A Lei 12/1993, de fomento de investigación e desenvolvemento tecnolóxico de Galicia, no seu artigo 1º, establece como obxectivo xeral o fomento da investigación científica e a innovación tecnolóxica para promover o desenvolvemento económico, social e produtivo de Galicia. Como unha ferramenta encamiñada ao logro deste obxectivo, a citada lei, no seu capítulo II, crea o Plan Galego de Investigación e Desenvolvemento Tecnolóxico. O Consello da Xunta de Galicia, na súa reunión do 14 de marzo de 2002, aprobou o Plan Galego de Investigación, Desenvolvemento e Innovación Tecnolóxica (2002-2005).
O plan está integrado por programas xerais, sectoriais e horizontais. Dentro dos programas horizontais figura o programa de recursos humanos que ten, entre outros obxectivos, o de incrementar os recursos humanos dedicados a actividades de I+D+I tanto en número como en especialización nas áreas de maior interese, así como incrementar o número de doutores e tecnólogos incorporados ao sistema público de I+D.
O obxectivo do programa Isidro Parga Pondal é contribuír a superar o déficit de recursos humanos que ten o sistema de I+D en Galicia continuando a acción iniciada no ano 2003 de inserción nas universidades do sistema universitario de Galicia e en centros de investigación da comunidade autónoma de xoves doutores cunha formación investigadora acreditada en organismos científicos nacionais ou estranxeiros. Na súa virtude e consonte o previsto no convenio de colaboración subscrito pola Consellería de Innovación, Industria e Comercio coas universidades do sistema universitario de Galicia, esta consellería
DISPÓN:
Artigo 1º.-Finalidade da convocatoria.
Esta convocatoria establece as bases que regulan en réxime de publicidade, obxectividade e concorrencia competitiva, a concesión de axudas para a realización de 45 contratos laborais de duración determinada e destinados á incorporación de investigadores, que teñan acadado o título de doutor, ás universidades do sistema universitario de Galicia.
Artigo 2º.-Requisitos dos candidatos.
Os candidatos á obtención dalgún dos contratos obxecto desta convocatoria deberán acreditar o cumprimento dos seguintes requisitos:
a) Posuír a nacionalidade española, ser nacional dun país membro da Unión Europea ou ser estranxeiro con permiso de residencia en España.
b) Estar en posesión do grao de doutor.
As titulacións obtidas no estranxeiro deberán estar homologadas polo Ministerio de Educación e Ciencia a excepción das obtidas en países membros da Unión Europea.
Admitiranse solicitudes de candidatos que teñan iniciado o trámite de homologación do título de doutor polo Ministerio de Educación e Ciencia, pero neste caso a selección do candidato, de producirse, quedará condicionada, para os efectos de obtención de prórroga, a que a dita homologación se conceda antes do 1 de outubro de 2007.
c) Ter realizado estadías en universidades ou en centros de investigación distintos a aquela universidade en que se expediu o seu título de doutor, durante un período mínimo de 6 meses despois de ter acadado o grao de doutor. No caso de OPI requirirase que a estadía se realizase nun centro distinto daquel en que se realizou a tese de doutoramento.
d) Non ter un contrato do programa Isidro Parga Pondal como consecuencia das convocatorias destas axudas correspondentes aos anos 2003 e 2004.
Artigo 3º.-Dotación, número e duración dos contratos.
A axuda máxima concedida para cada contrato laboral será de 26.075 euros por ano de contrato, incluíndo neste importe a retribución bruta anual do contrato e o pagamento de custos sociais.
O número máximo de contratos que poderán financiarse é de 45 que serán financiados con cargo á aplicación orzamentaria 08.05.432B.442.0 dos orzamentos xerais da comunidade autónoma para os anos 2005, 2006 e 2007, de acordo coa seguinte distribución: 2005: 293.343,75 A, 2006: 1.173.375 A, e 2007: 880.031,25 A. A universidade correspondente será a encargada do pagamento dos correspondentes contratos laborais.
A duración dos contratos será de dous anos e poderán ser obxecto de prórroga trala publicación no DOG dunha convocatoria na que se recollan os requisitos e características desta.
A primeira anualidade dos contratos comezará a computarse na data que se indique na resolución desta convocatoria e non será anterior ao 1 de outubro de 2005.
Artigo 4º.-Formalización de solicitudes e prazo de presentación.
As solicitudes no modelo oficial RHU-10 do que a cara externa se publica como anexo I a esta orde, están ao dispor dos interesados nas dependencias da Dirección Xeral de I+D e na internet nos enderezos: http://www.dxid.org ou http://www.xunta.es/conselle/in. As solicitudes presentaranse no rexistro xeral da Dirección Xeral de I+D ou por calquera das formas previstas no artigo 38.4º da Lei 30/1992.
As solicitudes deberán ir acompañadas da seguinte documentación:
a) Fotocopia do documento nacional de identidade ou do documento equivalente no caso de ser nacional doutro país membro da Unión Europea ou da tarxeta de residente, no caso de nacionais doutros países.
b) Fotocopia compulsada do título de doutor ou doutro documento acreditativo de ter acadado o dito grao e a data da súa obtención. De ser o caso, fotocopia com
pulsada da homologación polo Ministerio de Educación e Ciencia, ou da solicitude de homologación presentada ao dito ministerio.
c) Curriculum vitae do candidato segundo o modelo oficial acompañado dos documentos xustificativos correspondentes, así como de fotocopia compulsada dos documentos que acrediten a realización de estadías de posdoutoramento en universidades ou centros de investigación distintos a aquela universidade en que se expediu o seu título de doutor por un mínimo de 6 meses. Non serán obxecto de valoración aqueles méritos alegados que non sexan convenientemente acreditados.
d) Declaración das axudas solicitadas ou concedidas para o mesmo fin de todas as administracións públicas, consonte o documento que se inclúe no modelo de solicitude.
