A Consellería de Familia, Xuventude, Deporte e Voluntariado, a través da Dirección Xeral de Xuventude, leva a cabo a promoción e organización de actividades de animación sociocultural destinadas á xuventude no ámbito do ocio e o tempo libre.
Asumidas as competencias neste eido polo Decreto 146/1982, do 1 de decembro, e consciente esta consellería da importancia que ten facilitar canles polos que a xuventude poida participar neste tipo de actividades, é polo que este ano, ao igual que en anos anteriores, se convoca a Campaña Verán-2005.
A oferta da Campaña Verán-2005 comprende, ademais daquelas que se desenvolven na Comunidade Autónoma galega, actividades de ámbito nacional, tendo lugar a súa celebración noutras comunidades autónomas de España.
A Consellería de Familia, Xuventude, Deporte e Voluntariado, a través da Dirección Xeral de Xuventude, pretende desta forma atender a demanda individual, cada día máis crecente, de mozos e mozas no eido do ocio e o tempo libre.
Por todo isto,
DISPOÑO:
Artigo 1º.-Obxecto.
1. Co obxectivo de facilitarlle á xuventude a participación en actividades de tempo libre, a Consellería de Familia, Xuventude, Deporte e Voluntariado, a través da Dirección Xeral de Xuventude, oferta un plan xeral de actividades que se detalla no anexo I desta orde.
As diferentes actividades que integran esta oferta xeral levaranse a cabo tanto en Galicia como nas comunidades autónomas de España, en diferentes quendas de entre unha semana e quince días de duración durante os meses de xullo e agosto.
2. A información sobre a convocatoria desta campaña, así como de cada actividade e instalación xuvenil onde se desenvolverá, atoparase detallada na páxina web da Rede de Información Xuvenil (www.rix.org). Ademais os interesados poden solicitar folletos informativos da convocatoria na Dirección Xeral de Xuventude, nos servizos e oficinas locais de xuventude das delegacións provinciais da Consellería de Familia, Xuventude, Deporte e Voluntariado, nas oficinas e puntos de información xuvenil da Rede Galega de Información e Documentación Xuvenil, no Centro Coordinador de Información e Documentación Xuvenil, nas oficinas de información administrativa e atención ao cidadán e no teléfono xove (902 15 25 35).
Artigo 2º.-Servizos ofertados.
1. A participación na oferta da Campaña Verán-2005 realizarase a través de inscrición indi
vidual ou dobre. Os participantes disporán dos seguintes servizos:
a) Un programa de actividades de carácter sociocultural, recreativo, formativo e convivencial, que posibilite a participación do mozo/a.
b) Aloxamento en albergue xuvenil, residencia xuvenil ou campamento xuvenil.
c) Manutención en réxime de pensión completa.
d) O material necesario para a actividade.
e) Un equipo técnico de persoal especializado en animación sociocultural e actividades de tempo libre e actividades náuticas, se é o caso.
f) Atención sanitaria de primeiros auxilios e seguro de accidentes.
g) Nas actividades desenvolvidas noutras comunidades autónomas inclúese o transporte desde Santiago de Compostela ata o lugar de destino así como o retorno ata Santiago de Compostela.
2. A incorporación aos campamentos e albergues de Galicia será por conta do interesado o día de inicio da quenda correspondente, entre as 16.00 e as 19.00 horas. Non se admitirá ningún participante despois deste límite.
Cabe destacar que nas actividades que se leven a cabo noutras comunidades autónomas, será por conta do interesado o traslado desde o seu domicilio ata Santiago de Compostela, tanto o día de saída para a actividade como o día de chegada desta.
Artigo 3º.-Participantes.
1. Poden solicitar a súa participación nas actividades ofertadas nesta convocatoria os mozos e mozas con idades comprendidas nos tramos de idades que se especifican para cada actividade no anexo I.
2. En canto á marxe de idade mínima e máxima que se especifica para cada actividade, deberase manter desde o inicio ata a finalización do campamento.
3. O incumprimento destas normas dará lugar á non admisión da solicitude.
Artigo 4º.-Solicitude.
