindantes son Isabel Otero, Clotilde Roades, Santos Fernández e Julia Otero. Do piquete 257 ao 271 a dirección dominante é norte e os lindantes son
Julia Otero, camiño, Julia Otero, Estrella Rodríguez, Secundino Pérez, Agustín Rial, Cecilia López, Carmen Pérez, Máximo Iglesias e Jesús Rial.
Os piquetes 272 a 280 delimitan o situado Cova de Lobo.
Do piquete 281 ao 284 a dirección é norte e os lindantes son Manuel Pérez e a Rectoral da parroquia de Chandebrito. No piquete 284 chégase ao núcleo rural da Igrexa que se rodea ata o piquete 316 e son lindantes neste tramo a escola de Chandebrito, a estrada da Igrexa, Elena Costas, Serafín Costas, estrada da Igrexa, Secundino Pérez, Rosa Otero, José Dávila, Luciano Iglesias, Ziola Otero, herdeiros de Claudino Pérez, Jaime Iglesias, Raúl Busto e Rafael Iglesias.
Os piquetes 317 ao 323 delimitan a parcela Buenos Aires.
Do piquete 316 ao 334 a dirección é norte e os lindantes son Olivia Pérez, Ana Alonso e Olivia Domínguez, o piquete 330 anúlase a petición da Comunidade de Chandebrito por resultar innecesario. Do piquete 334 ao 345 a dirección é leste e os lindantes descoñecidos. Do piquete 345 ao 355 a dirección é norte e os lindantes son Herminio Vidal, Rafael Costas e descoñecidos. Do piquete 355 ao 358 a dirección é leste os piquetes 357 e 358 coinciden cos marcos nº 29 e 28 do deslindamento do monte de U.P. nº 539 que coincide co monte veciñal en man común de Coruxo sendo a dita comunidade a lindante. Do piquete 358 ao 358' a dirección é norte ata o límite entre os concellos de Vigo e Nigrán seguindo o deslindamento do monte de U.P. citado e polo mesmo a lindancia é coa comunidade de Coruxo. Do piquete 358' ao 362 séguese o límite entre os ditos concellos, os piquetes 361 e 362 coinciden cos marcos nº 254 e 253 do deslindamento do monte de U.P. nº 560,
neste tramo a lindancia é coa comunidade de Valladares. Do piquete 362 séguese ata o 364 e 365' ata o 370' tirando do oeste ao sur e surdés, a lindancia é con descoñecidos, Dolores Costas e herdeiros de Gumersindo Costas. Do piquete 370' pásase ao 374 seguindo a mesma dirección e cos mesmos lindantes. Do piquete 374 ao 382 a dirección é primeiro surdés e despois suroeste e os lindantes descoñecidos.
Do piquete 382 ao 389 a dirección é surdés e os lindantes descoñecidos. Do piquete 389 ao 395 a dirección é norte e lindantes descoñecidos. Do piquete 395 ao 207 séguese o límite dos concellos de Vigo e Nigrán, os piquetes 395, 396, 397 e 207 coinciden cos marcos nº 193, 192, 191 e 190 do monte de U.P. nº 560 e a lindancia é coa Comunidade de Montes de Valladares. No piquete 207 péchase o deslindamento desta parcela.
Parcela Buenos Aires.
Lindes:
N, L, S e O: predios particulares do barrio da Igrexa.
Cabida: 0,18 ha.
Descrición de lindeiros: a parcela atópase delimitada polos piquetes 317 ao 323 e os seus lindantes son Venancio Vidal, Carmen Alonso, Olivia Domínguez e Clotilde Roades.
Segundo.-Declarar atribuída ao monte veciñal en man común Chandebrito o terreo que se atopa entre os piquetes 102, 103 e 104 e que reclama Teresa Fernández Pérez.
Terceiro.-Acordar a cancelación das anotacións preventivas practicadas no Rexistro da Propiedade número dous de Vigo que afecten aos predios seguintes:
Montes de Vincios veciñal en man común pertencente á Comunidade de Vincios.
Chan de Rapadouro reclamada por Teresa Fernández Pérez que non aparece inscrita no Rexistro da Propiedade.
Cuarto.-Declarar, expresamente, que no referente ás reclamacións de propiedade, esta resolución esgota a vía administrativa e que queda expedita a xudicial civil.
Quinto.-Recoñecer posuídos por particulares os situados descritos no punto primeiro:
Tomada do Ferreiro o Xilalde.
Devesa do Ferreiro.
Cova de Lobo.
Encravado 3.
Sexto.-Esta orde entrará en vigor o día seguinte ao da súa publicación, no Diario Oficial de Galicia.
Contra esta orde, que é definitiva na vía administrativa, poderá interpoñerse, á elección do recorrente, recurso de reposición perante o conselleiro do Medio Rural no prazo dun mes contado desde o día seguinte ao da recepción da notificación, ou directamente recurso contencioso-administrativo ante o Xulgado do Contencioso-Administrativo da circunscrición na que
teña o seu domicilio o demandante ou o de Pontevedra, no prazo de dous meses, de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común modificada pola Lei 4/1999, e nos artigos 8 e 14 da Lei 29/1998, do 13 de xullo, da xurisdición contencioso-administrativa, ou exercer calquera outro que se estime pertinente.
Santiago de Compostela, 15 de novembro de 2005.
Alfredo Suárez Canal
Conselleiro do Medio Rural
