A dirección económico-administrativa da CRTVG identificou diversos equipamentos que deixaron de ter utilidade para Televisión de Galicia, S.A. segundo informe confeccionado pola dirección técnica da compañía, en que se consigna a súa marca, modelo e número de serie.

A Consellería de Cultura, Comunicación Social e Turismo informou favorablemente a adscripción de tales equipamentos á Consellería de Educación e Ordenación Universitaria, manifestando esta última o seu interese nela, unha vez que aqueles resultan adecuados para o cumprimento de fins que lle son propios.

En cumprimento do disposto no artigo 26 da Lei 9/1984, do 11 de xullo, de creación da Compañía

de Radio-Televisión de Galicia, o artigo 12 da Lei 3/1985, do 12 de abril, do patrimonio da Comunidade Autónoma de Galicia e 31 do seu regulamento.

En virtude do anteriormente exposto, por instancia da Compañía Radio-Televisión de Galicia, por proposta do conselleiro de Economía e Facenda e logo de deliberación do Consello da Xunta de Galicia na súa reunión do catro de marzo de dous mil cinco,

DISPOÑO:

Artigo 1º

Acórdase a mutación de destino de dous equipamentos audiovisuais identificados no anexo, co fin de destinalos a actividades propias da Consellería de Educación e Ordenación Universitaria.

Artigo 2º

Os ben mobles a que refire este decreto quedan adscritos á Consellería de Educación e Ordenación Universitaria.

Artigo 3º

A Consellería de Economía e Facenda, a través da Secretaría Xeral e do Patrimonio, levará a cabo todos os trámites necesarios para dar efectividade ao disposto neste decreto.

Santiago de Compostela, catro de marzo de dous mil cinco.

Manuel Fraga Iribarne

Presidente

José Antonio Orza Fernández

Conselleiro de Economía e Facenda

ANEXO