A Comunidade Autónoma de Galicia ten competencia exclusiva en materia de asistencia social, segundo o disposto no artigo 27.23º do seu Estatuto de autonomía.
A Lei 4/1993, do 14 de abril, de servizos sociais, atribúelle á Administración autonómica competencia para a regulamentación dos centros de servizos sociais, entre os cales se recollen os centros de atención á primeira infancia.
Así mesmo, a Lei 3/1997, galega da familia, infancia e adolescencia, atribúelle a Xunta de Galicia a xestión dos centros de atención á primeira infancia dependentes da Administración autonómica.
Consonte o exposto, e facendo uso das facultades que me confire o artigo 34, da Lei 1/1983, do 22 de febreiro, reguladora da Xunta e o seu presidente,
DISPOÑO:
Artigo 1º.-Obxecto.
Esta orde ten por obxecto regular o procedemento de adxudicación de prazas nos centros de atención á primeira infancia, dependentes da Consellería de Familia, Xuventude, Deporte e Voluntariado, tanto no relativo ás solicitudes de novo ingreso como ás de renovación de prazas e cobertura de vacantes que poidan producirse ao longo do curso.
Artigo 2º.-Destinatarios.
1. Poderán solicitar praza nos centros de atención á primeira infancia os pais ou representantes legais dos nenos e nenas residentes na Comunidade Autónoma de Galicia que cumpran os seguintes requisitos de idade:
Idade mínima: teren cumpridos os tres meses na data de ingreso.
Idade máxima: non teren cumpridos os 3 anos de idade o 31 de decembro do ano en que se solicita a praza. Non obstante, poderán eximirse do límite de idade os/as nenos/as con discapacidade física, psíquica ou sensorial susceptibles de integración, logo do ditame do equipo de orientación específico, dependente da Inspección de Educación en cada Delegación Provincial da Consellería de Educación e Ordenación Universitaria.
2. Non se poderán presentar solicitudes para o grupo 0-1 para aqueles centros que por razóns estruturais non conten con unidades para este tramo de idade.
3. Poderán integrarse nenos e nenas con discapacidade física, psíquica ou sensorial. O ingreso destes estará supeditado á existencia de condicións infraestruturais idóneas e de persoal axeitado e suficiente no cadro de persoal do centro. En ningún caso poderá haber máis dun neno ou nena de integración por aula. Para efectos de ratio, estas prazas contabilizaranse como dúas.
Artigo 3º.-Prazas de ingresos urxentes.
Reservarase un 5% das prazas de cada centro para supostos de máxima urxencia, entendendo por tales os ingresos de menores tutelados/as pola Consellería de Familia, Xuventude, Deporte e Voluntariado, os fillos/as de mulleres que se atopen en casas de acollida ou de víctimas de maltrato acreditado segundo se establece no artigo 6º, e aqueloutros en que concorran circunstancias socio-económicas e familiares que requiran unha intervención inmediata. A adxudicación ou denegación de praza nestes supostos será resolta pola directora xeral de Familia nun prazo de 5 días contados a partir da data de presentación da solicitude. Transcorrido este prazo sen ditarse resolución expresa, a solicitude terase por desestimada. Contra esta resolución, que non esgota a vía administrativa, cabe interpor recurso de alzada perante a conselleira de Familia, Xuventude, Deporte e Voluntariado no prazo dun mes, que comezará a contar o día seguinte ao da notificación da resolución.
Artigo 4º.-Servizos.
1. Os servizos dos centros desagréganse en dúas opcións: asistencia con comedor e asistencia sen comedor. Os usuarios que opten polo servizo de asistencia sen comedor ateranse aos horarios establecidos no centro para estes efectos.
A opción de servizos elixida farase constar nos impresos de solicitude de novo ingreso ou renovación de praza e deberá manterse durante todo o curso salvo circunstancias sobrevidas, debidamente acreditadas, que xustifiquen a necesidade de modificación da opción elixida inicialmente.
2. Todos os centros de atención á primeira infancia dependentes desta consellería ampliarán a 12 horas diarias, de luns a venres, a prestación do seu servizo.
A permanencia dos nenos no centro será con carácter xeral dun máximo de 8 horas diarias e continuadas, agás causas excepcionais e convenientemente xustificadas, que serán valoradas pola respectiva Delegación Provincial da Consellería de Familia, Xuventude, Deporte e Voluntariado.
Artigo 5º.-Solicitudes.
