Por Orde do 13 de maio de 2005 (DOG do 25 de maio) convocouse concurso público de bolsas de residencia para a realización de estudos universitarios de 1º, 1º e 2º ou 3º ciclo, no curso 2005-2006, en centros do sistema universitario de Galicia, destinadas aos galegos e aos seus descendentes que teñan a súa residencia familiar en territorio nacional fóra da Comunidade Autónoma de Galicia.

De acordo co establecido no artigo 7º das bases da convocatoria, desde o día 20 ao día 31 de outubro de 2005 (ambos os dous incluídos), estiveron expostas as listas provisionais de solicitudes admitidas e excluídas, podendo durante ese mesmo prazo os interesados formular as reclamacións para emendar erros e falta de documentos perante a Dirección Xeral de Ordenación e Calidade do Sistema Universitario de Galicia.

Rematado este prazo, as solicitudes admitidas foron estudadas pola comisión avaliadora nomeada na propia orde de convocatoria.

En consecuencia, de acordo co establecido nas bases da convocatoria e atendendo á proposta elevada pola citada comisión avaliadora a través da Dirección Xeral de Ordenación e Calidade do Sistema Universitario de Galicia, esta consellería

RESOLVE:

Artigo 1º

Concederlles bolsas de residencia para a realización de estudos universitarios de primeiro, primeiro e segundo ciclo ou terceiro ciclo, no curso 2005-2006 en centros do sistema universitario de Galicia, destinadas aos galegos e aos seus descendentes que teñan a súa residencia

familiar en territorio nacional fóra da Comunidade Autónoma de Galicia, aos alumnos que se relacionan no anexo desta orde e pola contía que se especifica.

As axudas aboaranse na conta bancaria indicada polo interesado, unha vez presentada unha declaración xurada do conxunto das axudas solicitadas, tanto as aprobadas como as pendentes de resolución, das distintas administracións públicas competentes ou calquera dos seus organismos, entes ou sociedades, no prazo de dez días contados a partir do seguinte ao da publicación desta orde no Diario Oficial de Galicia.

Artigo 2º

Denegarlles bolsas de residencia para a realización de estudos universitarios de primeiro, primeiro e segundo ciclo ou terceiro ciclo, no curso 2005-2006 en centros do sistema universitario de Galicia, destinadas aos galegos e aos seus descendentes que teñan a súa residencia familiar en territorio nacional fóra da Comunidade Autónoma de Galicia, aos alumnos que se relacionan no mesmo anexo polas causas que nel se especifican.

Artigo 3º

O incumprimento total ou parcial por parte dos beneficiarios de calquera das condicións establecidas na orde de convocatoria do 13 de maio de 2005 constituirá causa determinante de revogación da axuda e do seu reintegro polo beneficiario ou solicitante, segundo o disposto no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia.

Artigo 4º

Contra esta orde, que esgota a vía administrativa, os interesados poderán interpoñer recurso potestativo de reposición perante a conselleira de Educación e Ordenación Universitaria no prazo dun mes a partir do día seguinte ao da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 22 de novembro de 2005.

Laura Sánchez Piñón

Conselleira de Educación e Ordenación

Universitaria

ANEXO

Concedidas

Denegadas