1. As solicitudes poden ser individuais ou dobres. Cabe destacar que no caso de solicitudes dobres, a renuncia dun dos participantes á praza obtida no sorteo, implicará tamén a renuncia á praza do outro participante.
A solicitude dobre só se poderá empregar para o suposto de solicitude de irmáns que vaian á mesma instalación e á mesma quenda. Estas solicitudes dobres teñen efecto durante o sorteo para a adxudicación da praza e para xerar as listas de espera, pero no momento das adxudicacións desde a lista de espera xa se teñen en conta como individuais.
2. As solicitudes deberán formularse no impreso que se indica no anexo II desta orde, que poderá solicitar nos servizos que especifica o artigo 1.2º ou ben descargar e cubrir directamente desde a páxina web www.rix.org.
Os impresos de solicitude deben ser cubertos de acordo coas seguintes normas:
a) Cada mozo ou moza só poderá cubrir unha solicitude elixindo, por orde de prioridade, un máximo de cinco quendas ou actividades. (Cada quenda ou actividade vai identificada cun código no anexo I desta orde).
b) Os datos do solicitante deben ser os do mozo ou moza que opta a participar nas actividades. No caso de solicitude dobre deberán cubrirse os datos de ambos os dous irmáns.
c) As solicitudes deberanas asinar os solicitantes e os seus pais/nais ou titores.
d) Se o solicitante é galego non residente en Galicia, na súa solicitude debe figurar, para as comunicacións, un enderezo nesta comunidade autónoma.
e) A duplicidade dunha solicitude dará lugar á inadmisión de ambas, por incumprimento do artigo 4.1º a), quedando o solicitante fóra do sorteo.
2. As solicitudes dirixiranse á directora xeral de Xuventude, e poderán presentarse no rexistro xeral da Consellería de Familia, Xuventude, Deporte e Voluntariado, nos rexistros das súas delegacións provinciais ou por calquera dos medios establecidos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
O interesado poderá comprobar a recepción da súa solicitude a partir do 2 de maio no teléfono xove (902 15 25 35) e na páxina web www.rix.org
Artigo 5º.-Prazo.
O prazo de presentación de solicitudes iniciarase ao día seguinte da publicación desta orde no Diario Oficial de Galicia e rematará o día 26 de abril de 2005.
Artigo 6º.-Adxudicación de prazas.
A adxudicación das prazas realizarase da seguinte forma:
1. Por adxudicación directa, no caso de que a demanda non supere o número de prazas dispoñibles.
2. Por sorteo, por medios informáticos, no suposto de que o número de solicitudes supere o número de prazas dispoñibles.
Neste caso o sorteo realizarase, ante notario, o día 10 de maio de 2005, ás 12 horas, nas dependencias da Secretaría Xeral da Consellería de Familia, Xuventude, Deporte e Voluntariado en Santiago de Compostela.
Mediante este sorteo, cubriranse as prazas nas distintas actividades que especifica o anexo I desta orde. Destacar que se lle dará prioridade no sorteo
a aqueles solicitantes que non obtiveron praza nas actividades do ano pasado.
Así mesmo, dará lugar a unha lista de espera para cada unha das actividades. Esta lista xerarase dunha forma aleatoria, mediante sistema informático, unha vez realizado o sorteo e colocando a cada participante unicamente nunha lista de espera para un campamento concreto, de entre os que solicitou entre as cinco opcións. O número de reservas en cada actividade, será do 50% das prazas convocadas.
2. A Dirección Xeral de Xuventude fará público o resultado do sorteo, incluídas as listas de espera, e confeccionará a correspondente lista de admitidos para cada quenda e actividade. A comunicación do resultado do sorteo para os participantes seleccionados levarase a cabo vía sms e correo electrónico ao número de teléfono e conta de correo especificados na solicitude, e a lista de admitidos será exposta a partir do día 11 de maio de 2005 na Dirección Xeral de Xuventude, no rexistro xeral da Consellería de Familia, Xuventude, Deporte e Voluntariado, nos rexistros e servizos de Xuventude das súas delegacións provinciais, no Centro de Información Administrativa e Atención ao Cidadán de Santiago de Compostela, no teléfono xove (902 15 25 35) e na páxina web www.rix.org
Artigo 7º.-Documentación.
