Segundo o disposto no artigo 31 do Estatuto de autonomía de Galicia, é competencia da Comunidade Autónoma galega a regulamentación e administración do ensino en toda a súa extensión, niveis e graos, modalidades e especialidades e o artigo 1 do Decreto 213/1998, do 10 de xullo, DOG do 23 de xullo, establece que a Consellería de Educación e Ordenación Universitaria é o órgano da Administración da Comunidade Autónoma de Galicia ao cal lle corresponden as ditas competencias.

Polo Decreto 343/1990, do 14 de xuño, DOG do 28 de xuño, créase o conservatorio de música non estatal de grao medio dependente do Concello das Pontes de García Rodríguez na provincia da Coruña, e por Orde do 2 de xullo de 1990, DOG 26 de xullo, autorizouse a posta en funcionamento deste centro.

Tendo en conta que o dito conservatorio vén impartindo, ademais do grao elemental, as ensinanzas de música de grao medio, con carácter provisional, en virtude do disposto na disposición transitoria sétima do Real decreto 389/1992, do 15 de abril, BOE do 28 de abril.

Vistos os correspondentes informes en que se acredita o cumprimento efectivo dos requisitos mínimos que establece o Real decreto 389/1992, do 15 de abril, para os centros que imparten as ensinanzas artísticas previstas no capítulo primeiro do título II da Lei orgánica 1/1990, do 3 de outubro, de ordenación xeral do sistema educativo, e de que a estru

tura e planificación académica do centro que se axusta ao disposto no Decreto 253/1993, do 29 de xullo, polo que se establece o currículo do grao elemental e do grao medio das ensinanzas de música e o acceso aos ditos graos, DOG do 25 de outubro, modificado e ampliado polo Decreto 179/2003, do 27 de febreiro, DOG do 14 de marzo.

Esta consellería, por proposta da Dirección Xeral de Centros e Ordenación Educativa,

DISPÓN:

Primeiro.-Conceder a autorización definitiva ao conservatorio de música das Pontes de García Rodríguez (A Coruña) para impartir as ensinanzas de grao medio, segundo os datos que figuran no anexo.

Segundo.-No dito conservatorio impartiranse as ensinanzas dos graos elemental e medio de música reguladas pola Lei orgánica 1/1990, do 3 de outubro, de ordenación xeral do sistema educativo, e polo Decreto 253/1993, do 29 de xullo, polo que se establece o currículo do grao elemental e do grao medio das ensinanzas de música e o acceso aos ditos graos, modificado e ampliado polo Decreto 179/2003, do 27 de febreiro.

Terceiro.-Este centro queda obrigado ao cumprimento da lexislación vixente para os centros que imparten ensinanzas de música, e solicitar a oportuna revisión cando teña que modificarse calquera dos datos sinalados no anexo desta orde.

Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Disposición derradeira

Esta orde entrará en vigor a partir do día seguinte ao da súa publicación no Diario Oficial de Galicia.

Santiago de Compostela, 20 de abril de 2005.

Celso Currás Fernández

Conselleiro de Educación e Ordenación

Universitaria

ANEXO

Provincia: A Coruña.

Concello: As Pontes de García Rodríguez.

Localidade: As Pontes de García Rodríguez.

Enderezo: avda. das Veigas, s/n.

Código: 15026741.

Titular: Concello das Pontes de García Rodríguez.

Denominación: Conservatorio Profesional de Música das Pontes de García Rodríguez.

Postos escolares autorizados: 105 de grao elemental e 180 de grao medio.