Vista a acta de interpretación de artigos da comisión paritaria do convenio colectivo do sector de hospitalización e internamento, con nº de código 3600755 que tivo entrada no rexistro único do edificio administrativo da Xunta de Galicia en Vigo o día 23-9-2005, subscrita pola comisión paritaria do convenio en data 27-6-2005. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordenar a súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordenar o seu depósito no Servizo de Relacións Laborais, Sección de Mediación, Arbitraxe e Conciliación.

Terceiro.-Dispoñer a súa publicación no Diario Oficial de Galicia.

Vigo, 17 de outubro de 2005.

Pedro Borrajo Rivas

Delegado provincial de Pontevedra

Comisión paritaria do convenio colectivo do sector de hospitalización e internamento da provincia de Pontevedra

-Asistentes:

CIG:

María del Carmen Comesaña Rial

María Rosa Couto

Elvira Iglesias Fernández

Olga Martínez López

UGT:

Paula Sotelino Alonso

José Agustín Somoza López

Rosa Ferreiroa Rilo

Juan Gil Abalde

CC.OO:

Ana Sierra López

Representación empresarial:

Mercedes Alonso Nogueira. Cruz Roja.

José R. Santamaría Barreiro. Clínica Fátima.

Luis Carlos Rodríguez Rodeiro. Asesor.

Secretaria de actas:

Patricia Vázquez Prada

En Vigo, nos locais da Confederación Provincial de Empresarios de Pontevedra, ás dezasete trinta horas do día vinte e sete de xuño de dous mil cinco, reúnese a comisión paritaria do convenio colectivo do sector de hospitalización e internamento da provincia de Pontevedra, para os efectos de proceder á interpretación de artigos do dito convenio.

Asisten as persoas indicadas anteriormente.

Revísase a acta número dez do 21 de outubro de 2003 na que se recolle como debe facerse a revisión salarial do ano 2004.

Achégase a acta nº 10 por parte da representación social para solucionar o problema de interpretación que se presentaba por parte dalgúns empresarios sobre a subida salarial a partir de outubro de 2004.

Acórdase que a interpretación correcta segundo o que se negociou en convenio é que se consolida a subida salarial que se dá a partir do mes en que o IPC sobe do 3% establecido no convenio e non se rebaixa este salario aínda que algún mes baixe o IPC por debaixo do consolidado.

Sen máis asuntos que tratar, levántase a sesión ás dezanove horas do día arriba indicado.

CONSELLERÍA DE PRESIDENCIA, ADMINISTRACIÓNS PÚBLICAS

E XUSTIZA