O procedemento para a concesión de prazas iniciarase coa presentación das solicitudes por parte dos pais ou representantes legais dos nenos/as, segundo os modelos normalizados recollidos nesta orde:
Anexo I. Reserva de praza.
Anexo II. Novo ingreso.
Os impresos de solicitude -anexo I/anexo II- facilitaranse nos propios centros en que se solicite praza, nas delegacións provinciais desta consellería ou no enderezo electrónico (www.xunta.es/conselle/fm/dxf/inex.htm), debendo presentarse xunto coa documentación oportuna nas anteditas delegacións provinciais, sen prexuízo do disposto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Na presentación da solicitude, o interesado autorizará a Consellería de Familia, Xuventude, Deporte e Voluntariado para obter os datos de carácter tributario da Axencia Estatal de Administración Tributaria e da Consellería de Economía e Facenda para a determinación da renda da unidade familiar.
1. O prazo para a presentación de solicitudes -reserva de praza e novo ingreso- será do 9 ao 23 de marzo.
1.1. Reserva de praza.
Os pais ou representantes legais de nenos/as xa matriculados nestes centros que desexen renovar praza neles, presentarán a solicitude de reserva de praza (anexo I), na cal deberán figurar os ingresos económicos actualizados. As variacións alegadas neste anexo serán cumpridamente xustificadas.
Non poderá renovar praza o solicitante que no momento de formalizar a súa solicitude manteña algunha mensualidade sen pagar de calquera curso.
1.2. Novo ingreso.
a) Os solicitantes de novo ingreso presentarán a solicitude segundo o modelo oficial (anexo II).
b) Poderase solicitar, no mesmo impreso, praza para dous centros, detallándoos por orde de preferencia.
A puntuación obtida no baremo de admisión determinará a orde de prelación na adxudicación de prazas para calquera das dúas opcións solicitadas.
c) Os solicitantes interesados en participar nas prazas de centros de atención á primeira infancia conveniadas con esta consellería a través do Programa Cheque Infantil, dirixido a aqueles que non obteñan praza na 1ª e 2ª opción solicitadas, deberán cubrir o espazo do anexo II destinado a este fin, detallando por orde de preferencia ata un máximo de 5 centros dos que se relacionan no anexo VI. De non cubrir este espazo, entenderase que desisten desta opción e quedarán excluídos da candidatura ao referido cheque.
Artigo 6º.-Documentación de novo ingreso.
1. Os pais ou representantes legais dos nenos/as presentarán a solicitude para o seu ingreso, presentando con ela os seguintes documentos cotexados:
a) Fotocopia do documento nacional de identidade do solicitante e, se é o caso, do representante legal.
b) Fotocopia do libro de familia ou, no seu defecto, outro documento que acredite oficialmente a situación familiar.
c) Xustificación de ingresos: copia da última declaración do IRPF de cada membro da unidade familiar computable para efectos económicos, segundo se determina no artigo 14 de esta orde.
No caso de non ter obriga de presentar declaración:
1. Os solicitantes de devolución rápida (mod. 104) presentarán copia da comunicación que lles envía a Axencia Estatal de Administración Tributaria.
2. As persoas non obrigadas a declarar e que non solicitan devolución rápida (mod. 104) presentarán certificación dos datos existentes na Administración, expedida pola Axencia Estatal da Administración Tributaria.
Cando se produzan causas sobrevidas que afecten os recursos da unidade familiar, poderán presentar outros documentos que acrediten oficialmente a situación económica. Naqueles casos en que por distintas razóns non se poidan acreditar as rendas dos pais con escasos recursos, será preciso un informe do asistente social do concello.
d) En caso de nenos de integración: informe do equipo de valoración e orientación das delegacións provinciais da Consellería de Familia, Xuventude, Deporte e Voluntariado.
e) Certificado de minusvalidez, se é o caso, só cando non sexa expedido pola Comunidade Autónoma de Galicia.
f) Outros documentos, se procede, en que consten incidencias familiares, económicas e sociais puntuables no baremo:
-Cargas familiares.
-Invalidez ou minusvalideces dos pais, titores e/ou outros membros da unidade familiar, só no caso de certificados que non sexan expedidos pola Comunidade Autónoma de Galicia.
-Enfermidades crónicas ou outras afeccións alegadas polos membros da unidade familiar.
-Situación de desemprego dos pais ou titores.
