A orde da Consellería de Innovación, Industria e Comercio, do 12 de maio de 2005 (DOG nº 98, do 24 de maio), aproba as bases que rexerán a convocatoria de bolsas de iniciación á investigación agraria no Centro de Investigacións Agrarias de Mabegondo, dependente do Centro de Formación, Investigación e Tecnoloxía Agraria da Consellería de Política Agroalimentaria e Desenvolvemento Rural, na Estación de Viticultura e Enoloxía de Galicia, en Leiro, na Subestación de Viticultura e Enoloxía en Ribadumia e no Centro de Experimentación de Agricultura Intensiva de Salceda de Caselas, no marco do Plan Galego de Investigación, Desenvolvemento e Innovación Tecnolóxica de Galicia.

No artigo 7 da mencionada orde de convocatoria determinábanse os criterios de selección que deberían ter en conta os membros da comisión correspondente.

Na súa virtude, e atendendo a proposta elaborada pola citada comisión, esta consellería

RESOLVE:

Primeiro.-Concederlles as bolsas para a realización de prácticas no Centro de Investigacións Agrarias de Mabegondo, na Estación de Viticultura e Enoloxía de Galicia en Leiro, na Subestación de Viticultura e Enoloxía en Ribadumia e no Centro de Experimentación de Agricultura Intensiva de Salceda de Caselas, para estudantes de último curso

ou recentemente titulados en especialidades agrícolas, ás persoas que se relacionan no anexo I desta orde. As bolsas financiaranse con cargo á aplicación orzamentaria 56.02.432A.480.0 dos orzamentos xerais da Comunidade Autónoma de Galicia para o ano 2005 cofinanciada polo Fondo Social Europeo (FSE).

Segundo.-Para os efectos de cubrir as renuncias que poidan producirse, establécese a lista de suplentes, que figura como anexo II desta orde, relacionados por centros e por orde decrecente de prioridade.

Terceiro.-A inobservancia por parte dos beneficiarios de calquera das bases establecidas na orde de convocatoria do 12 de maio de 2005 (DOG nº 98, do 24 de maio) suporá a perda do dereito a percibir a axuda correspondente.

Cuarto.-Contra esta resolución poderán os interesados interpoñer recurso potestativo de reposición perante o conselleiro de Innovación e Industria, no prazo dun mes que comezará a contar a partir do día seguinte ao da publicación desta resolución no Diario Oficial de Galicia. De non estimar a interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 23 de setembro de 2005.

Fernando X. Blanco Álvarez

Conselleiro de Innovación e Industria

ANEXO I

Para o Centro de Investigacións Agrarias de Mabegondo:

Para a Estación de Viticultura e Enoloxía en Leiro:

Para a Subestación de Viticultura e Enoloxía en Ribadumia:

Para o Centro de Experimentación de Agricultura Intensiva de Salceda de Caselas:

ANEXO II

Para o Centro de Investigacións Agrarias de Mabegondo:

Para a Estación de Viticultura e Enoloxía en Leiro:

Para a Subestación de Viticultura e Enoloxía en Ribadumia:

Para o Centro de Experimentación de Agricultura Intensiva de Salceda de Caselas: