Visto o expediente da revisión salarial do convenio colectivo da cafetería do Complexo Hospitalario Juan Canalejo (Concesionaria Serunión, S.A.), que tivo entrada nesta delegación provincial o día 6-5-2005 e subscrito pola comisión paritaria do convenio o día 25-2-2005, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordenar a súa inscrición no libro rexistro de convenios colectivos de traballo, obrante nesta delegación provincial, e notificación ás representacións económica e social da comisión negociadora.
Segundo.-Ordenar o depósito do citado acordo no Servizo de Relacións Laborais, Sección de Mediación, Arbitraxe e Conciliación.
Terceiro.-Dispoñer a súa publicación no e no Diario Oficial de Galicia.
A Coruña, 13 de maio de 2005.
Cristina Azpilcueta González
Delegada provincial da Coruña
Convenio colectivo do persoal da cafetaría de persoal do Complexo Hospitalario Juan Canalejo
Asistentes:
Pola parte empresarial (Serunión, S.A., empresa concesionaria):
Juan Vicente Selva
Agata Piferrer Codinach
Pola parte social:
José Manuel Álvarez Rodríguez (delegado de persoal)
Argimiro González Pérez (CC.OO.)
Na Coruña o 25 de febreiro de 2005 sendo as 12.00 horas, nos locais do centro de traballo reúnense dunha parte, a representación empresarial de Serunión, S.A., concesionaria da cafetaría de personal do Complexo Hospitalario Juan Canalejo e doutra, a representación social indicada no encabeza
mento deste escrito. Os reunidos chegan aos seguintes acordos:
Primeiro.-Tal como establece o artigo 5 do convenio colectivo do persoal da cafetaría do Complexo Hospitalario Juan Canalejo que, ao cumprir a data do seu vencemento, o convenio prorrogarase tacitamente de ano en ano, de non mediar denuncia por calquera das partes contratantes cun mes, como mínimo, de antelación á data da súa expiración. De prorrogarse pola tácita todos os conceptos económicos incrementaranse no IPC (índice de prezos ao consumo) establecido polo Inem.
Segundo.-Que o IPC constatado e publicado polo Inem referente ao período 1-1-2004 ao 31-12-2004 é o de 3,2%.
Con efectos do 1 de xaneiro de 2005 incrementaranse os conceptos económicos do convenio vixente nun 3,2% quedando estes cuantificados tal e como se detalla a continuación:
Categoría Salario base
Total mes
C. cantidad e traballo Compl. tansporte
Xerente 1.028,90 A 78,96 A 47,51 A 1.155,37 A
Of. adm. 786,33 A 78,96 A 47,51 A 912,80 A
Encargado 786,33 A 78,96 A 47,51 A 912,80 A
Cociñeiro/a 786,33 A 78,96 A 47,51 A 912,80 A
Camareiro/a 786,33 A 78,96 A 47,51 A 912,80 A
Aux. caixa 786,33 A 78,96 A 47,51 A 912,80 A
Axudante 758,03 A 78,96 A 47,51 A 884,50 A
Fregador 758,03 A 78,96 A 47,51 A 884,50 A
A contía da compensación establecida no artigo 24 do convenio colectivo para a conservación e limpeza da roupa de traballo pasará a ser para o ano 2005 de 7,48 euros.
Acórdase que os festivos traballados e non compensados con outro festivo ou domingo, compensaranse cun día de descanso engadido aos dous días de descanso semanal, máis unha percepción en diñeiro de 12,70 euros para o ano 2005.
Terceiro.-Acórdase que ao pactar o calendario laboral para o ano 2005 se pactará, así mesmo, a distribución e desfrute dos 6 días de redución de xornada.
O desfrute realizarase nos seguintes períodos:
Dous días o primeiro trimestre, dous días no segundo trimestre e dous días no cuarto trimestre.
Se por motivos persoais se debe modificar a planificación do desfrute de calquera día de reducción de xornada, deberase realizar da seguinte forma:
O traballador comunicarallo por escrito ao responsable da empresa con cinco días de antelación antes do seu desfrute.
A empresa e o traballador solicitante do cambio negociarán outro día de desfrute no mesmo trimestre.
No caso de existir coincidencia, entre varios traballadores, na solicitude do día de desfrute, a empresa concederao por orde de antigüidade de recepción
da solicitude, estas serán recepcionadas conxuntamente pola encargada do centro e o representante legal dos traballadores rexistrando a data e hora de recepción.
Xúntanse calendario laboral negociado para o ano 2005 para o seu rexistro.