Dentro das actividades programadas para o ano 2005, e conforme as funcións atribuídas pola Lei 1/2005, do 4 de xaneiro, do Centro de Estudos Xudiciais e Seguridade Pública de Galicia, anúnciase a celebración dun curso de protección do medio, que deberá desenvolverse conforme as seguintes bases:
Obxectivos.
-Coñecer a normativa máis importante que afecta a operativa ambiental.
-Dominar a operativa básica de actuación profesional na área de ambiente.
Destinatarios.
O curso vai dirixido aos membros das forzas e corpos de seguridade.
Inscrición.
A inscrición dos participantes será totalmente gratuíta.
Prazas.
80 prazas.
Solicitudes.
1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 18 de outubro de 2005 ás 14.00 horas.
3. As instancias deberán enviarse ao Centro de Estudos Xudiciais e Seguridade Pública de Galicia, sito na avenida da Cultura, s/n, 36680 A Estrada; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso realizarase do 26 ao 28 de outubro en horario das 9.30 ás 14.00 e das 15.30 ás 19.00 horas; exepto o día 28 que será das 9.30 ás 13.30 horas cunha duración de 20 horas lectivas.
Contido.
I. Normativa estatal e autonómica.
II. Residuos e verteduras.
III. Toma de mostras.
IV. Procedemento sancionador.
V. Operativa e casuística policial.
Relación de admitidos.
A relación de admitidos farase pública o día 20 de outubro a partir das 14.00 horas, no taboleiro de anuncios do Centro de Estudos Xudiciais e Seguridade Pública de Galicia ou ben poden coñecer e confirmar a súa asistencia chamando ao teléfono 986 59 02 41.
Lugar.
O curso desenvolverase no Centro de Estudos Xudiciais e Seguridade Pública de Galicia, sito na avenida da Cultura, s/n, no concello da Estrada.
Certificado de asistencia.
Ao remate do curso entregaráselles un certificado de asistencia a aquelas persoas que acrediten a súa participación continuada a el.
Modificacións.
O Centro de Estudos Xudiciais e Seguridade Pública de Galicia poderá modificar o desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 22 de setembro de 2005.
Carlos Suárez-Mira Rodríguez
Director do Centro de Estudos Xudiciais
e Seguridade Pública de Galicia