Visto o acordo acadado pola comisión paritaria do convenio colectivo da empresa Antonio Gallego
Cid, S.L., na reunión que tivo lugar o 28 de xaneiro de 2005, e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, a Dirección Xeral de Relacións Laborais
ACORDA:
Primeiro.-Ordenar a inscrición do devandito acordo no rexistro xeral de convenios desta dirección xeral.
Segundo.-Remitirlle o texto orixinal ao correspondente servizo deste centro directivo.
Terceiro.-Dispoñer a súa publicación no Diario Oficial de Galicia.
Santiago de Compostela, 9 de marzo de 2005.
Antonio de la Hera Roldán
Director xeral de Relacións Laborais
ANEXO
Acta da reunión da comisión paritaria do convenio colectivo da empresa Antonio Gallego Cid, S.L.
En Vigo, ás 17.00 horas do día 28 de xaneiro de 2005, xúntase a comisión paritaria do convenio colectivo para os/as traballadores/as da cociña dos centros residencias docentes de Galicia, para corrixir os erros cometidos na transcrición do convenio o día do seu asinamento:
Engadir no artigo 24º, no seu último parágrafo, o seguinte texto:
«2. No momento da xubilación, o persoal suxeito a este convenio percibirá unha gratificación consistente en tres mensualidades do salario base máis antigüidade máis rateo de pagas aboadas na última nómina».
Cambiar os nomes dos asinantes do convenio no seu artigo 43º:
«Artigo 43º.-Partes asinantes.
Asinan este convenio colectivo de empresa o representante da empresa Antonio Gallego Cid, S.L., José Gallego Viéitez, e pola parte social Humildad Romero, como delegada pola Confederación Intersindical Galega».
Rectificar a categoría e salario da cociñeira/o:
Cociñeira/oGrupo IVCategoría 5
Salario anoSalario mes
Retribucións Adicional Total Salario base Adicional
brutas anuais xullo/Nadalxullo/Nadal
Cociñeira
13.499,88 (*) 197,74 (*) 13.697,62 (*) 964,28 (*) 98,87 (*)