Mediante Resolución do 27 de xaneiro de 2004 publicouse o convenio, subscrito entre o Instituto Galego de Promoción Económica (Igape) e diversas entidades financeiras, de apoio financeiro ás pequenas e medianas empresas (DOG número 20, do 30 de xaneiro). Así mesmo, mediante Resolución do 27 de decembro de 2004, estableceuse o volume máximo de operacións subsidiables e o límite de crédito dispoñible para a concesión de axudas durante o ano 2005 (DOG número 252, do 29 de decembro).

Considerando o volume de solicitudes presentadas ata o momento así como a solicitude de ampliación

de fondos manifestada polas entidades financeiras para atender a demanda de financiamento das pemes, considérase conveniente ampliar o volume global máximo de préstamos que se van subsidiar e consecuentemente dotar a dita ampliación do crédito necesário.

Tendo isto en conta, o Consello de Dirección do Igape, na súa xuntanza do 26 de maio de 2005, acordou as modificacións que de seguido se publican para o seu coñecemento e entrada en vigor.

Polo que antecede, en virtude das facultades que teño conferidas, mediante o artigo 12.a) da Lei 5/1992, do 10 de xuño, de creación do Intituto Galego de Promoción Económica e do artigo 11.1º a) do Decreto 317/1992, do 12 de novembro, polo que se aproba a seu regulamento

RESOLVO:

Facer pública a seguinte modificación do Convenio de apoio financeiro 2004-2006 ás pequenas e media

nas empresas subscrito entre o Instituto Galego de Promoción Económica e as entidades financeiras:

Primeiro.-Amplíase o volume global máximo de préstamos que se van subsidiar en 40 millóns de euros, quedando establecido en 120 millóns de euros.

Segundo.-Amplíase o crédito plurianual necesario para a concesión das axudas solicitadas durante o ano 2005, nos seguintes importes:

Ano 2005: amplíase o crédito en 930.875,06 euros que se financiarán con cargo ás aplicacións orzamentarias 02.01.01/06/05.656700 (900.000 euros) e 02.01.01/02/01.656700 (30.875,06 euros).

Ano 2006: amplíase o crédito en 700.000 euros que se financiarán con cargo á aplicación orzamentaria 02.01.01/06/05.656700.

Ano 2007: amplíase o crédito en 1.700.000 euros que se financiarán con cargo á aplicación orzamentaria 02.01.01/06/05.656700.

Tendo en conta a dita ampliación, o crédito orzamentario do Igape para o ano 2005, destinado ás axudas reguladas no Convenio de apoio financeiro ás pequenas e medianas empresas subscrito entre o Instituto Galego de Promoción Económica e as entidades financeiras, queda establecido do seguinte xeito:

Con cargo á aplicación orzamentaria 02.01.01/06/05.656700 nun crédito plurianual de 2.100.000 euros para o ano 2005, de 4.750.000 euros para o ano 2006 e de 3.950.000 euros para o ano 2007 e con cargo á aplicación orzamentaria 02.01.01/02/01.656700 nun crédito plurianual de 92.625,16 euros para o ano 2005, de 226.417,10 euros para o ano 2006 e de 123.500,24 euros para o ano 2007. A concesión das axudas condicionarase á existencia de crédito orzamentario suficiente.

Santiago de Compostela, 31 de maio de 2005.

Margarita Rodríguez Rama

Directora xeral do Instituto Galego de Promoción Económica