-Condición de familia monoparental, entendida como a formada polo pai/nai solteiro/a que non manteñan relación de convivencia ou situacións de separación, divorcio ou viuvez.
-Ausencia do lar familiar de ambos os dous membros parenterais.
-Irmáns con praza renovada no centro.
-Familia numerosa.
g) No caso de mulleres maltratadas, informe dos servizos sociais de base e xustificación de teren presentado denuncia ante a autoridade competente.
2. De carecer de acreditación documental dalgunha das incidencias alegadas, poderase presentar informe dos servizos sociais do concello correspondente.
Artigo 7º.-Emenda.
No caso de que as solicitudes de reserva de praza ou novo ingreso non reúnan os requisitos exixidos, a delegación provincial desta consellería, consonte o artigo 71 da Lei 30/1992, do 26 de novembro, de réxime xurídico das administracións públicas e
do procedemento administrativo común, requirirá o interesado para que, nun prazo de 10 días, emende os erros detectados, con indicación de que, se así non o fixer, terase por desistido da súa petición, logo de resolución en tal sentido.
Artigo 8º.-Baremo de admisión.
A selección das solicitudes efectuarase en función da puntuación acadada segundo o baremo establecido no anexo III, mediante o cal se avaliarán os factores socioeconómicos, familiares e laborais da unidade familiar. En caso de obter igual puntuación, daráselle prioridade á renda per cápita máis baixa, e após a aplicación deste criterio, terán preferencia as solicitudes de asistencia con servizo de comedor.
Entenderase por unidade familiar, para estes efectos, o conxunto de persoas unidas por vínculos de matrimonio ou parentesco, ou as unidades de convivencia cando constitúan núcleos estables de vida en común.
Artigo 9º.-Comisión de baremación.
1. Aplicaráselles a todas as solicitudes recibidas un procedemento de valoración. Con tal fin constituirase, en cada unha das delegacións, unha comisión provincial de baremación e selección coa seguinte composición:
Presidente: o/a xefe/a de Servizo de Familia, e Infancia e Menores.
Vogais: o/a director/a do centro e un/unha representante dos pais dos/as nenos/as do centro cuxas solicitudes se estean a baremar.
Secretario/a: un/unha funcionario/a da delegación provincial designado/a polo delegado/a provincial.
Os acordos tomaranse por maioría simple e resolverá, en caso de empate, o/a presidente.
2. A dirección de cada centro convocará os pais a unha reunión, que se celebrará anualmente antes de rematar o prazo de solicitudes de reserva de praza, co fin de proceder á elección, mediante votación e por maioría simple, do/a seu/súa representante na comisión de baremación e selección.
Artigo 10º.-Relación provisoria.
A comisión, unha vez realizada a baremación, efectuará a proposta de selección, e publicará entre o 28 e o 30 de abril a relación provisoria de admitidos e lista de espera, coa puntuación obtida; correspondéndolle a resolución ao delegado provincial, xunto coa fixación de tarifa. Esta relación poderase consultar nas delegacións provinciais da consellería, así como na páxina web da Dirección Xeral de Familia (www.xunta.es/conselle/fm/dxf/inex.htm) e nos respectivos centros.
Artigo 11º.-Reclamacións.
Os solicitantes poderán efectuar as reclamacións que coiden oportunas no prazo de dez días contados desde a data de publicación da relación provisoria.
Estas reclamacións entenderanse resoltas coa publicación da lista definitiva.
Artigo 12º.-Relación definitiva.
1. Unha vez estudadas pola comisión todas as reclamacións presentadas e mediante resolución do/a delegado/a provincial, procederase á publicación na última semana de maio, da relación definitiva de admitidos e da lista de espera coa puntuación obtida e tarifa correspondente a cada caso.
Esta relación poderase consultar nas delegacións provinciais da consellería, así como na páxina web da Dirección Xeral de Familia (www.xunta.es/conselle/fm/dxf/inex.htm) e nos respectivos centros. Contra esta resolución, que non esgota a vía administrativa, poderá interporse recurso de alzada perante a conselleira de Familia, Xuventude, Deporte e Voluntariado, no prazo dun mes que comezará a contar o día seguinte ao da publicación da resolución.
2. Os solicitantes admitidos disporán dun prazo de dez días a partir da publicación da admisión para confirmaren a súa praza presentando certificado médico do neno/a nas delegacións provinciais desta consellería sen prexuízo do disposto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Se non se presentase a devandita documentación no prazo sinalado, terase por decaída a solicitude da praza, logo de resolución en tal sentido.