Na instancia de solicitude o candidato indicará, por orde de prioridade descendente, o código das prazas ás que opta, entre aquelas que figuran no anexo II a esta orde, tendo en conta que como máximo poderá solicitar cinco prazas que non poderán corresponder a máis de dúas áreas temáticas ANEP. Para cada unha das prazas solicitadas o solicitante deberá argumentar a adecuación da súa formación ao perfil delas utilizando o impreso que para este fin se inclúe no modelo de solicitude.
O prazo de presentación de solicitudes será de 40 días naturais que se contarán a partir do día seguinte ao de publicación desta convocatoria no DOG.
Artigo 5º.-Tramitación.
Os servizos da Dirección Xeral de Investigación e Desenvolvemento comprobarán que todas as solicitudes reúnen os requisitos establecidos nesta orde e pola súa parte a Comisión de Selección de Investigación da Consellería de Innovación, Industria e Comercio, creada polo Decreto 37/1998, do 30 de xaneiro, analizará a xustificación de adecuación dos candidatos a cada unha das prazas solicitadas; como consecuencia elaborarase a lista de solicitudes admitidas e excluídas en que figurarán as prazas ás que se considera que pode concorrer cada solicitante e, de ser o caso, as causas de exclusión. A lista exporase nos taboleiros da Dirección Xeral de Investigación e Desenvolvemento, e na internet nos enderezos http://www.dxid.org ou http://www.xunta.es/conselle/in desde o 24 de maio ao 4 de xuño de 2005 e os interesados poderán durante este prazo formular reclamacións para emendar erros e falta de documentos, perante a Dirección Xeral de Investigación e Desenvolvemento, achegando, se é o
caso, a documentación necesaria. Transcorrido este prazo sen que se corrixan as causas de exclusión, procederase consonte o establecido no artigo 71 da Lei 30/1992, modificada pola Lei 4/1999.
Artigo 6º.-Avaliación e selección das solicitudes.
A Comisión de Selección de Investigación agrupará as solicitudes recibidas para os efectos da súa avaliación por expertos externos en comités que abaranguerán unha ou mais áreas ANEP e distribuirá as 45 prazas convocadas entre os comités tendo en conta o número de
prazas ofertadas nas diferentes áreas ANEP que engloba cada comité e a demanda nas ditas áreas; a comisión poderá considerar tamén as áreas ANEP ás que foron adscritos os candidatos seleccionados nas anteriores convocatorias co fin de evitar unha excesiva acumulación de prazas en determinadas áreas.
A avaliación científico-técnica dos méritos dos candidatos será realizada por comités constituídos por expertos externos designados pola Dirección Xeral de Investigación e Desenvolvemento, de acordo cos seguintes criterios:
1. Contribución científico-técnica dos candidatos na súa área temática e área de coñecemento: ata 70 puntos. Valoraranse os seguintes aspectos: as publicacións científicas preferentemente recollidas no Science Citation Index (SCI), no Social Sciences Citation Index (SSCI) ou no Arts & Humanities Citation Index (AHCI); patentes rexistradas; artigos en congresos con avaliación estrita; proxectos técnicos, se é o caso; outras publicacións científicas; etc. Darase especial relevancia ás contribucións realizadas nos últimos cinco anos.
2. Outros aspectos: ata 10 puntos. Valoraranse outros méritos do candidato.
No caso de que un solicitante concorra por dúas áreas temáticas ANEP diferentes poderá ser avaliado por dous comités diferentes e polo tanto poderá obter diferentes puntuacións para cada área.
Realizada a avaliación, a selección dos candidatos será efectuada pola Comisión de Selección de Investigación, consonte o baremo seguinte:
1. Avaliación científico-técnica do candidato realizada polos expertos externos: ata 80 puntos.
2. Estadías en centros de investigación, perfil do candidato e a súa adecuación ás prioridades do Plan Galego de Investigación, Desenvolvemento e Innovación Tecnolóxica. Ata 20 puntos.
Artigo 7º.-Trámite de audiencia e proposta de resolución.
1. De conformidade co previsto no artigo 84 da Lei 30/1992, e co obxecto de realizar o necesario trámite de audiencia e inmediatamente antes de elaborar a correspondente proposta de resolución definitiva, a Dirección Xeral de Investigación e Desenvolvemento publicará na súa páxina web (www.dxid.org) a relación de axudas propostas, concedendo a todos os solicitantes un prazo de dez días hábiles desde a data de publicación na web para que poidan formular as alegacións que estimen oportunas.
2. Os solicitantes, no caso de proposta estimatoria, manifestarán a súa aceptación ou desestimento. De non contestar no dito prazo, entenderase que aceptan as condicións e termos da proposta de concesión.
3. Examinadas, se é o caso, as alegacións presentadas polos interesados, a Comisión de Selección de Investigación formulará a proposta de resolución definitiva que incluirá a relación de candidatos seleccionados e a lista de reserva.
Artigo 8º.-Resolución.
A Dirección Xeral de Investigación e Desenvolvemento elevará a proposta de resolución formulada pola Comisión de Selección de Investigación ao conselleiro de Innovación, Industria e Comercio para que resolva. Esta resolución publicarase no DOG.
O prazo máximo para resolver as solicitudes presentadas ao abeiro da correspondente convocatoria será de 6 meses, contados desde a apertura do prazo de presentación de solicitudes. De non mediar resolución expresa no devandito prazo as solicitudes deberán entenderse desestimadas.
Contra as resolucións expresas ou presuntas que poñen fin á vía administrativa, poderán os interesados interpoñer potestativamente recurso de reposición ante o conselleiro de Innovación, Industria e Comercio no prazo dun mes contado a partir do día seguinte ao de recepción da correspondente notificación no caso de resolucións expresas. No caso de que a resolución se entenda desestimatoria por silencio administrativo, o prazo será de tres meses contados a partir do día seguinte a aquel en que se produza o acto presunto.
De non estimar a presentación deste recurso poderán os interesados interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses que se contarán a partir do día seguinte ao de recepción da correspondente notificación, se a resolución é expresa. No caso de que a resolución se entenda desestimada por silencio administrativo o prazo será de seis meses contados a partir do día seguinte a aquel en que se produza o acto presunto.
Artigo 9º.-Formalización dos contratos.
Publicada a resolución no DOG as universidades galegas procederán a realizar os trámites necesarios para a contratación dos candidatos seleccionados para os seus organismos consonte o previsto no convenio de colaboración asinado entre a Consellería de Innovación, Industria e Comercio e as universidades galegas.
Os pagamentos que se realizarán ás universidades do sistema universitario de Galicia por parte da Consellería de Innovación, Industria e Comercio, axustaranse ao disposto no devantido convenio.
Artigo 10º.-Obrigas dos beneficiarios e seguimento.
10.1. Os contratos financiados con cargo a esta convocatoria serán incompatibles coa vixencia de calquera outro contrato laboral por parte do investigador contratado.
10.2. Os investigadores que sexan contratados ao abeiro do disposto nesta orde poderán, por petición propia, prestar colaboracións complementarias tales como tarefas docentes, neste último caso ata un máximo de cento vinte horas anuais, tras o acordo do departamento implicado, que documentará debidamente a dita colaboración para os efectos de concurso e respectando a normativa vixente de incompatibilidades.
Santiago de Compostela, 16 de marzo de 2005.
Juan Rodríguez Yuste
Conselleiro de Innovación, Industria e Comercio
ANEXO II
Solicitudes de prazas do programa Isidro Parga Pondal 2005
PRAZA ORGANISMO CENTRO DE TRABALLO LOCALIDADE ÁREA TEMÁTICA ÁREA COÑECEMENTO PERFIL
P-001 UDC FACULTADE DE CIENCIAS A CORUÑA AGRICULTURA EDAFOLOXÍA E QUÍMICA AGRÍCOLA CONSERVACIÓN DO SOLO, PROPIEDADES HÍDRICAS E ESTRUTURA
P-002 UDC FACULTADE DE CIENCIAS A CORUÑA AGRICULTURA EDAFOLOXÍA E QUÍMICA AGRÍCOLA CONSERVACIÓN DE SOLOS E AUGAS
P-003 UDC FACULTADE DE CIENCIAS A CORUÑA BIOLOXÍA MOLECULAR, CELULAR E XENÉTICA BIOLOXÍA CELULAR SISTEMA NERVIOSO CENTRAL DE PEIXES
P-004 UDC FACULTADE DE CIENCIAS A CORUÑA BIOLOXÍA MOLECULAR, CELULAR E XENÉTICA XENÉTICA XENÉTICA MOLECULAR DE POBOACIÓNS
P-005 UDC DEPARTAMENTO DE BIOLOXÍA ANIMAL, BIOLOXÍA VEXETAL E ECOLOXÍA A CORUÑA BIOLOXÍA VEXETAL E ANIMAL, ECOLOXÍA ZOOLOXÍA BIOLOXÍA E PESQUEIRAS DE RECURSOS MARIÑOS