Os participantes seleccionados deberán presentar, desde o día seguinte ao da data de exposición das listas e ata o día 19 de maio de 2005, na delegación provincial da Consellería de Familia, Xuventude, Deporte e Voluntariado da provincia onde se vai desenvolver a actividade, ou na Dirección Xeral de Xuventude, no caso das actividades pluriprovinciais (que se desenvolven en dúas ou tres instalacións de diferentes provincias) ou actividades que se realicen fóra da Comunidade Autónoma de Galicia, a seguinte documentación:
-Xustificación de pagamento (impreso oficial).
-Fotocopia do DNI ou da folla correspondente do libro de familia.
-Fotocopia do documento de afiliación á Seguridade Social ou seguro médico privado.
-Cuestionario médico-sanitario (anexo III).
-Certificado médico de non padecer ningunha enfermidade ou discapacidade que lle impida participar na actividade con normalidade.
-Declaración responsable de que sabe nadar.
-Fotocopia compulsada do título de familia numerosa, de ser o caso.
-Fotocopia compulsada do Carné Xove ou Carné Máis, de ser o caso.
Artigo 8º.-Adxudicación de prazas ás listas de espera.
1. As vacantes que se produzan por non presentar a documentación, por presentala fóra do prazo esta
blecido ou por renunciar á praza obtida no sorteo, serán ofrecidas desde o día 26 de maio, aos solicitantes que figuran nas listas de espera correspondentes. No caso de que se produzan baixas a Dirección Xeral de Xuventude ou o servizo de xuventude correspondente contactarán, seguindo a orde de lista, cos suplentes mediante chamada telefónica. Realizaranse 3 chamadas entre as 9.00 e 15.00 horas que quedarán rexistradas para a súa constancia. De non contactar co interesado, este será dado de baixa e procederase a chamar ao seguinte na lista de espera. Unha vez recibida a comunicación e aceptada a praza ofrecida deberán presentar a documentación sinalada no artigo 7º nun prazo de 48 horas.
2. No caso de non presentar a mencionada documentación no prazo indicado a praza será ofertada ao seguinte da lista de espera.
Artigo 9º.-Adxudicación das prazas de resultas.
1. As prazas vacantes que non se cubrisen polos procedementos de adxudicación establecidos nos artigos 6º e 8º desta orde, serán ofertadas a partir do día 9 de xuño. Estas prazas estarán expostas na páxina web www.rix.org
Para estes efectos, poderán solicitar as prazas vacantes toda persoa que cumpra as limitacións de idade ás que se fai mención no artigo 3º desta orde.
2. Para solicitar as prazas de resultas, o interesado poderá efectuar a oportuna reserva da praza, no caso de que existan vacantes, por teléfono a través de calquera servizo de Xuventude das delegacións provinciais da Consellería de Familia, Xuventude, Deporte e Voluntariado, ou da Dirección Xeral de Xuventude.
Cada persoa só poderá facer a reserva, como máximo, de catro prazas para catro participantes.
A reserva de prazas poderase efectuar en horario de 9.00 a 14.00 horas, en días laborables agás os sábados.
3. Unha vez efectuada a reserva de praza, o interesado disporá dun prazo máximo de 48 horas para presentar o impreso que se indica no anexo II desta orde debidamente cuberto, e a documentación relacionada no artigo 7º.
Esta documentación poderá presentala en calquera das oficinas anteriormente relacionadas. En caso contrario, perderá o dereito á praza reservada.
4. No anexo IV indícanse os enderezos e teléfonos das oficinas administrativas a través das que pode efectuar a oportuna reserva de praza, para os efectos do disposto neste artigo.
Artigo 10º.-Prezos.
1. Os prezos de aplicación para cada actividade e quenda aparecen detallados no anexo I desta orde, de acordo co sinalado na Orde do 30 de decembro de 2004 (DOG nº 174, do 7 de xaneiro de 2005).
