Examinado o expediente presentado polo centro privado de educación infantil Los Sauces da Coruña, no cal solicita o cambio de titularidade do devandito centro.
Resultando que, mediante escritura pública notarial, José Luis Blanco Maciñeira lle cede a súa titularidade, para todos os efectos, a María Carmen Dorrego Pena, aceptando esta a dita cesión.
Resultando que o referido centro docente ten a correspondente autorización para impartir ensinanzas.
Vistos o Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que se cumpriron neste expediente os requisitos exixidos pola normativa vixente nesta materia.
Esta consellería, por proposta da Dirección Xeral de Ordenación e Innovación Educativa,
DISPÓN:
Autorizar o cambio de titularidade do centro privado de educación infantil Los Sauces da Coruña, código 15020477, a favor de María Carmen Dorrego Pena, con todos os dereitos e obrigas contraídas polo
cesionista José Luis Blanco Maciñeira, sen prexuízo das responsabilidades que puidesen recaer sobre o anterior titular do centro por actos ou omisións realizados antes do cambio de titularidade que se autoriza.
O cambio de titularidade non afectará o réxime de funcionamento do centro.
Contra esta orde, que esgota a vía administrativa, os interesados poderán interpoñer recurso potestativo de reposición perante a conselleira de Educación e Ordenación Universitaria, no prazo dun mes, a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 27 de setembro de 2005.
Laura Sánchez Piñón
Conselleira de Educación e Ordenación
Universitaria