P-006 UDC FACULTADE DE CIENCIAS A CORUÑA CIENCIAS DA TERRA PALEONTOLOXÍA PALEONTOLOXÍA DE DIATOMEAS
P-007 UDC FACULTADE DE CIENCIAS A CORUÑA CIENCIAS DA TERRA PALEONTOLOXÍA PALEONTOLOXÍA E TAXONOMÍA DE VERTEBRADOS CUATERNARIOS
P-008 UDC INSTITUTO UNIVERSITARIO DE XEOLOXÍA A CORUÑA CIENCIAS DA TERRA XEODINÁMICA EXTERNA PALEOXEOGRAFÍA COSTEIRA
P-009 UDC FACULTADE DE DEREITO A CORUÑA DEREITO DEREITO ADMINISTRATIVO DEREITO AMBIENTAL EN AUGAS LITORAIS
P-010 UDC FACULTADE DE DEREITO A CORUÑA DEREITO DEREITO ECLESIÁSTICO DO ESTADO MATRIMONIO E FAMILIA: ESTUDO XURÍDICO COMPARADO
P-011 UDC DEPARTAMENTO DE DEREITO PÚBLICO A CORUÑA DEREITO DEREITO PENAL DEREITO PENAL DO CONSUMO
P-012 UDC FACULTADE DE DEREITO A CORUÑA DEREITO FILOSOFÍA DO DEREITO DEREITOS FUNDAMENTAIS
P-013 UDC ESCOLA TÉCNICA SUPERIOR DE ENXEÑEIROS DE CAMIÑOS, CANLES E PORTOS A CORUÑA ENXEÑARÍA CIVIL E ARQUITECTURA ENXEÑARÍA DO TERREO MODELOS NUMÉRICOS EN HIDROLOXÍA DO SUBSOLO
P-014 UDC ESCOLA POLITÉCNICA SUPERIOR/DEPARTAMENTO DE ENXEÑARÍA INDUSTRIAL II FERROL ENXEÑARÍA MECÁNICA, NAVAL E AERONÁUTICA ENXEÑARÍA MECÁNICA PROCESADO DE MATERIAIS CON LÁSER
P-015 UDC FACULTADE DE FILOLOXÍA A CORUÑA FILOLOXÍA E FILOSOFÍA FILOLOXÍA INGLESA HISTORIA LINGUA INGLESA OU LINGÜÍSTICA DE CORPUS
P-016 UDC FACULTADE DE FILOLOXÍA A CORUÑA FILOLOXÍA E FILOSOFÍA FILOLOXÍA INGLESA LITERATURA EN LINGUA INGLESA
PRAZA ORGANISMO CENTRO DE TRABALLO LOCALIDADE ÁREA TEMÁTICA ÁREA COÑECEMENTO PERFIL
P-017 UDC FACULTADE DE FILOLOXÍA, DPTO. GALEGO PORTUGUÉS, FRANCÉS E LINGÜÍSTICA A CORUÑA FILOLOXÍA E FILOSOFÍA FILOLOXÍAS GALEGA E PORTUGUESA LITERATURA E ECDÓTICA MEDIEVAL GALEGO-PORTUGUESA
P-018 UDC FACULTADE DE FILOLOXÍA A CORUÑA FILOLOXÍA E FILOSOFÍA LINGÜÍSTICA XERAL LEXICOGRAFÍA COMPUTACIONAL
P-019 UDC DEPARTAMENTO DE HUMANIDADES FERROL FILOLOXÍA E FILOSOFÍA LÓXICA E FILOSOFÍA DA CIENCIA FILOSOFÍA E METODOLOXÍA DA CIENCIA ECONÓMICA
P-020 UDC FACULTADE DE CIENCIAS DA SAÚDE A CORUÑA FISIOLOXÍA E FARMACOLOXÍA FISIOLOXÍA NEUROFISIOLOXÍA, REXISTROS EXTRACELULARES, IONTOFORESE
P-021 UDC FACULTADE DE CIENCIAS DA SAÚDE A CORUÑA FISIOLOXÍA E FARMACOLOXÍA FISIOLOXÍA ENDOCRINOLOXÍA: OBESIDADE E ENVELLECEMENTO
P-022 UDC FACULTADE DE INFORMÁTICA A CORUÑA MATEMÁTICAS ESTATÍSTICA E INVESTIGACIÓN OPERATIVA INFERENCIA ESTATÍSTICA
P-023 UDC EDIFICIO UNIVERSITARIO DE OZA A CORUÑA MEDICINA MEDICINA ENFERMIDADES DEXENERATIVAS
P-024 UDC CH UNIVERSITARIO JUAN CANALEJO A CORUÑA MEDICINA MEDICINA XENÓMICA: FARMACOXENÓMICA DAS ENFERMIDADES INFLAMATORIAS
P-025 UDC FACULTADE DE CIENCIAS DA EDUCACIÓN A CORUÑA PSICOLOXÍA E CIENCIAS DA EDUCACIÓN PSICOLOXÍA SOCIAL PSICOLOXÍA SOCIAL DO DESENVOLVEMENTO MORAL E CONDUTA ANTISOCIAL
P-026 UDC FACULTADE DE CIENCIAS DA EDUCACIÓN A CORUÑA PSICOLOXÍA E CIENCIAS DA EDUCACIÓN PSICOLOXÍA SOCIAL TÉCNICAS DE INVESTIGACIÓN PSICOSOCIAL
P-027 UDC FACULTADE DE CIENCIAS A CORUÑA QUÍMICA QUÍMICA ANALÍTICA METODOLOXÍAS DE ANÁLISE DE CONTAMINANTES
P-028 UDC INSTITUTO UNIVERSITARIO DE MEDIO AMBIENTE A CORUÑA QUÍMICA QUÍMICA ANALÍTICA TRATAMENTO E ANÁLISE DE MATRICES AMBIENTAIS
P-029 UDC FACULTADE DE CIENCIAS, DPTO. QUÍMICA FUNDAMENTAL A CORUÑA QUÍMICA QUÍMICA INORGÁNICA QUÍMICA ORGANOMETÁLICA
P-030 UDC FACULTADE DE CIENCIAS A CORUÑA QUÍMICA QUÍMICA ORGÁNICA QUÍMICA DE PRODUTOS NATURAIS
P-031 UDC FACULTADE DE CIENCIAS, DPTO. DE QUÍMICA FUNDAMENTAL A CORUÑA QUÍMICA QUÍMICA ORGÁNICA SÍNTESE ORGÁNICA
P-032 UDC FACULTADE DE CIENCIAS, DPTO. DE QUÍMICA FUNDAMENTAL A CORUÑA QUÍMICA QUÍMICA ORGÁNICA QUÍMICA SUPRAMOLECULAR
P-033 UDC FACULTADE DE CIENCIAS A CORUÑA TECNOLOXÍA QUÍMICA ENXEÑARÍA QUÍMICA TRATAMENTO ANAEROBIO DE AUGAS RESIDUAIS, BRAÑAS.
