Vista a acta de revisión da táboa de salarios 2004 e táboa salarial 2005 do convenio colectivo do sector de rematantes e serradores de madeira da provincia de Pontevedra, con nº de código 3601075, que tivo entrada no rexistro único do edificio administrativo da Xunta de Galicia en Vigo o día 10-2-2005, subscrita pola comisión negociadora do convenio, con data do 9-2-2005. De conformidade co disposto no artigo 25 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordenar a súa inscrición no libro de rexistro de convenios colectivos de traballo, desta delegación provincial, e a notificación ás representacións económica e social da comisión negociadora.

Segundo.-Ordenar o seu depósito no Servizo de Relacións Laborais, Sección de Mediación, Arbitraxe e Conciliación.

Terceiro.-Dispoñer a súa publicación no Diario Oficial de Galicia.

Vigo, 3 de marzo de 2005.

Joaquín Macías Sánchez

Delegado provincial de Pontevedra

Convenio colectivo do sector de rematantes

e serradores de madeiras da provincia de Pontevedra

Asistentes:

CC.OO.: Francisco Javier Boullosa González.

UGT: Ramón Carrera Molares.

CIG: Xosé Xoán Melón González.

Representación empresarial: José Aníbal Piñeiro Serodio, Jesús Vaquero Moreira e Fernando Castro González.

Secretario de actas: Pablo Manuel Búa Burgos.

En Vigo, nos locais da Confederación Provincial de Empresarios de Pontevedra, sendo as 18.00 horas do día 9 de febreiro de 2005, reúnese a comisión deliberadora do convenio colectivo de traballo do sector de rematantes e serradores de madeiras da provincia de Pontevedra, co obxecto de aplicar a cláusula de revisión salarial establecida no convenio. Asisten os señores arriba indicados.

En primeiro lugar, para o ano 2004, o convenio colectivo, no seu artigo 25, de revisión salarial, establece que no caso de que o IPC rexistre a 31 de decembro, un incremento respecto ao 1 de xaneiro, superior á previsión do Goberno, efectuarase unha revisión salarial no exceso sobre esta porcentaxe. Desta maneira, o incremento é dun 1,2%, que foi o que subiu o IPC no ano 2004 por riba da previsión do 2% que estaba previsto na cláusula de garantía salaria. Para iso aplícase o 4,2% sobre a táboa do ano 2003 (ver anexo I).

En segundo lugar, procédese a elaborar a táboa de salarios para o ano 2005. Para iso aplícase o 3% sobre a táboa do ano 2004 (ver anexo II).

Acórdase a súa remisión á autoridade laboral co obxecto do seu rexistro e posterior publicación no Diario Oficial de Galicia e no BOP. Autorízase a Pablo Manuel Búa Burgos para levar a cabo as xestións necesarias. Non habendo máis asuntos que tratar, levántase a sesión sendo as 18.30 horas do día arriba indicado.

ANEXO I

Revisión táboa de salarios 2004

(Revisión do 4,20% s/2003)

ANEXO II

Táboa de salarios 2005

(3% s/2004)