3. Con carácter xeral, o prazo máximo para resolver o procedemento previsto nesta convocatoria será de 6 meses contados a partir do día seguinte ao da publicación desta orde. Transcorrido o dito prazo sen recaer resolución expresa, as solicitudes teranse por desestimadas.
Artigo 13º.-Lista de espera.
1. A lista de espera estará constituída polos solicitantes que non obteñan praza na 1ª e 2ª opción, ordenados segundo a puntuación acadada no baremo de admisión.
2. As vacantes que se vaian producindo ao longo do curso serán cubertas por rigorosa orde de puntuación entre os solicitantes en lista de espera.
3. Os integrantes da lista de espera que se inscribisen como candidatos ao Programa de Cheque Infantil serán excluídos dela ao adxudicárselles a/as praza/s participadas por este programa, aínda no caso de renunciaren a elas.
4. As solicitudes que por circunstancias sobrevidas debidamente xustificadas non se presentasen nos prazos fixados nesta convocatoria, serán tramitadas e baremadas polas comisións provinciais de selección e baremación para a súa inclusión na lista de espera, segundo a puntuación obtida.
Artigo 14º.-Tarifas.
1. Para a determinación das tarifas aplicables observarase o establecido no Decreto 70/2002, do 28 de febreiro, polo que se aproba o réxime de prezos dos centros de atención á primeira infancia dependentes desta consellería.
Para estes efectos, entenderase por renda per cápita mensual o resultado de dividir polo número de persoas que compoñen a unidade familiar o cociente resultante de dividir por doce a suma dos ingresos totais da unidade familiar.
Entenderase por unidade familiar, para efectos económicos, a formada polos pais e fillos menores de dezaoito anos ou fillos maiores de dezaoito anos con minusvalidez superior ao 33%. No caso de familias monoparentais, e para efectos do cálculo da renda per cápita a que se refire o parágrafo anterior, incrementarase nun 0,8 o número real de membros que compoñen a unidade familiar.
2. Todos os usuarios aboarán a contía de once mensualidades por curso, salvo as excepcións establecidas na normativa reguladora destes centros.
3. Se por calquera motivo distinto ao período de vacacións anuais, o centro permanecese pechado durante un número superior a quince días hábiles consecutivos, non se aboará a tarifa que corresponda a este período.
4. A inasistencia do usuario durante un período determinado non supón redución ningunha nin exención da tarifa, mentres non se formalice a baixa correspondente.
Non obstante, e con carácter excepcional, aqueles usuarios que por motivos de saúde deixen de asistir ao centro temporalmente, estarán exentos de aboar a cota mensual desde o primeiro día do segundo mes natural seguinte á data de comezo do período de ausencia. Esta suspensión temporal durará ata o día primeiro do mes natural en que o usuario se reincorpore ao centro. Non obstante, se a reincorporación se produce con posterioridade ao día 15 do mes, a cota correspondente ao dito mes reducirase nun 50%.
Nestes casos a solicitude de exención da tarifa, durante o período que corresponda, xunto coa acreditación documental da circunstancia que a motiva, deberá presentarse ante o/a delegado/a provincial.
Artigo 15º.-Revisión da tarifa.
Ao longo do curso poderase proceder á revisión da tarifa fixada inicialmente, cando concorran e se xustifiquen variacións socioeconómicas na unidade familiar referidas aos seguintes casos:
a) Modificación das variables que determinan os descontos recollidos no decreto regulador de prezos destes centros, anexo III.3.
b) Variacións nos seus ingresos, sempre que estes sufrisen durante máis de seis meses consecutivos e mantivesen na data de revisión da tarifa unha dimi-
nución ou incremento do 25%, fronte aos ingresos declarados na solicitude de praza.
Neste sentido, o beneficiario queda obrigado a comunicar calquera variación que se produza ao respecto.
A modificación da tarifa, se é o caso, será resolta polo/a delegado/a provincial e aplicarase a partir da data da súa revisión.
Artigo 16º.-Baixas.
Causarase baixa nos centros de atención á primeira infancia por algunha das circunstancias seguintes:
1. Por cumprimento da idade máxima regulamentaria de permanencia no centro.
2. Por solicitude dos pais ou representantes legais.
3. Por non pagar a cota establecida durante dous meses consecutivos ou tres alternos, calquera que sexa o curso escolar a que se refire a débeda.