2. Os membros de familia que teñan o título de numerosa terán un desconto do 50% sobre os prezos que aparecen detallados no anexo I desta orde. Circunstancia que debe ser acreditada coa presentación dunha fotocopia compulsada do título de familia numerosa vixente.
3. Os usuarios do Carné Xove ou do Carné Máis gozarán dun desconto do 25% sobre os prezos que aparecen detallados no anexo I desta orde. Circunstancia que debe ser acreditada coa presentación dunha fotocopia compulsada do Carné Xove ou Máis, vixente.
4. Os descontos citados nos dous apartados anteriores en ningún caso serán acumulables.
Artigo 11º.-Devolucións de cotas.
1. Se unha vez obtida a praza e aboado o prezo correspondente o interesado non puidese asistir á actividade, só terá dereito á devolución deste no caso de que comunique a renuncia á praza por escrito e solicite a devolución da cantidade aboada polo menos vinte días antes do inicio da actividade, ou cando por causas non imputables ao interesado non se preste o servizo ou a Administración anule a actividade (Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia e Decreto lexislativo 172/1992, do 26 de xuño, polo que se ditan normas para a xestión da liquidación e recadación das taxas e prezos públicos da Comunidade Autónoma de Galicia).
2. Para estes efectos os interesados dispoñen dun modelo normalizado de solicitude de devolución de cota de participación anexo a esta orde (anexo V), que tamén poderán solicitar na Dirección Xeral de Xuventude e nos servizos de xuventude das delegacións provinciais da Consellería de Familia, Xuventude, Deporte e Voluntariado.
3. A solicitude deberá dirixirse ao delegado/a provincial da Consellería de Familia, Xuventude, Deporte e Voluntariado da provincia onde se vai desenvolver a actividade, ou á directora xeral de Xuventude no caso das actividades que se desenvolvan en máis dunha provincia ou fóra da Comunidade Autónoma de Galicia, que serán os órganos encargados de resolver en cada caso.
Disposicións derradeiras
Primeira.-Facúltase a directora xeral de Xuventude para ditar, no ámbito das súas competencias, as resolucións precisas para o desenvolvemento desta orde.
Segunda. Esta orde entrará en vigor ao día seguinte da súa publicación no Diario Oficial de Galicia.
Santiago de Compostela, 1 de abril de 2005.
Pilar Rojo Noguera
Conselleira de Familia, Xuventude,
Deporte e Voluntariado
ANEXO I
Campamentos de verán 2005
Instalación xuvenil Actividade Data Idade Importe praza Nº código
Res. Xuv. Altamar
Alb. Xuv. Gandarío Rotas Coñece Galicia 17-31/7/2005 15-17 176 A 150001
Camp. Xuv. Os Chacotes
Camp. Xuv. Os Chacotes
Res. Xuv. Eijo Garay
Alb. Xuv. Gandarío
Mar e natureza 1-15/7/2005 15-17 133 A 150003
Camp. Xuv. A Devesa
Mar e natureza 16-30/7/2005 13-15 133 A 150004
Alb. Xuv. Marina Española* A miña primeira aventura xogando co inglés 3-10/7/2005 9-10 83 A 150102
10-17/7/2005 9-10 83 A 150103
17-24/7/2005 9-10 83 A 150104
24-31/7/2005 9-10 83 A 150105
Deporte e recreación 17-31/8/2005 11-12 161 A 150106
Alb. Xuv. Gandarío* Actividades no mar 1-15/7/2005 12-14 176 A 150201
Vela e táboa (actividade complementaria: navegación en cruceiro) 1-15/7/2005 15-17 176 A 150202
Actividades no mar 16-30/7/2005 12-14 176 A 150203
Actividades no mar 1-15/8/2005 12-14 176 A 150204
Vela e táboa (actividade complementaria: navegación en cruceiro) 1-15/8/2005 15-17 176 A 150205
Actividades no mar 17-31/8/2005 12-14 176 A 150206
