Por Orde do 29 de abril de 2005 (DOG do 10 de maio) convocáronse diversas accións do Programa de recursos humanos do Plan Galego de Investigación, Desenvolvemento e Innovación Tecnolóxica. No anexo I das bases da convocatoria recollidas na Orde do 29 de abril de 2005 (DOG do 10 de maio) prevese a concesión de prórrogas de bolsas para realizar estudos de doutoramento.

As solicitudes admitidas para participar na dita convocatoria foron estudadas pola correspondente comisión constituída por dous representantes da Dirección Xeral de Investigación, Desenvolvemento e Innovación da Consellería de Innovación e Industria, un representante da Dirección Xeral de Ordenación e Calidade do Sistema Universitario de Galicia da Consellería de Educación e Ordenación Universitaria e un representante de cada unha das tres universidades do sistema universitario de Galicia, segundo o disposto no número 7.1 das bases da dita convocatoria e de acordo cos criterios establecidos no número 7.2.

En consecuencia, e atendendo á proposta elaborada pola citada comisión, esta consellería

RESOLVE:

Primeiro.-Conceder a prórroga para a realización de estudos de terceiro ciclo ás persoas que se relacionan no anexo a esta resolución por un novo período de doce meses, comprendidos entre o día 1 de outubro de 2005 e o 30 de setembro de 2006. Estas bolsas están cofinanciadas polo Fondo Social Europeo.

Segundo.-O pagamento das bolsas farase segundo o establecido no punto 11 das bases da convocatoria.

Terceiro.-A Dirección Xeral de Investigación, Desenvolvemento e Innovación adoptará as medidas necesarias para a formalización dos documentos de aceptación das bolsas a que se fai referencia na base 11 da mencionada convocatoria e para a instrución dos correspondentes expedientes de gasto.

Cuarto.-O incumprimento por parte dos beneficiarios de cualquera das bases establecidas na orde da convocatoria do 29 de abril de 2005 suporá a perda do dereito a percibir a subvención correspondente.

Quinto.-Esta resolución pon fin á vía administrativa e contra ela poderán os interesados interpor potestativamente recurso de reposición ante o conselleiro de Innovación e Industria no prazo dun mes, contado a partir do día seguinte ao da publicación desta resolución no Diario Oficial de Galicia. De non estimar a interposición deste recurso, poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución no Diario Oficial de Galicia.

Santiago de Compostela, 2 de novembro de 2005.

P.D. (Orden 27-9-2005, DOG do 30 de setembro)

Salustiano Mato de la Iglesia

Director xeral de Investigación, Desenvolvemento

e Innovación

ANEXO