4. Por comprobación de falsidade nos documentos ou datos presentados.
5. Por incompatibilidade ou inadaptación absoluta para permanecer no centro.
6. Por falta de asistencia continuada durante un mes sen causa xustificada.
As baixas comprendidas no punto 5 anterior serán resoltas, por proposta do/a delegado/a provincial, unha vez oídas a dirección do centro e mailos pais ou representantes legais do neno/a, pola Dirección Xeral de Familia. Nos demais supostos será competente o/a delegado/a provincial.
As baixas producidas ao longo do curso escolar por calquera dos motivos anteriormente expostos cubriranse coas solicitudes que quedasen en lista de espera en cada grupo de idade, por rigorosa orde de puntuación.
Artigo 17º.-Participación dos pais.
Desde a dirección dos centros fomentarase a colaboración dos pais co centro e as relacións co persoal deste, así como a súa participación nos órganos colexiados que se puidesen crear.
Disposición derrogatoria
Quedan sen efecto todas as disposicións anteriores de igual ou inferior rango que se opoñan ao disposto nesta orde, especialmente a Orde do 16 de febreiro de 2004.
Disposicións derradeiras
Primeira.-Facúltase a directora xeral de Familia para que dite, no ámbito das súas competencias, as resolucións necesarias para o desenvolvemento e cumprimento desta orde.
Segunda.-Esta orde entrará en vigor o día da súa publicación no Diario Oficial de Galicia.
Santiago de Compostela, 1 de marzo de 2005.
Pilar Rojo Noguera
Conselleira de Familia, Xuventude, Deporte
e Voluntariado
ANEXO VI
Relación de centros partícipes no Programa Cheque Infantil na comunidade autonoma no curso 2005-2006
Código do centro Nome do centro Enderezo Concello Provincia
1 5 3 1 0 1 A Cabaniña A Cabana, 59. Someso A Coruña A Coruña
1 5 3 1 0 4 Cardo Miramar - Castrillón, 14 - baixo A Coruña A Coruña
1 5 3 1 0 5 Carmen Cervigón Avenida de Labañou, 2 A Coruña A Coruña
1 5 3 1 0 6 Coros R/ Médico Rodríguez, 5 - local 1 A Coruña A Coruña
1 5 3 1 0 7 Cucos R/ Puerto Rico, 4 - baixo A Coruña A Coruña
1 5 3 1 0 8 Enredos R/ Río Ézaro, 7 A Coruña A Coruña
1 5 3 1 0 9 Globos R/ Virrey Ossorio, 41 A Coruña A Coruña
1 5 3 1 1 1 Lapiceros R/ Tenente Coronel Teijeiro, 5 A Coruña A Coruña
1 5 3 1 1 2 Os Picariños R/ Barcelona, 93 - baixo A Coruña A Coruña
1 5 3 1 1 4 Rapaciños R/ Mosteiro de Caaveiro, 26 A Coruña A Coruña
1 5 3 1 1 5 Golfiño R/ Curramontes, 31 A Coruña A Coruña
1 5 3 1 1 6 Xénesis Avenida das Conchiñas, 1 - 1º A Coruña A Coruña
1 5 3 1 1 7 Bolboreta Emilio González López, 76-78 - baixo A Coruña A Coruña
1 5 3 1 1 8 Pibes Mesoiro, s/n A Coruña A Coruña
1 5 3 1 1 9 Virgen del Carmen Eirís de Arriba A Coruña A Coruña
1 5 3 1 2 0 Nazaret Arquitecto Rey Pedreira, 2-4 A Coruña A Coruña