P-034 UVI FACULTADE DE BIOLOXÍA VIGO BIOLOXÍA VEXETAL E ANIMAL, ECOLOXÍA BIOLOXÍA ANIMAL -BIOLOXÍA DE FAUNA DO SOLO-ECOLOXÍA E ZOOLOXÍA BENTÓNICA
P-035 UVI FACULTADE DE BIOLOXÍA VIGO BIOLOXÍA MOLECULAR, CELULAR E XENÉTICA BIOLOXÍA CELULAR NEUROBIOLOXÍA COMPARADA
P-036 UVI FACULTADE DE BIOLOXÍA VIGO BIOLOXÍA MOLECULAR, CELULAR E XENÉTICA MICROBIOLOXÍA BIOTECNOLOXÍA MICROBIANA
P-037 UVI FACULTADE DE BIOLOXÍA VIGO BIOLOXÍA MOLECULAR, CELULAR E XENÉTICA XENÉTICA XENÉTICA
P-038 UVI FACULTADE DE BIOLOXÍA VIGO BIOLOXÍA VEXETAL E ANIMAL, ECOLOXÍA BIOLOXÍA VEXETAL.CIENCIAS DO SOLO -BIOXEOQUÍMICA TERRESTRE-BIOTECNOLOXÍA EN ESPECIES LEÑOSAS DE INTERESE AGRARIO E FORESTAL
P-039 UVI FACULTADE DE BIOLOXÍA PONTEVEDRA BIOLOXÍA VEXETAL E ANIMAL, ECOLOXÍA ECOLOXÍA -ECOLOXÍA-ECOLOXÍA EVOLUTIVA E DA CONSERVACIÓN DE INSECTOS E HERPETOS
P-040 UVI FACULTADE DE CIENCIAS DO MAR VIGO CIENCIAS DA TERRA FÍSICA DA TERRA, ASTRONOMÍA E ASTROFÍSICA OCEANOGRAFÍA FÍSICA
P-041 UVI E.U.E.T. INDUSTRIAIS VIGO CIENCIAS DA TERRA ENXEÑARÍA CARTOGRÁFICA, XEODÉSICA E FOTOGRAVIMÉTRICA PROGRAMACIÓN E MÉTODOS NUMÉRICOS
P-042 UVI FACULTADE DE CIENCIAS OURENSE CIENCIA E TECNOLOXÍA DE ALIMENTOS TECNOLOXÍA DE ALIMENTOS TECNOLOXÍA DOS ALIMENTOS
P-043 UVI FACULTADE DE CIENCIAS OURENSE CIENCIA E TECNOLOXÍA DE ALIMENTOS NUTRICIÓN E BROMATOLOXÍA QUÍMICA DE ALIMENTOS
P-044 UVI FACULTADE DE CC. SOCIAIS E DA COMUNICACIÓN PONTEVEDRA CIENCIAS SOCIAIS XORNALISMO COMUNICACIÓN POLÍTICA E OPINIÓN PÚBLICA EN GALICIA
P-045 UVI FACULTADE DE CC. XURÍDICAS E DO TRABALLO VIGO DEREITO DEREITO MERCANTIL DEREITO DA PUBLICIDADE, DA COMPETENCIA E PROPIEDADE INDUSTRIAL
P-046 UVI FACULTADE DE DEREITO OURENSE DEREITO DEREITO ECLESIÁSTICO DO ESTADO DEREITO ECLESIÁSTICO DO ESTADO
P-047 UVI FACULTADE DE CC. ECONÓMICAS E EMPRESARIAS VIGO ECONOMÍA ECONOMÍA APLICADA ECONOMÍA DOS RECURSOS NATURAIS E AMBIENTAIS
P-048 UVI FACULTADE DE CC. ECONÓMICAS E EMPRESARIAS VIGO ECONOMÍA ECONOMÍA APLICADA ECONOMÍA APLICADA
P-049 UVI E.T.S.E. INDUSTRIAIS VIGO ENXEÑARÍA ELÉCTRICA, ELECTRÓNICA E AUTOMÁTICA TECNOLOXÍA ELECTRÓNICA TECNOLOXÍA ELECTRÓNICA
P-050 UVI E.T.S.E. INDUSTRIAIS VIGO ENXEÑARÍA MECÁNICA, NAVAL E AERONÁUTICA EXPRESIÓN GRÁFICA DA ENXEÑARÍA EXPRESIÓN GRÁFICA NA ENXEÑARÍA
P-051 UVI FACULTADE DE FILOLOXÍA E TRADUCIÓN VIGO FILOLOXÍA E FILOSOFÍA LITERATURA ESPAÑOLA EDICIÓN DE TEXTOS
P-052 UVI FACULTADE DE FILOLOXÍA E TRADUCIÓN VIGO FILOLOXÍA E FILOSOFÍA LINGÜÍSTICA XERAL SINTAXE E SEMÁNTICA OU LINGUAS SIGNADAS
P-053 UVI FACULTADE DE CIENCIAS OURENSE FÍSICA E CIENCIAS DO ESPAZO ÓPTICA ÓPTICA
P-054 UVI E.T.S.E. INDUSTRIAIS VIGO FÍSICA E CIENCIAS DO ESPAZO FÍSICA APLICADA -PROCESAMENTO DE CERÁMICAS E ROCAS NATURAIS MEDIANTE LÁSER-FÍSICA APLICADA
