Os comités éticos de investigación clínica son os encargados de informar todos os ensaios clínicos

que se realicen dentro do seu ámbito territorial. Os ensaios clínicos e os comités éticos de investigación clínica regúlanse na comunidade autónoma polo Decreto 32/1996, do 25 de xaneiro.

A Orde do 11 de xullo de 1996 pola que se crea o Comité Ético de Investigación Clínica de Galicia, no seu artigo 3, dispón que a composición do comité axustarase ao establecido no Decreto 32/1996, e os seus membros se nomearán por orde da Consellería de Sanidade e Servizos Sociais.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, a Orde do 11 de xullo de 1996 e a disposición adicional primeira do Decreto 32/1996, do 25 de xaneiro, polo que regula a realización de ensaios clínicos na Comunidade Autónoma de Galicia, por proposta da División de Farmacia e Produtos Sanitarios do Servizo Galego de Saúde,

DISPOÑO:

Artigo único.-Noméanse membros do Comité Ético de Investigación Clínica de Galicia, creado pola Orde do 11 de xullo de 1996, as persoas que se relacionan no anexo.

Santiago de Compostela, 17 de marzo de 2005.

José Manuel González Álvarez

Conselleiro de Sanidade

ANEXO

Novos membros do CEIC de Galicia:

Secretaria: Margarita Tasende Souto (médico especialista en Medicina Familiar e Comunitaria, Dirección Xeral de Farmacia e Produtos Sanitarios da Consellería de Sanidade).

Vogais:

Mª Isabel Cadavid Torres (catedrática de Farmacoloxía da Universidade de Santiago de Compostela).

Rosendo Bugarín González (médico especialista en Medicina Familiar e Comunitaria, xefe de Servizo de Investigación da Subdirección Xeral de Docencia e Investigación Sanitaria da División de Asistencia Sanitaria do Sergas).

Arturo González Quintela (xefe de Sección de Medicina Interna do Complexo Hospitalario Universitario de Santiago de Compostela).

Jorge Blanco Rodríguez (médico especialista en Reumatoloxía do Complexo Hospitalario Universitario de Santiago de Compostela).