A Asemblea Comarcal da Mancomunidade Voluntaria de Municipios da Comarca de Ourense adoptou o acordo de solicitar a exención do mantemento de postos propios reservados a funcionarios de Administración local con habilitación de carácter nacional.
Na súa virtude, a Dirección Xeral de Administración Local, en aplicación do establecido no artigo 4 do Real decreto 1732/1994, do 29 de xullo, modificado polo Decreto 834/2003, do 27 de xuño, e no uso das facultades que lle confire o artigo 13 bis da Lei 4/1988, do 26 de maio, da función pública de Galicia, e a Orde do 12 de febreiro de 2003 sobre delegación de competencias, modificada pola Orde do 31 de outubro de 2003,
RESOLVE:
Primeiro.-Eximir a Mancomunidade Voluntaria de Concellos da Comarca de Ourense da obriga de manter os postos de secretaría e intervención, reservados a funcionarios de Administración local con habilitación de carácter nacional.
Segundo.-As funcións reservadas aos citados postos serán exercidas mediante o sistema de acumulación de funcións por un/unha funcionario/a de
Administración local con habilitación de carácter nacional dalgún dos concellos que integran a mancomunidade, segundo a escolla efectuada por ela, de conformidade co previsto nos artigos 4º.3 e 31º.2 do Real decreto 1732/1994, do 29 de xullo.
Contra esta resolución, que pon fin á vía administrativa, poderase interpor recurso potestativo de reposición perante a Consellería de Xustiza, Interior e Administración Local no prazo dun mes contado desde o día seguinte ao da súa publicación de conformidade co establecido na Lei 30/1992, do 26 de novembro, ou poderá impugnarse directamente perante a xurisdición contencioso-administrativa, no prazo de dous meses contados desde a mesma data, segundo o disposto no artigo 46 en relación co 14 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 16 de marzo de 2005.
P.D. (Orde 12-2-2003 modif. pola
Orde 31-10-2003)
Alfonso Rueda de Valenzuela
Directora xeral de Administración Local