P-055 UVI FACULTADE DE CIENCIAS DO MAR VIGO FISIOLOXÍA E FARMACOLOXÍA FISIOLOXÍA FISIOLOXÍA
P-056 UVI FACULTADE DE CC. ECONÓMICAS E EMPRESARIAS VIGO MATEMÁTICAS ESTATÍSTICA E INVESTIGACIÓN OPERATIVA ESTATÍSTICA E INVESTIGACIÓN OPERATIVA
P-057 UVI E.T.S.E. TELECOMUNICACIÓN VIGO MEDICINA MEDICINA PREVENTIVA E SAÚDE PÚBLICA -MEDICINA PREVENTIVA E SAÚDE PÚBLICA-EPIDEMIOLOXÍA MOLECULAR DO CANCRO
P-058 UVI FACULTADE DE CIENCIAS OURENSE MEDICINA TOXICOLOXÍA E LEXISLACIÓN SANITARIA TOXICOLOXÍA
P-059 UVI COMPLEXO HOSPITALARIO UNIVERSITARIO DE VIGO VIGO MEDICINA MEDICINA -ANATOMÍA PATOLÓXICA-NEUROCIENCIAS-PROTEÓMICA CLÍNICA
P-060 UVI FACULTADE DE CIENCIAS OURENSE QUÍMICA QUÍMICA ANALÍTICA QUÍMICA ANALÍTICA
P-061 UVI FACULTADE DE QUÍMICA VIGO QUÍMICA QUÍMICA INORGÁNICA -NANOPARTÍCULAS METÁLICAS-QUÍMICA INORGÁNICA
P-062 UVI FACULTADE DE QUÍMICA VIGO QUÍMICA QUÍMICA FÍSICA -QUÍMICA COLOIDAL OU NANOTECNOLOXÍA-QUÍMICA CUÁNTICA
PRAZA ORGANISMO CENTRO DE TRABALLO LOCALIDADE ÁREA TEMÁTICA ÁREA COÑECEMENTO PERFIL
P-063 UVI FACULTADE DE QUÍMICA VIGO QUÍMICA QUÍMICA ORGÁNICA QUÍMICA ORGÁNICA
P-064 UVI FACULTADE DE QUÍMICA VIGO QUÍMICA QUÍMICA INORGÁNICA -QUÍMICA INORGÁNICA-QUÍMICA METALO-SUPRAMOLECULAR
P-065 UVI E.T.S.E. TELECOMUNICACIÓN VIGO TECNOLOXÍA ELECTRÓNICA E DAS COMUNICACIÓNS ENXEÑARÍA TELEMÁTICA INVESTIGACIÓN EN REDES ÓPTICAS
P-066 UVI E.T.S.E. TELECOMUNICACIÓN VIGO TECNOLOXÍA ELECTRÓNICA E DAS COMUNICACIÓNS TEORÍA DO SINAL E COMUNICACIÓNS PROCESADO DE SINAL EN COMUNICACIÓNS
P-067 UVI FACULTADE DE QUÍMICA VIGO TECNOLOXÍA QUÍMICA ENXEÑARÍA QUÍMICA ENXEÑARÍA QUÍMICA
P-068 UVI E.T.S.E. INDUSTRIAIS VIGO TECNOLOXÍA QUÍMICA ENXEÑARÍA QUÍMICA -SEPARACIÓN DE GASES-DESENVOLVEMENTO DE BIOPROCESOS
P-069 UVI FACULTADE DE CIENCIAS OURENSE TECNOLOXÍA QUÍMICA ENXEÑARÍA QUÍMICA ENXEÑARÍA QUÍMICA
P-070 USC DPTO. ENXEÑARÍA QUÍMICA/FAC. ENXEÑARÍA QUÍMICA SANTIAGO DE C. TECNOLOXÍA QUÍMICA ENXEÑARÍA QUÍMICA ENXEÑARÍA QUÍMICA: FERMENTACIÓN BIOQUÍMICA
P-071 USC DPTO. ENXEÑARÍA AGROFORESTAL/IBADER LUGO AGRICULTURA ENXEÑARÍA AGROFORESTAL -ENXEÑARÍA AGROFORESTAL: CIENCIA FORESTAL E AMBIENTAL -EDAFOLOXÍA: SOLOS FORESTAIS
P-072 USC INSTITUTO DE INVESTIGACIÓNS TECNOLÓXICAS SANTIAGO DE C. CIENCIAS DA COMPUTACIÓN E TECNOLOXÍA INFORMÁTICA LINGUAXES E SISTEMAS INFORMÁTICOS -INFRAESTRUTURA DE DATOS ESPACIAIS-REALIDADE VIRTUAL-CÁLCULO COMPUTACIONAL
P-073 USC DPTO. ENXEÑARÍA QUÍMICA/ETS. ENXEÑARÍA QUÍMICA SANTIAGO DE C. TECNOLOXÍA QUÍMICA ENXEÑARÍA QUÍMICA ENXEÑARÍA QUÍMICA OU QUÍMICA INDUSTRIAL: RISCOS AMBIENTAIS