Vela e táboa (actividade complementaria: navegación en cruceiro) 17-31/8/2005 15-17 176 A 150207
En canoa pola ría de Ares e Betanzos 17-31/7/2005 15-17 161 A 150211
Camp. Xuv. Furelos En bicicleta e cabalo pola natureza 1-15/7/2005 13-14 158 A 150301
16-30/7/2005 15-17 158 A 150302
1-15/8/2005 13-14 158 A 150303
Camp. Xuv.Virxe de Loreto Aventura-T 17-31/8/2005 15-17 133 A 150406
Natureza xunto ao mar 1-15/7/2005 13-15 133 A 150401
16-30/7/2005 13-15 133 A 150403
1-15/8/2005 15-17 133 A 150402
Camp. Xuv. Espiñeira Campamento de teatro 1-15/7/2005 11-12 133 A 150501
Campamento de teatro 16-30/7/2005 11-12 133 A 150502
Alb. Xuv. Area Actividades no mar: vela e táboa, esquí acuático 1-15/7/2005 15-17 209 A 270101
e aula natureza mariña 17-31/7/2005 14-15 209 A 270102
1-15/8/2005 15-17 209 A 270103
17-31/8/2005 12-14 209 A 270104
Alb. Xuv. Benigno Quiroga* A nosa aventura: iniciación ao deporte da vela 3-9/7/2005 9-11 83 A 270202
e do piragüismo (actividade complementaria: 10-16/7/2005 9-11 83 A 270203
paseos a cabalo) 17-23/7/2005 9-11 83 A 270204
24-30/7/2005 9-11 83 A 270205
A miña primeira aventura xogando co inglés 31/7-6/8/2005 9-11 83 A 270206
7-13/8/2005 9-11 83 A 270207
Camp. Xuv. A Devesa Multiaventura, medio ambiente e mar 1-15/7/2005 15-17 133 A 270301
Mar e deporte actividade complementaria: clases 3-9/7/2005 10-12 67 A 270302
de mar 10-16/7/2005 10-12 67 A 270303
Unha viaxe a través do tempo 17-24/7/2005 10-12 67 A 270304
Camp. Xuv. Os Chacotes Aventura-T 1-13/8/2005 15-17 133 A 270503
Res. Xuv. Eijo Garay Campamento de teatro 6-15/8/2005 15-17 169 A 270901
Campamento de vídeo 1-15/8/2005 15-17 169 A 270902
Camp. Xuv. P. de Xacinto Aventura e deporte 1-15/7/2005 9-11 133 A 320101
16-30/7/2005 12-14 133 A 320102
1-15/8/2005 13-15 133 A 320103
Res. Colexio Pablo VI Piragüismo 1-15/7/2005 12-13 176 A 320201
16-30/7/2005 14-15 176 A 320202
Alb. Escola Vilamarín* Granxa agro-gandeira 1-15/7/2005 9-11 169 A 320301
16-30/7/2005 11-13 169 A 320302
1-15/8/2005 9-11 169 A 320303
Alb. Xuv. O Corgo Piragüismo e remo 1-15/7/2005 14-15 176 A 320401
16-30/7/2005 13-15 176 A 320402
1-15/8/2005 14-15 176 A 320403
Alb. Xuv. Grixó Multiaventura 11-20/7/2005 13-15 176 A 321001
Instalación xuvenil Actividade Data Idade Importe praza Nº código
Alb. Xuv. Os Biocos de San Xoán Aire libre 1-15/7/2005 11-13 169 A 320901
de Río* Medio ambiente 16-30/7/2005 14-15 169 A 320902
1-15/8/2005 13-15 169 A 320903
Centro de Educación Ambiental EQUAL Campamento temático de inglés 1-15/8/2005 9-12 169 A 321101
Campamento temático de astronomía 16-30/8/2005 13-15 169 A 321102
Alb. Xuv. As Sinas* Actividades no mar: vela, dorna, táboa, pira- 1-15/7/2005 13-15 176 A 360101
güismo, kaiak polo e aula natureza mariña (na 16-30/7/2005 13-15 176 A 360102
2ª quincena de xullo cámbiase a dorna por 1-15/8/2005 13-15 176 A 360103
unha actividade de navegación en cruceiro) 17-31/8/2005 15-17 176 A 360104
Camp. Xuv. Pontemaril A miña primeira aventura xogando co inglés 1-8/7/2005 9-10 83 A 360208
9-16/7/2005 9-10 83 A 360209
Aventura na natureza 1-15/7/2005 10-12 133 A 360201
Natureza fotográfica 16-30/7/2005 12-14 133 A 360202
Aventura na natureza 1-8/8/2005 9-11 67 A 360203
9-16/8/2005 9-11 67 A 360204
17-31/8/2005 12-14 133 A 360207
Camp. Xuv. A Illa de Ons Aventura na illa 1-15/7/2005 11-13 128 A 360301
16-30/7/2005 10-12 128 A 360302
1-15/8/2005 13-14 128 A 360303
* Actividade complementaria: informática.
