Visto o expediente do acordo de modificación e revisión salarial do convenio colectivo do sector da construción, que tivo entrada nesta delegación provincial o día 4-2-2005 e subscrito pola parte económica por APECCO e pola parte social por UGT, CC.OO. e CIG o día 2-2-2005, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordenar a súa inscrición no libro de rexistro de convenios colectivos de traballo, desta delegación provincial, e notificación ás representacións económica e social da comisión negociadora.
Segundo.-Ordenar o depósito do citado acordo no Servizo de Relacións Laborais, Sección de Mediación, Arbitraxe e Conciliación.
Terceiro.-Dispoñer a súa publicación no Diario Oficial de Galicia.
A Coruña, 11 de febreiro de 2005.
Cristina Azpilcueta González
Delegada provincial da Coruña
Acta nº 2. Convenio da construción.
Provincia da Coruña
Asistentes:
Por APECCO:
Antonio Fernández Durán, Ignacio Tuñón Gurrea, Antonio Fernández Chao (asesor), Miguel García Eiroa (secretario).
Por UGT:
Manuel Golpe Gómez, Jesús Mª Calvo Romero.
Por CC.OO.:
Santiago Huertas Pozurama, Eduardo Da Silva Pérez.
Por CIG:
Victorino Ares Prado, Vicente Moreira Sobrido.
Na cidade da Coruña o 2 de febreiro de 2005, sendo as 17.00 horas, reúnense nos locais de APECCO, os señores que arriba se citan, para continuar coas negociacións do convenio da construción de 2005.
Aberta a sesión e despois dunha ampla deliberación chégase aos seguintes acordos:
* Primeiro: que dado que, segundo se constata, a desviación producida no IPC respecto ao pactado no artigo 7 do convenio para o 2004, é o un coma dous por cento (1,2%), apróbase a nova táboa salarial, que se xunta como anexo, que recolle a desviación antes mencionada e cuxas diferenzas coa táboa salarial existente ata a data se deben aboar, como atrasos, desde o 1 de xaneiro de 2004.
* Segundo: así mesmo, faise constar que o artigo 52 queda redactado nos seguintes termos:
Artigo 52: complemento de hospitalización.
No caso de accidente laboral ocorrido no centro de traballo e en horario de traballo, e que dea lugar a hospitalización, a empresa aboará un complemento que, sumado ás prestacións regulamentarias por incapacidade laboral transitoria, garanta o cen por cento do salario real e durante un período máximo de seis meses, salvo que finalice antes o contrato de traballo ou a obra.
* Terceiro: acórdase incluír na redacción do convenio de 2005 e unha vez constatada a omisión na redacción de 2004 do artigo correspondente a táboas de produtividade, cuxo texto é o seguinte:
«Incorpóranse como anexo a este convenio, integrándose como parte del, as táboas de produtividade, que deberá executar estritamente cada traballador no tempo e condicións estipuladas, considerándose como diminucións voluntarias ao non chegar a elas salvo causa xustificada e suficientemente demostrada.
As mencionadas táboas serán substituídas polas que no seu día sexan aprobadas pola Comisión Nacional de Produtividade».
Así como os seus anexos.
* Cuarto: para a aplicación durante o 2005 da cláusula adicional sétima do convenio de 2004 o IPC previsto será do dous por cento (2%).
Así mesmo, facúltase Miguel García Eiroa, secretario para a presentación do acordo mencionado citado perante a delegación provincial de Asuntos Sociais, Emprego
e Relacións Laborais da Xunta de Galicia, para efectos da súa homologación e posterior publicación no BOP e no Diario Oficial de Galicia.
E en proba de conformidade, asínase esta acta no lugar e na data arriba indicados.
ANEXO
Convenio provincial de edificación e obras públicas da Coruña, ano 2004
Táboa de retribucións - actualizada co IPC o 31-12-2004
Vixencia: do 1-1-2004 ao 31-12-2004
(por día efectivo
de traballo)
hora
extra
e transporteNiveis Categorías Salario Complemento
Gratificacións Vacacións Total anual Valor
Día Mes Asistencia Distancia
Xullo Nadal
II Titulado superior 47,47 1.424,12 6,18 6,05 1.921,79 1.921,79 1.921,79 24.390,35 16,30
III Titulado medio, xefe admvo. 1ª, xefe secc. org. 1ª 37,83 1.134,89 6,18 4,92 1.556,76 1.556,76 1.556,76 19.840,27 13,29
IV Xefe de persoal, axte. de obra, encargado xeral de fábrica, encargado xeral 36,17 1.084,96 6,18 4,73 1.493,72 1.493,72 1.493,72 19.055,94 12,80
V Xefe administrativo de 2ª, delineante superior, encargado xeral de obra, xefes de sección de organización científica do traballo de 2ª, xefe de compras 32,95 988,53 6,18 4,33 1.372,05 1.372,05 1.372,05 17.533,40 11,86
VI Ofic. admvo. de 1ª, delineante de 1ª, xefe ou encargado de taller, encargado de sección de laboratorio, escultor de pedra e mármore, práctico de topografía de 1ª, técnico de organización, encargado de obra 28,11 843,17 6,18 3,79 1.188,53 1.188,53 1.188,53 15.253,20 10,37
VII Delineante de 2ª, técnico de organización de 2ª, práctico de topografía de 2ª, analista de 1ª, viaxante, especialista de oficio, capataz 24,97 748,95 6,18 3,76 1.082,62 1.082,62 1.082,62 13.788 9,50
VIII Oficial admvo. 2ª, corredor de praza, inspector de control, sinalización e servizos, analista de 2ª, oficial de 1ª de oficio 24,44 733,08 6,18 3,69 1.059,55 1.059,55 1.059,55 13.526,24 9,37
IX Auxiliar admvo., axte. topográfico, aux. organiz., vendedor, conserxe, oficial 2ª de oficio 23,90 716,99 6,18 3,62 1.039,60 1.039,60 1.039,60 13.271,39 9,22
X Auxiliar de laboratorio, vixilante, almaceneiro, enfermeiro, cobrador, garda xurado, especialista de 1ª, axudante de oficio 23,15 6,18 3,52 1.006,38 1.006,38 1.006,38 12.898,69 9,01
XI Especialista de 2ª, peón especial 23 6,18 3,50 1.001,12 1.001,12 1.001,12 12.828,28 9,01
XII Limpadora, peón ordinario 22,54 6,18 3,43 982,89 982,89 982,89 12.604,16 8,71
XIII Mozos dos recados e pinches de 16 a 18 anos 18,63 4,51 2,77 796,95 796,95 796,95 10.226,22
Nota: as categorías que se indican, cunha antigüidade na empresa anterior a 1-6-1992, rexeranse para efectos económicos polos seguintes niveis:
Nivel VII: oficial 2ª administrativo; nivel VIII: aux. técnico e administrativo; nivel IX: listeiro.
Para as categorías cuxos devengos son mensuais, o salario multiplícase por 30 días e os complementos de asistencia, transporte e distancia por 22 días.
A retribución do traballador en prácticas durante o primeiro ano de vixencia será do 60% e para o segundo ano do 75% desta táboa.