A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6º que os ministerios de Agricultura, Pesca e Alimentación e de Sanidade e Consumo comunicaránlles aos organismos responsables na comunidade autónoma a homologación dos ditos cursos e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que vaia ter lugar.
En consecuencia, anúnciase a realización dun curso de aplicadores/manipuladores de praguicidas de uso ambiental e uso na industria alimentaria, nivel cualificado, homologado polas direccións xerais de Saúde Pública do Ministerio de Sanidade e Consumo e de
Agricultura do Ministerio de Agricultura, Pesca e Alimentación, solicitados pola Asociación Nacional de Empresas de Control de Plagas (Anecpla), de acordo coas seguintes bases:
1. Denominación do curso:
Curso para a capacitación de aplicadores/manipuladores de praguicidas de uso ambiental e uso na industria alimentaria, nivel cualificado.
2. Entidade organizadora:
Anecpla (Asociación Nacional de Empresas de Control de Plagas).
3. Data:
Do 7 ao 18 de novembro de 2005.
4. Lugar de realización:
Feuga. Rúa Lope Gómez de Marzoa s/n. Campus Universitario Sur, 15705 Santiago de Compostela.
5. Número de prazas:
Máximo 25 alumnos.
6. Dirixido a:
Responsables técnicos de empresas de servizos de control de plagas.
7. Criterios de selección:
Por rigorosa orde de recepción de solicitude de inscrición.
8. Presentación de solicitudes:
Enviaranse a Anecpla (Polígono Industrial Vallecas. Estr. Villaverde-Vallecas nº 265. Edificio Hormigueras, 3º esqda., 28031 Madrid. Teléfono: 913 80 76 70. Fax: 917 77 99 45 anecpla*anecpla.com) por fax, carta ou e-mail, acompañado da seguinte documentación:
-Solicitude segundo modelo anexo.
-Xustificante de ter ingresado a cota de 300 A/alumno (asociados Anecpla) e 460 A/alumno (non asociados) na conta Anecpla nº 0049/5115/31/2716094078, do Banco Santander Central Hispano.
9. Data límite para a presentación de solicitudes:
Ata o 25 de outubro de 2005.
10. Programa:
7-11-2005 09.00-11.00 h. Introdución
11.00-15.00 h. Descrición de pragas (I)
8-11-2005 09.00-11.00 h. Descrición de pragas (II)
11.00-15.00 h. Descrición de pragas (III)
9-11-2005 09.00-11.00 h. Produtos biocidas (insecticidas, rodenticidas, desinfectantes, outros) (I)
11.00-15.00 h. Produtos biocidas (insecticidas, rodenticidas, desinfectantes, outros) (II)
10-11-2005 09.00-11.00 h. Produtos biocidas (insecticidas, rodenticidas, desinfectantes, outros) (III)
11.00-15.00 h. Produtos biocidas (insecticidas, rodenticidas, desinfectantes, outros ) (IV)
11-11-2005 09.00-11.00 h. Equipos na loita contra pragas
11.00-15.00 h. Estratexias de intervención (I)
14-11-2005 09.00-11.00 h. Estratexias de intervención (II)
11.00-15.00 h. Estratexias de intervención (III)
15-11-2005 09.00-11.00 h. Estratexias de intervención (IV)
11.00-15.00 h. Procedementos de loita contra pragas (I)
16-11-2005 09.00-11.00 h. Procedementos de loita contra pragas (II)
11.00-15.00 h. Procedementos de loita contra pragas (III)
17-11-2005 09.00-11.00 h. Exercicio práctico sobre o terreo
11.00-15.00 h. Loita contra pragas e medio natural (I)
18-11-2005 09.00-11.00 h. Loita contra pragas e medio natural (II)
11.00-12.00 h. Prevención de accidentes no sector (I)
12.00-13.00 h. Prevención de accidentes no sector (II)
13.00-15.00 h. Avaliación
11. Certificado de superación do curso:
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente co que poderá solicitarlle á Dirección Xeral de Saúde Pública da Consellería de Sanidade o carné de aplicador/manipulador de praguicidas de uso ambiental e na industria alimentaria, nivel cualificado.
Santiago de Compostela, 22 de agosto de 2005.
Jorge Suanzes Hernández
Director xeral de Saúde Pública
