Por Resolución do 12 de marzo de 2001, da Dirección Xeral de Universidades (Diario Oficial de Galicia nº 68, do 5 de abril), publicouse o convenio de colaboración asinado o día 30 de xaneiro de 2001 entre a Xunta de Galicia, a través da Consellería de Educación e Ordenación Universitaria e a Secretaría Xeral de Investigación e Desenvolvemento e as universidades de Santiago de Compostela, A Coruña e Vigo para a creación do Consorcio Axencia para a Calidade do Sistema Universitario de Galicia, xunto cos seus estatutos, que figuran como anexo ao citado convenio.
O artigo 22 dos estatutos do Consorcio Axencia para a Calidade do Sistema Universitario de Galicia prevé que o director da Axencia para a Calidade do Sistema Universitario de Galicia é nomeado polo conselleiro de Educación e Ordenación Universitaria, oído o Consello de Dirección.
En consecuencia, oído o Consello de Dirección do Consorcio Axencia para a Calidade do Sistema Universitario de Galicia, na súa reunión do nove de novembro de dous mil cinco,
DISPOÑO:
Artigo único.
Nomear director da Axencia para a Calidade do Sistema Universitario de Galicia a Julio Ernesto Abalde Alonso en substitución de Eugenio Muñoz Camacho.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 21 de novembro de 2005.
Laura Sánchez Piñón
Conselleira de Educación e Ordenación Universitaria