P-074 USC IDEGA SANTIAGO DE C. CIENCIAS SOCIAIS ANÁLISE XEOGRÁFICO REXIONAL DIAGNOSE E PLANIFICACIÓN TERRITORIAL. URBANÍSTICA E ORDENACIÓN DO TERRITORIO
P-075 USC DPTO. TEORÍA E HISTORIA DA EDUCACIÓN/FAC. CC. EDUCACIÓN SANTIAGO DE C. PSICOLOXÍA E CIENCIAS DA EDUCACIÓN TEORÍA E HISTORIA DA EDUCACIÓN PEDAGOXÍA SOCIAL
P-076 USC DPTO. TEORÍA E HISTORIA DA EDUCACIÓN/FAC. CC. EDUCACIÓN SANTIAGO DE C. PSICOLOXÍA E CIENCIAS DA EDUCACIÓN TEORÍA E HISTORIA DA EDUCACIÓN PEDAGOXÍA INTERCULTURAL E INTEGRACIÓN SOCIOEDUCATIVA
P-077 USC INSTITUTO DE DEREITO INDUSTRIAL/FAC. DE DEREITO SANTIAGO DE C. DEREITO DEREITO MERCANTIL PROPIEDADE INDUSTRIAL: PATENTES, DESEÑO E MARCAS. COMPETENCIA DESLEAL
P-078 USC DPTO. DEREITO PÚBLICO E TEORÍA DO ESTADO/FAC. DE DEREITO SANTIAGO DE C. DEREITO DEREITO ADMINISTRATIVO DEREITO LOCAL
P-079 USC INSTITUTO DE MEDICINA LEGAL. NODO DE XENOTIPADO SANTIAGO DE C. MEDICINA MEDICINA LEGAL E FORENSE XENÉTICA APLICADA Á MEDICINA. FARMACOXENÉTICA. XENÉTICA DE POBOACIÓNS
P-080 USC DPTO. FARMACOLOXÍA/FAC. VETERINARIA LUGO FISIOLOXÍA E FARMACOLOXÍA FARMACOLOXÍA COÑECEMENTO DE TÉCNICAS DE SINAIS DE TRANSDUCIÓN EN MODELOS CELULARES
P-081 USC DPTO. FARMACOLOXÍA/FAC. FARMACIA SANTIAGO DE C. FISIOLOXÍA E FARMACOLOXÍA FARMACOLOXÍA FARMACOLOXÍA MOLECULAR
P-082 USC DPTO. FARMACIA E TECNOLOXÍA FARMACÉUTICA/FAC. FARMACIA SANTIAGO DE C. FISIOLOXÍA E FARMACOLOXÍA FARMACIA E TECNOLOXÍA FARMACÉUTICA NANOTECNOLOXÍAS E/OU DRUG DELIVERY
P-083 USC DPTO. MEDICINA/FAC. MEDICINA SANTIAGO DE C. MEDICINA MEDICINA INVESTIGACIÓN BIOQUÍMICA E CELULAR EN SISTEMAS CARDIVASCULAR E/OU ENDÓCRINO
P-084 USC DPTO. FISIOLOXÍA/FAC. MEDICINA SANTIAGO DE C. MEDICINA MEDICINA ONCOLOXÍA MOLECULAR
P-085 USC INSTITUTO DE INVESTIGACIÓNS TECNOLÓXICAS SANTIAGO DE C. HISTORIA E ARTE ARQUEOLOXÍA ARQUEOLOXÍA DA PAISAXE E FORMAS CULTURAIS
P-086 USC DPTO. FILOLOXÍA GALEGA/FAC. FILOLOXÍA SANTIAGO DE C. FILOLOXÍA E FILOSOFÍA FILOLOXÍA ROMÁNICA LITERATURA ROMÁNICA MEDIEVAL
P-087 USC DPTO. LITERATURA ESPAÑOLA, TEORÍA DA LITERATURA E LINGÜÍSTICA XERAL/FAC. FILOLOXÍA SANTIAGO DE C. FILOLOXÍA E FILOSOFÍA LINGÜÍSTICA XERAL/LITERATURA ESPAÑOLA ANÁLISE CRÍTICA DE MARCOS LINGÜÍSTICO-COMUNICATIVOS DIVERSOS
P-088 USC DPTO. FÍSICA DE PARTÍCULAS/FAC. DE FÍSICA SANTIAGO DE C. FÍSICA E CIENCIAS DO ESPAZO FÍSICA ATÓMICA, MOLECULAR E NUCLEAR FÍSICA NUCLEAR EXPERIMENTAL
P-089 USC IGFAE-FAC. DE FÍSICA SANTIAGO DE C. FÍSICA E CIENCIAS DO ESPAZO FÍSICA TEÓRICA TEORÍA DE FÍSICA DE PARTÍCULAS E RAIOS CÓSMICOS A ALTAS ENERXÍAS
P-090 USC DPTO. FÍSICA DA MATERIA CONDENSADA/FAC. DE FÍSICA SANTIAGO DE C. FÍSICA E CIENCIAS DO ESPAZO FÍSICA DA MATERIA CONDENSADA FORMACIÓN DE ESTRUTURAS EN MEDIOS NON LINEAIS