Campamentos noutras comunidades autónomas. Ano 2005-Campaña Verán.
Instalación xuvenil Modalidade Idade Data Prezo Código
Comunidade autónoma
Álava Isla de Zuatza Náutica 12-13 11-20/7/2005 200 A 501402
Alb. Espejo Tempo libre-inglés 13-15 20/7-1/8/2005 200 A 501403
Andalucía Camp. Xuv. Aguadulce Tempo libre con actividades acuáticas 13-14 20-30/7/2005 200 A 501501
Camp. Xuv. Mazagón Tempo libre con actividades acuáticas 15-17 20-30/7/2005 200 A 501502
Aragón Alb. Xuv. Nsa. Sra. Pilar-Villanúa Multiaventura 14-17 2-16/7/2005 215 A 501305
Aula natureza de Pineta Campus montaña 14-17 2-16/8/2005 200 A 501301
Alb. Xuv. Ntra. Sra. Pilar-Villanúa Multiaventura 14-17 2-16/8/2005 215 A 501303
Camp. Xuv. Camfranc. Multiaventura 14-17 2-16/7/2005 200 A 501306
Cantabria Camp. Loredo Náutica 14-17 1-15/7/2005 225 A 500301
Alb.Xuv.Loredo e Alb.Xuv. Braña Vieja Praia-montaña 15-17 17-31/7/2005 210 A 500302
Camp. Xuv. Picos de Europa Montaña 13-15 17-31/7/2005 200 A 500303
Alb. Xuv. Solórzano Iniciación inglés 14-15 2-16/8/2005 210 A 500306
Alb. Xuv. Tama Alta montaña 15-17 2-16/8/2005 215 A 500307
Castilla-La Mancha Alb. Xuv. Riopar Multiaventura 15-17 17-31/7/2005 215 A 500507
Castilla y León Camp. Xuv. Alto de León Multiaventura 13-14 1-15/7/2005 200 A 500403
Alb. Xuv. Soncillo (León) Multiaventura 14-17 1-15/8/2005 215 A 500402
Alb. Xuv. Espinosa de los Monteros Multiaventura 15-17 1-15/7/2005 215 A 500406
Alb. Xuv. Navarredonda de Gredos Multiaventura 14-17 16-30/7/2005 215 A 500401
Camp. Xuv. Puente Viejo Boñar (León) Náutica 15-17 1-15/7/2005 225 A 500412
Extremadura Camp. Emperador Carlos V Sendeirismo 15-17 2-16/8/2005 200 A 500603
Murcia Alb. Xuv. Calarreona Mar e natureza 14-17 16-30/7/2005 225 A 500701
Clube Náutico de Águilas Náutica 14-17 225 A 500704
Navarra Alb. Xuv. Urbasa Multiaventura 15-17 11-20/7/2005 200 A 500809
Alb. Xuv. Murillo del Gállego Rafting, hidroespeed e sendeirismo 15-17 200 A 500810
A Rioxa Camp. Xuvenil Molino Viejo - Ezcaray Multiaventura 13-14 2-16/7/2005 200 A 500901
Alb. Xuv. Hospital San José Montaña, escalada 15-17 215 A 500902
