Pola Orde do 21 de abril de 2005 (DOG nº 84, do 3 de maio) a Consellería de Xustiza, Interior
e Administración Local anunciou as normas para a cesión en propiedade de equipos portátiles e material auxiliar de excarceración, para misións de protección civil, aos concellos e mancomunidades de concellos galegos.
Vista a proposta de resolución feita pola comisión avaliadora, en aplicación do artigo 7 da Orde do 21 de abril de 2005,
RESOLVO:
Primeiro.-Conceder, con cargo á aplicación 13.03.231A.623.0 dos orzamentos xerais da Comunidade Autónoma de Galicia para o ano 2005, a cesión en propiedade de equipos portátiles e material auxiliar de excarceración para misións de protección civil, aos concellos que a seguir se relacionan.
Relación que se cita
CONCELLO MATERIAL
CEDEIRA EQUIPO PORTÁTIL DE EXCARCERACIÓN
A FONSAGRADA EQUIPO PORTÁTIL DE EXCARCERACIÓN
MACEDA EQUIPO PORTÁTIL DE EXCARCERACIÓN
O CARBALLIÑO BOMBA HIDRÁULICA
BRIÓN CIZALLA HIDRÁULICA
MELIDE CIZALLA HIDRÁULICA
MUXÍA CIZALLA HIDRÁULICA
SARRIA CIZALLA HIDRÁULICA
A GUDIÑA CIZALLA HIDRÁULICA
XOVE EQUIPO MULTIUSOS
SANTA COMBA COXÍNS ELEVADORES
CANGAS COXÍNS ELEVADORES
Segundo.-Notificarlles o contido desta resolución aos concellos beneficiarios, especificando as condicións particulares que deberán cumprir.
Terceiro.-Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do seguinte ao da publicación desta orde.
En todo caso, non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.
Santiago de Compostela, 23 de setembro de 2005.
José Luis Méndez Romeu
Conselleiro de Presidencia, Administracións
Públicas e Xustiza
CONSELLERÍA DE POLÍTICA TERRITORIAL, OBRAS PÚBLICAS
E VIVENDA