1 5 3 1 2 1 Esclavas Sagrado Corazón de Jesús Paseo de Ronda, 57 A Coruña A Coruña
1 5 3 1 2 2 A Toupiña Fuente de San Amaro, 2 A Coruña A Coruña
1 5 3 1 2 3 Dana Pozo, 11 A Coruña A Coruña
1 5 0 2 0 1 Os Peques R/ Pardiñeiros, 6 - local 2. Milladoiro Ames A Coruña
1 5 0 2 0 2 Garabatos Polg. Ind. Milladoiro - As Palmeiras, nave 111C Ames A Coruña
1 5 0 5 0 1 Os Cativiños R/ Mestre Mateo, 3 - baixo Arteixo A Coruña
1 5 0 5 0 2 Vagalume Travesía de Oseiro, 8 Arteixo A Coruña
1 5 0 5 0 3 O Berce Avenida de Fisterra - Os Olmos, s/n Arteixo A Coruña
1 5 0 9 0 1 Didascalio Niño Jesús R/ Guiliade, 116 Betanzos A Coruña
1 5 0 9 0 3 Pitufos Alfonso IX, 9 Betanzos A Coruña
1 5 1 1 0 1 Praia Xardín Praia Xardín, 12 Boiro A Coruña
1 5 1 1 0 2 Pitufos Fernández Mato, 11 Boiro A Coruña
1 5 1 7 0 1 Chiquitín R/ Celso Emilio Ferreiro, 29. O Temple Cambre A Coruña
1 5 1 7 0 2 La Barcala R/ Río Mero, 1 - baixo Cambre A Coruña
Código do centro Nome do centro Enderezo Concello Provincia
1 5 1 7 0 3 Os Pequerrechos R/ Constitución, 11-13. Paseo marítimo Cambre A Coruña
1 5 1 7 0 4 Trasnos Drozo, 27 C Cambre A Coruña
1 5 1 7 0 5 A Fraga Encantada Pintor Lucio Múñoz Cambre A Coruña
1 5 1 9 0 1 A Ledicia Avenida Bergantiños, 33-35 Carballo A Coruña
1 5 1 9 0 2 Os Pequerrechos R/ Hórreo, 11 Carballo A Coruña
1 5 2 3 0 1 Asunción Gómez de Castro Camiño Real da Magdalena, 11 - baixo Cedeira A Coruña
1 5 3 2 0 1 O Colo do Vento Xoán Montes, 3 - baixo (Vilaboa) Culleredo A Coruña
1 5 3 2 0 2 Gusiluz Ribados, 9 - baixo Culleredo A Coruña
1 5 3 2 0 3 La Cometa Templarios, 12. O Burgo Culleredo A Coruña
1 5 3 2 0 4 Triciclo Lugar da Chanceira, s/n Culleredo A Coruña
1 5 3 2 0 5 Os Pequerrechos Juan Rey Martínez, 2 Culleredo A Coruña
1 5 4 1 0 1 A Casa dos Nenos R/ Plácido Pedreira Álvarez, 9 - baixo A Laracha A Coruña
1 5 5 3 0 1 Perpetuo Socorro Fonte Vella, s/n Muros A Coruña
1 5 5 3 0 2 Miudiños Serres, 125 - B Muros A Coruña
1 5 5 8 0 1 Cativos Calvario, 16 - 1º esquerda Noia A Coruña
1 5 5 8 0 2 Golfiños Calvario, 19 Noia A Coruña
1 5 5 9 0 1 Reberte Avenida Rosalía de Castro, 35 Oleiros A Coruña
1 5 5 9 0 2 Santa Cristina Avenida Santa Cristina, 22 - baixo Oleiros A Coruña
1 5 5 9 0 3 Parroquial Sta. María de Oleiros Areosa, 1 Oleiros A Coruña
1 5 6 0 0 1 A Granxa Rúa do Camposanto, 25 - baixo Ordes A Coruña
1 5 6 0 0 2 Lúa Casabella, 3 - baixo Ordes A Coruña
1 5 6 1 0 1 Trastes R/ do Deporte, 10 - baixo Oroso A Coruña
1 5 6 8 0 1 Canguro R/ Alexandre Bóveda, 23 - baixo A Pobra do Caramiñal A Coruña
1 5 6 8 0 2 Sandra R/ Venecia, 15 A Pobra do Caramiñal A Coruña
1 5 7 2 0 1 O Parque As Ramblas. Edif. Ramblas. Portosín Porto do Son A Coruña
1 5 7 4 0 1 Os Cativos Rúa dos Irmandiños, 17 Ribeira A Coruña
1 5 7 9 0 2 El Jardín de los Mimos R/ Virxe da Cerca, 21 - baixo Santiago de Compostela A Coruña
1 5 7 9 0 3 Mami Rúa dos Feáns, 9 - baixo Santiago de Compostela A Coruña
1 5 7 9 0 4 Paparolo Campo do Gaio, 10 - baixo Santiago de Compostela A Coruña
1 5 7 9 0 5 Santa Apolonia I Poza Real, 5. A Rocha Santiago de Compostela A Coruña
1 5 7 9 0 6 Santa Apolonia II Poza real, 2. A Rocha Santiago de compostela A Coruña
1 5 7 9 0 7 Snoopy R/ García Prieto, 53 - baixo Santiago de Compostela A Coruña
1 5 7 9 0 8 Brincadeira Salvadas, 47 - baixo Santiago de Compostela A Coruña
1 5 7 9 0 9 Cativos 2 Restollal, 26 Santiago de Compostela A Coruña
1 5 7 9 1 0 Picariños A Rosa, 30 - baixo Santiago de Compostela A Coruña
1 5 8 3 0 1 Cantarela Póboa - Cacheiras, 23. Montouto Teo A Coruña
1 5 8 3 0 2 Popote Edif. Solaina, Pol Cacheiras Teo A Coruña
2 7 2 8 0 1 Bambán Estrada da Granxa, 26 - baixo Lugo Lugo
2 7 2 8 0 2 Barrio Sésamo I R/ Serra Gañidoira, 41 Lugo Lugo
2 7 2 8 0 3 Barrio Sésamo II Avenida de Magoi, 118 Lugo Lugo
2 7 2 8 0 4 Caixa Galicia Polígono Sagrado Corazón, s/n Lugo Lugo
2 7 2 8 0 5 Chiquis Avenida Afonso X O Sabio, 15 - baixo M Lugo Lugo
2 7 2 8 0 6 La Muralla Rúa Nova, 122 Lugo Lugo
2 7 2 8 0 7 Quicos R/ Yáñez Rebolo, 75 Lugo Lugo
2 7 2 8 0 8 Maghoi Marina Española esquina Armónica Lugo Lugo
2 7 3 1 0 1 Caixa Galicia R/ Eduardo Pondal, s/n Monforte de Lemos Lugo
2 7 5 6 0 1 Pumuky R/ Porvir, 14 Sarria Lugo
3 2 0 8 0 1 De Cero a Tres Avenida de Celanova, 106 - baixo Barbadás Ourense
3 2 0 8 0 2 Hadas e Duendes Conde Vallellano, 45 - entresollado Barbadás Ourense
3 2 0 9 0 1 Los Juglares Vega de Cabo, s/n O Barco Ourense
3 2 0 9 0 2 Parrulos R/ Conde Fenosa, 88 O Barco Ourense
3 2 1 9 0 1 Vila do Arenteiro R/ Corzos, 6 O Carballiño Ourense
3 2 1 9 0 2 Arco Iris Conde Vallellano, 45 - entresollado O Carballiño Ourense
3 2 5 1 0 1 A Casiña R/ Vasco da Ponte, 4 Ourense Ourense
3 2 5 1 0 2 Arlequín R/ Nosa Señora da Saínza, 5 - baixo Ourense Ourense
3 2 5 1 0 3 Bambi R/ Río Limia, 3 - baixo Ourense Ourense
3 2 5 1 0 4 Colorines R/ Teluro, 2 Ourense Ourense
3 2 5 1 0 5 Lazos R/ Irmáns da Xesta, 2 - baixo Ourense Ourense
3 2 5 1 0 6 Lecer R/ Porto Carreiro, 10-12 Ourense Ourense
3 2 5 1 0 7 Los Tilos R/ Alfredo Brañas, 62 A Ourense Ourense
3 2 5 1 0 8 Mª Victoria R/ Cadaval Valladares, 3 Ourense Ourense
3 2 5 1 0 9 Nuestra Señora de la Merced R/ Remedios, 58 - baixo Ourense Ourense
3 2 5 1 1 1 Pulgarcito Praza Mestre Luis Fernández, 1 - baixo Ourense Ourense
3 2 5 1 1 2 Pulgarcito R/ Río Xares, 29 - baixo Ourense Ourense
3 2 5 1 1 3 Rapaciños R/ Padre Faustino Míguez, 6 - baixo Ourense Ourense
3 2 5 1 1 4 Cativos R/ Nosa Señora da Saínza, 32 Ourense Ourense
3 2 5 1 1 5 Decroly Praza da Lexión, 5 - baixo Ourense Ourense
