O Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, desenvolve as previsións contidas na súa norma de creación, a Lei 5/1998, do 18 de decembro, de cooperativas de Galicia, e regula no seu artigo cuarto a composición, no artigo quinto o procedemento de nomeamento e cesamento dos membros deste órgano e no artigo sexto as substitucións.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1998, do 20 de outubro, o artigo 5 e a disposición derradeira primeira do Decreto 25/2001, do 18 de xaneiro, en relación cos decretos 23/2003, do 20 de xaneiro, polo que se fixa a estrutura orgánica dos departamentos da Xunta de Galicia, e 210/2004, do 9 de setembro, e 301/2004, do 22 de decembro, que establecen o nomeamento como conselleira de Asuntos Sociais, Emprego e Relacións Laborais e a estrutura orgánica da consellería, respectivamente,

DISPOÑO:

Artigo único.

1. O nomeamento do director xeral de Universidades, José Eduardo López Pereira, e do subdirector xeral de Universidades, Ramón Brigos Fernández, como membros titular e suplente, respectivamente, do Consello Galego de Cooperativas, en represen

tación das universidades galegas, por proposta do Consello Galego de Universidades.

2. O nomeamento do xefe do Servizo de Cooperativas e Economía Social, Manuel Ángel Pérez Losada, como suplente da secretaría do Consello Galego de Cooperativas, por proposta da Dirección Xeral de Relacións Laborais.

Santiago de Compostela, 30 de maio de 2005.

Belén Prado Sanjurjo

Conselleira de Asuntos Sociais, Emprego

e Relacións Laborais