Por Orde do 29 de abril de 2005 (DOG do 10 de maio) convocáronse, entre outras accións do Pro

grama de Recursos Humanos do Plan Galego de Investigación, Desenvolvemento e Innovación Tecnolóxica bolsas predoutorais (nova adxudicación e segunda prórroga).

Conforme o disposto nas bases da convocatoria recollidas na Orde do 29 de abril de 2005 (DOG do 10 de maio) desde o 27 de xuño ao 7 de xullo expuxéronse as listas das solicitudes de bolsas predoutorais de nova adxudicación admitidas e excluídas, podendo durante ese período os interesados formular reclamacións para emendar erros e falta de documentos.

Rematado ese prazo e estudadas as reclamacións presentadas, as solicitudes admitidas foron avaliadas, xunto coas solicitudes de segunda prórroga de bolsas predoutorais, pola Comisión de Selección de Investigación, creada por Decreto 37/1998, do 30 de xaneiro (Diario Oficial de Galicia do 6 de febreiro), e orde da Consellería de Innovación, Industria e Comercio do 11 de marzo de 2003 (DOG do 19 de marzo).

En consecuencia, atendendo á proposta elaborada pola citada comisión, esta consellería

RESOLVE:

Primeiro.-Concederlle a segunda prórroga da bolsa para a realización da tese de doutoramento durante o período outubro 2005-marzo 2006 (ambos inclusive), ás persoas que se relacionan no anexo I da presente resolución.

Segundo.-Concederlles novas bolsas para a realización da tese doutoral, durante o período outubro 2005-setembro 2006 (ambos inclusive), ás persoas que se relacionan no anexo II desta resolución.

Terceiro.-No caso de producirse algunha renuncia ás bolsas ás que se refire o anexo II desta resolución, a Dirección Xeral de Investigación, Desenvolvemento e Innovación procederá, se é o caso, e tendo en conta o remanente de crédito, a adxudicarlle a dita axuda a outros candidatos de acordo coa lista de suplentes elaborada pola Comisión de Selección de Investigación e que se inclúe no anexo III desta resolución. A asignación farase pola mesma orde na que se relacionan.

A contía das bolsas será de 1.100 euros mensuais brutos máis custos da Seguridade Social, e as mesmas están cofinanciadas con recursos procedentes do programa operativo do Fondo Social Europeo nun 75%.

Cuarto.-A inobservancia por parte dos beneficiarios de calquera das obrigas establecidas nas bases da convocatoria suporá a perda do dereito a percibir a subvención correspondente.

Quinto.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes, contado a partir do día seguinte ao da publicación desta resolución no Diario Oficial de Galicia. De non esti

mar a interposición deste recurso, poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 22 de setembro de 2005.

Fernando Xabier Blanco Álvarez

Conselleiro de Innovación e Industria

ANEXO I

ANEXO II

ANEXO III