Código do centro Nome do centro Enderezo Concello Provincia
3 2 5 1 1 6 Papaventos San Rosendo, 1 - baixo Ourense Ourense
3 2 5 5 0 1 Colexio Miraflores Finca Caracochas - Monterrei Pereiro de Aguiar Ourense
3 2 8 2 0 1 Pinocho Estrada de Laza, 71 Verín Ourense
3 2 8 2 0 2 O Castro Camiño da Glorieta, 16 Verín Ourense
3 6 0 9 0 1 Beni Camiño de San Roque, 31 Cangas Pontevedra
3 6 1 6 0 1 Pequenecos Lugar Porto de Gómez Cuntis Pontevedra
3 6 2 7 0 1 Carmiña R/ Jaime Janer, 139 - baixo Marín Pontevedra
3 6 2 7 0 2 Vagalume Doctor Touriño, 28 - baixo Marín Pontevedra
3 6 3 0 0 1 Mimos A Xunqueira, s/n Moaña Pontevedra
3 6 3 4 0 1 Baby-Lar Avenida do Aeroporto, 50 Mos Pontevedra
3 6 3 6 0 1 Pupo Bernardo Vázquez, 41 - baixo Nigrán Pontevedra
3 6 3 6 0 2 La Guarde Manuel Lemos, 99 Nigrán Pontevedra
3 6 3 6 0 3 Pequerrechos Vilariño, s/n - A Ramallosa Nigrán Pontevedra
3 6 4 4 0 1 Garabatos Torneiros - Ribeira O Porriño Pontevedra
3 6 4 4 0 2 Peluche Ourense, 7 O Porriño Pontevedra
3 6 4 1 0 1 Pasiños Trovador Xoan García Guillade Ponteareas Pontevedra
3 6 4 3 0 1 Bamby R/ San Roque de Abaixo, 1 Pontevedra Pontevedra
3 6 4 3 0 2 Chiquis R/ Alcalde Hevia, 8 - baixo Pontevedra Pontevedra
3 6 4 3 0 3 El Abeto R/ Ernesto Caballero, 19 - baixo Pontevedra Pontevedra
3 6 4 3 0 4 Globos R/ Pintor Manuel Colmeiro, 7 Pontevedra Pontevedra
3 6 4 3 0 6 Parrulos Praza Fermín Bouza Brey - baixo Pontevedra Pontevedra
3 6 4 6 0 1 Las Palmeras Subida á Estación, 2 - Altamira Redondela Pontevedra
3 6 4 6 0 2 Rapaciños R/ Picota, 64 - baixo Redondela Pontevedra
3 6 5 0 0 1 Xoaniña Altamira, 30 - baixo Salceda de Caselas Pontevedra
3 6 5 6 0 1 La Camelia Pallanes, 36 Tui Pontevedra
3 6 5 8 0 1 A Camelia Rúa do Brabo, 36 - Urb. Samil Vigo Pontevedra
3 6 5 8 0 2 Abrente R/ Xulia Minguillón, 3 Vigo Pontevedra
3 6 5 8 0 3 Alve R/ Nicaragua, 50 Vigo Pontevedra
3 6 5 8 0 4 Bussy R/ Xoán de Bastos, 35. Beirán Vigo Pontevedra
3 6 5 8 0 5 Divino Salvador Estrada ao Vao, 49. Coruxo Vigo Pontevedra
3 6 5 8 0 6 Dumbo Couto de San Honorato, 5 Vigo Pontevedra
3 6 5 8 0 7 Lacaba Avenida Europa, 75 Vigo Pontevedra
3 6 5 8 0 8 Los Olivos R/ Marqués de Alcedo, 1 Vigo Pontevedra
3 6 5 8 0 9 Los Robles Avenida da Florida, 34 Vigo Pontevedra
3 6 5 8 1 0 Meniños R/ Barcelona, 80 - baixo Vigo Pontevedra
3 6 5 8 1 1 O Castro Atalaia do Castro, 42 Vigo Pontevedra
3 6 5 8 1 2 O Xardín Gran Vía, 101 Vigo Pontevedra
3 6 5 8 1 3 Os Milagros R/ Portela Interior, 3 Vigo Pontevedra
3 6 5 8 1 4 Pitufos R/ Portela, 50 Vigo Pontevedra
3 6 5 8 1 5 Tartaruga Gran Vía, 175 Vigo Pontevedra
3 6 5 8 1 6 Aceimar Avenida da Ponte, 8 Vigo Pontevedra
3 6 5 8 1 7 Lúa Estrada Camposancos, 250 Vigo Pontevedra
3 6 5 8 1 8 Kidd's Garden Gran Vía, 77 Vigo Pontevedra
3 6 5 8 1 9 Esme Couto, 37 Vigo Pontevedra