Na tramitación das axudas ás entidades colaboradoras de pesca para o fomento da riqueza piscícola, recollidas na orde da Consellería de Medio Ambiente do 22 de decembro do pasado ano (DOG nº 254, do 31 de decembro) producíronse retrasos, non imputables directamente aos beneficiarios destas, que poden dificultar a xustificación dos investimentos, á que se refire o artigo 19º da disposición citada, polo que se fai necesario proceder a unha ampliación do prazo establecido nel, para facilitar o cumprimento da dita obriga polos beneficiarios destas axudas.

En virtude do anterior e en uso das atribucións que me confire o artigo 34 da Lei 1/1983, do 22 de febreiro, reguladora da Xunta e do seu presidente,

DISPOÑO:

Artigo único.-Dáselle nova redacción ao artigo 19º da orde da Consellería de Medio Ambiente do 22 de decembro do pasado ano (DOG nº 254, do 31 de decembro), que quedará redactado como segue:

«Artigo 19º.-Prazo de xustificación dos investimentos.

Con carácter xeral e salvo que a resolución de concesión da axuda dispoña o contrario, a xustificación do remate dos investimentos e do pagamento de conceptos correspondentes a eles, deberá realizarse antes do 1 de novembro de 2005».

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 26 de setembro de 2005.

Manuel Vázquez Fernández

Conselleiro de Medio Ambiente

e Desenvolvemento Sostible