P-091 USC DPTO. QUÍMICA INORGÁNICA/FAC. QUÍMICA SANTIAGO DE C. CIENCIA E TECNOLOXÍA DE MATERIAIS CRISTALOGRAFÍA E MINERALOXÍA CRISTALOGRAFÍA DE RAIOS X. ANÁLISE ESTRUTURAL DE SISTEMAS MONOCRISTALINOS
P-092 USC DPTO. QUÍMICA ORGÁNICA (FAC. DE QUÍMICA) /RIAIDT/ INSTITUTO DE FARMACIA INDUSTRIAL SANTIAGO DE C. QUÍMICA QUÍMICA ORGÁNICA -SÍNTESE ORGÁNICA E INORGÁNICA EN CATÁLISE-ESPECTROSCOPIA DE RMN, QUÍMICA COMPUTACIONAL-QUÍMICA COMBINATORIA
P-093 USC DPTO. QUÍMICA ANALÍTICA, NUTRICIÓN E BROMATOLOXÍA LUGO CIENCIA E TECNOLOXÍA DE ALIMENTOS NUTRICIÓN E BROMATOLOXÍA AUTENTICIDADE E SEGURIDADE ALIMENTARIA
P-094 USC DPTO. ESTATÍSTICA E INVESTIGACIÓN OPERATIVA/FAC. DE MATEMÁTICAS SANTIAGO DE C. MATEMÁTICAS ESTATÍSTICA E INVESTIGACIÓN OPERATIVA BIOESTATÍSTICA OU XEOESTATÍSTICA
P-095 USC DPTO. FÍSICA APLICADA/FAC. FÍSICA SANTIAGO DE C. CIENCIA E TECNOLOXÍA DE MATERIAIS CIENCIA DE MATERIAIS MATERIAIS MAGNÉTICOS E DIELÉCTRICOS NANOESTRUTURADOS
P-096 USC DPTO. XENÉTICA/FAC. VETERINARIA LUGO BIOLOXÍA MOLECULAR, CELULAR E XENÉTICA XENÉTICA XENÉTICA DE PEIXES
P-097 USC DPTO. QUÍMICA ANALÍTICA, NUTRICIÓN E BROMATOLOXÍA/FAC. DE FARMACIA SANTIAGO DE C. CIENCIA E TECNOLOXÍA DE ALIMENTOS NUTRICIÓN E BROMATOLOXÍA BROMATOLOXÍA
P-098 USC DPTO. FISIOLOXÍA/FAC. MEDICINA SANTIAGO DE C. FISIOLOXÍA E FARMACOLOXÍA FISIOLOXÍA REGULACIÓN DO PESO CORPORAL
P-099 USC DPTO. FÍSICA DA MATERIA CONDENSADA/FAC. DE FÍSICA SANTIAGO DE C. CIENCIA E TECNOLOXÍA DE MATERIAIS CIENCIA DE MATERIAIS E ENXEÑARÍA METALÚRXICA SUPERCONDUCIÓN
P-100 USC DPTO. BIOLOXÍA CELULAR E ECOLOXÍA/FAC. BIOLOXÍA SANTIAGO DE C. BIOLOXÍA MOLECULAR, CELULAR E XENÉTICA BIOLOXÍA CELULAR BIOLOXÍA DA ORGANIZACIÓN E O DESENVOLVEMENTO DO SISTEMA NERVIOSO
P-101 USC INSTITUTO DE ACUICULTURA SANTIAGO DE C. GANDERÍA E PESCA SANIDADE ANIMAL TECNOLOXÍA FARMACEÚTICA EN ZOONOSES PARASITARIAS
P-102 USC IIAA/DPTO. MICROBIOLOXÍA/FAC. FARMACIA SANTIAGO DE C. BIOLOXÍA MOLECULAR, CELULAR E XENÉTICA MICROBIOLOXÍA -SEGURIDADE ALIMENTARIA. RISCOS MICROBIOLÓXICOS. XEMOTOXICIDADE, CLONACIÓN E EXPRESIÓN DE XENS DE PROTEASAS
P-103 USC INSTITUTO DE ACUICULTURA SANTIAGO DE C. GANDARÍA E PESCA SANIDADE ANIMAL -CARACTERIZACIÓN MOLECULAR EN ICTIOPATOLOXÍA-DIAGNÓSTICO, CONTROL E ANÁLISE EPIDEMIOLÓXICA EN ACUICULTURA
P-104 USC UNIDADE DE ESPECTROMETRÍA DE MASAS SECCIÓN PROTÉMICA SANTIAGO DE C. BIOLOXÍA MOLECULAR, CELULAR E XENÉTICA BIOQUÍMICA E BIOLOXÍA MOLECULAR PROTEÓMICA
P-105 USC UNIDADE DE INVESTIGACIÓN CHUS SANTIAGO DE C. MEDICINA MEDICINA PREVENTIVA E SAÚDE PÚBLICA INVESTIGACIÓN EN SAÚDE PÚBLICA E SERVIZOS DE SAÚDE. EPIDEMIOLOXÍA
CONSELLERÍA DE XUSTIZA, INTERIOR E ADMINISTRACIÓN
LOCAL
